What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

Айыл чарба министрлигинин эл аралык долбоорлорун ишке ашыруу, Киевская, 96 a, каб. 510, Bishkek (2026)

Q: What is the address?

Киевская, 96 A, каб. 510

24/09/2026

📌 Өндүрүшү кеңейген ишкана: Шаакеев Азаттын жаңы мүмкүнчүлүктөрү

🔹 Азия өнүктүрүү банкынын (АӨБ) миссиясынын Ысык-Көл облусундагы жумушчу сапарынын алкагында миссия өкүлдөрү көп жылдан бери айыл чарба тармагында иш алып барып келе жаткан ишкер Шаакеев Азаттын ишканасына барышты. АӨБ өкүлдөрү иштеп жаткан өндүрүш менен таанышып, жаңыланган жабдуулардын иштөө процессин көрүштү.

🔹 Шаакеев Азат мөмө-жемиш жана жашылча продукциясын сатып алуу, кайра иштетүү жана экспорттоо багытында иш алып барат. Долбоордун алкагында ишкананын өндүрүштүк мүмкүнчүлүктөрүн кеңейтүү үчүн 14,3 млн сом өлчөмүндө кредиттик каржылоо тартылган.

🔹 Каражаттын эсебинен заманбап муздаткыч жабдуулары, мөмө-жемиш жана жашылчаларды алгачкы кайра иштетүүчү атайын линиялар жана продукция ташуучу авторефрижератор сатып алынып, орнотулган. Учурда борбор толук кандуу иштеп жатат.

🔹 Комплекстин продукция сактоо көлөмү 320 тоннаны түзөт, ал эми долбоордук кайра иштетүү кубаттуулугу 5 000 тоннага чейин чийки затты түзөт. Жаңы жабдуулар продукцияны сапаттуу сактоого, кайра иштетүүгө жана жергиликтүү фермерлердин продукция жоготууларын азайтууга шарт түзүүдө.

🔹 Долбоорду ишке ашыруу процессинде Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин алдындагы Айыл чарба долбоорлорун ишке ашыруу бөлүмүнүн (ОРСП) адистери ишкерге консультациялык жана техникалык колдоо көрсөтүп, иштердин жүрүшүнө мониторинг жүргүзүп, долбоордун талаптарына шайкеш келишине баалоо иштерин жүргүзүштү.

🔹 Долбоордун натыйжасында ишкананын өндүрүштүк мүмкүнчүлүктөрү кеңейип, продукцияны тышкы рынокторго туруктуу чыгарууга шарт түзүлдү. Борбордун ишмердүүлүгү чийки затты сатып алуудан тартып, аны кайра иштетүү, сактоо жана экспорттоого чейинки процессти өнүктүрүүгө багытталган.

🔹 Иш сапардын жүрүшүндө АӨБдүн миссиясы ишкананын учурдагы жыйынтыктары жана келечектеги пландары менен таанышты. Бул объект айыл чарба продукциясын кайра иштетүү жана экспорттук мүмкүнчүлүктөрдү кеңейтүүгө багытталган долбоордук колдоонун практикалык жыйынтыктарынын бири болуп саналат.

#ПРУИКЦДС #АйылЧарба #Кыргызстан

23/09/2026

📌 Өздүк түшүмдөн жаңы рынокторго чейин: Нурзат Абдылдаева өндүрүшүн кеңейтүүдө

🔹 Азия өнүктүрүү банкынын (АӨБ) миссиясынын өкүлдөрү Ысык-Көл облусундагы жумушчу сапарынын алкагында Чоң-Сары-Ой айылындагы жеке ишкер Абдылдаева Нурзаттын ишканасына барышты. Сапардын жүрүшүндө АӨБ өкүлдөрү ишкананын ишмердүүлүгү, учурда жүргүзүлүп жаткан курулуш иштери жана жаңы өндүрүштүк объектти ишке киргизүү пландары менен кеңири таанышты.

🔹 Абдылдаева Нурзат мөмө-жемиш жана жашылча продукциясын өстүрүү, кайра иштетүү жана экспорттоо багытында иш алып барат. Учурда ишкананын аймагында 700 тоннага чейин продукция сактоого ылайыкталган кампаларды куруу иштери жүрүп жатат.

🔹 Долбоордун алкагында ишкер тарабынан 14 млн сом өздүк каражат салынса, АӨБ тарабынан 30 млн сом кредиттик каражат тартылган. Бул каражаттар ишкананын өндүрүштүк мүмкүнчүлүктөрүн кеңейтүүгө жана заманбап инфратүзүмдөрдү түзүүгө багытталууда.

