អង្គភាពច្រកចេញចូលតែមួយខេត្តកំពង់ឆ្នាំង

  • Home
  • Cambodia
  • Kampong Chnang
  • អង្គភាពច្រកចេញចូលតែមួយខេត្តកំពង់ឆ្នាំង

អង្គភាពច្រកចេញចូលតែមួយខេត្តកំពង់ឆ្នាំង OWSU is made to promote the better serving the public service to the people fast, transparency, and accountable.

ថ្នាក់ដឹកនាំ មន្ត្រីផ្នែកជួរមុខ និងផ្នែកជួយក្រោយអង្គភាពច្រកចេញចូលតែមួយ បានជួបសុខទុក្ខ និងនាំយកថវិកាបន្តិចបន្តួចពីការរៃអង...
07/08/2026

ថ្នាក់ដឹកនាំ មន្ត្រីផ្នែកជួរមុខ និងផ្នែកជួយក្រោយអង្គភាពច្រកចេញចូលតែមួយ បានជួបសុខទុក្ខ និងនាំយកថវិកាបន្តិចបន្តួចពីការរៃអង្គាសពីមិត្តភក្ដិ បងប្អូនរួមការងារផ្ដល់ជូនប្អូនស្រីវេន ស្រីលាក់ មន្ត្រីផ្នែកជួរក្រោយទទួលបន្ទុកវិស័យឧស្សាហកម្ម និងសិប្បកម្ម កំពុងសម្រាកព្យាបាលជម្ងឺនៅគេហដ្ឋានប្អូនស្រី ឃុំគោកបន្ទាយ ស្រុករលាប្អៀរ។

ជូនពរប្អូនស្រីឆាប់ជាសះស្បើយ!!!

សហភាពសហព័ន្ធយុវជនកម្ពុជាខេត្តកំពង់ឆ្នាំង មានកិត្តិយសសូមជម្រាបជូនដំណឹងដល់មាតាបិតា អាណាព្យាបាល និងសិស្សានុសិស្សជាបេក្ខជនដែ...
05/08/2026

សហភាពសហព័ន្ធយុវជនកម្ពុជាខេត្តកំពង់ឆ្នាំង មានកិត្តិយសសូមជម្រាបជូនដំណឹងដល់មាតាបិតា អាណាព្យាបាល និងសិស្សានុសិស្សជាបេក្ខជនដែលត្រូវចូលរួមប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ ស្វៃរិន បំពេញវិជ្ជា និងស្វៃរិន បំពេញវិជ្ជា សម័យប្រឡងថ្ងៃទី១០-១១ខែសីហាឆ្នាំ២០២៦ ឱ្យបានជ្រាបថា៖ សហភាពសហព័ន្ធយុវជនកម្ពុជាខេត្តកំពង់ឆ្នាំង បានសហការជាមួយរដ្ឋបាលខេត្តកំពង់ឆ្នាំង មន្ទីរអប់រំ យុវជន និង កីឡាខេត្ត រដ្ឋបាលក្រុង ស្រុក និងកងកម្លាំងសមត្ថកិច្ចខេត្ត ចូលរួមរក្សាសន្តិសុខ សណ្តាប់ធ្នាប់ រៀបរៀបរយខាងក្រៅ មណ្ឌល និងរៀបចំកន្លែងផ្ញើកង់ ម៉ូតូ ចែកទឹកបរិសុទ្ធ និងភេសជ្ជៈជូនសិស្សានុសិស្សដោយឥតគិតថ្លៃ នៅតាមមណ្ឌល ប្រឡងទាំង៨មណ្ឌល រួមមាន៖

