បញ្ជាការដ្ឋាន កងរាជអាវុធហត្ថខេត្តកំពង់ឆ្នាំង

01/06/2026

កំពង់ឆ្នាំង៖ វេលាម៉ោង០៧:០០នាទីព្រឹក ថ្ងៃចន្ទ ទី០១ ខែមិថុនា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំង លោកវរសេនីយ៍ឯក លី គឹមថៃ មេបញ្ជាការរង កងរាជអាវុធហត្ថខេត្ត បានអញ្ជើញដឹកនាំគោរពទង់ជាតិ ដែលមានកម្លាំងចូលរួមសរុបចំនួន ៩៧ នាក់។
*ខ្លឹមសារផ្សព្វផ្សាយ : អប់រំនយោបាយចិត្តសាស្ត្រ និងវិន័យបទបញ្ជាផ្ទៃក្នុងរបស់កងរាជអាវុធហត្ថ ជូនដល់យោធិនគ្រប់រូប ឱ្យបានយល់ជ្រួតជ្រាប៕

27/05/2026

26/05/2026

កំពង់ឆ្នាំង៖ ម៉ោង០៣:០០នាទីរសៀល ថ្ងៃទី២៦ ខែឧសភា ឆ្នាំ២០២៦ លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្ត បានដឹកនាំ លោកមេបញ្ជាការរង ចំនួន ០៣រូប ចូលរួមកិច្ចប្រជុំពិនិត្យវឌ្ឍនភាពនៃការរៀបចំពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តកំពង់ឆ្នាំង ក្រោមអធិបតីភាព ឯកឧត្តម នាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី នៅសាលប្រជុំ ( ក.១ ) នៃសាលាខេត្តកំពង់ឆ្នាំង ព្រមទាំងមានការអញ្ជើញចូលរួមពី ក្រុមការងាររាជរដ្ឋាភិបាល ឯកឧត្តមក្រុមប្រឹក្សាខេត្ត ឯកឧត្តមអភិបាលខេត្ត លោកអភិបាលរងខេត្ត លោកនាយក នាយករង នាយការិយាល័យរដ្ឋបាលសាលាខេត្ត កងកម្លាំងសមត្ថកិច្ចទាំងបីស្ថាប័ន លោក លោកស្រី ប្រធានមន្ទីរអង្គភាពជុំវិញខេត្ត និងលោកអភិបាលក្រុង ស្រុក ទាំង៨ ផងដែរ៕

25/05/2026

កំពង់ឆ្នាំង៖ រសៀលថ្ងៃទី២៥ ខែឧសភា ឆ្នាំ២០២៦ លោកវរសេនីយ៍ឯក និល ប៊ុនធឿន មេបញ្ជាការរង ទទួលការងារផែនការ ប្រតិបត្តិការ និងហ្វឹកហ្វឺន តំណាងដ៏ខ្ពង់ខ្ពស់ លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្ត បានអញ្ជើញជាអធិបតី ក្នុងពិធីប្រជុំផ្សព្វផ្សាយផែនការការពារសន្តិសុខ សុវត្ថិភាព និងរក្សាសណ្ដាប់ធ្នាប់ ជូនសម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ក្នុងពិធីសំណេះសំណាលជាមួយក្រុមប្រឹក្សា ខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្តកំពង់ឆ្នាំង។ សមាសភាពអញ្ជើញចូលរួមមាន លោកមេបញ្ជាការរង លោកនាយសេនាធិការរង លោកប្រធានមន្ទីរ អនុប្រធានមន្ទីរ នាយ នាយរងលេខាធិការដ្ឋាន នាយ នាយរងការិយាល័យ លោកមេបញ្ជាការ-មេបញ្ជាការរង-នាយសេនាធិការ មូលដ្ឋានកងរាជអាវុធហត្ថក្រុង-ស្រុក ប្រធានស្នាក់ការសន្តិសុខ និងនាយទាហាន សរុប ៩៦ នាក់៕

