Samdech Krolahom Sar Kheng

Samdech Krolahom Sar Kheng Contact information, map and directions, contact form, opening hours, services, ratings, photos, videos and announcements from Samdech Krolahom Sar Kheng, Government Official, Chbar Ampeou.
(4)

សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាអ្នកតំណាងរាស្ត្រ (Samdech Krolahom SAR KHENG, The Supreme Privy Council to His Majesty the King of the Kingdom of Cambodia and Member of Parliament)

07/09/2026

សេចក្ដីសង្ខេបព័ត៌មាន (Press Briefing) ស្ដីពី លទ្ធផលការងារការផ្សព្វផ្សាយគោលនយោបាយភូមិ ឃុំ-សង្កាត់ មានសុវត្ថិភាពរយៈពេល៣ឆ្នាំ (២០២៣ - ឆមាសទី១ឆ្នាំ២០២៦) ក្រោមយុទ្ធសាស្ត្របញ្ចកោណ ដំណាក់កាលទី១ ដឹកនាំដោយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា!

នាព្រឹកថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែកញ្ញា ឆ្នាំ២០២៦នេះ ឯកឧត្តមអភិសន្តិបណ្ឌិត ស ស...
07/09/2026

នាព្រឹកថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែកញ្ញា ឆ្នាំ២០២៦នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីភាពក្នុងពិធីបើកសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ នៅសណ្ឋាគារ សុខា ភ្នំពេញ ៕

[English Below] សេចក្ដីប្រកាសព័ត៌មាន ស្ដីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិល គិតត្រឹមព្រឹកថ្ងៃទី៦ ខែកញ្ញា ឆ...
06/09/2026

[English Below] សេចក្ដីប្រកាសព័ត៌មាន ស្ដីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិល គិតត្រឹមព្រឹកថ្ងៃទី៦ ខែកញ្ញា ឆ្នាំ២០២៦

Press Release on the Situation of Displaced Persons and Impact on Civilian Areas as of the Morning of 6 September 2026.

នាព្រឹកថ្ងៃអាទិត្យ ៩រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែកញ្ញា ឆ្នាំ២០២៦នេះ ឯកឧត្តមអភិសន្តិបណ្ឌិត ស...
06/09/2026

នាព្រឹកថ្ងៃអាទិត្យ ៩រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែកញ្ញា ឆ្នាំ២០២៦នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញចូលរួមពិធីបុណ្យទក្ខិណានុប្បទានគម្រប់ ៧ថ្ងៃ និង ១០០ថ្ងៃ ឧទ្ទិសមហាកុសលជូនបដិសន្ធិវិញ្ញាណ ឯកឧត្តមបណ្ឌិតសភាចារ្យ ច័ន្ទ សារុន តំណាងរាស្ត្រមណ្ឌលខេត្តតាកែវ និងជាធម្មសទ្ធាភិរ័ក្ខសិរីញាណ អគ្គមហាឧបាសកពុទ្ធសាសនូបត្ថម្ភក៍ នៅសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

សម្ពោធផ្លូវជូនអ្នកភូមិនៅខេត្តតាកែវ ឯកឧត្តមអភិសន្តិបណ្ឌិត ស សុខា ប្រកាសពីការសម្រេចចិត្តរបស់សម្ដេចធិបតី ផ្អាកហ្គេមភ្នាល់អន...
06/09/2026

