គណៈកម្មាធិការជាតិគ្រប់គ្រង និង អភិវឌ្ឍតំបន់ឆ្នេរសមុទ្រកម្ពុជា

30/05/2026

30/05/2026

ឯកឧត្តមឧប​នាយក​រដ្ឋមន្ត្រី​ សាយ សំអាល់ រដ្ឋមន្ត្រី​ក្រសួង​រៀប​ចំ​ដែនដី​ នគរូបនីយកម្ម​ និងសំណង់​ និងជាប្រធានគណៈកម្មាធិការជាតិគ្រប់គ្រង​ និងអភិវឌ្ឍន៍តំបន់ឆ្នេរសមុទ្រកម្ពុជា(គ.អ.ឆ.ក.)បានអញ្ជើញចុះពិនិត្យវឌ្ឍនភាព គម្រោងសាងសង់អាងប្រព្រឹត្តិកម្មទឹកកខ្វក់ និងវឌ្ឍនភាពការសាងសង់ ឆ្នេរតេជោសន្តិភាព ស្ថិតនៅភូមិថ្មី​ សង្កាត់​ព្រៃ​ធំ​ ក្រុងកែប​ ខេត្តកែប។

៣០​ ឧសភា​ ២០២៦

#គណៈកម្មាធិការជាតិគ្រប់គ្រង_និងអភិវឌ្ឍតំបន់ឆ្នេរសមុទ្រកម្ពុជា

30/05/2026

ឯកឧត្តមបណ្ឌិត ប៉ែន សុផល រដ្ឋលេខាធិការក្រសួងដ.ន.ស. និងជាអគ្គលេខាធិការគ.អ.ឆ.ក. បានដឹកនាំកិច្ចប្រជុំពិនិត្យនិងផ្ដល់មតិលើគម្រោងប្លង់អភិវឌ្ឍកំពង់ផែនេសាទសហគមន៍ ១)-ផ្សារក្តាម និង២)-ព្រែកតានេន ស្ថិតនៅក្នុងខេត្តកែប
ដោយមានការចូលរួម​ ឯឧ.វ៉ាន់​ មុនីនាថ អនុរដ្ឋលេខាធិការ​ក្រសួងបរិស្ថាន​ ឯឧ.ហ៊ុន​ កុសល,​ឯឧ.ហុឺ​ ចិន្តា,​ ឯឧ.ឱង​ សុធារិទ្ធអគ្គលេខាធិការ​រងគ.អ.ឆ.ក.​ និង​ ឯកឧត្តម ខូវ គួង អគ្គនាយករងនៃអគ្គនាយកដ្ឋានជលផល, ឯកឧត្តម ហួរ មិថុនា អភិបាលរងនៃគណៈអភិបាលខេត្តកែប និងសហការី, ឯឧ.តាក់​ ​ស៊ុនហួតតំណាងអគ្គនាយដ្ឋានដឹកជញ្ជូនផ្លូវទឹក ផ្លូវសមុទ្រ កំពង់ផែ នៃក្រសួងសាធារណការ និងដឹកជញ្ជូន, មន្ត្រីបច្ចេកទេសនៃអគ្គនាយដ្ឋានដឹកជញ្ជូនផ្លូវទឹក ផ្លូវសមុទ្រ កំពង់ផែ, មន្រ្តីបច្ចេកទេសនៃអគ្គនាយកដ្ឋានជលផល, ប្រធានផ្នែក អនុប្រធានផ្នែក មន្ត្រី និងមន្រ្តីជាប់កិច្ចសន្យានៃអគ្គលេខាធិការដ្ឋានគ.អ.ឆ.ក.។
-អង្គ​ប្រជុំបានអបអរសាទរចំពោះវឌ្ឍនភាពលទ្ធផលសិក្សាគម្រោងទាំងពីរ​ :
១)-គាំទ្រនិង​ឯកភាពទីតាំងកំពង់ផែទាំងពីរនៅខេត្តដោយបានផ្ទៀតផ្ទាត់ច្បាស់លាស់
២)-អង្គប្រជុំបានគាំទ្រនិងផ្ដល់មតិយ៉ាងយកចិត្តទុកដាក់អំពីលក្ខណៈបច្ចេកទេស​វិស្វកម្ម,​ស្ថាបត្យកម្ម,​ បរិស្ថាននិងក្របខណ្ឌច្បាប់ចំពោះកំពង់ផែសហគមន៍នេសាទ​ផ្សារក្តាមនិង​ព្រែកតានេន​ខេត្តកែប។
៣)-ក្រុមការងារអគ្គនាយកដ្ឋានជលផល និងតំណាងនៃអគ្គនាយដ្ឋាន ដឹកជញ្ជូនផ្លូវទឹក ផ្លូវសមុទ្រ កំពង់ផែ នឹងបន្តពិភាក្សាតាមរយ:ក្រុម Telegram​ អំពីលក្ខណ:វិស្វកម្មសមុទ្រ។
៤)- អគ្គនាយកដ្ឋានជលផលនឹងរៀបចំរបាយការណ៍ EIA ជូនក្រសួងបរិស្ថាននៅពេលឆាប់ៗ។
៥)- តំណាងនៃអគ្គនាយដ្ឋានដឹកជញ្ជូនផ្លូវទឹក ផ្លូវសមុទ្រ កំពង់ផែ នឹងជួយសម្របសម្រួលការងាររៀបចំលិខិតអនុញ្ញាតសាងសង់ផែសហគមន៍នេសាទទាំង២​ តាមនីតិវិធី។