🔹 Заматта тоңдуруу ыкмасы менен кайра иштетүү борборун 2026-жылдын аягында ишке киргизүү пландалууда. Борбордун долбоордук кубаттуулугу суткасына 5 тоннага чейин чийки затты кайра иштетүүгө эсептелген.

🔹 Ишкердин чарбасында 10 гектар жерде алча, өрүк, алмурут жана алма өстүрүлөт. Жаңы борбор ишке киргенден кийин 15 туруктуу жумуш орду түзүлүп, сезондук жумушчуларды тартууга да мүмкүнчүлүк түзүлөт.

🔹 Долбоордун ишке ашырылышы жергиликтүү жерде өндүрүлгөн мөмө-жемиштерди сактоо, шоктук тоңдуруу жана кайра иштетүү мүмкүнчүлүктөрүн кеңейтип, даяр продукцияны чет өлкөлүк рынокторго чыгарууга шарт түзөт.

🔹 АӨБдүн миссиясынын өкүлдөрү курулуш иштеринин жүрүшү жана алдыдагы өндүрүштүк пландар тууралуу маалымат алышты. Долбоордун адистери сапардын жүрүшүндө ишкерге долбоордун мүмкүнчүлүктөрү боюнча керектүү маалымат жана консультациялык колдоо көрсөтүштү.

#ПРУИКЦДС #АйылЧарба

22/09/2026

📌 Жаңы мүмкүнчүлүктөргө жол: Ананьеводогу ишкер мөмө-жемиштерди кайра иштетүүнү кеңейтүүдө

🔹 «Айыл чарбасында климаттын өзгөрүшүнө туруктуу кошумча нарк чынжырчаларын өнүктүрүү» долбоорунун алкагында Азия өнүктүрүү банкынын (АӨБ) миссиясынын өкүлдөрү Ысык-Көл облусунун Ананьево айылындагы Кожалиев Ишенге таандык ишканага жумушчу сапар менен барышты. Делегация ишкананын учурдагы ишмердүүлүгү, жүргүзүлүп жаткан курулуш жана оңдоо иштери жана жаңы кайра иштетүү борборун ишке киргизүү пландары менен таанышты.

🔹 ИП Кожалиев Ишен мөмө-жемиш жана жашылча продукциясын кайра иштетүү жана экспорттоо багытында иш алып барат. Учурда жалпы аянты 2 000 чарчы метр болгон эски кампада жаңы өндүрүштүк жайларды уюштуруу иштери жүрүп жатат. Алардын жалпы сактоо көлөмү 600 тоннага чейин жетет.

🔹 Долбоорго ишкердин 4 млн сом өздүк каражаты жана АӨБдөн тартылган 25 млн сом кредиттик каражат багытталууда. Ишкердин белгилөөсүндөй, кредиттик каржылоо ишмердүүлүгүн кеңейтүүгө, өндүрүштүк базаны чыңдоого жана жаңы багыттарды ишке киргизүүгө олуттуу мүмкүнчүлүк түзөт.

🔹 Жаңы борборду жакын арада ишке киргизүү пландалууда. Бул жерде жашылча-жемиштерди калибрлөө жана таңгактоо жолго коюлуп, суткасына 10 тоннага чейин продукцияны иштетүүгө шарт түзүлөт. Ошондой эле 10 туруктуу жумуш орду түзүлөт.

🔹 Борбордун негизги багыты жергиликтүү калктан мөмө-жемиштерди сатып алуу, аларды сактоо жана экспорттоо болот. Даяр продукцияны Казакстан, Россия жана башка чет өлкөлүк рынокторго чыгаруу пландалууда.

🔹 АӨБ миссиясынын өкүлдөрү ишкер менен долбоордун пландарын жана кредиттик каржылоонун ишкананы кеңейтүүгө тийгизген таасирин талкуулашты. Долбоордун адистери делегацияны коштоп, объект жана ишке ашырылып жаткан иштер боюнча зарыл маалыматтарды беришти.

🔹 Долбоордун ишке ашырылышы жергиликтүү өндүрүүчүлөрдүн продукциясын кайра иштетүүгө тартууга, сактоо мүмкүнчүлүктөрүн кеңейтүүгө жана Ысык-Көл облусунда айыл чарба продукциясынын кошумча нарк чынжырчасын өнүктүрүүгө шарт түзөт.

