បញ្ជាការដ្ឋាន កងរាជអាវុធហត្ថខេត្តកំពង់ឆ្នាំង

02/09/2026

#សេចក្តីជូនដំណឹងស្ដីពីការជ្រើសរើសកងរាជអាវុធហត្ថថ្មី!
------------------------------------
កំពង់ឆ្នាំង៖ ព្រឹកថ្ងៃទី០២ ខែកញ្ញា ឆ្នាំ២០២៦ ក្រុមការងារនៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំង និងគ្រប់បណ្ដាមូលដ្ឋានកងរាជអាវុធហត្ថក្រុង-ស្រុកទាំង ៨ បានធ្វើការបិទសេចក្ដីជូនដំណឹងដល់សិស្ស និស្សិត យុវជន ទាំងអស់ ដែលមានអាយុ ១៨ឆ្នាំ ដល់ ២៥ឆ្នាំ ហើយមានបំណងចង់ប្រឡងចូលបម្រើការងារជាកងរាជអាវុធហត្ថឱ្យបានជ្រាបថា កងរាជអាវុធហត្ថលើផ្ទៃប្រទេស បានធ្វើការជ្រើសរើសពលអាវុធហត្ថថ្មី ដើម្បីបំពេញក្របខណ្ឌជូនកងរាជអាវុធហត្ថ ហើយការចែកពាក្យ និងការប្រឡង សូមអញ្ជើញទៅទទួលពាក្យ #ដោយឥតគិតថ្លៃ នៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំង ចាប់ពីថ្ងៃទី០៣ ខែកញ្ញា ដល់ថ្ងៃទី១២ ខែកញ្ញា ឆ្នាំ២០២៦។
បញ្ជាក់៖ បេក្ខជនត្រូវមានអាសយដ្ឋានបច្ចុប្បន្ននៅ #ខេត្តកំពង់ឆ្នាំង។ សូមអរគុណ!

#កងរាជអាវុធហត្ថខេត្តកំពង់ឆ្នាំង

02/09/2026

កំពង់ឆ្នាំង៖ វេលាម៉ោង០៨:០០នាទីព្រឹកថ្ងៃទី០២ ខែកញ្ញា ឆ្នាំ២០២៦ នៅសាលប្រជុំវីដេអូ អគារសេនាធិការដ្ឋានកងរាជអាវុធហត្ថខេត្ត លោកវរសេនីយ៍ឯក ជា ពិសិដ្ឋ មេបញ្ជាការរង ទទួលការងារកសាងកម្លាំង តំណាងដ៏ខ្ពង់ខ្ពស់ លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តកំពង់ឆ្នាំង បានដឹកនាំ លោកប្រធានមន្ទីរ អនុប្រធានមន្ទីរ និងនាយការិយាល័យចំណុះមន្ទីរកសាងកម្លាំង សរុប ០៦នាក់ ចូលរួមកិច្ចប្រជុំផ្សព្វផ្សាយការងារសោធននិវត្តន៍ ឆ្នាំ២០២៧ របស់កងរាជអាវុធហត្ថ តាមរយៈប្រព័ន្ធ Video Conference ក្រោមអធិបតីភាពដ៏ខ្ពង់ខ្ពស់ លោកស្រីឧត្ដមសេនីយ៍ទោ ហ៊ាង ឆវី មេបញ្ជាការរង ទទួលការងារគោលនយោបាយ និងយេនឌ័រ កងរាជអាវុធហត្ថលើផ្ទៃប្រទេស៕
#កងរាជអាវុធហត្ថខេត្តកំពង់ឆ្នាំង

01/09/2026

កំពង់ឆ្នាំង៖ រសៀលថ្ងៃទី០១ ខែកញ្ញា ឆ្នាំ២០២៦ នៅសាលប្រជុំអគារសេនាធិការដ្ឋាន នៃបញ្ជាការដ្ឋានកងរាជអាវុធហត្ថខេត្ត លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តកំពង់ឆ្នាំង បានអញ្ជើញដឹកនាំកិច្ចប្រជុំផ្សព្វផ្សាយការងារជ្រើសរើសយោធិននៃកងរាជអាវុធហត្ថ ដោយមានការចូលរួមពី លោកមេបញ្ជាការរងទទួលការងារកសាងកម្លាំង លោកប្រធានមន្ទីរកសាងកម្លាំង នាយលេខាធិការដ្ឋាន នាយការិយាល័យពាក់ព័ន្ធ លោកមេបញ្ជាការមូលដ្ឋានកងរាជអាវុធហត្ថក្រុង.ស្រុក និងសមាសភាពដែលជាក្រុមការងារជ្រើសរើសយោធិននៃកងរាជអាវុធហត្ថខេត្ត សរុប ២៧នាក់៕
#កងរាជអាវុធហត្ថខេត្តកំពង់ឆ្នាំង

