Т.Зулпуев атындагы айыл өкмөтү

Directions

Т.Зулпуев атындагы айыл өкмөтү https://www.facebook.com/profile.php?id=100080754013369

🌿 Т. ЗУЛПУЕВ АЙЫЛ АЙМАГЫНДА ЖАЛПЫ РЕСПУБЛИКАЛЫК ИШЕМБИЛИК ӨТКӨРҮЛДҮКыргыз Республикасынын Президентинин 2022-жылдын 6-се...
19/09/2026

🌿 Т. ЗУЛПУЕВ АЙЫЛ АЙМАГЫНДА ЖАЛПЫ РЕСПУБЛИКАЛЫК ИШЕМБИЛИК ӨТКӨРҮЛДҮ

Кыргыз Республикасынын Президентинин 2022-жылдын 6-сентябрындагы №305 Жарлыгын ишке ашыруунун алкагында, 2026-жылдын 19-сентябрында Т. Зулпуев айыл аймагында жалпы республикалык ишембилик уюштурулуп, жигердүү өткөрүлдү.

🧹 Ишембиликке айыл аймагындагы бардык мекеме-ишканалардын кызматкерлери, жергиликтүү тургундар активдүү катышып, аймакты көрктөндүрүү жана санитардык тазалыкты камсыз кылуу иштерине өз салымдарын кошушту.

Ишембиликтин жүрүшүндө:

✅ жол жээктериндеги жана көчөлөрдөгү өскөн чөптөр чабылды;
✅ жол боюндагы таштандылар жана ар кандай калдыктар тазаланды;
✅ көчөлөрдүн, коомдук жайлардын айланасы иретке келтирилди;
✅ арыктар жана суу өтүүчү жайлар тазаланды;
✅ мекеме-ишканалардын айланасы көрктөндүрүлүп, тазалык иштери жүргүзүлдү;
✅ бак-дарактарды жана жашыл аймактарды иретке келтирүү иштери аткарылды;
✅ топтолгон таштандылар белгиленген жайларга чыгарылды.

🌱 Тазалык — бир күндүк иш эмес, ар бир жарандын күнүмдүк жоопкерчилиги. Айыл аймагыбыздын тазалыгын, көрктүүлүгүн жана жашылдуулугун сактоо — жалпыбыздын милдетибиз.

🤝 Ишембиликке активдүү катышып, аймактын тазалыгына жана көрктөндүрүлүшүнө өз салымын кошкон бардык мекеме-ишканалардын кызматкерлерине жана жергиликтүү тургундарга ыраазычылык билдиребиз!

Таза айыл — таза коом, көрктүү аймак — жалпыбыздын сыймыгы! 🌿✨

#ТЗулпуевАйылАймагы #ЖалпыРеспубликалыкИшембилик #Тазалык #Көрктөндүрүү #Биримдик

🏫 БАРЫН АЙЫЛЫНДА ЗАМАНБАП «ИНТЕЛЛЕКТ» БИЛИМ БЕРҮҮ КОМПЛЕКСИНИН ЖАҢЫ ИМАРАТЫТ. Зулпуев атындагы айыл аймагына караштуу Ба...
16/09/2026

🏫 БАРЫН АЙЫЛЫНДА ЗАМАНБАП «ИНТЕЛЛЕКТ» БИЛИМ БЕРҮҮ КОМПЛЕКСИНИН ЖАҢЫ ИМАРАТЫ

Т. Зулпуев атындагы айыл аймагына караштуу Барын айылында Асилбек Ашимов атындагы «Интеллект» билим берүү комплексинин жаңы заманбап имаратынын ачылыш аземи болуп өттү.

Салтанаттуу иш-чарага Т. Зулпуев айыл аймагынын өкмөт башчысы Д. Тажибаев катышып, жаңы билим берүү мекемесинин ачылышы менен окуучуларды, ата-энелерди жана мугалимдер жамаатын куттуктады.

📚 Билимге, тарбияга жана келечекке багытталган заманбап мектеп

Асилбек Ашимов атындагы «Интеллект» билим берүү комплекси 2022-жылы өз ишин баштап, кыска убакыттын ичинде сапаттуу билим берүү багытында өз ордун тапкан заманбап билим берүү мекемелеринин бирине айланды.

