រដ្ឋបាលស្រុកជុំគិរី ខេត្តកំពត

  • Home
  • Cambodia
  • Kâmpôt
  • រដ្ឋបាលស្រុកជុំគិរី ខេត្តកំពត

រដ្ឋបាលស្រុកជុំគិរី ខេត្តកំពត ព័ត៌មានទូទៅក្នុងស្រុកជុំគិរី

👉សកម្មភាពថ្នាក់ដឹកនាំ និងមន្រ្តីរាជការរដ្ឋបាលស្រុក រួមគ្នាក្នុងចលនា «ដាំថ្ងៃនេះ ដើម្បីម្លប់ថ្ងៃស្អែក»ការដាំកូនឈើ មិនមែនគ...
27/08/2026

👉សកម្មភាពថ្នាក់ដឹកនាំ និងមន្រ្តីរាជការរដ្ឋបាលស្រុក រួមគ្នាក្នុងចលនា «ដាំថ្ងៃនេះ ដើម្បីម្លប់ថ្ងៃស្អែក»

ការដាំកូនឈើ មិនមែនគ្រាន់តែជាការដាក់កូនឈើមួយដើមចូលទៅក្នុងដីនោះទេ។ វាជាការចាប់ផ្តើមនៃក្តីសង្ឃឹមមួយ ដែលត្រូវការការខិតខំ អត់ធ្មត់ និងការថែទាំជាបន្តបន្ទាប់។

ពីដីមួយកន្លែង ក្លាយជាកន្លែងនៃការលូតលាស់របស់កូនឈើ ពីកូនឈើតូចមួយ ក្លាយជាដើមឈើធំ ហើយពីដើមឈើមួយដើម ក្លាយជាម្លប់ ជម្រក អាហារ និងជីវិតសម្រាប់មនុស្ស សត្វ និងធម្មជាតិ។

យើងប្រហែលជាមិនទាន់បានអង្គុយក្រោមម្លប់របស់វានៅថ្ងៃនេះ ប៉ុន្តែការដែលយើងដាំវានៅថ្ងៃនេះ គឺជាការផ្តល់ម្លប់ដល់មនុស្សជំនាន់ក្រោយ។ អ្វីដែលយើងធ្វើដោយស្ងៀមស្ងាត់នៅថ្ងៃនេះ អាចក្លាយជាអត្ថប្រយោជន៍ដ៏ធំសម្រាប់អ្នកដទៃនៅថ្ងៃអនាគត។

ដាំដើមឈើ គឺដាំក្តីសង្ឃឹម។ ថែរក្សាធម្មជាតិ គឺថែរក្សាជីវិត។ ដាំថ្ងៃនេះ ដើម្បីផ្តល់ម្លប់ដល់ថ្ងៃស្អែក។ 🌱🌳

#ជុំគិរី នារសៀលថ្ងៃទី២៧ ខែសីហា ឆ្នាំ២០២៦លោកស្រី ង៉ែត សូរ្យសែង អភិបាល នៃគណៈអភិបាលស្រុក បានដឹកនាំកិច្ចប្រជុំ ដើម្បីពិភាក្...
27/08/2026

#ជុំគិរី នារសៀលថ្ងៃទី២៧ ខែសីហា ឆ្នាំ២០២៦

លោកស្រី ង៉ែត សូរ្យសែង អភិបាល នៃគណៈអភិបាលស្រុក បានដឹកនាំកិច្ចប្រជុំ ដើម្បីពិភាក្សា និងដោះស្រាយបញ្ហាប្រឈមមួយចំនួនពាក់ព័ន្ធនឹងការគ្រប់គ្រង ការរៀបចំសណ្តាប់ធ្នាប់ និងប្រតិបត្តិការនៅក្នុងផ្សារជុំគិរី។

កិច្ចប្រជុំបានរៀបចំឡើងនៅសាលប្រជុំក្រុមប្រឹក្សាស្រុក ដោយមានការចូលរួមពី លោកអភិបាលរងស្រុក លោកប្រធានក្រុមហ៊ុនអគ្គិសនីទឹកឈូ លោកមេឃុំត្រពាំងរាំង ព្រមទាំងអ្នកវិនិយោគ និងអ្នកប្រមូលភាស៊ីផ្សារជុំគិរី។

