រដ្ឋបាលខេត្តបាត់ដំបង

រដ្ឋបាលខេត្តបាត់ដំបង រដ្ឋបាលខេត្តបាត់ដំបង / Battambang Provincial Hall រដ្ឋបាលខេត្តបាត់ដំបង
(1)

ឯកឧត្តម សុខ លូ អញ្ជើញចុះពិនិត្យសិប្បកម្មកែច្នៃដូងក្រអូបសម្រាប់ផ្គត់ផ្គង់ទីផ្សារក្នុងស្រុកដែលមានទីតាំងនៅស្រុកបាណន់បាត់ដំប...
04/09/2026

ឯកឧត្តម សុខ លូ អញ្ជើញចុះពិនិត្យសិប្បកម្មកែច្នៃដូងក្រអូបសម្រាប់ផ្គត់ផ្គង់ទីផ្សារក្នុងស្រុកដែលមានទីតាំងនៅស្រុកបាណន់

បាត់ដំបង៖នៅថ្ងៃទី៤ ខែកញ្ញា ឆ្នាំ២០២៦នេះ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចុះពិនិត្យទីតាំងសិប្បកម្មយ៉ានីដូងក្រអូបស្ថិតនៅភូមិសំណាញ់ ឃុំភ្នំសំពៅ ស្រុកបាណន់ ដែលជាសិប្បកម្មកែច្នៃដូងក្រអូបសម្រាប់ផ្គត់ផ្គង់ទីផ្សារក្នុងស្រុក។

មានប្រសាសន៍ក្នុងឱកាសនោះ ឯកឧត្តម សុខ លូ បានផ្ដល់បណ្ណសរសើរ និងថ្លែងអំណរគុណដល់លោក តាន់ សុភិន ម្ចាស់សិប្បកម្មយ៉ានីដូងក្រអូបដែលបានចូលរួមចំណែកលើកស្ទួយផលិតផលកសិកម្មក្នុងស្រុក និងបង្កើនប្រាក់ចំណូលដល់ប្រជាកសិករឱ្យមានជីវភាពកាន់តែប្រសើរឡើងតាមរយៈការដាំដំណាំដូងក្រអូបសម្រាប់ផ្គត់ផ្គង់ទីផ្សារក្នុងស្រុក។

ឯកឧត្តម លើកទឹកចិត្តដល់ម្ចាស់សិប្បកម្មឱ្យពង្រីកការកែច្នៃ និងបង្កើនការប្រមូលទិញដូងក្រអូបពីប្រជាកសិករសំដៅរួមគ្នាលើកកម្ពស់ផលិតផលក្នុងស្រុក និងកាត់បន្ថយការនាំចូល។

ឯកឧត្តម សុខ លូ អញ្ជើញពិនិត្យកសិដ្ឋានចិញ្ចឹមគោសាច់ និងគោពូជនៅស្រុកបាណន់ដែលបង្កើតឡើងដោយកូនខ្មែរបាត់ដំបង៖នៅថ្ងៃទី៤ ខែកញ្ញា ...
04/09/2026

ឯកឧត្តម សុខ លូ អញ្ជើញពិនិត្យកសិដ្ឋានចិញ្ចឹមគោសាច់ និងគោពូជនៅស្រុកបាណន់ដែលបង្កើតឡើងដោយកូនខ្មែរ

បាត់ដំបង៖នៅថ្ងៃទី៤ ខែកញ្ញា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចុះពិនិត្យកសិដ្ឋានចិញ្ចឹមគោសាច់RPRUដែលបង្កើតឡើងដោយកូនខ្មែរមានទីតាំងស្ថិតនៅភូមិព្រៃផ្ដៅ ឃុំតាគ្រាម ស្រុកបាណន់។

ក្នុងឱកាសនោះ ឯកឧត្តម សុខ លូ លើកទឹកចិត្តដល់កសិដ្ឋានឱ្យពង្រីកការចិញ្ចឹមគោសាច់ដែលមានគុណភាព និងសុវត្ថិភាពដើម្បីបង្កើនសមត្ថភាពផ្គត់ផ្គង់បំពេញតម្រូវការទីផ្សារ។
បើតាមអ្នកគ្រប់គ្រងកសិដ្ឋាន បានឱ្យដឹងថា បច្ចុប្បន្នកសិដ្ឋានមានមេគោពូជ និងមេគោបង្កាត់សិប្បនិម្មិតជាង១ ០០០ក្បាលចាប់ផ្ដើមបង្កាត់កាលពីអំឡុងចុងឆ្នាំ២០២៥ ហើយរហូតមកដល់ពេលនេះទទួលបានកូនគោដែលអាចបញ្ចេញបានសម្រាប់ផ្គត់ផ្គង់កសិដ្ឋានគោសាច់។