25/05/2026

កំពង់ឆ្នាំង៖ វេលាម៉ោង០៧:០០នាទីព្រឹក ថ្ងៃចន្ទ ទី២៥ ខែឧសភា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំង លោកវរសេនីយ៍ឯក ហង្ស សុជាតិ មេបញ្ជាការរង កងរាជអាវុធហត្ថខេត្ត បានអញ្ជើញដឹកនាំគោរពទង់ជាតិ ដែលមានកម្លាំងចូលរួមសរុបចំនួន ៩៩ នាក់។
*ខ្លឹមសារផ្សព្វផ្សាយ: កម្លាំងទាំងអស់ ត្រូវអនុវត្តការងារអនាម័យខាងក្នុង និងខាងក្រៅ បញ្ជាការដ្ឋាន ឱ្យបានស្អាតបាតល្អជាប្រចាំ៕

22/05/2026

កំពង់ឆ្នាំង៖ វេលាម៉ោង៨:០០នាទីព្រឹក ថ្ងៃទី២២ ខែឧសភា ឆ្នាំ២០២៦ លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តកំពង់ឆ្នាំង បានអញ្ជើញចូលរួមកិច្ចប្រជុំពេញអង្គគណ:រដ្ឋមន្ត្រី តាមរយៈប្រព័ន្ធ Video Zoom ជាមួយគណៈបញ្ជាការឯកភាពខេត្ត ដឹកនាំដោយ ឯកឧត្តម ស៊ីវ រុន ប្រធានក្រុមប្រឹក្សាខេត្ត និង ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្ត នៅសាលប្រជុំ(គ៧) នៃសាលាខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រី នៃព្រះរាជាណាចក្រកម្ពុជា ដែលមានសមាសភាពអញ្ជើញចូលរួមពី លោកអភិបាលរងខេត្ត នាយក នាយករង នាយការិយាល័យរដ្ឋបាលសាលាខេត្ត កងកម្លាំងទាំងបីស្ថាប័ន ប្រធានមន្ទីរអង្គភាពពាក់ព័ន្ធ និងអភិបាលក្រុង-ស្រុក ផងដែរ៕

19/05/2026

កំពង់ឆ្នាំង៖ វេលាម៉ោង០៨:០០នាទីព្រឹក ថ្ងៃទី១៩ ខែឧសភា ឆ្នាំ២០២៦ លោកឧត្តមសេនីយ៍ត្រីសាន្ត ប៊ុនថាន មេបញ្ជាការកងរាជអាវុធហត្ថខេត្ត បានដឹកនាំ លោកមេបញ្ជាការរង ចំនួន ០៣រូប ចូលរួមកិច្ចប្រជុំត្រៀមរៀបចំពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តកំពង់ឆ្នាំង ក្រោមអធិបតីភាព ឯកឧត្តម នាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី នៅសាលប្រជុំ (គ៧) នៃសាលាខេត្តកំពង់ឆ្នាំង ព្រមទាំងមានការអញ្ជើញចូលរួមពី ឯកឧត្តមក្រុមប្រឹក្សាខេត្ត ឯកឧត្តមអភិបាលខេត្ត លោកអភិបាលរងខេត្ត លោកនាយក នាយករង នាយការិយាល័យរដ្ឋបាលសាលាខេត្ត កងកម្លាំងសមត្ថកិច្ចទាំងបីស្ថាប័ន លោក លោកស្រី ប្រធានមន្ទីរអង្គភាពជុំវិញខេត្ត និងលោកអភិបាលក្រុង ស្រុក ទាំង៨ ផងដែរ៕