សម្ពោធផ្លូវជូនអ្នកភូមិនៅខេត្តតាកែវ ឯកឧត្តមអភិសន្តិបណ្ឌិត ស សុខា ប្រកាសពីការសម្រេចចិត្តរបស់សម្ដេចធិបតី ផ្អាកហ្គេមភ្នាល់អនឡាញនៅគ្រប់កាសុីណូ!....………………….
" ខ្ញុំសូមបញ្ជាក់ពីឆន្ទៈ សម្ដេចធិបតី ប្រមុខរាជរដ្ឋាភិបាលនៃយើង គឺផ្អាកមិនឱ្យដំណើរការ ហ្គេមភ្នាល់អនឡាញនៅគ្រប់កាស៊ីណូ ចាប់ពីខែតុលា ឆ្នាំ២០២៦នេះតទៅ"។ នេះជាប្រសាសន៍ឯកឧត្តមអភិសន្តិបណ្ឌិត ស សុខា ថ្លែងនាឱកាសអញ្ជើញជាអធិបតីជាមួយលោកជំទាវ កែ សួនសុភី សសុខា ក្នុងពិធីសម្ពោធដាក់ឱ្យប្រើប្រាស់ផ្លូវបេតុង ចំនួន ១ខ្សែ ប្រវែង ៥.០០០ម៉ែត្រ នៅភូមិព្រៃម្លូ ឃុំក្រពុំឈូក ស្រុកកោះអណ្តែត ខេត្តតាកែវ នារសៀលថ្ងៃទី៥ ខែកញ្ញា ឆ្នាំ២០២៦នេះ។

បើតាមឯកឧត្តមអភិសន្តិបណ្ឌិត ការសម្រេចចិត្តដ៏ម៉ឺងម៉ាត់របស់សម្ដេចមហាបវរធិបតី ហ៊ុន ម៉ាណែត គឺដើម្បីពង្រឹងបន្ថែមទៀតនូវវិធានការបង្ការ ទប់ស្កាត់អំពើឆបោកតាមប្រព័ន្ធបច្ចេកវិទ្យា និងការចរាចរសាច់ប្រាក់គ្មានប្រភពច្បាស់លាស់ ដោយបានបន្ថែមទៀតថា"យើងស្រាវជ្រាវចុងក្រោយ ល្បែងចាក់តាមអនឡាញដែលផ្សាយផ្ទាល់ចេញពីកាស៊ីណូនេះ ហើយប្រាក់នេះយើងពិបាកគ្រប់គ្រង ដូច្នេះខែតុលាតទៅ គឺផ្អាកសិន"។

ប្រមុខក្រសួងមហាផ្ទៃ បានឱ្យដឹងទៀតថា ក្នុងចន្លោះពេលនៃការផ្អាកនេះ សម្ដេចមហាបវរធិបតី បានណែនាំឱ្យ ក្រសួងស្ថាប័នជំនាញរបស់រាជរដ្ឋាភិបាល ចាប់ផ្ដើមកសាង និងពង្រឹងវិធានការគ្រប់គ្រងល្បែងប្រភេទនេះឱ្យបានច្បាស់លាស់ ទាំងមូលដ្ឋានច្បាប់ និងលិខិតបទដ្ឋានគតិយុត្ត ហេដ្ឋារចនាសម្ព័ន្ធឌីជីថល ជាពិសេសមូលធនមនុស្សមានជំនាញ និងលក្ខណៈសម្បត្តិគ្រប់គ្រាន់ មុននឹងពិចារណាសម្រេចអនុញ្ញាតឡើងវិញ។ ឯកឧត្តមសង្កត់ធ្ងន់ថា ពីខែតុលាទៅ បើមានកាស៊ីណូណាល្មើស គោលការណ៍នេះ នឹងប្រឈមការដកអាជ្ញាបណ្ណ និងវិធានការច្បាប់ផ្សេងទៀត។

គួរកត់សម្គាល់ថា ក្នុងរយៈពេលជាងកន្លះឆ្នាំមកនេះ រាជរដ្ឋាភិបាលកម្ពុជា ក្រោមការដឹកនាំរបស់សម្ដេចធិបតី បានប្រែក្លាយការប្ដេជ្ញាចិត្ត ទៅជាលទ្ធផលយ៉ាងជាក់ស្ដែង ក្នុងបេសកកម្មបោសសម្អាតអំពើឆបោកតាមប្រព័ន្ធបច្ចេកវិទ្យា។ មេក្លោង និងអ្នកពាក់ព័ន្ធទាំងជនបរទេស និងខ្មែរ ជាច្រើននាក់ត្រូវបានចាប់ខ្លួនបញ្ជូនទៅតុលាការ និងទៅអនុវត្តនីតិវិធីច្បាប់នៅប្រទេសសាមី ខណៈជនបរទេសប្រមាណជាង៤សែននាក់ត្រូវបានបណ្ដេញចេញ និងចេញដោយស្ម័គ្រចិត្តពីប្រទេសកម្ពុជា។