អ្នកគ្រប់គ្រងកសិដ្ឋាន បានឱ្យដឹងបន្ថែមថា កសិដ្ឋានត្រូវបានបង្កើតឡើងកាលពីឆ្នាំ២០២២ លើផ្ទៃដីប្រមាណជាង៦០ហិកតា មានការចុះបញ្ជីត្រឹមត្រូវនៅក្រសួងកសិកម្ម រុក្ខាប្រមាញ់ និងនេសាទ ដោយទទួលបានវិញ្ញាបនបត្រជាកសិដ្ឋានគ្មានជំងឺឆ្លងទូទាំងប្រទេស។ជំហានដំបូងកសិដ្ឋានបានសាកល្បងចិញ្ចឹមគោសាច់ប្រមាណជាង៤០០ក្បាលរហូតមកដល់ឆ្នាំ២០២៦នេះមានជាង៤ ០០០ក្បាល និងគ្រោងពង្រីកឱ្យបាន៦ ០០០ក្បាលនៅចុងឆ្នាំ២០២៦។

អ្នកគ្រប់គ្រង គូសបញ្ជាក់ថា គោសាច់នាពេលបច្ចុប្បន្ននេះមានតម្លៃល្អប្រសើរដែលធ្វើឱ្យប្រជាកសិករបន្តការចិញ្ចឹមគោ។
អ្នកគ្រប់គ្រងកសិដ្ឋាន ថ្លែងអំណរគុណដល់ថ្នាក់ដឹកនាំខេត្តបាត់ដំបង និងមន្ទីរអង្គភាពពាក់ព័ន្ធដែលតែងតែលើកទឹកចិត្តក្នុងការងារចិញ្ចឹមគោសាច់៕

គិតត្រឹ​មម៉ោង១២៖៣០នាទីថ្ងៃទី១​ ខែកញ្ញា​ ឆ្នាំ​២០២៦នេះ​​កម្ពស់​ទឹក​ស្ទឹង​សង្កែ​ ក្នុង​ក្រុង​បាត់ដំបង​បានស្រកចុះ​វិលមករកប្...
01/09/2026

គិតត្រឹ​មម៉ោង១២៖៣០នាទីថ្ងៃទី១​ ខែកញ្ញា​ ឆ្នាំ​២០២៦នេះ​​កម្ពស់​ទឹក​ស្ទឹង​សង្កែ​ ក្នុង​ក្រុង​បាត់ដំបង​បានស្រកចុះ​វិលមករកប្រក្រតីភាពវិញហេីយ

01/09/2026

ផ្សាយបន្តពីទូរទស្សន៍កម្ពុជា ទទក៖ ព្រះករុណាព្រះបាទសម្តេចព្រះបរមនាថ ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សតីស្តេចយាងទៅពិនិត្យព្រះរាជសុខភាពនៅសាធារណរដ្ឋប្រជាមានិតចិន។
---------------------
📍ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦

ឯកឧត្តម សុខ លូ អភិបាលខេត្តបាត់ដំបង និងប្រតិភូខេត្តបាត់ដំបង បានអញ្ជើញទស្សនកិច្ចនៅស្ថានីយវិទ្យុ និងទូរទស្សន៍ខេត្តគួយចូវ។ ក...
31/08/2026

ឯកឧត្តម សុខ លូ អភិបាលខេត្តបាត់ដំបង និងប្រតិភូខេត្តបាត់ដំបង បានអញ្ជើញទស្សនកិច្ចនៅស្ថានីយវិទ្យុ និងទូរទស្សន៍ខេត្តគួយចូវ។ ក្នុងដំណើរទស្សនកិច្ចនេះ លោក លីវ ជីងយាន អនុប្រធានស្ថានីយវិទ្យុ និងទូរទស្សន៍ ខេត្តគួយចូវ បានបង្ហាញអារម្មណ៍រំភើបរីករាយ និងបានបង្ហាញជូនគណៈប្រតិភូ អំពីប្រវត្តិ ស្នាដៃ និងដំណើរការងាររបស់ស្ថានីយ ព្រមទាំងបានបង្ហាញពីទស្សនជាវិជ្ជមាន ក្នុងការផ្លាស់ប្តូរទំនាក់ទំនងក្នុងវិស័យព័ត៌មាន និងកម្មវិធីកំសាន្តផ្សេងៗរវាងខេត្តទាំង២ ដើម្បីចូលរួមផ្សព្វផ្សាយវប្បធម៌ និងទេសចរណ៍រវាងគ្នាទៅវិញទៅមកនាពេលអនាគត។