18/05/2026

កំពង់ឆ្នាំង៖ នារសៀលថ្ងៃទី១៨ ខែឧសភា ឆ្នាំ២០២៦ នៅសាលប្រជុំបញ្ជាការដ្ឋានកងរាជអាវុធហត្ថខេត្ត លោកឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តកំពង់ឆ្នាំង បានអញ្ជើញជាអធិបតីភាព ដឹកនាំកិច្ចប្រជុំពង្រឹងការងារជំនាញកសាងកម្លាំង ភស្តុភារ សម្ភារៈបច្ចេកទេស ទំនាក់ទំនងកិច្ចការសាធារណៈ និងផ្សព្វផ្សាយបទបញ្ជា ( ៥មិន ៥ត្រូវ) របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថ។ ពិធីនេះទទួលបានការអញ្ជើញចូលរួមពី លោកមេបញ្ជាការរងទទួលការងារកសាងកម្លាំង ភស្ដុភារ សម្ភារៈបច្ចេកទេស និងទំនាក់ទំនងកិច្ចការសាធារណៈ លោកប្រធានមន្ទីរ អនុប្រធានមន្ទីរកសាងកម្លាំង ប្រធានមន្ទីរ អនុប្រធានមន្ទីរភស្តុភារ ប្រធានមន្ទីរ អនុប្រធានមន្ទីរសម្ភារៈបច្ចេកទេស និង ប្រធានមន្ទីរ អនុប្រធានមន្ទីរទំនាក់ទំនងកិច្ចការសាធារណៈ ព្រមទាំងនាយ នាយរងការិយាល័យចំណុះទាំង ៤ មន្ទីរ សរុប ២៩នាក់៕

18/05/2026

កំពង់ឆ្នាំង៖ នាព្រឹកថ្ងៃទី១៨ ខែឧសភា ឆ្នាំ២០២៦ នៅសាលប្រជុំបញ្ជាការដ្ឋានកងរាជអាវុធហត្ថខេត្ត លោកឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តកំពង់ឆ្នាំង បានអញ្ជើញជាអធិបតីភាព ដឹកនាំកិច្ចប្រជុំពង្រឹងការងារជំនាញមន្ត្រីនគរបាលយុត្តិធម៌ និងជំនាញផែនការប្រតិបត្តិការ។ ពិធីនេះទទួលបានការអញ្ជើញចូលរួមពី លោកមេបញ្ជាការរងទទួលការងារស្រាវជ្រាវបង្ក្រាបបទល្មើស ពត៌មានសន្តិសុខ និង ផែនការប្រតិបត្តិការ និងហ្វឹកហ្វឺន លោកនាយសេនាធិការរង លោកប្រធានមន្ទីរ អនុប្រធានមន្ទីរស្រាវជ្រាវបង្ក្រាបបទល្មើស ប្រធានមន្ទីរអនុប្រធានមន្ទីរពត៌មានសន្តិសុខ និង ប្រធានមន្ទីរអនុប្រធានមន្ទីរផែនការប្រតិបត្តិការ និងហ្វឹកហ្វឺន ព្រមទាំងនាយ នាយរងការិយាល័យចំណុះមន្ទីរទាំង ៣ សរុប ៣៣នាក់៕

18/05/2026

កំពង់ឆ្នាំង៖ វេលាម៉ោង០៧:០០នាទីព្រឹក ថ្ងៃចន្ទ ទី១៨ ខែឧសភា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំង លោកវរសេនីយ៍ឯក ជា ពិសិដ្ឋ មេបញ្ជាការរង កងរាជអាវុធហត្ថខេត្ត បានអញ្ជើញដឹកនាំគោរពទង់ជាតិ ដែលមានកម្លាំងចូលរួមសរុបចំនួន ៨៧ នាក់។
+ខ្លឹមសារផ្សព្វផ្សាយ : អប់រំនយោបាយចិត្តសាស្ត្រ អំពីសភាពការណ៍ជាតិ និងអន្តរជាតិ ជូនដល់យោធិន នៃកងរាជអាវុធហត្ថ ជាពិសេស ខ្លឹមសារបទបញ្ជារបស់ លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស៕