1. ក្រុងកំពង់ឆ្នាំងមានចំនួន៤ មណ្ឌល គឺ៖

១. មណ្ឌលវិទ្យាល័យ ព្រះបាទសុរាម្រឹត

២. មណ្ឌលបឋមសិក្សា គំរូក្រុង

៣. មណ្ឌលវិទ្យាល័យ ក្រុងកំពង់ឆ្នាំង

៤. មណ្ឌលបឋមសិក្សា ខ្សាមហ្សច័ន្ទលាភ

II. ស្រុករលាប្អៀរមានចំនួន៤ មណ្ឌល គឺ៖

១. មណ្ឌលវិទ្យាល័យ ប៊ុនរ៉ានីហ៊ុនសែន រលាប្អៀរកើត

២. មណ្ឌលវិទ្យាល័យ ប៊ុនរ៉ានីហ៊ុនសែន រលាប្អៀរលិច

៣. មណ្ឌលបឋមសិក្សា ប៊ុនរ៉ានីហ៊ុនសែន ព្រៃខ្មែរ

៤. មណ្ឌលបឋមសិក្សា គិរីសុវណ្ណវង្ស

អាស្រ័យដូចបានជម្រាបជូនខាងលើ សូមមាតាបិតា ឬអាណាព្យាបាល និងសិស្សានុសិស្សជាបេក្ខជនដែល ត្រូវចូលរួមប្រឡងទាំងអស់មេត្តាជ្រាប និងចូលរួមទទួលយកនូវការផ្តល់ជូនពីក្រុមការងារស.ស.យ.កខេត្តកំពង់ឆ្នាំង

ព័ត៌មានបន្ថែមសូមទំនាក់ទំនង៖លេខាធិការដ្ឋាន ស.ស.យ.ក ខេត្តកំពង់ឆ្នាំង លេខទូរស័ព្ទ៖ 077-070 959 522

សកម្មភាពរបស់អង្គភាពច្រកចេញចូលតែមួយ សហការជាមួយការិយាល័យជំនាញមន្ទីរសាធារណការ និងដឹកជញ្ជូន បានចុះត្រួតពិនិត្យនិង ផ្សព្វផ្សា...
04/08/2026

សកម្មភាពរបស់អង្គភាពច្រកចេញចូលតែមួយ សហការជាមួយការិយាល័យជំនាញមន្ទីរសាធារណការ និងដឹកជញ្ជូន បានចុះត្រួតពិនិត្យនិង ផ្សព្វផ្សាយ សេចក្តីជូនដំណឹងលេខ៥៦២/២៦ ស.ជ.ណ ស្តីពីការចុះបញ្ជី និងផ្តល់លិខិតអនុញ្ញាតធ្វើអាជីវកម្មយានដ្ឋានជួសជុល កែច្នៃ និងការដំឡើងរថយន្តក្នុងស្រុកទឹកផុស ស្រុកសាមគ្គីមានជ័យនិងស្រុកកំពង់ត្រឡាច ក្នុងភូមិសាស្រ្តខេត្តកំពង់ឆ្នាំង សម្រាប់ឆ្នាំ២០២៦ កាលពីថ្ងៃទី២៩-៣១ ខែកក្កដា ឆ្នាំ២០២៦។

ថ្ងៃទី៣ ខែសីហា ឆ្នាំ២០២៦ លោក ប៊ុន សម្បត្តិ អនុប្រធានអង្គភាពច្រកចេញចូលតែមួយ តំណាងលោកហ៊ូ ប៊ុនថន ប្រធានអង្គភាព បានដឹកនាំក្រ...
04/08/2026

ថ្ងៃទី៣ ខែសីហា ឆ្នាំ២០២៦ លោក ប៊ុន សម្បត្តិ អនុប្រធានអង្គភាពច្រកចេញចូលតែមួយ តំណាងលោកហ៊ូ ប៊ុនថន ប្រធានអង្គភាព បានដឹកនាំក្រុមការងារចូលរួមសិក្ខាសាលាស្តីពីការពង្រឹងសមត្ថភាពការអនុវត្តមុខងារដែលបានប្រតិភូកម្មផ្តល់សេវាក្នុងវិស័យទេសចរណ៍ទៅឱ្យរដ្ឋបាលរាជធានី ខេត្ត នៅសាលប្រជុំសាលាខេត្តតាកែវ ក្រោមអធិបតីភាពដ៏ខ្ពង់ខ្ពស់ ឯកឧត្តម នួន សុមេធ រដ្ឋលេខាធិការ និងជាអនុប្រធានប្រចាំការ គណៈកម្មការដឹកនាំការងារកំណែទម្រង់វិមជ្ឈការ និងវិសហមជ្ឈការក្រសួងទេសចរណ៍។

សិក្ខាសាលា ក៏មានការអញ្ជើញចូលរួមពីថ្នាក់ដឹកនាំ មន្ត្រីជំនាញក្រសួងទេសចរណ៍ តំណាងក្រសួងមហាផ្ទៃ លោក លោកស្រីប្រធាន អនុប្រធានអង្គភាពច្រកចេញតែមួយខេត្តតាកែវ ខេត្តកណ្ដាល ខេត្តស្វាយរៀង ខេត្តកំពង់ចាម ខេត្តកំពត ខេត្តកែប ខេត្តកំពង់ស្ពឺ និងខេត្តព្រះសីហនុ ប្រធាន អនុមន្ទីរទេសចរណ៍ និងមន្រ្តីពាក់ព័ន្ធប្រមាណ៧០រូប។