ជាមួយគ្នានេះ លោកស្រីអភិបាលស្រុក បានណែនាំដល់អ្នកវិនិយោគ និងអ្នកប្រមូលភាស៊ីផ្សារជុំគិរី ឱ្យយកចិត្តទុកដាក់រៀបចំសណ្តាប់ធ្នាប់ អនាម័យ និងបរិស្ថានក្នុងបរិវេណផ្សារ ឱ្យមានភាពស្អាត មានរបៀបរៀបរយ និងមិនបង្កការរាំងស្ទះដល់ការធ្វើដំណើរ និងការប្រកបអាជីវកម្មរបស់ប្រជាពលរដ្ឋ។ ជាពិសេស ត្រូវរៀបចំទីតាំងលក់ដូរ និងសម្ភារៈផ្សេងៗឱ្យបានត្រឹមត្រូវ មិនរំលោភលើផ្លូវ ឬទីតាំងសាធារណៈ និងត្រូវសហការជាមួយអាជ្ញាធរមូលដ្ឋាន ក្នុងការដោះស្រាយបញ្ហាប្រឈមនានាដែលកើតមានក្នុងផ្សារ។

លោកស្រីអភិបាលស្រុក ក៏បានណែនាំដល់ក្រុមហ៊ុនអគ្គិសនីទឹកឈូ ឱ្យចុះពិនិត្យបណ្តាញអគ្គិសនីនៅក្នុងបរិវេណផ្សារ និងតាមទីតាំងនានាក្នុងស្រុក ដែលមានបញ្ហាបច្ចេកទេស ជាពិសេសការបោះបង្គោលអគ្គិសនីមានចម្ងាយមិនសមស្រប ដែលអាចបណ្តាលឱ្យខ្សែភ្លើងធ្លាក់យារ ឬបង្កហានិភ័យដល់ប្រជាពលរដ្ឋ។ ដូច្នេះ ត្រូវពិនិត្យ កែលម្អ និងរៀបចំបណ្តាញអគ្គិសនីឡើងវិញ ឱ្យស្របតាមលក្ខណៈបច្ចេកទេស និងមានសុវត្ថិភាព ដើម្បីបង្ការ និងកាត់បន្ថយហានិភ័យដែលអាចកើតមាន ជាពិសេសហានិភ័យអគ្គិភ័យ និងគ្រោះថ្នាក់ដែលអាចបណ្តាលមកពីប្រព័ន្ធអគ្គិសនី។

ជាចុងក្រោយ លោកស្រីអភិបាលស្រុក បានស្នើឱ្យគ្រប់ភាគីពាក់ព័ន្ធបន្តសហការ និងអនុវត្តតាមការណែនាំខាងលើ ដោយយកចិត្តទុកដាក់ខ្ពស់លើសុវត្ថិភាព សណ្តាប់ធ្នាប់ អនាម័យ និងផលប្រយោជន៍របស់អាជីវករ និងប្រជាពលរដ្ឋ ដើម្បីធានាឱ្យការគ្រប់គ្រង និងប្រតិបត្តិការផ្សារជុំគិរី ប្រព្រឹត្តទៅដោយរលូន មានប្រសិទ្ធភាព និងមានសុវត្ថិភាព។

#ជុំគិរី នាព្រឹកថ្ងៃទី២២ ខែសីហា ឆ្នាំ២០២៦រដ្ឋបាលស្រុកជុំគិរី អនុវត្តតាមកិច្ចចង្អុលការរបស់ ឯកឧត្តមបណ្ឌិត ម៉ៅ ធនិន អភិបាល...
22/08/2026

#ជុំគិរី នាព្រឹកថ្ងៃទី២២ ខែសីហា ឆ្នាំ២០២៦

រដ្ឋបាលស្រុកជុំគិរី អនុវត្តតាមកិច្ចចង្អុលការរបស់ ឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្ត បានរៀបចំកិច្ចប្រជុំសម្របសម្រួល ស្វែងរកដំណោះស្រាយជូនប្រជាពលរដ្ឋ ពាក់ព័ន្ធនឹងការប្រើប្រាស់ រថយន្តដឹកដី និងអេស្កាវ៉ាទ័រ (គ្រឿងចក្រកាយដី) ដោយគ្មានលិខិតអនុញ្ញាត ដែលត្រូវបានមន្រ្តីជំនាញសហការឃាត់ទុកកាលពីថ្ងៃទី៤ ខែសីហា ឆ្នាំ២០២៦។