ឯកឧត្តម សុខ លូ អភិបាលខេត្តបាត់ដំបង មានប្រសាសន៍គាំទ្រនូវសំណើនេះ និងសង្ឃឹមថាទំនាក់ទំនងក្នុងវិស័យព័ត៌មាននេះ នឹងដើរតួយ៉ាងសំខាន់ក្នុងការជំរុញកិច្ចសហប្រតិបត្តការរវាងទីក្រុងគួយយ៉ាងខេត្តគួយចូវ និង ខេត្តបាត់ដំបង អោយកាន់តែរីកចម្រើននិងស្អិតរមួតថែមទៀត។

ស្ថានភាពទឹកស្ទឹងសង្កែក្នុងក្រុងបាត់ដំបងគិតត្រឹមម៉ោង៩ព្រឹកថ្ងៃទី៣១ ខែសីហា ឆ្នាំ២០២៦នេះ មានកម្ពស់១៣,៥០ម៉ែត្រ សូមបងប្អូនប្...
31/08/2026

ស្ថានភាពទឹកស្ទឹងសង្កែក្នុងក្រុងបាត់ដំបងគិតត្រឹមម៉ោង៩ព្រឹកថ្ងៃទី៣១ ខែសីហា ឆ្នាំ២០២៦នេះ មានកម្ពស់១៣,៥០ម៉ែត្រ សូមបងប្អូនប្រជាពលរដ្ឋដែលរស់នៅតាម បណ្ដោយដងស្ទឹងសង្កែនៅប៉ែកខាងក្រោម ពិសេសអ្នកស្រុកឯកភ្នំបន្តប្រុងប្រយ័ត្នខ្ពស់ កំពស់ទឹកអាចបន្តឡើងបន្តិចនៅថ្ងៃនេះ និងអាចស្រកចុះទៅវិញនៅថ្ងៃបន្ទាប់។

ឯកឧត្តម សុខ លូ អញ្ជើញផ្តល់បទសម្ភាសន៍ដល់ទូរទស្សន៍ជាតិចិន និងអ្នកសារព័ត៌មានចិន ក្នុងកម្មវិធី BIG DATA EXPO 2026ឯកឧត្តម សុខ...
30/08/2026

ឯកឧត្តម សុខ លូ អញ្ជើញផ្តល់បទសម្ភាសន៍ដល់ទូរទស្សន៍ជាតិចិន និងអ្នកសារព័ត៌មានចិន ក្នុងកម្មវិធី BIG DATA EXPO 2026

ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញផ្តល់បទសម្ភាសន៍ជាមួយទូរទស្សន៍ជាតិចិន និងអ្នកសារព័ត៌មានចិន ក្នុងកម្មវិធី BIG DATA EXPO 2026 ដោយបានលើកឡើងពីសក្តានុពលវិស័យកសិកម្មរបស់ខេត្តបាត់ដំបង និងស្នើវិនិយោគិនចិនមកសិក្សា និងវិនិយោគលើការកែច្នៃកសិផល ដោយនាំយកបច្ចេកវិទ្យាទំនើបមកអភិវឌ្ឍនៅកម្ពុជា។

ឯកឧត្តមក៏បានសង្កត់ធ្ងន់លើសារៈសំខាន់នៃវិស័យបច្ចេកវិទ្យាក្នុងការគ្រប់គ្រងរដ្ឋបាលនាថ្ងៃអនាគត និងការអភិវឌ្ឍគ្រប់វិស័យដែលផ្អែកទៅលើទិន្នន័យ ដែលបច្ចេកវិទ្យានិងធនធានមនុស្សនេះក៏ជាវិស័យអទិភាពក្នុងយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាផងដែរ។