គោលបំណងសិក្ខាសាលា ដើម្បីពិនិត្យមើលការអនុវត្តមុខងារ​ដែលបានប្រតិភូកម្មផ្តល់សេវាក្នុងវិស័យទេសចរណ៍ឱ្យទៅរដ្ឋបាលរាជធានី ខេត្ត និងដើម្បីលើកកម្ពស់សមត្ថភាពប្រសិទ្ធភាពនៃការផ្តល់សេវារដ្ឋបាលស្របតាមគោលការណ៍ និងនីតិវិធីដែលមានលក្ខណៈសាមញ្ញ ឆាប់រហ័ស តម្លាភាព គណនេយ្យភាព ភាពជឿទុកចិត្ត និងគ្មានអំពើពុករលួយ។

អង្គសិក្ខាសាលា បានអនុញ្ញាតឱ្យប្រធាន អនុប្រធានអង្គភាពច្រកចូលតែមួយទាំង១០ខេត្ត ធ្វើបទបង្ហាញដោយសង្ខេបអំពីវឌ្ឍនភាពការងារសម្រេចបានលើវិស័យទេសចរណ៍ បញ្ហាប្រឈម និងសំណូម។

នៅថ្ងៃទី៣១ កក្កដា ២០២៦ លោកហ៊ូ ប៊ុនថន ប្រធានអង្គភាពច្រកចេញចូលតែមួយ​ បាន​ចូលរួម​កិច្ចប្រជុំជំរុញការប្រមូលចំណូលសារពើពន្ធ និ...
31/07/2026

នៅថ្ងៃទី៣១ កក្កដា ២០២៦ លោកហ៊ូ ប៊ុនថន ប្រធានអង្គភាពច្រកចេញចូលតែមួយ​ បាន​ចូលរួម​កិច្ចប្រជុំជំរុញការប្រមូលចំណូលសារពើពន្ធ និងចំណូលមិនមែនសារពើពន្ធ ក្នុងភូមិសាស្រ្តខេត្តកំពង់ឆ្នាំងក្រោម​អធិបតី​ដ៏ខ្ពង់ខ្ពស់​ឯកឧត្តម ស៊ុន សុវណ្ណារិទ្ធិ អភិបាលខេត្ត។

កិច្ចប្រជុំ មានការចូលរួមពី​លោកម៉ៅ តារា នាយក​រដ្ឋបាល​សាលាខេត្ត អភិបាល អភិបាលរងក្រុង ស្រុក កងកម្លាំង​ មន្ទីរ​អង្គភាព​ជុំវិញខេត្ត​ពាក់ព័ន្ធ ប្រធាន​​ការិយាល័យ​ច្រកចេញចូលតែមួយ​ក្រុង ស្រុក ប្រធាន​ការិយាល័យ​រៀបចំដែនដី នគរូបនីយកម្ម សំណង់ និងភូមិបាល​នៃរដ្ឋបាលក្រុង ស្រុក និង​មេឃុំ ចៅសង្កាត់ទូទាំងខេត្ត​។

ប្រជាពលរដ្ឋអាចពិនិត្យមើលព័ត៌មានពាក់ព័ន្ធនឹងការផ្ដល់សេវា តាមយន្តការច្រកចេញចូលតែមួយនៅថ្នាក់រាជធានី ខេត្ត ក្រុង ស្រុក ខណ្ឌ ...
27/07/2026

ប្រជាពលរដ្ឋអាចពិនិត្យមើលព័ត៌មានពាក់ព័ន្ធនឹងការផ្ដល់សេវា តាមយន្តការច្រកចេញចូលតែមួយនៅថ្នាក់រាជធានី ខេត្ត ក្រុង ស្រុក ខណ្ឌ និងឃុំ សង្កាត់ ហើយក៏អាចតាមដាននូវចរន្តឯកសារពាក់ព័ន្ធនឹងការផ្តល់សេវានៅយន្តការច្រកចេញចូលតែមួយបានគ្រប់ពេលវេលា និងគ្រប់ទីកន្លែង។