កិច្ចប្រជុំនេះដឹកនាំដោយ ឯកឧត្តម ង៉ាន់ ថារិទ្ធ តំណាងដ៏ខ្ពង់ខ្ពស់ ឯកឧត្តមបណ្ឌិត ម៉ៅ ធនិន ដោយមានការចូលរួមពីលោកប្រធានមន្ទីររ៉ែ និងថាមពល លោកស្រី ង៉ែត សូរ្យសែង អភិបាល នៃគណៈអភិបាលស្រុក និងមន្ត្រីជំនាញពាក់ព័ន្ធ។

ជាលទ្ធផល ករណីនេះត្រូវបានដោះស្រាយបញ្ចប់ស្របតាមនិតិវិធីច្បាប់ ព្រមទាំងបានបានធ្វើកំហត់ហេតុ ប្រគល់ រថយន្ត និងគ្រឿងចក្រ ជូនម្ចាស់ដើមវិញស្របតាមអនុសាសន៍របស់ឯកឧត្តមបណ្ឌិត ម៉ៅ ធធិន អភិបាល នៃគណៈអភិបាលខេត្តកំពត ប្រកបដោយការយោគយល់អធ្យា ស្រ័យខ្ពស់ក្នុងន័យសុខទុក្ខប្រជាពលរដ្ឋ។ ជាមួយគ្នានេះ ប្រជាពលរដ្ឋត្រូវបានណែនាំឱ្យគោរព និងអនុវត្តតាម ច្បាប់ និងបទប្បញ្ញត្តិពាក់ព័ន្ធក្នុងការធ្វើអាជីវកម្មដើម្បីធានាបាននូវការគ្រប់ គ្រងធនធានរ៉ែប្រកបដោយប្រសិទ្ធិភាព។

#ជុំគិរី នាឱកាសចូលរួមកម្មវិធីប្រគល់ផ្ទះនេះផងដែរ លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានឆ្លៀតឱកាសជួបសំណ...
20/08/2026

#ជុំគិរី

នាឱកាសចូលរួមកម្មវិធីប្រគល់ផ្ទះនេះផងដែរ លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានឆ្លៀតឱកាសជួបសំណេះសំណាល សួរសុខទុក្ខ និងណែនាំខ្លួនជូនបងប្អូនប្រជាពលរដ្ឋ ព្រមទាំងផ្តល់អនុសាសន៍ និងស្តាប់មតិយោបល់ សំណូមពររបស់ប្រជាពលរដ្ឋ ដើម្បីពង្រឹងភាពស្និទ្ធស្នាល និងទំនាក់ទំនងរវាងអាជ្ញាធរ និងប្រជាពលរដ្ឋ។

ជាមួយគ្នានេះ លោកស្រីអភិបាលបានណែនាំ និងលើកទឹកចិត្តដល់បងប្អូនអតីតយុទ្ធជន និងនិវត្តជន ព្រមទាំងក្រុមគ្រួសារដែលទទួលបានផ្ទះ ឱ្យចងចាំនូវគុណូបការៈដ៏ថ្លៃថ្លា និងដឹងគុណយ៉ាងជ្រាលជ្រៅចំពោះ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំង សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ដែលបានយកចិត្តទុកដាក់ គិតគូរ និងផ្តល់ការគាំពារដល់អតីតយុទ្ធជន និងនិវត្តជន ព្រមទាំងក្រុមគ្រួសារ ដែលបានលះបង់កម្លាំងកាយចិត្ត និងរួមចំណែកក្នុងបុព្វហេតុជាតិ និងប្រជាជនកម្ពុជា។

ការទទួលបានផ្ទះនាពេលនេះ គឺជាសក្ខីភាពនៃការយកចិត្តទុកដាក់ដ៏ថ្លៃថ្លា និងការដឹងគុណចំពោះការលះបង់របស់បងប្អូនអតីតយុទ្ធជន និងនិវត្តជន។ លោកស្រីអភិបាលបានស្នើឱ្យបងប្អូន និងក្រុមគ្រួសារ ថែរក្សាផ្ទះដែលទទួលបានឱ្យបានល្អ និងប្រើប្រាស់ឱ្យមានប្រយោជន៍ ដើម្បីជាជម្រកដ៏កក់ក្តៅ និងសុវត្ថិភាពសម្រាប់គ្រួសារ។