Мектеп орус тилинде билим берүү менен бирге окуучулардын ар тараптуу өнүгүүсүнө өзгөчө көңүл бурат. Окуу программасында англис тилине басым жасалып, балдар үчүн кошумча билим берүү жана өнүктүрүүчү ийримдер уюштурулган.

Алардын катарында:

🇬🇧 Англис тили;
🇸🇦 Араб тили;
♟️ Шахмат;
🧮 Менталдык арифметика;
🎵 Комуз ийрими бар.

🏫 400 орунга ылайыкталган жаңы имарат.
Ачылыш аземинде сөз сүйлөгөндөр жаңы мектептин келечек муундун сапаттуу билим алуусундагы маанилүү ордун белгилеп, окуучуларга ийгиликтерди каалашты.

✨ «Интеллект» билим берүү комплекси — бүгүнкү билим, эртеңки келечек!

Т. Зулпуев айыл аймагында заманбап билим берүү мекемелеринин көбөйүшү — аймактын өнүгүүсүнүн жана жаш муунга түзүлүп жаткан мүмкүнчүлүктөрдүн дагы бир айкын далили.

#ТЗулпуевАйылАймагы #ИнтеллектБилимБерүүКомплекси #БарынАйылы #БилимБерүү #ЖаңыМектеп

🎓 Билим — жаркын келечекке жол ачкан улуу күч!📚 Т. Зулпуев айыл аймагындагы билим берүү мекемелеринде 1-сентябрь — Билим...
15/09/2026

🎓 Билим — жаркын келечекке жол ачкан улуу күч!

📚 Т. Зулпуев айыл аймагындагы билим берүү мекемелеринде 1-сентябрь — Билим күнү салтанаттуу белгиленди.

Жаңы окуу жылынын башталышына арналган майрамдык иш-чаралар бардык мектептерде жогорку деңгээлде уюштурулуп, окуучуларга жакшы маанай тартуулады.

Өзгөчө А. Атишев атындагы орто мектебинде өткөн салтанаттуу иш-чарага Өкмөт башчы
Д. Тажибаев катышып, мектеп жамаатын жана окуучуларды жаңы окуу жылынын башталышы менен куттуктады.

Өз сөзүндө Өкмөт башчы билимдин адам жашоосундагы орду чоң экендигин белгилеп, окуучуларды тырышчаактык менен окууга, мугалимдерди урматтоого жана келечекке ишенимдүү кадам таштоого чакырды.

✨ Урматтуу окуучулар!

Сиздерди 1-сентябрь — Билим күнү менен чын жүрөктөн куттуктайбыз! Жаңы окуу жылы сиздерге жаңы жетишкендиктерди, бийик максаттарды жана жаркын жеңиштерди алып келсин. Ар бир күнүңүздөр кызыктуу билимдерге, жакшы жаңылыктарга жана кубанычтуу окуяларга бай болсун!

Ата-энеңиздердин сыймыгы, эли-жериңиздердин керегине жараган билимдүү, мекенчил жана татыктуу инсандардан болуңуздар!

📖 Билимге умтулууңуздар артып, кыялдарыңыздар орундалсын!

Жаңы окуу жылыңыздар куттуу болсун!

#БилимКүнү #1Сентябрь #ТЗулпуевАйылАймагы #БилимЖанаКелечек

🏫 К.Бобулов атындагы орто мектебинде оңдоп-түзөө иштери жүргүзүлдүТ. Зулпуев айыл аймагына караштуу Өсөр айылында жайгаш...
14/09/2026

🏫 К.Бобулов атындагы орто мектебинде оңдоп-түзөө иштери жүргүзүлдү

Т. Зулпуев айыл аймагына караштуу Өсөр айылында жайгашкан К. Бобулов атындагы орто мектебинде окуучулар үчүн ыңгайлуу жана коопсуз шарттарды түзүү максатында бир катар оңдоп-түзөө иштери аткарылды.

