03/09/2026
ថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦ ។
លោកវរសេនីយ៍ឯក ស៊ឹង អាន មេបញ្ជាការរង ទទួលការងារកសាងកម្លាំង និងជាប្រធានក្រុមការងារជ្រើសរើសយោធិន នៃកងរាជអាវុធហត្ថខេត្តកំពង់ចាម បានដឹកនាំអនុប្រធាន និងសមាជិក ក្រុមការងារជ្រើសរើសយោធិន នៃកងរាជអាវុធហត្ថខេត្ត អញ្ជើញជួបសំណេះសំណាល ធ្វើការផ្សព្វផ្សាយណែនាំដល់ប្អូនៗសិស្ស និស្សិត យុវជន ដែលបានមកទទួលពាក្យប្រឡងចូលបម្រើការងារក្នុងក្របខ័ណ្ឌកងរាជអាវុធហត្ថ ក្នុងស្មារតីប្រកបដោយមនសិការ និងឧត្តមគតិ ក្នុងការបម្រើជាតិមាតុភូមិ និងដំណើរការត្រួតពិនិត្យលក្ខណសម្បត្តិ និងចែកពាក្យ (ដោយឥតគិតថ្លៃ) ដល់បេក្ខជន ដែលគ្រប់លក្ខណសម្បត្តិ និងគ្រប់លក្ខខណ្ឌ ស្របទៅតាមផែនការរបស់ប្រធានអនុគណ:កម្មការជ្រើសរើសយោធិន នៃកងរាជអាវុធហត្ថលើផ្ទៃប្រទេស ។