#ជុំគិរី ថ្ងៃទី២០ ខែសីហា ឆ្នាំ២០២៦លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានដឹកនាំក្រុមការងាររដ្ឋបាលស្រុក...
20/08/2026

#ជុំគិរី ថ្ងៃទី២០ ខែសីហា ឆ្នាំ២០២៦

លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានដឹកនាំក្រុមការងាររដ្ឋបាលស្រុក ចូលរួមជាមួយ ឯកឧត្តម សរ សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកជុំគិរី និងលោកជំទាវ ប៉ុក ករុណា ជំនួយការឧបនាយករដ្ឋមន្ត្រី សាយ សំអាល់ ក្នុងកម្មវិធីប្រគល់ផ្ទះជូនគ្រួសារអតីតយុទ្ធជន និងនិវត្តជន ក្នុងមូលដ្ឋានស្រុកជុំគិរី។

ផ្ទះដែលបានប្រគល់ជូននេះ គឺជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងសម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ដែលបានផ្តល់ជូនដើម្បីរួមចំណែកដោះស្រាយការលំបាក និងលើកកម្ពស់ជីវភាពរស់នៅរបស់គ្រួសារអតីតយុទ្ធជន និងនិវត្តជន។

ការផ្តល់ផ្ទះជូននាពេលនេះ មិនត្រឹមតែជាការផ្តល់ជម្រករស់នៅប្រកបដោយសុវត្ថិភាព និងភាពសមរម្យប៉ុណ្ណោះទេ ប៉ុន្តែថែមទាំងជាការបង្ហាញពីការយកចិត្តទុកដាក់ និងការគិតគូរខ្ពស់ របស់រាជរដ្ឋាភិបាលកម្ពុជា ចំពោះអតីតយុទ្ធជន និងនិវត្តជន ដែលបានលះបង់កម្លាំងកាយចិត្ត និងអាយុជីវិត ក្នុងបុព្វហេតុការពារជាតិ និងបម្រើប្រជាជន។

#រដ្ឋបាលស្រុកជុំគិរី
#អតីតយុទ្ធជន
#និវត្តជន
#សុខុមាលភាពប្រជាពលរដ្ឋ

#រដ្ឋបាលស្រុកជុំគិរីព្រឹកថ្ងៃទី២០ ខែសីហា​ ឆ្នាំ២០២៦@វេទិកាផ្សព្វផ្សាយការដាក់ឱ្យប្រេីប្រាស់ជាផ្លូវការនូវកម្មវិធីទូរសព្ទដ...
20/08/2026

#រដ្ឋបាលស្រុកជុំគិរី
ព្រឹកថ្ងៃទី២០ ខែសីហា​ ឆ្នាំ២០២៦
@វេទិកាផ្សព្វផ្សាយការដាក់ឱ្យប្រេីប្រាស់ជាផ្លូវការនូវកម្មវិធីទូរសព្ទដៃ​ "មតិយេីង"
លោក​ អ៊ូ​ រ៉ាឌី​ អភិបាល​រង​ នៃគណ:អភិបាលស្រុក​ បានចូលរួមកម្មវិធីវេទិកានេះ ដោយមានសមាសភាពមកពីបណ្ដាឃុំ​ ភូមិ​ ការិយាល័យចំណុះរដ្ឋបាលស្រុក​ ក្រោមអធិបតីភាពឯ.ឧ.​ ស៊ីវ​ ផេង​ សមាជិកក្រុមប្រឹក្សាខេត្ត​ ដែលប្រព្រឹត្តឡេីងនៅសាលប្រជុំសាលាស្រុកជុំគិរី។
​ កម្មវិធីនេះរៀបចំឡេីងក្នុងគោលបំណងសម្រាប់ធ្វេីការទទួលមតិយោបល់របស់ប្រជាពលរដ្ឋពាក់ព័ន្ធនឹងការផ្តល់សេវាសាធារណ:​ និងការគ្រប់គ្រងរដ្ឋ​បាលថ្នាក់ក្រោមជាតិ។ បបន្ថែមពីនេះកម្មវិធីទូរស័ព្ទក៏អាចផ្តល់ព័ត៌មានអំពីការដាក់បណ្ដឹង​ និងព័ត៌មានផ្សេងៗមកកាន់ការិយាល័យប្រជាពលរដ្ឋ​ និងពិនិត្យមេីលដំណេីរការសម្រុះសម្រួលដោះស្រាយបណ្ដឹងរបស់ការិយាល័យប្រជាពលរដ្ឋ​ ។

