មន្ទីរធម្មការ និងសាសនា ខេត្តកំពង់ចាម

04/09/2026

កិច្ចប្រជុំស្តីពីការងារវិស័យពុទ្ធិកសិក្សា ខេត្តកំពង់ចាម សម្រាប់ឆ្នាំសិក្សា ២០២៦-២០២៧ ក្រោមអធិបតីភាពលោក រ៉េត សារ៉ាត ប្រធានមន្ទីរធម្មការនិងសាសនា ខេត្តកំពង់ចាម និងព្រះសីលសំវរ ប៊ត តាំងឆេង ព្រះនាគមុនីមេគណខេត្តកំពង់ចាម ព្រះកំពង់ចាមជ័យអម្ពមុនី កង ប៊ុនហៃ ព្រះនទីសត្ថាចារ្យមេគណគណៈធម្មយុត្តិកនិកាយ ដោយមានការនិមន្តនិងអញ្ជើញចូលរួមពីព្រះមន្ត្រីសង្ឃខេត្ត ក្រុង ស្រុក ព្រះនាយក ព្រះនាយករង លោកនាយករង គ្រប់សាលាកម្រងទូទាំងខេត្ត និងលោកអនុប្រធានមន្ទីរ លោក លោកស្រី ប្រធានការិយាល័យ ព្រមទាំងមន្ត្រីជំនាញផងដែរ។

កំពង់ចាម៖ ថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័កពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦
=================
Y26=0479-M09=004
អត្ថបទ ៖ នួន សេងហួ
រូបភាព ៖ ណុន ឋានៈ

04/09/2026

កំពង់ចាម៖​ នៅថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦​ នេះ​ លោក​ ទូច​ ចាន់ណា​ អនុប្រធានមន្ទីរធម្មការ​ និងសាសនា​ ខេត្តកំពង់ចាម​ តំណាង​ លោក​ រ៉េត​ សារ៉ាត​ បានអញ្ជេីញចូលរួមសិក្ខាសាលាផ្សព្វផ្សាយ​ ស្តីពីការវាយតម្លៃសមិទ្ធកម្មការងារមន្ត្រីផ្អែកលេីកិច្ចព្រមព្រៀងការងារ​ ក្រោមអធិបតីភាព​ ឯកឧត្តម​ គង់​ សុភី​ រដ្ឋលេខាធិការក្រសួងមុខងារសាធារណៈ​ តំណាងដ៏ខ្ពង់ខ្ពស់​ ឯកឧត្តមឧបនាយករដ្ឋមន្ត្រី​ ហ៊ុន​ ម៉ានី​ រដ្ឋមន្ត្រីក្រសួងមុខងារសាធារណៈ​ ។ សិក្ខាសាលាបានប្រព្រឹត្តទៅនៅសាលប្រជុំសាលាខេត្តកំពង់ចាម​ ដោយមានវត្តមានចូលរួមពីមន្ទីរអង្គភាពជុំវិញខេត្ត​ និងប្រតិភូមកពីបណ្តាខេត្តមួយចំនួនផងដែរ។

អញ្ជេីញមានប្រសាសន៍​ ក្នុងនាមជាអធិបតីក្នុងពិធីបិទ «សិក្ខាសាលាផ្សព្វផ្សាយ ស្តីពីការវាយតម្លៃសមិទ្ធកម្មការងាររបស់មន្ត្រី ផ្អែកលើកិច្ចព្រមព្រៀងការងារ» នៅសាលាខេត្តកំពង់ចាម ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ បានសង្កត់ធ្ងន់ថា៖​ ជោគជ័យនៃការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ គឺពឹងផ្អែកទាំងស្រុងលើភាពជាអ្នកដឹកនាំ និងការចូលរួមរបស់ថ្នាក់ដឹកនាំ និងមន្ត្រីជំនាញគ្រប់លំដាប់ថ្នាក់ តាមអភិក្រម «ជវភាពនៃប្រព័ន្ធតួអង្គតែមួយ»​ ។ កម្ពុជាកំពុងអភិវឌ្ឍ «ប្រព័ន្ធកូនកាត់» ក្នុងមុខងារសាធារណៈ ដើម្បីពង្រឹងគុណាធិបតេយ្យ និងប្រសិទ្ធភាពការងារនៅមូលដ្ឋាន

