Кан-Ачуу мамлекеттик жаратылыш паркы

06/02/2026

Егерь кызматкерлердин билим деңгээлин жогорулатуу жана коопсуздугун алдын алуу, акт, протокол түзүү жана арендага берилген жайыт жерлерин мыйзамдуу чечип берүү жагын окутуп үйрөтүү жөнүндө 1жумалык окутуулар жүргүзүлдү. Иштин жума күнүндө илимий кызматкер Э.Айтмурза кызы тарабынан "Жапайы жаныбарлардын оорулары жана аларды алдын алуу" деген темада окутуу жүргүздү. Окуунун аягында Ак илбирсти Ала-Тоонун символу катары кызыктуу класстер түзүлүп егерлер активдүү катышуу менен кызыктуу презентация кылынды. Окутуу абдан кызыктуу өткөрүлүп, окутуунун аягында тест алуу методу да жургузулду.

03/02/2026

03.02.2026ж
Бүгүн егерлерге өтүлүүчү сабактын экинчи күнү.
Сабактын аталышы:
1.Укук бузуу жөнүндө протокол толтуруну үйрөтүү.
2.Укук бузуулар жөнүндө кодексин окутуу.
Бүгүнкү сабакка егерлер активдүү катышып, укук бузуу, кодекс жана протокол толтуруу боюнча кененирээк маалыматка ээ болушту.
Сабакты өткөн: инженер Б. Иманбердиев.

03/02/2026

Егерь кызматкерлердин билим деңгээлин жогорулатуу жана коопсуздугун алдын алуу, акт, протокол түзүү жана арендага берилген жайыт жерлерин мыйзамдуу чечип берүү жагын окутуп үйрөтүү жөнүндө окутуулар жүргүзүлүүдө, Күндүн алгачкы күнүндө директордун орун басары Н.Досматова "Егерь сыймыктуу кесип"деген темада окутуу жүргүздү.

03/02/2026

“Кан-Ачуу” мамлекеттик жаратылыш паркынын директорунун орун басары, улук илимий кызматкери жана егер кызматкерлери менен биргеликте айыл тургундарына канаттууларды атып жок кылбоо жана ошондой салынган айып пулдардын ѳлчѳмү боюнча түшүндүрүү иштери жүргүзүлдү. Ал эми кыргоолдор айыл чекесиндеги тургундардын сарайларына чейин учуп келишүүдѳ, жылдан жылга кыргоолдун саны кескин ѳскѳндүгүн жана адамдардан коркпой сарайларынын жанына чейин келип жем таап жеп жатышкандыгын жана учуп келишкенде кээ бир тургундар жем чачып коюшаарын айтып маалымат беришүүдѳ. Андыктан Тогуз-Торо элине, айыл тургундарына кайрылуу жапайы жаратылышты ар бир адам сактоого милдеттүү жана баарыбыз биргеликте сактайлы.

23/01/2026

“Кан-Ачуу” мамлекеттик жаратылыш паркынын обходторун көзөмөлдөө, парктын ичиндеги мыйзамсыз аңчылыкка каршы күрөшүү жана мыйзам бузуу фактыларын болтурбоо, максатында 2026-жылы 21-30-январга чейин графиктин негизинде инженер Б.Иманбердиев, аймак башчы А.Абдылашымов жана жалпы егерь кызматкерлер болуп “Кан-Ачуу” мамлекеттик жаратылыш паркынын Көл-Камыш жана Бос-Секи аймактарына кѳзѳмѳл жүргүзүлдү.

20/01/2026

19/01/2026

“Кан-Ачуу” мамлекеттик жаратылыш паркы тынымсыз жүргүзүлгѳн рейдтин жана постун негизинде жаныбарлардын тоюттук базасын камсыздоо максатында жакын аймакка чейин түшүп келген эчки текелерге чѳп чачуу жана туз кою иштери жүргүзүлдү.

19/01/2026

“Кан-Ачуу” мамлекеттик жаратылыш паркы түзүлгѳн графиктин жана мыйзамсыз иштердин алдын алуу максатында парктын егерь кызматкерлери тарабынан рейд жана поско туруу иштери тынымсыз жүргүзүлүүдө. Андан тышкары рейд жана поско туруу учурунда √5 обхот Бос-Секи аймагындагы егердин үйүн жана Беседкаларды тазалоо иштери жүргүзүлдү.

19/01/2026

“Кан-Ачуу” мамлекеттик жаратылыш паркы түзүлгѳн графиктин жана мыйзамсыз иштердин алдын алуу максатында парктын егерь кызматкерлери тарабынан рейд жана поско туруу иш аракеттери тынымсыз жүрүүдѳ. Андан тышкары жаныбарлардын түрүнѳ да байкоо жүргүзүлүп мурунку жылдарга салыштырмалуу кыргоолдун, жаныбарлардын саны кескин кѳбѳйгѳндүгү байкалууда жана ошондой эле жаныбарларды коргоо иштери тынымсыз жүргүзүлгѳндүгүнүн себебинен улам жапайы жаныбарлар ээн эркин жана адамдардан коркпостон жакын аймактарда байыр алышууда.