#ស្រុកជុំគិរី ព្រឹកថ្ងៃទី១៩ .០៨.២០២៦ លោក​ ទូច​ យីម​ ប្រធាន និង មន្ត្រីការិយាលយ័កសិកម្ម ធនធានធម្មជាតិ និង បរិស្ថានស្រុក ...
19/08/2026

#ស្រុកជុំគិរី
ព្រឹកថ្ងៃទី១៩ .០៨.២០២៦
លោក​ ទូច​ យីម​ ប្រធាន និង មន្ត្រីការិយាលយ័កសិកម្ម ធនធានធម្មជាតិ និង បរិស្ថានស្រុក ចុះមើលកសិករ ដាំបន្លែ ត្រប់សំបកស្រួយផ្ទៃដី ១.៥ ហ.ត និង ម្ទេស ១ហ.ត នៅ ភូមិ ត្រពាំងវែង ឃុំត្រពាំងរាំង ។
បានពិភាក្សា ពីបច្ចេកទេស (ដាំដុះ . ការថែទាំ) និង បញ្ហាប្រឈម​ក្នុងនោះការប្រមូលផល ត្រប់ ១ថ្ងៃ បាន៤០០គ.ក្រ​ លក់បានតម្លៃ ១គ.ក្រ ១.០០០៛ បោះដុំទៅ ភ្នំពេញម្ទេស មានបញ្ហា(រលួយផ្លែ) បានផ្តល់នូវបច្ចេកទេសថែទាំជូនគាត់រួចក៍ដូចជាការយកចិត្តទុកដាក់ចុះមើលពួកគាត់ជាប្រចាំ​ ឃីញថាមានផ្លៃឡើងវិញបណ្តើៗពុំមានរលួយដូចមុនទេ។

#រដ្ឋបាលស្រុកជុំគិរី លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានផ្តល់ជូនឧបករណ៍វិទ្យុទាក់ទង (អាយកូម) ...
14/08/2026

#រដ្ឋបាលស្រុកជុំគិរី
លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានផ្តល់ជូនឧបករណ៍វិទ្យុទាក់ទង (អាយកូម) ចំនួន ២៥ គ្រឿង ជូនដល់ថ្នាក់ដឹកនាំ មន្ត្រីរាជការរដ្ឋបាលស្រុក កងកម្លាំងប្រដាប់អាវុធ និងរដ្ឋបាលឃុំទាំង ០៧ ដើម្បីប្រើប្រាស់ក្នុងការអនុវត្តការងារ និងសម្រួលការទំនាក់ទំនងការងារប្រចាំថ្ងៃ។
ការផ្តល់ជូននេះ គឺជាការរួមចំណែកក្នុងការពង្រឹងកិច្ចសហការរវាងរដ្ឋបាលស្រុក កងកម្លាំងប្រដាប់អាវុធ និងរដ្ឋបាលឃុំ ឱ្យមានការទំនាក់ទំនង និងសម្របសម្រួលការងារបាន ឆាប់រហ័ស ទាន់ពេលវេលា និងមានប្រសិទ្ធភាព ជាពិសេសក្នុងការអនុវត្តការងាររួម ការរក្សាសន្តិសុខ សណ្តាប់ធ្នាប់ និងការបម្រើប្រជាពលរដ្ឋក្នុងមូលដ្ឋាន។

#ជុំគិរី

#រដ្ឋបាលស្រុកជុំគិរីព្រឹកថ្ងៃទី១៣​ ខែសីហា​ ឆ្នាំ២០២៦ #វេទិកាសាធារណ:លោកស្រី​ ង៉ែត​ សូរ្យសែង​ អភិបាល​ នៃគណ:អភិបាលស្រុក​ ប...
13/08/2026

