Төрөбай Кулатов айыл өкмөтү

29/08/2026

Урматтуу Т.Кулатов айыл аймагынын тургундары!

Эгемендүүлүк майрамына карата милиция күчөтүлгөн тартипте кызмат өтөп жатышат Ошондуктан Сиздерден коомдук тартиптин нормаларын сактоону,
бири-бириниздерге карата өз ара урмат-сый менен мамиле кылууну жана коомдук жайларда сөгүнгөн
сөздөрдү колдонуудан алыс болууну суранабыз.
Коомдук тартипти бузгандыгы жана майда бейбаштык жасагандыгы үчүн Кыргыз Республикасынын мыйзамдарында жоопкерчилик
каралгандыгын билдиребиз.
Бишкекте чыр чыгарган чет өлкөлүк 20 жаран өлкөдөн чыгарылат. Октябрь районунда чет өлкөлүк жарандардын ортосунда мушташ болгону тууралуу маалымат түшүп, милиция окуяга тиешеси бар 20 адамды аныктап, кармады.
Аларга карата укук бузуулар боюнча протоколдор түзүлүп, убактылуу кармоочу жайга киргизилди. Учурда аларды Кыргызстандан чыгаруу (депортациялоо) маселеси каралууда.
Милиция коомдук тартипти сактоого жана коомдук жайларда чыр-чатак чыгарбоого чакырды. Кырдаал милициянын көзөмөлүндө, абал туруктуу.

29/08/2026

🇰🇬 Эгемендүүлүктүн 35 жылдыгына карата ишембилик өткөрүлдү!

Кыргыз Республикасынын Эгемендүүлүгүнүн 35 жылдыгын белгилөөгө Ноокат районунун мамлекеттик администрациясынын башчысы-аким Керимкулов Нурланбек Бейшенбековичтин тапшырмасы менен Т.Кулатов айыл аймагынын санитардык абалын жакшыртууга байланыштуу 2026-жылдын 29-августунда айыл аймагында жалпы ишембилик өткөрүлдү. Ишембиликтин жүрүшүндө айыл аймагында чоң жолдун жээктери, арыктар, спорт аянттары, мекеме ишканалардын айланалары тазаланып, тиричилик калдыктары чогултулуп, таштандылар тазаланып чыгарылды.
Ишембиликке активдүү катышкан аппарат кызматкерлери, маданият жана спорт боюнча кызматкери, мекеме ишканалардын кызматкерлерине терең ыраазычылык билдиребиз.
Таза айыл аймагыбыз — жалпыбыздын жоопкерчилигибиз!
Т.Кулатов айыл аймагынын айыл өкмөтүнүн башчысы
Эшимбаев Абсатар Көчкөнбаевич!

26/08/2026

Маданият — элдин руханий байлыгы. Ал эми маданият үйү — ошол байлыкты сактап, кийинки муунга өткөрүп берүүчү очок. Ноокат районундагы Т. Кулатов айыл аймагындагы А...

22/08/2026

Ишембилик

Бүгүн 2026-жыл 22-август күнү
Т.Кулатов айыл аймагында ишембилик болуп өттү. Бардык кызматкерлердин демилгесинин жана активдүү катышуусунун негизинде аймактар,көчөлөр, арыктар тазаланып, жалпы экологияга,тазалыкка таасир эте турган жумуштар жасалды. Ишембиликке аппарат кызматкери катышып, таштандылар чыгарылды.
Ноокат районунун мамлекеттик администрациясынын башчысы-аким Нурлан Бейшенбековичтин демилгесин колдоп, айыл аймагыбыздын тазалыгы үчүн кайдыгер болбой ишембиликке чыккан ар бир кызматкерибизге ыраазычылык билдирем
Т.Кулатов айыл аймагынын айыл өкмөтүнүн башчысы
Эшимбаев Абсатар Көчкөнбаевич!

15/08/2026

ИШЕМБИЛИК!

2026-жыл 15-август күнү Т.Кулатов
айыл аймагынын айыл өкмөтүнүн башчысы Абсатар Көчкөнбаевичтин демилгеси менен айыл аймакта тазалыкты сактоо максатында ишембилик өткөрүлдү. Ишембиликке айыл өкмөтүнүн аппарат кызматкерлери активдүү катышышты.
Ишембилик учурунда айыл ичиндеги таштандылар тазаланып, айлана-чөйрөгө көңүл бурулуп, таштанды чыгарылып, тиешелүү жерлерге ташылып жеткирилди.
Т.Кулатов айыл аймагынын айыл өкмөтүнүн аппарат кызматкерлери кайсы мезгили болбосун, ишембиликтерди өткөрүүнү салтка айлантып, айлана-чөйрөнү таза кармоого ар убак көңүл бөлүп келет. Ишембилик – бул коомдун социалдык жоопкерчилиги деп эсептейбиз.
Т.Кулатов айыл аймагынын айыл өкмөтү бардык тургундарды тазалыкка көңүл буруп, үй айланасын, көчөлөрдү таза сактоого, табиятка аяр мамиле кылууга чакырат.
Таза айыл - биздин жалпы үйүбүз!

15/08/2026

Т.Кулатов айыл аймагынын
Жолдош Амираев атындагы борбордук маданият үйүнүн директору
Эргешов Талант Садыбакасович жетектеген музыкалык топ, таланттуу ырчы айымыбыз Ормонова Мөлмөл жана башка маданият кызматкерлерине иштерине ийгилик каалайбыз. Айыл аймагы боюнча таланттуу окуучуларга түрдүү ийрим ачып тарбиялап, музыкалык аспаптар менен ойноого үйрөтүп жатышат.
Көптөгөн эл аралык майрамдарга карата иш-чараларда ийгиликтерди багынтып, айыл аймагын даңазалап келишет.
Маданият кызматкерлерибизге ыраазычылык билдиребиз!

#тв15кыргызстан #новости #кыргызстан #жаңылыктар #кыргызстанжаңылык...

01/08/2026

29-июнь 2026-жыл.

VI Дүйнөлүк Көчмөндөр оюнундарына Баткен облусунан келе жаткан суу сакчыларын Т.Кулатов айыл аймагынын айыл өкмөтүнүн аппарат кызматкерлери жана Ж.Амираев атындагы маданият үйүнүн "Абшыр-Ата" эстрадалык, фальклордук жандуу ансамбли менен биргеликте тосуп алышты.
Салтанаттуу иш-чарага маданият кызматкерлеринин салымы чоң деп эсептейбиз!
Т.Кулатов айыл аймагынын айыл өкмөтүнүн башчысы
Эшимбаев Абсатар Көчкөнбаевич.

30/07/2026

«Биримдик кербени» долбоорунун суу алуу аземи Т.Кулатов айыл аймагынын Абшыр-Ата шаркыратмасынан башталды.

30/07/2026