២៩ ឧសភា ២០២៦

#គណៈកម្មាធិការជាតិគ្រប់គ្រង_និងអភិវឌ្ឍតំបន់ឆ្នេរសមុទ្រកម្ពុជា

28/05/2026

27/05/2026

ឯកឧត្តមបណ្ឌិត​ ប៉ែន​ សុផល​ រដ្ឋលេខាធិការក្រសួងរៀបចំដែនដីនគរូបនីយកម្ម​ និងសំណង់​ និងជាអគ្គលេខាធិកាគណៈកម្មាធិការជាតិគ្រប់គ្រង​ និងអភិវឌ្ឍតំបន់ឆ្នេរសមុទ្រកម្ពុជា​ (គ.អ.ឆ.ក.) បានដឹកនាំកិច្ចប្រជុំជីវភាពប្រចាំខែរបស់អគ្គលេខាធិការដ្ឋាន​ គ.អ.ឆ.ក.។

២៧​ ឧសភា​ ២០២៦

#គណៈកម្មាធិការជាតិគ្រប់គ្រង_និងអភិវឌ្ឍតំបន់ឆ្នេរសមុទ្រកម្ពុជា

26/05/2026

ឯកឧត្តមបណ្ឌិត​ ប៉ែន​ សុផល រដ្ឋលេខាធិការក្រសួងរៀបចំដែនដីនគរូបនីយកម្ម​ និងសំណង់​ និងជាអគ្គេខាធិក​ា​ គ.អ.ឆ.ក.បានដឹកនាំបេីកវគ្គបណ្ដុះបណ្ដាលគ្រូបង្គោលអំពីជំនាញ PLATEAU-3D Cities Model ​សម្រាប់ជំហានទី២ មានរយ:ពេលពីរថ្ងៃពេញ​ (​ថ្ងៃទី២៥​ និងទី២៦ ​ខែ​ឧសភា​ ឆ្នាំ២០២៦) ​ដែលបង្រៀនដោយគ្រូបង្គោលជំនាញ​ 3D Mapping ចំនួន០៤រូប​ មកពីក្រុមហ៊ុន PASCO ប្រទេសជប៉ុន។

-ចូលរួមក្នុងវគ្គបណ្តុះបណ្តាលនេះមានឯកឧត្តម ឱង សុទ្ធារិទ្ធិ អគ្គលេខាធិការរងគ.អ.ឆ.ក., លោក ជិន ឆរម្យ អនុប្រធាននាយកដ្ឋានភូមិសាស្រ្តនិង​ជាប្រធានគ្របគ្រងវគ្គ,មន្រ្តីបច្ចេកទេសជាគ្រូបង្គោលនៃអគ្គលេខាធិការដ្ឋាននៃគណ:កម្មាធិការជាតិគ្រប់គ្រងនិង​អភិវឌ្ឍតំបន់ឆ្នេរសមុទ្រកម្ពុជា(គ.អ.ឆ.ក), អគ្គនាយកដ្ឋានរៀបចំដែនដីនិងនគរូបនីយកម្ម,​អគ្គនាយកដ្ឋានលំនៅឋាន,​ អគ្គនាយកដ្ឋានសុរិយោដីនិងភូមិសាស្រ្ត, ​ និងអគ្គនាយកដ្ឋានសំណង់​ សរុបចំនួន៣០នាក់។

២៥​ ឧសភា​ ២០២៦

24/05/2026

មនុស្សច្រើនកុះករ បានចូលរួមកម្មវិធី “រត់ដើម្បីក្តីស្រលាញ់ រត់ដើម្បីទេសចរណ៍” នៅខេត្តកែប នាព្រឹកថ្ងៃទី២៤ ខែឧសភា ឆ្នាំ២០២៦ ក្រោមវត្តមាន ឯកឧត្តមបណ្ឌិត សោម ពិសិដ្ឋ អភិបាលខេត្តកែប រួមជាមួយមន្ត្រីរាជការ និងបងប្អូនប្រជាពលរដ្ឋជាច្រើននៅទូទាំងខេត្ត។

ព្រឹត្តិការណ៍នេះ មានគោលបំណងរួមគ្នាលើកកម្ពស់សុខភាព ផ្សព្វផ្សាយសក្តានុពលទេសចរណ៍ និងបង្ហាញពីសម្រស់ធម្មជាតិដ៏ស្រស់ស្អាតរបស់ខេត្តកែប ទៅកាន់ភ្ញៀវទេសចរជាតិ និងអន្តរជាតិ៕

ប្រភព: មន្ទីរពត៌មានខេត្តកែប

24/05/2026

ទំនប់ភ្នំដំរី ស្រុកកំពង់ត្រាច ខេត្តកំពត 🌿

#គណៈកម្មាធិការជាតិគ្រប់គ្រង_និងអភិវឌ្ឍតំបន់ឆ្នេរសមុទ្រកម្ពុជា
#ក្រុមការងារចុះមូលដ្ឋានតំបន់ឆ្នេរ

🎥 Mat Ousman

24/05/2026

ថ្ងៃឧបោសថសីល🙏
៨កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០

សុខព្រោះហេតុ ៩ យ៉ាង ៖
១. សុខ ព្រោះមិនបៀតបៀនអ្នកដទៃ
២. សុខ ព្រោះសន្សំសេចក្តីល្អ
៣. សុខ ព្រោះការព្រមព្រៀង
៤. សុខ ព្រោះមានបញ្ញាយល់ដឹងការពិត
៥. សុខ ព្រោះមិនក្រោធខឹង
៦. សុខ ព្រោះការមិនប្រកាន់
៧. សុខ ព្រោះការឱ្យអភ័យ
៨. សុខ ព្រោះការមិនយកទុក្ខមកដាក់ខ្លួន
៩. សុខ ព្រោះការបានឈ្នះខ្លួនឯង