មន្ទីរអធិការកិច្ច ខេត្តកំពង់ចាម

02/06/2026

ញត្តិគាំទ្ររបស់មន្ទីរអធិការកិច្ចខេត្តកំពង់ចាម
ចំពោះចំណាត់ការរបស់រាជរដ្ឋាភិបាលកម្ពុជា
ក្នុងការដោះស្រាយបញ្ហាការទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ

02/06/2026

ញត្តិគាំទ្ររបស់ក្រសួងអធិការកិច្ច ចំពោះចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហាការទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ
————————————

02/06/2026

នៅព្រឹកថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦៖
**************
លោក អុិន ម៉េងថា អនុប្រធានមន្ទីរអធិការកិច្ចខេត្តកំពង់ចាម បានចូលរួមអបអរសាទរខួបលើកទី៧៧ ទិវាកុមារអន្តរជាតិ ១មិថុនា ឆ្នាំ២០២៦ ក្រោមប្រធានបទ" សន្តិភាពជាមូលដ្ឋានគ្រឹះនៃការគោរព និងកិច្ចគាំពារសិទ្ធិកុមារ" ក្រោមអធិបតីភាព ឯកឧត្តម ឃន ប្រុស អភិបាលរងនៃគណៈអភិបាលខេត្តកំពង់ចាម​ នៅសាលសន្និសីទសាលាខេត្តកំពង់ចាម។

01/06/2026

ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យានៃមន្ទីរអធិការកិច្ចខេត្តកំពង់ចាមបានគោរពទង់ជាតិព្រះរាជាណាចក្រកម្ពុជា នៅព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១​ ខែមិថុនា ឆ្នាំ២០២៦​ ក្នុងបរិវេណមន្ទីរអធិការកិច្ចខេត្តកំពង់ចាម។

29/05/2026

រាជធានីភ្នំពេញ៖​ លោកស្រី​ ឆាន​ ច័ន្ទធីតា​ ប្រធានមន្ទីរអធិការកិច្ចខេត្តកំពង់ចាម​ បានចូលរួមក្នុងពិធីសំណេះសំណាល និងបើកវគ្គបណ្ដុះបណ្ដាល ស្ដីពី «ស្រ្តីក្នុងភាពជាអ្នកដឹកនាំ»​ ក្រោមអធិបតីភាពលោកជំទាវ ចម ក្រស្នា ប្រធានកិត្តិយសគណៈកម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ (ន.ក.ស.អ) ក្រសួងអធិការកិច្ច នៅទីស្ដីការក្រសួងអធិការកិច្ច​ នាថ្ងៃទី២៩ ខែឧសភា ឆ្នាំ២០២៦​ដោយមានការចូលរួមពីថ្នាក់ដឹកនាំ និងសមាជិកាសាខាសមាគមក្រសួងអធិការកិច្ច​ និងមន្ទីរអធិការកិច្ចទាំង២៥រាជធានី​ ខេត្ត។

27/05/2026

លោក អុិន ម៉េងថា អនុប្រធានមន្ទីរ និងលោក អ៊ុត សុភា អនុប្រធានការិយាល័យកិច្ចការទូទៅ នៃអធិការកិច្ចខេត្តកំពង់ចាម បានចូលរួមកិច្ចប្រជុំត្រួតពិនិត្យគម្រោងអទិភាពនិងគម្រោងសកម្មភាពនៃកម្មវិធីវិនិយោគ ៣ឆ្នាំរំកិល ២០២៧-២០២៩ របស់រដ្ឋបាលខេត្ត ក្រោមអធិបតីភាព លោក ប៊ិ ប៊ុន្ថា ប្រធានមន្ទីរផែនការខេត្ត នៅសាលប្រជុំមន្ទីរផែនការខេត្តកំពង់ចាម នាព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦​។