ទាញយកប្រើប្រាស់ឥឡូវនេះ ៖
App store : https://apps.apple.com/us/app/owsm-cambodia/id1595059297
Play Store : https://play.google.com/store/apps/details?id=kh.gov.owso.owms&hl=en&pli=1

សូមជម្រាបជូនលោក លោកស្រីម្ចាស់អាជីវកម្មសាខាក្រុមហ៊ុនដឹកជញ្ជូន បាននឹងកំពុងដំណើរការអាជីវកម្មក្នុងភូមិសាស្ត្រខេត្តកំពង់ឆ្នាំ...
18/07/2026

សូមជម្រាបជូនលោក លោកស្រីម្ចាស់អាជីវកម្មសាខាក្រុមហ៊ុនដឹកជញ្ជូន បាននឹងកំពុងដំណើរការអាជីវកម្មក្នុងភូមិសាស្ត្រខេត្តកំពង់ឆ្នាំង ដែលមិនទាន់បំពេញកាតព្វកិច្ចស្នើសុំលិខិតអនុញ្ញាតបើកស្នាក់ការសាខាក្រុមហ៊ុនដឹកជញ្ជូន និងមិនទាន់លិខិតអនុញ្ញាតឱ្យយានយន្តធ្វើអាជីវកម្មដឹកជញ្ជូន សូមលោក លោកស្រីអញ្ជើញដាក់ពាក្យស្នើសុំនៅអង្គភាពច្រកចេញចូលតែមួយខេត្តកំពង់ឆ្នាំងស្របតាមច្បាប់កំណត់ ឬក៏លោក លលោកស្រីអាចដាក់ពាក្យស្នើសុំតាមប្រព័ន្ធអនឡាញ ដូចមានបញ្ជាក់ជូនក្នុងសេចក្ដីជូនដំណឹងខាងក្រោម

សូមជម្រាបជូនលោក លោកស្រីម្ចាស់អជីវកម្មជួសជុល កែច្នៃ និងដំឡើងរថយន្ត (ទំហំតូចជាង២៥០ម៉ែត្រការ៉េ)ដែលបាននឹងកំពុងដំណើរការអាជីវក...
18/07/2026

សូមជម្រាបជូនលោក លោកស្រីម្ចាស់អជីវកម្មជួសជុល កែច្នៃ និងដំឡើងរថយន្ត (ទំហំតូចជាង២៥០ម៉ែត្រការ៉េ)ដែលបាននឹងកំពុងដំណើរការអាជីវកម្មក្នុងភូមិសាស្ត្រខេត្តកំពង់ឆ្នាំង មិនទាន់បានចុះបញ្ជី និងមិនទាន់ស្នើសុំលិខិតអនុញ្ញាតអាជីវកម្ម ឬក៏ផុតសុពលភាពលិខិតអនុញ្ញាតអាជីវកម្ម សូមអញ្ជើញទៅដាក់ពាក្យស្នើសុំចុះបញ្ជី និងស្នើសុំលិខិតអនុញ្ញាតដំណើរការអាជីវកម្មស្របតាមច្បាប់កំណត់នៅអង្គភាពច្រកចេញចូលតែមួយខេត្តកំពង់ឆ្នាំង ឬក៏លោក លោកស្រីអាចដាក់ពាក្យស្នើសុំតាមប្រព័ន្ធអនឡាញ ដូចមានបញ្ជាក់ជូនក្នុងសេចក្ដីជូនដំណឹងក្រោម:

បញ្ជាក់ ការស្នើសុំតាមប្រព័ន្ធអនឡាញ បានចំពោះតែមុខសេវាការស្នើសុំលិខិតអនុញ្ញាតអាជីវកម្មតែប៉ុណ្ណោះ ដោយឡែកមុខសេវាការស្នើសុំចុះបញ្ជី មិនទាន់អនុវត្តតាមប្រព័ន្ធអនឡាញនៅឡើយទេ។

កាលពី​ថ្ងៃទី១៥ កក្កដា ២០២៦ លោកហ៊ូ ប៊ុនថន ប្រធាន​អង្គភាពច្រកចេញចូលតែមួយ​ បាន​ចូលរួមសិក្ខាសាលាផ្សព្វផ្សាយប្រកាសអន្តរក្រសួង...
18/07/2026