នៅក្នុងឱកាសនោះដែរ​ ឯកឧត្តមរដ្ឋលេខាធិការបានលើកឡើងថា រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី មិនបានផ្លាស់ប្តូរពីប្រព័ន្ធមុខងារសាធារណៈបច្ចុប្បន្ន ទៅកាន់ប្រព័ន្ធនិយោជន៍តែម្តងនោះទេ ប៉ុន្តែបាននិងកំពុងអភិវឌ្ឍប្រព័ន្ធគំរូថ្មីមួយហៅថា «ប្រព័ន្ធកូនកាត់ (Hybrid Civil Service System)»។ ប្រព័ន្ធថ្មីនេះ គឺជាការរួមបញ្ចូលគ្នានូវចំណុចខ្លាំងរបស់ប្រព័ន្ធទាំងពីរ ដើម្បីឆ្លើយតបទៅនឹងបរិបទនយោបាយ រដ្ឋបាលសាធារណៈ និងការអភិវឌ្ឍរបស់ប្រទេសកម្ពុជា។

ឯកឧត្តមបានបន្ថែមថា "បទពិសោធរបស់យើង មិនត្រឹមតែមានសារៈសំខាន់ សម្រាប់ការកែទម្រង់មុខងារសាធារណៈក្នុងប្រទេសប៉ុណ្ណោះទេ ប៉ុន្តែថែមទាំងអាចរួមចំណែកដល់ការសិក្សាស្រាវជ្រាវជាអន្តរជាតិអំពីគុណាធិបតេយ្យ និងការកែទម្រង់អភិបាលកិច្ច នៅក្នុងប្រទេសកំពុងអភិវឌ្ឍដទៃទៀតផង។"

ផ្អែកលើវិធានការគន្លឹះទី១ ក្នុងការកែលម្អប្រព័ន្ធជ្រើសរើសមន្ត្រី ក្រោមអភិក្រម “ជាប់ដោយមោទនៈ ធ្លាក់ដោយអស់ចិត្ត” និង “រើសឱ្យចំ បំពេញឱ្យត្រូវ រក្សាឱ្យនៅ” រាជរដ្ឋាភិបាលបានទទួលការគាំទ្រ និងជំនឿទុកចិត្តយ៉ាងច្រើនពីសាធារណជន ក្នុងការជ្រើសរើសបានមន្ត្រីផ្អែកលើកិច្ចព្រមព្រៀងការងារ ដែលមានសមត្ថភាព និងជំនាញច្បាស់លាស់ ឆ្លើយតបបានទាន់ពេលវេលាទៅនឹងតម្រូវការជាក់ស្តែងនៅតាមមូលដ្ឋាន។

================
Y26=0479-M09=004

03/09/2026

លោក រ៉េត សារ៉ាត់ ប្រធានមន្ទីរធម្មការនិងសាសនាខេត្តកំពង់ចាម បានអញ្ជើញចូលរួមពិធីបុកគ្រឹះបញ្ចុះបឋមសិលាសាងសង់សាលាបុណ្យនៅវត្តសុវណ្ណគិរីរតនៈភ្នំប្រុស ជាអំណោយដ៏ថ្លៃថ្លារបស់ លោកជំទាវ លាង វួចឆេង សម្ដេចឧត្តមទេពញាណ ហ៊ុន ណេង និងកូនចៅ។

ព្រឹកថ្ងៃព្រហស្បតិ៍ ៦រោច ខែស្រាពណ៍ ឆ្នាំម្សាញ់ អដ្ឋស័ក ព.ស.២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦

