សំលេងរាជានិយម ខេត្តបាត់ដំបង

21/03/2026

-អបអរសាទរ ក្នុងឱកាសខួបអនុស្សាវរីយ៍លើកទី ៤៥ ឆ្នាំ នៃថ្ងៃបង្កើត គណបក្សហ៊្វុនស៊ិនប៉ិច (FUNCINPEC) (២១ មីនា ១៩៨១ - ២១ មីនា ២០២៦)

17/03/2026

03/03/2026

31/12/2025

ព្រះសារលិខិតអបអរសាទររបស់ ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច ផ្ញើជូន វីរៈកងទ័ពទាំង ១៨រូប និងក្រុមគ្រួសារ ។

-តាងនាមថ្នាក់ដឹកនាំ និងសមាជិក-សមាជិកា និងអ្នកគាំទ្រ នៃគណបក្សរាជានិយមហ៊្វុនស៊ិនប៉ិច ខ្ញុំ មាន សេចក្តីរំភើបរីករាយយ៉ាងខ្លាំងឥតឧបមា និងសូមចូលរួមសម្តែងនូវការអបអរសាទរយ៉ាងកក់ក្តៅបំផុត ក្នុងឱកាសដែលវីរកងទ័ពទាំង ១៨រូប ត្រូវបានដោះលែងឱ្យមានសេរីភាព និងបានវិលត្រឡប់មកជួបជុំក្រុមគ្រួសារវិញ ដោយសុវត្ថិភាពនាពេលនេះ។
សេរីភាពដែលវីរកងទ័ពយើងទទួលបាននៅពេលនេះ គឺជាមង្គលដ៏ឧត្តុង្គឧត្តម និងជាការទន្ទឹងរង់ចាំយ៉ាងអន្ទះសារបំផុតរបស់សាច់ញាតិ បងប្អូន ក៏ដូចជាប្រជារាស្ត្រខ្មែរទាំងមូល។ ការលះបង់ កម្លាំងចិត្ត និងភាពអត់ធ្មត់ ដ៏ខ្ពង់ខ្ពស់របស់វីរកងទ័ព និងក្រុមគ្រួសារក្នុងអំឡុងពេលកន្លងមក គឺជាសក្ខីភាពនៃភាពរឹងមាំ និងស្មារតីស្នេហា ជាតិមាតុភូមិដ៏មោះមុតបំផុត ដែលយើងខ្ញុំទាំងអស់គ្នាជានិច្ចកាលតែងតែគោរព និងវាយតម្លៃខ្ពស់បំផុត។
ក្នុងឱកាសដ៏វិសេសវិសាលនេះ យើងខ្ញុំ សូមឧទ្ទិសបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិ ក្នុងលោក សូមមេត្តាជួយបីបាច់ថែរក្សា និងប្រសិទ្ធពរជ័យដល់វីរកងទ័ពទាំង ១៨រូប ព្រមទាំងក្រុមគ្រួសារទាំងអស់ សូមឱ្យមានសុខភាពល្អបរិបូរណ៍ កម្លាំងមាំមួន និងទទួលបាននូវសេចក្ដីសុខ សុភមង្គល ព្រមទាំង ជោគជ័យគ្រប់ភារកិច្ចក្នុងជីវិតតរៀងទៅ។
យើងខ្ញុំ សង្ឃឹមយ៉ាងមុតមាំថា ការជួបជុំគ្នាឡើងវិញនេះ នឹងក្លាយជាកម្លាំងចិត្តថ្មីដ៏ខ្លាំងក្លា ក្នុងការកសាងជីវភាពគ្រួសារឱ្យកាន់តែរុងរឿង និងបន្តបម្រើជាតិមាតុភូមិរបស់យើងឱ្យកាន់តែមានភាពរីកចម្រើន និងរឹងមាំតទៅថ្ងៃមុខ។
សូមវីរកងទ័ព និងក្រុមគ្រួសារ ទទួលនូវការគោរពស្រឡាញ់ និងការដឹងគុណយ៉ាងជ្រាលជ្រៅបំផុតពី យើងខ្ញុំទាំងអស់គ្នា។