10/04/2026
សូមជម្រាបថា ខេត្តកំពង់ស្ពឺ គឺ #មិនទាន់មានការអនុវត្ត "យុទ្ធនាការផ្តល់បន្ថែមថ្នាំបន្តក់បង្ការជំងឺគ្រុនស្វិតដៃជើង (ប៉ូលីយ៉ូ)" នេះនៅឡើយទេ!
——————————
តបតាមសំណួរជាច្រើនរបស់បងប្អូនប្រជាពលរដ្ឋ ដែលបានសាកសួរតាមរយៈទំព័រហ្វេសប៊ុក (Page) និងនៅតាមមណ្ឌលសុខភាពនានា ទាក់ទងនឹងយុទ្ធនាការខាងលើ មន្ទីរសុខាភិបាលនៃរដ្ឋបាលខេត្តកំពង់ស្ពឺ សូមធ្វើការបញ្ជាក់ជូនសាធារណជនឱ្យបានជ្រាបថា៖
១. យោងតាមសេចក្តីជូនដំណឹងរបស់ក្រសួងសុខាភិបាល (ដូចមានក្នុងលិខិតភ្ជាប់) យុទ្ធនាការនេះត្រូវបានតម្រូវឱ្យអនុវត្ត តែនៅក្នុង ៨ រាជធានី-ខេត្ត ប៉ុណ្ណោះ នាពេលបច្ចុប្បន្ន (រួមមាន៖ រាជធានីភ្នំពេញ កណ្តាល បន្ទាយមានជ័យ ឧត្តរមានជ័យ ព្រះវិហារ ស្ទឹងត្រែង មណ្ឌលគិរី និងរតនគិរី)។
២. ដោយឡែកសម្រាប់ ខេត្តកំពង់ស្ពឺ យើង គឺមិនទាន់មានការអនុវត្តយុទ្ធនាការនេះនៅឡើយទេ។
📌 ក្នុងករណីមានការណែនាំថ្មីពីក្រសួងសុខាភិបាល ឱ្យមានការអនុវត្តយុទ្ធនាការនេះនៅក្នុងភូមិសាស្រ្តខេត្តកំពង់ស្ពឺ មន្ទីរសុខាភិបាលនឹងធ្វើការជូនដំណឹងជាផ្លូវការដល់សាធារណជនជាមុនឱ្យបានជ្រាបជាមិនខាន។
សូមអរគុណដល់បងប្អូនប្រជាពលរដ្ឋដែលតែងតែយកចិត្តទុកដាក់លើសុខភាពកុមារតូចៗ និងសហការយ៉ាងល្អជាមួយមន្ទីរសុខាភិបាល!