កាលពី​ថ្ងៃទី១៥ កក្កដា ២០២៦ លោកហ៊ូ ប៊ុនថន ប្រធាន​អង្គភាពច្រកចេញចូលតែមួយ​ បាន​ចូលរួមសិក្ខាសាលាផ្សព្វផ្សាយប្រកាសអន្តរក្រសួង ស្តីពីការផ្តល់សេវារដ្ឋបាល របស់រដ្ឋបាលក្រុង ស្រុក ខណ្ឌ ក្រោមអធិបតីភាពឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

នៅ​ថ្ងៃទី១៧ ខែកក្កដា ឆ្នាំ២០២៦ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ និង​ឯកឧត្តមស៊ុន សុវណ្...
18/07/2026

នៅ​ថ្ងៃទី១៧ ខែកក្កដា ឆ្នាំ២០២៦ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ និង​ឯកឧត្តមស៊ុន សុវណ្ណារិទ្ធិ អភិបាលខេត្ត​ បានអញ្ជើញ​ដឹកនាំក្រុមការងារអគ្គនាយកដ្ឋានរដ្ឋបាល ចូលរួមកិច្ចប្រជុំតាមដាន ត្រួតពិនិត្យ និងវាយតម្លៃការផ្តល់សេវារដ្ឋបាលតាមអង្គភាពច្រកចេញចូលតែមួយ នៃរដ្ឋបាលខេត្តកំពង់ឆ្នាំង។

កិច្ចប្រជុំតាមដាន ត្រួតពិនិត្យ និងវាយតម្លៃនេះ មានការអញ្ចើញចូលរួម ពីតំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងរៀបចំដែនដី នគរូបនីយកម្ម និងសំណង់ តំណាងអគ្គនាយកដ្ឋានសវនកម្មផ្ទៃក្នុង តំណាងលេខាធិការដ្ឋាន គ.ជ.អ.ប. អភិបាលរងខេត្ត នាយក-នាយករងរដ្ឋបាល អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ប្រធានអង្គភាពច្រកចេញចូលតែមួយ នាយកទីចាត់ការផែនការ និងវិនិយោគ នាយកទីចាត់ការអន្តរ វិស័យ នាយកទីចាត់ការហិរញ្ញវត្ថុ ប្រធានការិយាល័យប្រជាពលរដ្ឋ អភិបាលក្រុង ស្រុកទ ប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលក្រុង ស្រុក និងមន្រ្តីពាក់ព័ន្ធសរុបប្រមាណ ៨០រូប។

គោលបំណងនៃកិច្ចប្រជុំតាមដាន ត្រួតពិនិត្យ និងវាយតម្លៃ គឺដើម្បីផ្ដល់ការគាំទ្រ និងពង្រឹងប្រសិទ្ធភាព នៃការផ្តល់សេវាដែលស្ថិតក្នុងសមត្ថកិច្ចរដ្ឋបាលខេត្ត ដោយផ្តោតលើចំណុចមួយចំនួន រួមមាន៖
១ .របាយការណ៍អំពីវឌ្ឍនភាពការងារនិងបញ្ហាប្រឈមនានានៃការផ្តល់សេវារដ្ឋបាលនៅអង្គភាពច្រកចេញចូលរបស់រដ្ឋបាលខេត្តកំពង់ឆ្នាំង។
២.ពិភាក្សាលើការផ្តល់សេវារដ្ឋបាល ស្របតាមទម្រង់ និងនីតិវិធីនៃការផ្ដល់សេវារដ្ឋបាល ជាពិសេស គឺការផ្ដល់សេវានៅក្នុងវិស័យរៀបចំដែនដី នគរូបនីយកម្ម សំណង់ និងសុរិយោដី ដែលអាចមានការកកស្ទះ និងបង្កឱ្យមានការថ្នាំងថ្នាក់ពីសំណាក់បងប្អូនប្រជាពលរដ្ឋ។
៣.ពិភាក្សាលើបញ្ហាប្រឈម សំណូមពរ និងដំណោះស្រាយនានា ដើម្បីលើកកម្ពស់ប្រសិទ្ធភាពនៃការផ្តល់សេវាជូនប្រជាពលរដ្ឋ។

Address

Kampong Chnang

Telephone

+855712438484

Website

Alerts

Be the first to know and let us send you an email when អង្គភាពច្រកចេញចូលតែមួយខេត្តកំពង់ឆ្នាំង posts news and promotions. Your email address will not be used for any other purpose, and you can unsubscribe at any time.

Shortcuts

Share