…………………………….
Y26=0478-M09=003

02/09/2026

កំពង់ចាម៖ លោក រ៉េត សារ៉ាត ប្រធានមន្ទីរធម្មការនិងសាសនា ខេត្តកំពង់ចាម និងមន្រ្តីជំនាញ បានចូលរួមវេទិកាពិគ្រោះយោបល់ និងផ្សព្វផ្សាយសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិលរបស់រដ្ឋបាលខេត្ត ក្រុង ស្រុក និងឃុំ សង្កាត់ ក្រោមអធិបតីភាព ដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណ:អភិបាលខេត្ត។

៙ថ្ងៃទី២.៩.២០២៦@៧:៣០នាទី
៙នៅសាលប្រជុំមន្ទីរផែនការខេត្ត
…………………………….
Y26=0477-M09=002
រូបភាព៖ សារ៉ន&សូណា

01/09/2026

(កំពង់ចាម)៖ នៅព្រឹកថ្ងៃទី០១ ខែកញ្ញា ឆ្នាំ២០២៦

លោក រ៉េត សារ៉ាត ប្រធានមន្ទីរធម្មការនិងសាសនា ខេត្តកំពង់ចាម បានអញ្ជើញអមដំណើរ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ចុះពិនិត្យទីតាំងសាងសង់សាលាបុណ្យថ្មីមួយ ស្ថិតនៅក្នុងបរិវេណវត្តសុវណ្ណគិរីរតនៈ ហៅ វត្តភ្នំប្រុស ឃុំអំពិល ស្រុកកំពង់សៀម ខេត្តកំពង់ចាម។

ព្រះធម្មសីលវង្សា ជិន សាវឿន ព្រះចៅអធិការវត្តសុវណ្ណគិរីរតនៈ (វត្តភ្នំប្រុស) បានមានសង្ឃដីកាថា ការសាងសង់សាលាបុណ្យនេះឡើង គឺក្នុងគោលបំណងដើម្បទទួលស្វាគមន៍ពុទ្ធបរិស័ទជិតឆ្ងាយ ដែលអញ្ជើញមកធ្វើបុណ្យសាងកុសល ក្នុងកម្មវិធីបុណ្យផ្សេងៗទៅតាមប្រពៃណីព្រះពុទ្ធសាសនា ដែលជាសាសនារបស់រដ្ឋ។ ព្រះតេជគុណបានបន្តទៀតថា ពិធីបញ្ចុះបឋមសិលាសាងសង់សាលាបុណ្យនេះ នឹងប្រព្រឹត្តទៅនាថ្ងៃទី០៣ ខែកញ្ញា ឆ្នាំ២០២៦ ខាងមុខនេះហើយ។

……………..
Y26=0476-M09=001

31/08/2026

#សេចក្ដីណែនាំ ស្ដីពី ការរៀបចំពិធីបុណ្យកាន់បិណ្ឌនិងភ្ជុំបិណ្ឌ ព.ស.២៥៧០ គ.ស.២០២៦

31/08/2026

28/08/2026

ថ្ងៃទី២៨ ខែសីហា ឆ្នាំ២០២៦ លោកស្រី ស្រង ដារុន ប្រធានប្រតិបត្តសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍នៅមន្ទូធម្មការនិងសាសនាខេត្តកំពង់ចាមនិងអនុប្រតិបត្តព្រមទាំងនិងសមាជិកកាតំណាងលោករ៉េត សារ៉ាតប្រធានមន្ទីរធម្មការ និង សាសនាខេត្តកំពង់ចាម ដឹកនាំដោយ លោកជំទាវ ប៉ាង ដានី ប្រធានប្រតិបត្តិសាខាសមាគមនារីខេត្ត សហការជាមួយ អ្នកគ្រូ វ៉ា ស៊ាវផេង មកពីក្រុមហ៊ុន ណាលី ហុងស៊ុយ បានរៀបចំពិធីផ្សព្វផ្សាយស្តីពី «គន្លឹះដោះស្រាយបញ្ហា និងការចូលរួមបង្កើនភាពរីកចម្រើនក្នុងគ្រួសារ» នៅសាលប្រជុំមន្ទីរកិច្ចការនារីខេត្តកំពង់ចាម។