01/09/2026

កំពង់ឆ្នាំង៖ វេលាម៉ោង០៨:០០នាទីព្រឹកថ្ងៃទី០១ ខែកញ្ញា ឆ្នាំ២០២៦ នៅសាលប្រជុំវីដេអូអគារសេនាធិការដ្ឋាន លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តកំពង់ឆ្នាំង បានអញ្ជើញដឹកនាំ លោកមេបញ្ជាការរងទទួលការងារកសាងកម្លាំង លោកប្រធានមន្ទីរកសាងកម្លាំង នាយលេខាធិការដ្ឋាន នាយការិយាល័យពាក់ព័ន្ធ និងមេបញ្ជាការមូលដ្ឋានកងរាជអាវុធហត្ថក្រុង.ស្រុក សរុប ២១នាក់ ចូលរួមស្ដាប់កិច្ចប្រជុំផ្សព្វផ្សាយការងារជ្រើសរើសយោធិននៃកងរាជអាវុធហត្ថ តាមរយៈប្រព័ន្ធ Video Conference ក្រោមអធិបតីភាពដ៏ខ្ពង់ខ្ពស់ លោកឧត្តមសេនីយ៍ឯក ស៊ិន សូផាន្នី មេបញ្ជាការរង កងរាជអាវុធហត្ថលើផ្ទៃប្រទេស ទទួលការងារកសាងកម្លាំង និងជាប្រធានអនុគណៈកម្មការជ្រើសរើសយោធិន នៃកងរាជអាវុធហត្ថ៕
#កងរាជអាវុធហត្ថខេត្តកំពង់ឆ្នាំង

31/08/2026

កំពង់ឆ្នាំង៖ វេលាម៉ោង០២:៣០នាទីរសៀលថ្ងៃទី៣១ ខែសីហា ឆ្នាំ២០២៦ នៅសាលប្រជុំអគារសេនាធិការដ្ឋានកងរាជអាវុធហត្ថខេត្ត លោកវរសេនីយ៍ឯក ជា ពិសិដ្ឋ មេបញ្ជាការរង ទទួលការងារកសាងកម្លាំង កងរាជអាវុធហត្ថខេត្ត បានដឹកនាំ លោកប្រធានមន្ទីរ អនុប្រធានមន្ទីរ នាយលេខាធិការដ្ឋាន នាយការិយាល័យពាក់ព័ន្ធ លោកមេបញ្ជាការមូលដ្ឋានកងរាជអាវុធហត្ថក្រុង.ស្រុក និងមេបញ្ជាការកងអនុសេនាធំចល័ត សរុប ១៨នាក់ ប្រជុំផ្សព្វផ្សាយការងារសរសេរ ភារកិច្ច ក្របខណ្ឌ កំណែទម្រង់ថ្មី របស់កងរាជអាវុធហត្ថ៕
#កងរាជអាវុធហត្ថខេត្តកំពង់ឆ្នាំង

31/08/2026

កំពង់ឆ្នាំង៖ វេលាម៉ោង០៧:០០នាទីព្រឹក ថ្ងៃចន្ទ ទី៣១ ខែសីហា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំង លោកវរសេនីយ៍ឯក ហង្ស សុជាតិ មេបញ្ជាការរង កងរាជអាវុធហត្ថខេត្ត បានអញ្ជើញដឹកនាំគោរពទង់ជាតិ ដែលមានកម្លាំងចូលរួមសរុបចំនួន ៨០ នាក់។
*ខ្លឹមសារផ្សព្វផ្សាយ: គោរពវិន័យ និងអនុវត្តតួនាទី ភារកិច្ចការងារ ទៅតាមមន្ទីរ ការិយាល័យជំនាញរៀងៗខ្លួន៕
#កងរាជអាវុធហត្ថខេត្តកំពង់ឆ្នាំង