Мектептин 1-2-кабаттарынын коридорлоруна заманбап кафель төшөлүп, мектептин ички жасалгасы жаңыртылды. Ошондой эле спорт залдын жараксыз болуп калган полу толугу менен алмаштырылып, окуучулардын дене тарбия сабактарын жана спорттук иш-чараларды өткөрүүсүнө жакшы шарт түзүлдү.

Аталган иштерди ишке ашырууга төмөнкүдөй каражаттар жумшалды:

🔹 Ош облустук өнүктүрүү фондунан – 4 921 688 сом;
🔹 Жергиликтүү бюджеттен – 500 000 сом;
🔹 Элдик салым – 200 000 сом.

Жалпы суммасы 5 621 688 сомду түздү.

Бул иштер айыл аймагындагы билим берүү мекемелеринин материалдык-техникалык базасын чыңдоого жана жаш муундарга сапаттуу билим алуу үчүн татыктуу шарттарды түзүүгө багытталган.

Элдин келечеги – билимдүү жаштарда! 📚✨

#ТЗулпуевАйылАймагы #КБобуловМектеби #БилимБерүү #Өнүгүү #ЭлдикСалым

🏗 Алмалык айылында жаңы кирпич заводу ишке кирди!Кыргыз Республикасынын Көз карандысыздыгынын күнүнө карата өлкө башчысы...
12/09/2026

🏗 Алмалык айылында жаңы кирпич заводу ишке кирди!

Кыргыз Республикасынын Көз карандысыздыгынын күнүнө карата өлкө башчысы Садыр Жапаровдун катышуусунда өлкө аймагындагы бир катар ири өндүрүштүк жана социалдык объектилердин ачылыш аземи онлайн форматта өткөрүлдү.

Алардын катарында Ноокат районунун
Т. Зулпуев атындагы айыл аймагына караштуу Алмалык айылында курулган «Чжунда курулуш материалдары» ЖЧКсына таандык жаңы кирпич заводу да расмий түрдө ишке киргизилди.

Салтанаттуу иш-чарага Ноокат районунун акими Нурлан Керимкулов, айыл өкмөтүнүн башчысы Д.Тажибаев жана жергиликтүү тургундар катышты.

Аталган ири долбоорду ишке ашырууга бүгүнкү күнгө чейин 5 миллион АКШ доллары өлчөмүндө инвестиция тартылган. Заводдун ишке кириши менен 30 адам туруктуу жумуш орду менен камсыз болду.

Заманбап өндүрүш ишканасы суткасына 200 миң даана кирпич чыгарууга ылайыкташкан. Бул өз кезегинде аймактагы курулуш материалдарына болгон ички суроо-талапты камсыз кылууга, курулуш тармагын өнүктүрүүгө жана жаңы жумуш орундарын түзүүгө чоң мүмкүнчүлүк берет.

Жаңы заводдун ишке кириши Т. Зулпуев айыл аймагынын жана жалпы Ноокат районунун экономикалык потенциалын жогорулатууга, инвестициялык мүмкүнчүлүктөрдү кеңейтүүгө жана жергиликтүү калктын жашоо деңгээлин жакшыртууга өбөлгө түзөт.

🌱 Т. Зулпуев айыл аймагында инвестиция тартуу, өндүрүштү өнүктүрүү жана жаңы жумуш орундарын түзүү багытындагы иштер мындан ары да ырааттуу улантылат!

🏗️ Кашкалдак айылындагы бала бакчанын кошумча имараты капиталдык оңдоп-түзөөдөн өтүүдө!Бүгүн, 2026-жылдын 11-сентябрында...
11/09/2026

🏗️ Кашкалдак айылындагы бала бакчанын кошумча имараты капиталдык оңдоп-түзөөдөн өтүүдө!

Бүгүн, 2026-жылдын 11-сентябрында,
Т. Зулпуев айыл аймагына караштуу
А. Нарматов атындагы Кашкалдак балдар бакчасында маанилүү курулуш жана оңдоп-түзөө иштери жүрүп жатат.