#រដ្ឋបាលស្រុកជុំគិរី

ព្រឹកថ្ងៃទី១៣​ ខែសីហា​ ឆ្នាំ២០២៦
#វេទិកាសាធារណ:
លោកស្រី​ ង៉ែត​ សូរ្យសែង​ អភិបាល​ នៃគណ:អភិបាលស្រុក​ បានចូលរួមវេទិកាក្រុមការងាររាជរដ្ឋាភិបាលចុះមូលដ្ឋាន​ ដេីម្បីត្រួតពិនិត្យការគាំទ្រ​ និងជំរុញការអនុវត្តកម្មវិធីនយោបាយ​ និងយុទ្ធសាស្រ្តបញ្ចកោណដំណាកកាលទី១​ និងកំណែទម្រង់នានារបស់រដ្ឋាពិបាលកម្ពុជាអាណត្តិទី៧​ ស្ថិតនៅភូមិតាទែន​ ឃុំច្រេស​ ស្រុកជុំគិរី​ ខេត្តកំពត។ ក្រោយបញ្ចប់វេទិកាលោកស្រីអភិបាលបានចុះពិនិត្យទីតាំងផ្ទាល់ដេីម្បីស្វែងរកដំណោះស្រាយជូនបងប្អូនប្រជាពលរដ្ឋក្នុងការរំដោះទឹកលិចនារដូវវស្សា​ ក្នុងនោះលោកស្រីបានឧបត្ថម្ភអង្ករចំនួន20kg ដល់លោកយាយ​ ពៅ​ អូច​ ដែលមានជីវភាពខ្លះខ្វាត​ ។
​ ក្រោយបញ្ចប់ការងារមូលដ្ឋាន​ លោកស្រីអញ្ជេីញចុះពិនិត្យទីតាំងសាលាឃុំច្រេសដើម្បីជំរុញបន្ថែមការងារផ្តល់សេវាជូនប្រជាពលរដ្ឋឱ្យកាន់តែល្អប្រសើរ។

នាព្រឹកថ្ងៃទី១០ ខែសីហា ឆ្នាំ២០២៦ លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានជួបពិភាក្សាជាមួយតំណាងសមាគ...
11/08/2026

នាព្រឹកថ្ងៃទី១០ ខែសីហា ឆ្នាំ២០២៦
លោកស្រី ង៉ែត សូរ្យសែង អភិបាល នៃគណៈអភិបាលស្រុកជុំគិរី បានជួបពិភាក្សាជាមួយតំណាងសមាគមន៍តំបន់ទេសចរណ៍ម្លេច លោកមេឃុំ និងភាគីពាក់ព័ន្ធ ដើម្បីពិភាក្សាអំពីសំណើ សំណូមពរ និងទិសដៅរួមរវាងរដ្ឋបាលស្រុក និងសហគមន៍ ក្នុងការជំរុញការអភិវឌ្ឍតំបន់ទេសចរណ៍។
ក្នុងជំនួបនេះ ភាគីពាក់ព័ន្ធបានលើកឡើងអំពីបញ្ហាប្រឈម សក្តានុពល និងសំណើមួយចំនួន ដែលពាក់ព័ន្ធនឹងការទាក់ទាញភ្ញៀវទេសចរណ៍ ការលើកកម្ពស់សកម្មភាពវិនិយោគ និងការអភិវឌ្ឍវិស័យពាក់ព័ន្ធនានា ដើម្បីឱ្យតំបន់ទេសចរណ៍ម្លេចកាន់តែមានភាពទាក់ទាញ និងមានការរីកចម្រើនប្រកបដោយចីរភាព។
ជាមួយគ្នានេះ លោកស្រីអភិបាលស្រុក បានទទួលយកសំណើ និងសំណូមពររបស់សហគមន៍ ដើម្បីសិក្សា និងពិនិត្យលទ្ធភាពបន្ថែម ព្រមទាំងបន្តសហការជាមួយសហគមន៍ និងភាគីពាក់ព័ន្ធ ដើម្បីជំរុញការអភិវឌ្ឍតំបន់ទេសចរណ៍ ការទាក់ទាញវិនិយោគ និងលើកកម្ពស់ជីវភាពប្រជាពលរដ្ឋ ស្របតាមទិសដៅអភិវឌ្ឍរបស់ស្រុកជុំគិរី។

Address

Way 41
Kampot
ភូមិត្រពាំងវែង​ឃុំត្រពាំងរាំង​ស្រុកជុំគិរី​ខេត្តកំពត

Website

Alerts

Be the first to know and let us send you an email when រដ្ឋបាលស្រុកជុំគិរី ខេត្តកំពត posts news and promotions. Your email address will not be used for any other purpose, and you can unsubscribe at any time.

Shortcuts

Share

Category