ក្នុងឱកាសនោះ ឯកឧត្តមអភិបាលបានបង្ហាញការកោតសរសើរយ៉ាងខ្លាំង ចំពោះខេត្តគួយចូវដែលមានសេដ្ឋកិច្ចឌីជីថលយ៉ាងធំ និងមានសក្តានុពលខ្លាំង ហើយទំនាក់ទំនងការបរទេសរវាងខេត្តបាត់ដំបងនិងទីក្រុងគួយយ៉ាង នៃខេត្តគួយចូវនេះ នឹងដើរតួនាទីយ៉ាងសំខាន់ក្នុងការផ្សព្វផ្សាយវប្បធម៌ ផ្លាស់ប្តូរទំនិញ និងបណ្តុះបណ្តាលធនធានមនុស្សនៅក្នុងខេត្តបាត់ដំបង លើវិស័យបច្ចេកវិទ្យានេះបានកាន់តែច្រើន។

ជាមួយគ្នានេះ ឯកឧត្តមបានបង្ហាញការប្តេជ្ញាចិត្តជំរុញកិច្ចសហប្រតិបត្តិការរវាងខេត្តបាត់ដំបង និងទីក្រុងគួយយ៉ាង លើវិស័យវប្បធម៌ ពាណិជ្ជកម្ម បច្ចេកវិទ្យា និងការអភិវឌ្ឍធនធានមនុស្ស ឱ្យកាន់តែប្រសើរ និងមាននិរន្តរភាព។

30/08/2026

ឯកឧត្តម សុខ លូ អភិបាលនៃគណៈអភិបាលខេត្តបាត់ដំបងអញ្ជើញចូលរួមកម្មវិធីបើកពិព័រណ៍ BIG DATA EXPO 2026 នៅខេត្តគួយចូវ

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចូលរួមកម្មវិធីបើកពិព័រណ៍ BIG DATA EXPO 2026 ក្រោមប្រធានបទ «TOKEN: A new path to value of data element» ក្រោមអធិបតីភាព ឯកឧត្តម លី ពីងជីន អភិបាលខេត្តគួយចូវ។

30/08/2026

រដ្ឋបាលខេត្តបាត់ដំបង និងក្រុងគួយយ៉ាង ខេត្តគួយចូវ នៃសាធារណៈរដ្ឋប្រជាមានិតចិនចុះMOUបង្កើតចំណងសម្ព័ន្ធមេត្រីភាព និងកិច្ចសហប្រតិបត្តិការ

ខេត្តគុយចូវ៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោក Wang Hong អភិបាលក្រុងគួយយ៉ាង បានអញ្ជើញជាអធិបតីក្នុងពិធីចុះអនុស្សរណៈយោគយល់គ្នា(MOU)ស្តីពីការបង្កើតចំណងសម្ព័ន្ធមេត្រីភាព និងកិច្ចសហប្រតិបត្តិការរវាងខេត្តបាត់ដំបងនៃព្រះរាជាណាចក្រកម្ពុជា និងក្រុងគួយយ៉ាង ខេត្តគួយចូវ នៃសាធារណៈរដ្ឋប្រជាមានិតចិន។

ឯកឧត្តម សុខ លូ អញ្ជើញចូលរួមពិធីបើកពិព័រណ៍ BIG DATA EXPO 2026 នៅខេត្តគួយចូវឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ...
30/08/2026

ឯកឧត្តម សុខ លូ អញ្ជើញចូលរួមពិធីបើកពិព័រណ៍ BIG DATA EXPO 2026 នៅខេត្តគួយចូវ

ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងសហការី បានអញ្ជើញចូលរួមពិធីបើកពិព័រណ៍ BIG DATA EXPO 2026 ក្រោមប្រធានបទ «TOKEN: A New Path to Value of Data Element» ក្រោមអធិបតីភាព ឯកឧត្តម លី ពីងជីន អភិបាលខេត្តគួយចូវ នៃសាធារណរដ្ឋប្រជាមានិតចិន។ ខេត្តគួយចូវ គឺជាខេត្តនៃបណ្តុំហេដ្ឋារចនាសម្ព័ន្ធទិន្នន័យធំ (BIG DATA) របស់ប្រទេសចិន និងក្រុមហ៊ុនធំៗជាច្រើនដូចជា Huawei និង Apple inc. ជាដើម។

Address

Road 1, In Front Of Old Bridge
Battambang
02000

Opening Hours

Monday 07:00 - 17:00
Tuesday 07:00 - 17:00
Wednesday 07:00 - 17:00
Thursday 07:00 - 17:00
Friday 07:00 - 17:00

Telephone

+85553732104

Website

,

Alerts

Be the first to know and let us send you an email when រដ្ឋបាលខេត្តបាត់ដំបង posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to រដ្ឋបាលខេត្តបាត់ដំបង:

Shortcuts

Share

Category