Электрондук кезекте турган балдардын санынын көптүгүнө байланыштуу, бала бакчанын кошумча имаратын капиталдык оңдоп-түзөөдөн өткөрүү үчүн Ош облустук өнүктүрүү фондунун эсебинен 3 млн сом, жергиликтүү бюджеттен 447 миң сом өлчөмүндө каражат бөлүнгөн.

Учурда бөлүнгөн каражаттын эсебинен кошумча имаратты капиталдык оңдоп-түзөө иштери жүргүзүлүүдө.

Бул демилге айыл аймагындагы мектепке чейинки билим берүү мекемелеринин материалдык-техникалык базасын чыңдоого, балдар үчүн ыңгайлуу шарттарды түзүүгө жана электрондук кезекте турган бөбөктөрдү бала бакча менен камсыз кылууга багытталган.

Келечек муундун билимдүү жана бактылуу өсүп-жетилиши үчүн жасалып жаткан мындай иштер мындан ары да улантылат!

#ТЗулпуевАйылАймагы #Кашкалдак #БалаБакча #Өнүктүрүү #КелечекМуун

🏭 АЛМАЛЫКТА ЖАҢЫ КИРПИЧ ЗАВОДУ ИШКЕ БЕРИЛЕТ!Бүгүн, 2026-жылдын 10-сентябрында, Ноокат районунун башчысы – аким Керимкуло...
10/09/2026

🏭 АЛМАЛЫКТА ЖАҢЫ КИРПИЧ ЗАВОДУ ИШКЕ БЕРИЛЕТ!

Бүгүн, 2026-жылдын 10-сентябрында, Ноокат районунун башчысы – аким Керимкулов Нурлан Бейшенбекович Т. Зулпуев айыл аймагына караштуу Алмалык айылындагы жаңы кирпич заводунун курулушу менен жеринен таанышып чыкты.

Жалпы 9 гектар жер аянтына курулган заманбап өндүрүш ишканасынын курулуш иштери толугу менен аяктап, учурда заводду ишке киргизүүгө карата акыркы даярдыктар көрүлүүдө.

🏗 Завод толук кубаттуулукта ишке киргенден кийин күнүнө 200 000 даана кирпич өндүрүүгө мүмкүнчүлүк түзүлөт. Бул ири өндүрүш ишканасы жергиликтүү тургундар үчүн жаңы жумуш орундарын түзүп, курулуш материалдарына болгон суроо-талапты камсыздоого жана аймактын социалдык-экономикалык өнүгүүсүнө өз салымын кошот.

📌 Район башчысы ишкананын өндүрүштүк мүмкүнчүлүктөрү, заманбап жабдуулары жана алдыдагы иш пландары менен таанышып, заводду жакынкы күндөрү ишке берүү жана расмий ачылыш аземин өткөрүү пландалып жатканын белгиледи.

Жаңы кирпич заводу — Алмалык айылынын өндүрүштүк потенциалын жогорулаткан, жаңы жумуш орундарын түзгөн жана жергиликтүү экономиканын өнүгүшүнө өбөлгө түзгөн маанилүү долбоор.

#Алмалык #ТЗулпуевАйылАймагы #КирпичЗаводу #НоокатРайону #ЖаңыӨндүрүш #ЖаңыМүмкүнчүлүктөр

🏫 Б.Атишев орто мектебинде оңдоп-түзөө иштери кызуу жүрүүдө!Бүгүн, 2026-жылдын 10-сентябрында, Т. Зулпуев айыл аймагына ...
10/09/2026

🏫 Б.Атишев орто мектебинде оңдоп-түзөө иштери кызуу жүрүүдө!

Бүгүн, 2026-жылдын 10-сентябрында,
Т. Зулпуев айыл аймагына караштуу Б. Атишев атындагы орто мектебинде окуучулар үчүн ыңгайлуу жана заманбап шарттарды түзүү максатында масштабдуу оңдоп-түзөө иштери жүргүзүлүүдө.

Аталган иштерди ишке ашырууга Ош облустук өнүктүрүү фондунан 2 млн 750 миң сом, ал эми жергиликтүү бюджеттен 750 миң сом каражат бөлүнгөн.