ជាក់ស្ដែង វិធានការច្បាប់ត្រូវបានអនុវត្តចំពោះមន្ត្រីដែលរកឃើញជាប់ពាក់ព័ន្ធ ក្នុងសំណុំរឿងចំនួន៤ ទាក់ទិនជនសង្ស័យ ១៥នាក់ រួមមាន ព្រះរាជអាជ្ញារង អគ្គនាយករងអន្តោប្រវេសន៍ ស្នងការរងរាជធានីភ្នំពេញ អតីតអគ្គនាយកនៃក្រសួងការបរទេស ព្រមទាំងមន្ត្រីនគរបាល និងយោធាមួយចំនួនទៀត។ បើគិតចាប់ពីខែកក្កដា ឆ្នាំ២០២៥ ដល់ថ្ងៃទី៣១ ខែសីហា ឆ្នាំ២០២៦ អាជ្ញាធរកម្ពុជាបានជួយសង្គ្រោះ និងអនុវត្តនីតិវិធីដើម្បីធ្វើមាតុភូមិនិវត្តន៍ជនបរទេស ចំនួនជាង ២២.០០០នាក់ មកពី៣៨សញ្ជាតិ។

ក្នុងរយៈពេលដូចគ្នា សមត្ថកិច្ចបានកសាង និងបញ្ជូនសំណុំរឿង ចំនួន៤០៨ករណីទៅតុលាការ ពាក់ព័ន្ធនឹងជនត្រូវចោទ ៣.៤៧៧នាក់ រួមមាន មេខ្លោងនិងគូកន មកពី២៩សញ្ជាតិ។ រាជរដ្ឋាភិបាលទើបបានប្រកាសជាឱឡារិកប្រាប់អង្គទូត និងសហគមន៍អន្តរជាតិថាគ្មានទៀតឡើយសំបុកពួកឆបោកខ្នាតធំ ប៉ុន្តែកម្ពុជាទទួលស្គាល់ថា នៅមានសេសសល់ពួកចៃអនឡាញដែលរត់ទៅសំងំលួចលាក់ប្រព្រឹត្តជាទ្រង់ទ្រាយតូច ខ្លះតាមរថយន្ត ខ្លះតាមផ្ទះអ្នកភូមិ ឬហាងកាហ្វេ ដែលទីបំផុតត្រូវសមត្ថកិច្ចក្របួចដាក់ខ្នោះបានបន្តបន្ទាប់។

ក្នុងយុទ្ធនាការបោសសម្អាតនេះដែរ សមត្ថកិច្ចកម្ពុជា ក៏បានអនុវត្តវិធានការច្បាប់ដើម្បីបង្ក្រាបកាស៊ីណូចំនួន២៧ ក្នុងនោះ ដកហូតអាជ្ញាបណ្ណ ១៨កាស៊ីណូ និង ព្យួរអាជ្ញាបណ្ណ ៩កាស៊ីណូ។ បើគិតចាប់ពីខែកក្កដា ឆ្នាំ២០២៥ រហូតដល់ថ្ងៃទី៣១ ខែសីហាឆ្នាំ២០២៦ សមត្ថកិច្ចជំនាញបានបើកប្រតិបត្តិការស្រាវជ្រាវ និងត្រួតពិនិត្យទីតាំងសង្ស័យសរុប ៧៩៣ទីតាំង ដោយក្នុងនោះបានឈានទៅបង្ក្រាបជាក់ស្តែងចំនួន៦២៤ទីតាំង និងបានបង្រ្កាបរំលាយមណ្ឌលឆបោក ៨៦ទីតាំង។ ក្នុងប្រតិបត្តិការទាំងនេះ សមត្ថកិច្ចបានឃាត់ខ្លួនមុខសញ្ញាសង្ស័យសរុបជិត ៣ម៉ឺននាក់ មាន ៣៩សញ្ជាតិ។