#ПРУИКЦДС #АйылЧарба

22/09/2026

📌 Айыл чарба продукциясын өндүрүүдөн экспортко чейин: Кашат айылындагы жаңы мүмкүнчүлүктөр

🔹 «Айыл чарбасында климаттын өзгөрүшүнө туруктуу кошумча нарк чынжырчаларын өнүктүрүү» долбоорунун алкагында Азия өнүктүрүү банкынын (АӨБ) миссиясынын өкүлдөрү Ысык-Көл облусунун Кашат айылында ишкер Бекжан Рысбековдун өндүрүштүк объектисине барышты. Делегация ишкананын ишмердүүлүгү, өндүрүш процесстери жана долбоордун алкагында түзүлгөн мүмкүнчүлүктөр менен жеринен таанышты.

🔹 Иш сапардын жүрүшүндө АӨБ өкүлдөрү ишкананын ээлери менен кеңири баарлашып, продукцияны кабыл алуу, сактоо, кайра иштетүү жана экспортко даярдоо процесстери менен таанышты. Ишкер жашылча-жемиш продукциясын өстүрүү, сатып алуу, кайра иштетүү жана экспорттоо багытында иш алып барат.

🔹 Жолугушууга ишканага продукция жеткирген жергиликтүү фермерлер да катышты. АӨБ өкүлдөрү алар менен продукцияны жеткирүү, кызматташуу жана айыл чарба өндүрүүчүлөрү үчүн түзүлгөн мүмкүнчүлүктөр тууралуу пикир алышты.

🔹 Долбоордун алкагында ишкердин 13 млн сом өздүк салымы жана АӨБдөн тартылган 22 млн сом кредиттик каражаттын эсебинен 400 тоннага чейин продукция сактоочу кампалар курулуп, суткасына 20 тоннага чейин чийки затты кайра иштетүүчү шоктук тоңдуруу борбору ишке киргизилген.

🔹 Учурда ишканада продукцияны шоктук тоңдуруу, сактоо жана даяр продукцияны чет өлкөлүк рынокторго экспорттоо иштери жүргүзүлүүдө. Мындан тышкары, чарбада карагат жана малина өстүрүү үчүн 6 гектар жер иштетилип, 30 туруктуу жумуш орду түзүлгөн.

🔹 АӨБ миссиясынын сапары учурунда долбоордун адистери делегацияны коштоп, объекттин ишмердүүлүгү жана долбоордун алкагында көрсөтүлгөн колдоо боюнча зарыл маалыматтарды беришти.

🔹 Иш сапардын жүрүшүндө айыл чарба продукциясын өндүрүүдөн тартып кайра иштетүү, сактоо жана экспортко чейинки кошумча нарк чынжырчасын мындан ары өнүктүрүү мүмкүнчүлүктөрү талкууланды.

#ПРУИКЦДС #АйылЧарба

21/09/2026

📌 Азия өнүктүрүү банкынын миссиясынын алкагында долбоорду башкаруу жана финансылык институттар менен өз ара аракеттенүү маселелери талкууланды

🔹 Азия өнүктүрүү банкынын (АӨБ) «Айыл чарбасында климаттын өзгөрүшүнө туруктуу кошумча нарк чынжырчаларын өнүктүрүү» (ПРУИК ЦДС) долбоору боюнча Орто мөөнөттүү миссиясынын алкагында «Элдик Банк» ААКынын жана «АБанк» ААКынын жетекчиликтери менен жумушчу жолугушуулар өткөрүлдү.

🔹 Жолугушууларга АӨБдүн, Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин алдындагы Айыл чарба долбоорлорун ишке ашыруу бөлүмүнүн (ОРСП) жана өнөктөш финансылык институттардын өкүлдөрү катышты.

🔹 Тараптар долбоорду башкаруу, анын ишке ашырылышын мониторингдөө, кредиттик ресурстарды жайгаштыруу жана өздөштүрүү, ошондой эле долбоордун финансылык компонентинин алкагындагы мындан аркы кызматташтык маселелерин талкуулашты.

🔹 Өзгөчө көңүл финансылык институттар менен өз ара аракеттенүүнү жакшыртууга, долбоордун талаптарын аткарууга жана айыл чарба тармагынын өкүлдөрүн каржылоонун жеткиликтүүлүгүн жогорулатууга бурулду.

