02/02/2026
2025-жылдын жыйынтыктарынын негизинде, Лейлек районунун мамлекеттик администрациясынын жана райондук "Ата-Журт Лейлек" гезитинин тандоосу менен "ЖЫЛДЫН МЫКТЫ МЕКЕМЕСИ",- деп КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНЕ КАРАШТУУ МАМЛЕКЕТТИК САЛЫК КЫЗМАТЫНЫН БАТКЕН ОБЛУСУНУН ЛЕЙЛЕК РАЙОНУ БОЮНЧА БАШКАРМАЛЫГЫ ТАБЫЛДЫ. Белгилей кетчү нерсе, Кыргыз Республикасынын Министрлер Кабинетине караштуу Мамлекеттик салык кызматынын Лейлек району боюнча башкармалыгы 2025-жыл үчүн салыктар боюнча берилген пландын аткарылышында бир топ жетишкендиктерди камсыз кылды. 2025-жыл үчүн 421 884,1 миң сом план жеткирилип 439 746,7 миң сом жыйналып, 2025-жыл үчүн план 104,2 %га же болбосо 17 862, миң сомго ашыгы менен аткарылды. 2024-жылга салыштырмалуу 68 186,6 миң сомго көп чогултулуп, өсүү темпи 118,4 %ды түздү. Анын ичинен республикалык бюджетке 227 732,5 миң сом план жеткирилип, 229 802,1 миң сом жыйналып, план 100,9 % же 2069,6 миң сомго ашыгы менен жыйналды. 2024-жылга салыштырмалуу 69524,4 миң сомго көп чогултулуп, өсүү темпи 143,4 %ды түздү. Жергиликтүү бюджет боюнча 194 151,6 миң сом план жеткирилип, 209 944,6 миң сом жыйналып план 108,4 % же 15793 миң сомго ашыгы менен аткарылды. 2024-жылдын ушул убагына салыштырмалуу 1338,1 миң сомго аз чогултулуп, өсүү темпи 99,4 % түздү. Өсүү темпинин төмөндөшүнүн себеби, 2025-жылы киреше салыгынын 10 % (19527,9 миң) сом республикалык бюджетке өткөн. Башкармалыктын жетекчили тарабынан ар бир салык инспекторуна милдеттер так коюлуп, өздөрүнө жүктөлгөн милдеттерин так жана ак ниеттүүлүк менен аткарууда. Мамлекеттин бюджетин толтуруу, көмүскө экономика менен күрөшүүдө ар бир кызматкердин эмгеги жогору экендиги жетекчилик тарабынан дайыма белгиленүүдө. Ар бир салык кызматкери мындан ары да алдына коюлган милдеттенмелерин Мыйзам чегинде иш алып баруусун улантат.