ក្នុងឱកាសជួបពិភាក្សាការងារជាមួយឯកឧត្តមអភិសន្តិបណ្ឌិត ស សុខា ជាបន្តបន្ទាប់ បណ្ដាអង្គទូត និងប្រតិភូបរទេស ជាអាទិ៍ ស្ថានទូតអាម៉េរិក ចិន ជប៉ុន កូរ៉េ ប្រេស៊ីល ឥណ្ឌូនេស៊ី ឡាវ និងបណ្ដាអង្គការអន្តរជាតិចំណុះអង្គការសហប្រជាជាតិប្រចាំនៅកម្ពុជា សុទ្ធតែបានវាយតម្លៃ និងកោតសរសើរខ្ពស់ចំពោះលទ្ធផលបោសសម្អាតអំពើឆបោកតាមប្រព័ន្ធបច្ចេកវិទ្យានៅកម្ពុជា។ ព្រោះតែលទ្ធផលជាក់ស្ដែងនេះ បណ្ដាប្រទេស និងអង្គការអន្តរជាតិទាំងនោះ បានបន្តពង្រីកកិច្ចសហប្រតិបត្តិការបន្ថែមទៀតជាមួយក្រសួងមហាផ្ទៃ ពិសេសអគ្គស្នងការដ្ឋាននគរបាលជាតិ ដើម្បីធានាថា ពួកឧក្រិដ្ឋជននឹងមិនអាចមានលទ្ធភាពវិលមកកាច់សំបុកឡើងវិញ៕

ឯកឧត្តមអភិសន្តិបណ្ឌិត ស សុខា៖ ពន្ធនាគារត្រូវតែជាទីកន្លែងស្អាតស្អំ គ្មានរឿងអាស្រូវ និងស្តារនីតិសម្បទាជនជាប់ឃុំបានល្អ........
06/09/2026

ឯកឧត្តមអភិសន្តិបណ្ឌិត ស សុខា៖ ពន្ធនាគារត្រូវតែជាទីកន្លែងស្អាតស្អំ គ្មានរឿងអាស្រូវ និងស្តារនីតិសម្បទាជនជាប់ឃុំបានល្អ......
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសង្កត់ធ្ងន់ថា ពន្ធនាគារត្រូវតែជាទីកន្លែងស្អាតស្អំ គ្មានរឿងអាស្រូវ និងជាកន្លែងអប់រំកែប្រែអ្នកជាប់ឃុំឱ្យក្លាយជាពលរដ្ឋល្អឡើងវិញ ដោយផ្តោតលើការកែប្រែឥរិយាបថ ការបណ្តុះបណ្តាលជំនាញវិជ្ជាជីវៈ និងការផ្តល់ឱកាសក្នុងការកសាងជីវិតថ្មីប្រកបដោយកិត្តិយស ពេលត្រឡប់ចូលក្នុងសង្គមវិញ។

ការថ្លែងបែបនេះ ធ្វើឡើងក្នុងឱកាសដែល ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ស សុខា អញ្ជើញជាអធិបតីដ៏ខ្ពង់ខ្ពស់ ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ អគារឃុំឃាំង អគាររដ្ឋបាល និងសមិទ្ធផលនានានៅពន្ធនាគារខេត្តកែប ស្ថិតក្នុងភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប នាព្រឹកថ្ងៃទី៥ ខែកញ្ញា ឆ្នាំ២០២៦។

បើតាមការរាយការណ៍របស់ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានឱ្យដឹងថា ពន្ធនាគារខេត្តកែបនេះ ត្រូវបានបង្កើតឡើងតាមប្រកាសរបស់ក្រសួងមហាផ្ទៃ ចុះថ្ងៃទី២៣ ខែកុម្ភៈ ឆ្នាំ២០២២ ដោយសាងសង់លើផ្ទៃដីសរុបជិត ៦ហិកតា។