28/08/2026

28/08/2026

កំពង់ឆ្នាំង៖ វេលាម៉ោង៨:០០នាទីព្រឹក ថ្ងៃទី២៨ ខែសីហា ឆ្នាំ២០២៦ លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តកំពង់ឆ្នាំង បានអញ្ជើញចូលរួមកិច្ចប្រជុំពេញអង្គគណ:រដ្ឋមន្ត្រី តាមរយៈប្រព័ន្ធ Video Zoom ជាមួយគណៈបញ្ជាការឯកភាពខេត្ត ដឹកនាំដោយ ឯកឧត្តម ស៊ីវ រុន ប្រធានក្រុមប្រឹក្សាខេត្ត និង ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្ត នៅសាលប្រជុំ(គ.៧) នៃសាលាខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី នៃព្រះរាជាណាចក្រកម្ពុជា ដែលមានសមាសភាពអញ្ជើញចូលរួមពី លោក លោកស្រីអភិបាលរងខេត្ត នាយករដ្ឋបាលសាលាខេត្ត កងកម្លាំងទាំងបី ប្រធានមន្ទីរអង្គភាពពាក់ព័ន្ធ និងអភិបាលក្រុង-ស្រុក ផងដែរ៕
#កងរាជអាវុធហត្ថខេត្តកំពង់ឆ្នាំង

27/08/2026

កំពង់ឆ្នាំង៖ ព្រឹកថ្ងៃទី២៧ ខែសីហា ឆ្នាំ២០២៦ នៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ឆ្នាំង លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្ត បានអញ្ជើញជាអធិបតី ប្រជុំផ្សព្វផ្សាយការងារជំនាញសម្រង់ទិន្នន័យស្ថិតិចំនួនឃុំ សង្កាត់ ភូមិ និងប្រជាពលរដ្ឋ ដើម្បីបំពេញឱ្យការងារកាតព្វកិច្ចយោធា។ សមាសភាពអញ្ជើញចូលរួមមាន លោកមេបញ្ជាការរងទទួលការងារកសាងកម្លាំង លោកប្រធានមន្ទីរកសាងកម្លាំង នាយការិយាល័យពាក់ព័ន្ធ និងលោកមេបញ្ជាការ.មេបញ្ជាការរង មូលដ្ឋានកងរាជអាវុធហត្ថក្រុង.ស្រុក សរុប ២៦នាក់៕
#កងរាជអាវុធហត្ថខេត្តកំពង់ឆ្នាំង

26/08/2026

កំពង់ឆ្នាំង៖ ដោយទទួលបានសេចក្តីអនុញ្ញាតដ៏ខ្ពង់ខ្ពស់ពី លោកឧត្តមសេនីយ៍ត្រី សាន្ត ប៊ុនថាន មេបញ្ជាការខេត្ត វេលាម៉ោង០៨:១៥នាទីព្រឹក ថ្ងៃទី២៦ ខែសីហា ឆ្នាំ២០២៦ នៅសាលប្រជុំអគារសេនាធិការកងរាជអាវុធហត្ថខេត្ត លោកវរសេនីយ៍ឯក ហង្ស សុជាតិ មេបញ្ជាការរង ទទួលការងារស្រាវជ្រាវនិងបង្ក្រាបបទល្មើស បានអញ្ជើញជាអធិបតី ក្នុងការប្រជុំផ្សព្វផ្សាយការងារសង្គ្រោះគ្រោះមហន្តរាយ និងបទបញ្ជាលោកឧត្តមសេនីយ៍មេបញ្ជាការខេត្ត ការងាររបាយការណ៍ប្រចាំថ្ងៃ និងវេនប្រចាំបញ្ជា ប្រចាំការ ក្នុងអង្គភាព។ សមាសភាពអញ្ជើញចូលរួមមាន លោកមេបញ្ជាការរង លោកនាយសេនាធិការរង លោកប្រធានមន្ទីរ លោកមេបញ្ជាការមូលដ្ឋានកងរាជអាវុធហត្ថក្រុង.ស្រុក និងមេបញ្ជាការកងអនុសេនាធំចល័ត សរុប ២៦នាក់៕
#កងរាជអាវុធហត្ថខេត្តកំពង់ឆ្នាំង