Бөлүнгөн каражаттын эсебинен мектептин:
🔹 спорт залынын терезелери жана полдору толугу менен алмаштырылууда;
🔹 1- жана 2-кабаттардын коридорлору жаңыланууда;
🔹 электр энергиясынын монтаждоо иштери толугу менен жаңыланууда;
🔹 мектептин ички жасалгасы жана башка керектүү оңдоп-түзөө иштери жүргүзүлүүдө.

Учурда курулуш-оңдоп-түзөө иштери кызуу темпте жүрүп жатат. Жүргүзүлүп жаткан иштерди жаңы окуу жылында аяктап, окуучуларга заманбап, жарык жана коопсуз шарт түзүү пландалууда.

📚 Балдардын сапаттуу билим алуусу үчүн жакшы шарт түзүү — келечекке жасалган маанилүү кадам!

#ТЗулпуевАйылАймагы #БАтишевМектеби #ОңдопТүзөө #БилимБерүү #ЖаңыШарт #Өнүгүү

🐕 Алмалык айылында жолбун иттерге каршы иш-чара өткөрүлдү!2026-жылдын 8-сентябрында Т. Зулпуев айыл аймагына караштуу Ал...
08/09/2026

🐕 Алмалык айылында жолбун иттерге каршы иш-чара өткөрүлдү!

2026-жылдын 8-сентябрында Т. Зулпуев айыл аймагына караштуу Алмалык айылында санитардык-эпидемиологиялык коопсуздукту камсыз кылуу жана калктын коопсуздугун сактоо максатында жолбун иттерге жана чөөлөргө каршы иш-чара өткөрүлдү.

Иш-чаранын жүрүшүндө айыл аймагында кароосуз жүргөн жолбун иттер жана чөөлөр атылып, жок кылынды.

Мындай иш-чаралар айыл тургундарынын коопсуздугун камсыз кылуу, жугуштуу оорулардын алдын алуу жана мал-жандыктарды коргоо максатында жүргүзүлөт.

Т. Зулпуев айыл аймагынын тиешелүү кызматтары тарабынан айыл аймагындагы санитардык абалды көзөмөлдөө жана калктын коопсуздугун камсыз кылуу боюнча иштер мындан ары да улантылат.

Кымбаттуу Т. Зулпуев айыл аймагынын тургундары жана кадырлуу коноктору!Сиздерди Кыргыз Республикасынын Эгемендүүлүгүнүн ...
31/08/2026

Кымбаттуу Т. Зулпуев айыл аймагынын тургундары жана кадырлуу коноктору!

Сиздерди Кыргыз Республикасынын Эгемендүүлүгүнүн 35 жылдык мааракеси менен чын жүрөктөн куттуктайм!

Эгемендүүлүк — элибиздин эркиндигин, улуттук баалуулуктарын, биримдигин жана жаркын келечекке болгон ишенимин айгинелеген улуу мурас. 35 жыл ичинде эгемен өлкөбүз өзүнүн тарыхый жолун басып өтүп, өнүгүү жана жаңылануу жолунда бара жатат.

Бул улуу майрамда Т. Зулпуев айыл аймагынын ар бир тургунуна чын ден соолук, үй-бүлөлүк бакыт, тынчтык, ынтымак жана береке каалайм. Айыл аймагыбыз мындан ары да өнүгүп, элибиздин жашоо-турмушу жакшыра берсин.

Эгемендүүлүгүбүз бекем, мамлекетибиз түбөлүктүү, элибиздин ынтымагы бекем болсун!

Кыргызстаныбыздын асманы ачык, келечеги кең болсун!

Кыргыз Республикасынын Эгемендүүлүгүнүн 35 жылдык мааракеси кут болсун!

Урматтоо менен,
Өкмөт башчы Д.Тажибаев

Address

Eski-Nookat

Website

Alerts

Be the first to know and let us send you an email when Т.Зулпуев атындагы айыл өкмөтү posts news and promotions. Your email address will not be used for any other purpose, and you can unsubscribe at any time.

Shortcuts

Share

Category