បើតាមឯកឧត្តមអគ្គនាយក បច្ចុប្បន្ន ការសាងសង់ដំណាក់កាលទី១ ត្រូវបានបញ្ចប់ជាស្ថាពរ រួមមាន អគារឃុំឃាំង ១ខ្នង (ទំហំ ១២មx៣៤ម កម្ពស់២ជាន់ មាន ១២បន្ទប់) អគាររដ្ឋបាល ១ខ្នង (ទំហំ ៩មx២៤,៥ម កម្ពស់១ជាន់ មាន ៥បន្ទប់), ផ្លូវបេតុង ១ខ្សែ (ទទឹង ៨ម និងប្រវែង ៤៨២ម) ព្រមទាំងសមិទ្ធផលហេដ្ឋារចនាសម្ព័ន្ធអមផ្សេងៗជាច្រើនទៀត។

ឯកឧត្តមអភិសន្តិបណ្ឌិត ស សុខា បានចាត់ទុកសមិទ្ធផលដែលដាក់ឱ្យប្រើប្រាស់នាពេលនេះ គឺជាជំហានវិជ្ជមានដ៏សំខាន់មួយ ក្នុងការចូលរួមកាត់បន្ថយភាពចង្អៀតណែននៅតាមពន្ធនាគារ ក្រោមការយកចិត្តទុកដាក់ខ្ពស់ពីប្រមុខរាជរដ្ឋាភិបាលកម្ពុជា ក្នុងការលើកកម្ពស់លក្ខខណ្ឌរស់នៅ និងការគ្រប់គ្រងជនជាប់ឃុំឱ្យកាន់តែមានប្រសិទ្ធភាព ខណៈបច្ចុប្បន្ន ជនជាប់ឃុំនៅទូទាំងប្រទេសមានជាង ៧២.០០០នាក់។

ក្នុងឱកាសនោះដែរ ឯកឧត្តមអភិសន្តិបណ្ឌិត ក៏បានណែនាំយ៉ាងម៉ឺងម៉ាត់ដល់ថ្នាក់ដឹកនាំ និងមន្ត្រីអនុរក្សពន្ធនាគារទាំងអស់ ត្រូវរួមគ្នារក្សាឱ្យបាននូវទំហំផ្ទៃដីពន្ធនាគារដែលមានស្រាប់ និងពិនិត្យឡើងវិញនូវទិដ្ឋភាពច្បាប់ពាក់ព័ន្ធនឹងស្ត្រីមានផ្ទៃពោះ និងជនបរទេសគ្មានអ្នកទីពឹង ដើម្បីធានាការផ្តល់ការអប់រំ និងថែទាំដល់កុមារ ព្រមទាំងត្រូវបែងចែកជនជាប់ឃុំជាអ្នកជួញដូរគ្រឿងញៀន និងអ្នកប្រើប្រាស់គ្រឿងញៀនឱ្យនៅដាច់ដោយឡែកពីគ្នា។

ប្រមុខក្រសួងមហាផ្ទៃ ក៏បានផ្ញើសារដាស់ស្មារតីដល់មន្ត្រីក្នុងក្របខ័ណ្ឌទាំងបី ឱ្យប្រកាន់ខ្ជាប់នូវក្រមសីលធម៌វិជ្ជាជីវៈ ដោយឡែកសម្រាប់ក្របខ័ណ្ឌមន្ត្រីពន្ធនាគារ ត្រូវរក្សាឱ្យបាននូវប្រសិទ្ធភាពគ្រប់គ្រង ទាំងការគោរពសិទ្ធិអ្នកជាប់ឃុំ និងជាពិសេសត្រូវអនុវត្តវិន័យយ៉ាងតឹងរ៉ឹងបំផុត ដើម្បីទប់ស្កាត់មិនឱ្យមានរឿងអាស្រូវណាមួយកើតឡើងជាដាច់ខាត។

ក្នុងន័យនេះ ឯកឧត្តមអភិសន្តិបណ្ឌិត បានណែនាំឱ្យរឹតបន្តឹងការត្រួតពិនិត្យនៅតាមច្រកចេញ-ចូលនីមួយៗ ទាំងការចូលសួរសុខទុក្ខពីសំណាក់សាច់ញាតិ ដោយត្រូវឆែកឆេរឱ្យបានស្ទាត់ជំនាញ ម៉ឺងម៉ាត់ និងគ្រប់ជ្រុងជ្រោយ ដើម្បីទប់ស្កាត់ដាច់ខាតនូវការលួចលាក់នាំចូលគ្រឿងញៀន អាវុធ ឧបករណ៍បម្រាម ឬសម្ភារខុសច្បាប់ផ្សេងៗចូលក្នុងពន្ធនាគារ។