Y26=0473_M08=033

26/08/2026

នៅថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦នេះ

លោក រ៉េត សារ៉ាត ប្រធានមន្ទីរធម្មការនិងសាសនា ខេត្តកំពង់ចាម និងជាអនុប្រធានសាខាសមាគម​ សិស្ស​ និស្សិត​ បញ្ញវន្តក្មេងវត្តខេត្ត តំណាងលោកបណ្ឌិត សំ ពិសិដ្ឋ ប្រធានសាខាសមាគម រួមជាមួយលោកអនុប្រធាន សមាជិក សមាជិកាសាខាសមាគមខេត្ត និងលោក អាន ម៉េងលាង ប្រធានអនុសាខាសមាគមស្រុកស្ទឹងត្រង់ ព្រមទាំងក្រុមការងារ ចុះជួបសំណេះសំណាល និងនាំយកទេយ្យវត្ថុ និងបច្ច័យ ដែលជាមូលនិធិឯកឧត្តម ហ៊ុន ម៉ានិត និង ឯកឧត្តម អ៊ុន ចាន់ដា ទៅប្រគេនដល់ព្រះសង្ឃគង់នៅអាស្រមធុតង្គវ័ន ហៅព្រៃក្រឡាញ់ ស្ថិតនៅក្នុងភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម។

ចំពោះទេយ្យវត្ថុ និងបច្ច័យប្រគេនព្រះសង្ឃ ជូនតាជី យាយជី អាចារ្យ គណៈកម្មការ រួមមាន៖
១.អង្ករ ៦ ការ៉ុង
២.មី ២ កេះ
៣.ទឹកសុទ្ធ ៤ កេះ
៤.ទឹកត្រី ១យួរ
៥.ទឹកស៊ីអ៊ីវ ១យួរ
៦.ភេសជ្ជៈកូកាកូឡា ២ កេះ
៧.បច្ច័យ ៦០០,០០០រៀល
………………………………
Y26=0472-M08=032
អត្ថបទ៖ នួន សេងហួ
រូបថត៖ ណុន ឋានៈ

25/08/2026

កំពង់ចាម÷ ថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦
លោក រ៉េត សារ៉ាត ប្រធានមន្ទីរធម្មការនិងសាសនា ខេត្តកំពង់ចាម បានអញ្ជើញអមដំណើរព្រះសិរីសង្គាមមុនី​ បណ្ឌិត​ យ៉ន​ កុសល្យ​​ ព្រះប្រធានផ្នែកពុទ្ធិកមធ្យមសិក្សា​ បានដឹកនាំព្រះមន្ត្រីសង្ឃ​និងមន្ត្រីរាជការនៃផ្នែកពុទ្ធិកមធ្យមសិក្សា បានចុះទៅសាលាពុទ្ធិកវិទ្យាល័យសម្តេច ជួន ណាត ខេត្តកំពង់ចាម ក្នុងគោលបំណងជំរុញការលើកទឹកចិត្តដល់គណៈគ្រប់គ្រង លោកគ្រូ អ្នកគ្រូ និងសមណសិស្ស សិស្ស។ នៅក្នុងជំនួបនោះ ព្រះប្រធានផ្នែកពុទ្ធិកមធ្យមសិក្សា បានលើកទឹកចិត្តគណៈគ្រប់គ្រងនិងលោកគ្រូ អ្នកគ្រូ ឱ្យបន្តការយកចិត្តទុកដាក់ខ្ពស់លើការពង្រឹងគុណភាពនិងប្រសិទ្ធភាពនៃការគ្រប់គ្រង ការបង្រៀន និងរៀន។ ជាមួយគ្នានេះដែរ ព្រះប្រធានផ្នែកក៏បានសង្កត់ធ្ងន់លើសារៈសំខាន់នៃ "បាលី-សំស្ក្រឹតនិងព្រះពុទ្ធសាសនាថាជានិមិត្តរូបនៃពុទ្ធិកសិក្សា"

=================
Y26=0471-M08=031