26/05/2026

កិច្ចប្រជុំតាមដានវឌ្ឍនភាពការងារប្រចាំខែឧសភា​ និងលេីកទិសដៅបន្តខែមិថុនា​ ឆ្នាំ២០២៦​
============
លោកស្រី​ ឆាន​ ច័ន្ទធីតា​ ប្រធានមន្ទីរអធិការកិច្ចខេត្តកំពង់ចាម​ បានដឹកនាំកិច្ចប្រជុំបូកសរុប​ការងារប្រចាំខែឧសភា​ និងលេីកទិសដៅខែមិថុនា​ ឆ្នាំ២០២៦​ ដែលមានរបៀបវារៈដូចខាងក្រោម៖
-បេីកអង្គប្រជុំ
-របាយការណ៍បូកសរុបលទ្ធផលការងារប្រចាំខែឧសភា​ និងទិសដៅបន្តខែមិថុនា​ ឆ្នាំ២០២៦
-ផ្សព្វផ្សាយការកែសម្រួលសេចក្តីកំណត់​ ស្តីពីការបែងចែកតួនាទី​ ភារកិច្ច​ របៀបរបបការងារ​ និងការទទួលខុសត្រូវ​ ជូនដល់ថ្នាក់ដឹកនាំ​ មន្រ្តីរាជការ​ និងមន្រ្តីជាប់កិច្ចសន្យានៃមន្ទីរអធិការកិច្ចខេត្តកំពង់ចាម
-ផ្សព្វផ្សាយការកែសម្រួលបទបញ្ជាផ្ទៃក្នុងរបស់មន្ទីរអធិការកិច្ចខេត្តកំពង់ចាម
-មតិចូលរួមរបស់សមាជិក​ សមាជិកានៃអង្គប្រជុំ
-មតិបូកសរុប
កិច្ចប្រជុំនេះមានការអញ្ជេីញចូលរួមពីលោកអនុប្រធានមន្ទីរ​ លោក​ លោកស្រីប្រធាន-អនុប្រធានការិយាល័យ​ មន្រ្តីរាជការ​ និងមន្រ្តីជាប់កិច្ចសន្យា​នៃមន្ទីរអធិការកិច្ចខេត្ត​ ដែលប្រព្រឹត្តទៅនៅរសៀលថ្ងៃអង្គារ​ ១០កេីត​ ខែជេស្ឋ​ ឆ្នាំមមី​ អដ្ឋស័ក​ ព.ស.២៥៧០​ ត្រូវនឹងថ្ងៃទី២៦​ ខែឧសភា​ ឆ្នាំ២០២៦​ នៅសាលប្រជុំមន្ទីរអធិការកិច្ចខេត្តកំពង់ចាម។

25/05/2026

រដ្ឋបាលខេត្តកំពង់ចាម សូមជម្រាបជូនដល់ម្ចាស់ទីតាំងជួលស្នាក់នៅទាំងអស់​ តាមបណ្តាក្រុង​ ស្រុក​ ក្នុងខេត្តកំពង់ចាម

ការដែលបងប្អូនទទួលភ្ញៀវអន្តរជាតិ ដែលមិនមានឯកសារត្រឹមត្រូវ បើរកឃើញត្រូវទទួលពិន័យម្នាក់ ៤លានរៀល​ (១.០០០ដុល្លារ) ឫលេីសពីនេះទៅតាមស្ថានភាពល្មេីស (ច្បាប់ក៌បានអនុវត្ត​ ចំពោះទីតាំងមួយចំនួនរួចហើយ ដោយគ្មានការលើកលែងជាដាច់ខាត)។

ប្រសិន​បើរកឃើញមានការសហការបើក​ Scam Online នោះម្ចាស់ទីតាំងនឹងជាប់ទោសទណ្ឌ បន្ថែមទៀត។

កុំដេីម្បីប្រយោជន៍តិចតួចបំផ្លាញកិត្តិយសខេត្ត និង ជាតិខ្លួនឯង អាជ្ញាធរ​ មានសមត្ថកិច្ចនឹងស្រាវជ្រាវ​ អនុវត្តច្បាប់គ្រប់ទីកន្លែងដោយមិនលេីកលែង។

​ គណៈបញ្ជាការឯកភាព​រដ្ឋបាលគ្រប់ថ្នាក់​ នៃខេត្តកំពង់ចាម បានសច្ចាធានាជូនសម្តេចធិបតី​ នាយករដ្ឋមន្ត្រីរួចហើយ​ ហេីយប្តេជ្ញា​ បោសសំអាត​ Scam online អោយអស់ពីមូលដ្ឋាន​ ស្រុក​ ក្រុង​ និងខេត្ត​ ដើម្បីលើកមុខមាត់កិត្តិយសកម្ពុជាយើង។

សូមជូនជ្រាបដល់ម្ចាស់ទីតាំង បងប្អូនប្រជាពលរដ្ឋ និង មន្រ្តីគ្រប់លំដាប់ថ្នាក់ទាំងអស់​ សូមកុំពាក់ព័ន្ធ​ កុំនៅពីក្រោយ​ កុំអន្តរាគមន៍ និងសូមសហការ​រាយការណ៍​មកអាជ្ញាធរមានសមត្ថកិច្ច​ ដេីម្បីប្តេជ្ញាចិត្តរួមគ្នា​ រៀបចំសម្អាតផ្ទះយើងអោយបានស្អាត ដើម្បីចូលរួមជាមួយរាជរដ្ឋាភិបាលក្នុងការអភិវឌ្ឍ​ប្រទេស និងសេដ្ឋកិច្ចជាតិឲ្យបានរឹងមាំបន្ថែមទៀត។​ ( សូមបងប្អូន​ ទំនាក់ទំនងផ្តល់ពត៍មាន តាមរយ:លេខទូរស័ព្ទ​ :​
​ -​ 017 669 507​ នាយករដ្ឋបាលខេត្ត
​ -​ 012 497 559 ស្នងការនគរបាលខេត្ត​
​ -​ 097 429 6789 មេបញ្ជាការកងរាជអាវុធហត្ថខេត្ត
- 017 441 476 ប្រធានមន្ទីរទេសចរណ៍ខេត្ត។

25/05/2026

25/05/2026