ចេញពីវេទិកានោះដែរ ប្រមុខក្រសួងមហាផ្ទៃ ក៏បានផ្ញើសារក្រើនរំលឹកជាថ្មីម្តងទៀត ដល់ប្រជាពលរដ្ឋទូទៅ ព្រមទាំងមន្ត្រីរាជការទាំងអស់ ត្រូវចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន មិនថាតែនៅក្នុងរាជធានី-ខេត្តប្រឈមទាំង៥ ឬនៅក្រៅតំបន់ទាំងនោះឡើយ ហើយជាមួយគ្នានេះក្រសួងមហាផ្ទៃនឹងដាក់ឱ្យដំណើរការ រថយន្តស្កេន ដើម្បីត្រួតពិនិត្យមធ្យោបាយធ្វើដំណើរដែលគ្មានពន្ធ និងល្មើសច្បាប់ចរាចរណ៍តាមដងផ្លូវសាធារណៈ៕

05/09/2026

សូមអញ្ជើញទស្សនាវីដេអូ កម្លាំងនគរបាលការិយាល័យចរាចរណ៍ផ្លូវគោករាជធានីភ្នំពេញ បានបន្តធ្វើការអប់រំប្រជាពលរដ្ឋដែលបើកបរបញ្ច្រាសទិស នៅចំណុចក្រោមស្ពានអាកាសមរតកតេជោ រាជធានីភ្នំពេញ!

05/09/2026

ការរឹតបន្តឹងច្បាប់ចរាចរណ៍ពិតជាបានផល៖ ៣ថ្ងៃ ខែសីហា មានអ្នកដំណើរ ស្លាប់ ១៨នាក់ ប៉ុន្តែ ៣ថ្ងៃ ខែកញ្ញានេះ មានស្លាប់តែ ២នាក់ ប៉ុណ្ណោះ!
....…………….
សម្រង់វីដេអូខ្លី នៃវេទិកាអ្នកនាំពាក្យ ក្រោមប្រធានបទ ការប្រើប្រាស់បណ្ណបើកបរឌីជីថល និងលទ្ធផលអនុវត្តច្បាប់ចរាចរណ៍ តាមគោលការណ៍ឯកភាពរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា!

នារសៀលថ្ងៃសៅរ៍ ៨រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែកញ្ញា ឆ្នាំ២០២៦នេះ ឯកឧត្តមអភិសន្តិបណ្ឌិត ស សុខ...
05/09/2026

នារសៀលថ្ងៃសៅរ៍ ៨រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែកញ្ញា ឆ្នាំ២០២៦នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ស សុខា បានអញ្ជើញជាអធិបតីពិធីសម្ពោធដាក់ឱ្យប្រើប្រាស់ផ្លូវបេតុង ចំនួន ១ខ្សែ ប្រវែង ៥០០០ម៉ែត្រ នៅភូមិព្រៃម្លូ ឃុំក្រពុំឈូក ស្រុកកោះអណ្តែត ខេត្តតាកែវ។

05/09/2026

[វីដេអូ] សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តព្រៃវែង អញ្ជើញជាអធិបតីដឹកនាំកិច្ចប្រជុំប្រចាំខែសីហា ដើម្បីត្រួតពិនិត្យវឌ្ឍនភាពក្នុងការអនុវត្តផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ នៅស្នាក់ការគណបក្សប្រជាជនកម្ពុជាខេត្តព្រៃវែង សង្កាត់កំពង់លាវ ក្រុងព្រៃវែង ខេត្តព្រៃវែង នាព្រឹកថ្ងៃសៅរ៍ ៨រោច ខែស្រាពណ៍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៥ ខែកញ្ញា ឆ្នាំ២០២៦។

Address

Chbar Ampeou

Website

,

Alerts

Be the first to know and let us send you an email when Samdech Krolahom Sar Kheng posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Samdech Krolahom Sar Kheng:

Shortcuts

Share

Category