🔹 Жолугушуулар АӨБдүн Орто мөөнөттүү миссиясынын алкагындагы комплекстүү иштердин бир бөлүгү болуп, ПРУИК ЦДС долбоорунун учурдагы ишке ашырылышын баалоого, жетишилген натыйжаларды талкуулоого жана мындан аркы кадамдарды аныктоого багытталды.

🔹 Жолугушуулардын жыйынтыгында тараптар долбоорду натыйжалуу ишке ашыруу жана айыл чарба тармагындагы бенефициарлар үчүн финансылык мүмкүнчүлүктөрдү кеңейтүү боюнча кызматташтыкты улантууга даяр экенин билдиришти.

#АӨБ #ПРУИКЦДС #АйылЧарба #Кыргызстан

18/09/2026

📢 Дүйнөлүк банктын миссиясынын алкагында Саламаттык сактоо министрлигинин өкүлдөрү менен жумушчу жолугушуу болуп өттү

🔹 Дүйнөлүк банктын «Бирдиктүү саламаттык» долбоорун ишке ашырууга колдоо көрсөтүү боюнча миссиясынын алкагында Кыргыз Республикасынын Саламаттык сактоо министринин орун басары Ишенапысова Гульбара Сатыгуловна, ошондой эле Саламаттык сактоо министрлигинин өкүлдөрү Исмаилов Б.А. жана Мухтаров М. менен техникалык жолугушуу болуп өттү.

🔹 Жолугушуунун жүрүшүндө долбоордун алкагында жетишилген натыйжалар жана мындан аркы иш планы боюнча секторлор аралык талкуу өткөрүлдү.

🔹 Катышуучулар ошондой эле «Бирдиктүү саламаттык» Улуттук координациялык түзүмүнүн (НКСЕЗ) жана анын катчылыгынын иш-чараларын, ошондой эле Кыргыз Республикасынын «Бирдиктүү саламаттык» боюнча Аймактык координациялык кеңештин (РКСЕЗ) ишине катышуусуна байланышкан маселелерди карашты.

🔹 Өзгөчө көңүл кызыкдар тараптардын ортосундагы мындан аркы координацияга, пландаштырылган иш-чараларды ишке ашырууга жана «Бирдиктүү саламаттык» ыкмасынын алкагында секторлор аралык кызматташтыкты чыңдоого бурулду.

#БирдиктүүСаламаттык #Кыргызстан #ДүйнөлүкБанк

18/09/2026

📌 АӨБдүн Орто мөөнөттүү миссиясы: ПРУИК ЦДС долбоорунун кийинки кадамдары талкууланууда

🔹 2026-жылдын 17-сентябрында Кыргыз Республикасында Азия өнүктүрүү банкынын (АӨБ) «Айыл чарбасында климаттын өзгөрүшүнө туруктуу кошумча нарк чынжырчаларын өнүктүрүү» (ПРУИК ЦДС) долбоорун ишке ашыруунун алкагындагы Орто мөөнөттүү миссиясы өз ишин баштады. Миссиянын алкагындагы жолугушуулар жана жумушчу талкуулар Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Айыл чарба долбоорлорун ишке ашыруу бөлүмүнүн (ОРСП) катышуусунда өтүүдө. Миссия 24-сентябрга чейин уланат.

🔹 Миссиянын алкагында ПРУИК ЦДС долбоорунун командасы менен жумушчу жолугушуулар өткөрүлүп, анда долбоорду ишке ашыруунун жыйынтыктары, ошондой эле АӨБдүн 2025-жылдын ноябрындагы мурунку миссиясынын жыйынтыгы боюнча макулдашылган иш-чаралардын аткарылышы каралууда.

🔹 Күн тартибине финансылык башкаруу, кредиттик милдеттенмелерди аткаруу, каражаттарды өздөштүрүү жана 2026-жылдын экинчи жарым жылдыгына карата иш-аракеттер планын ишке ашыруу маселелери киргизилген. Ошондой эле базалык изилдөөнүн жыйынтыктары, потенциалды жогорулатуу жана долбоордун башка иш-чаралары талкууланууда.

🔹 Миссиянын алкагында долбоордун бенефициарларына баруу менен талаа сапарын өткөрүү пландалууда. АӨБдүн өкүлдөрү жана долбоордун командасы иш-чаралардын жеринде ишке ашырылышы, көрсөтүлгөн колдоонун жыйынтыктары жана долбоордун практикалык натыйжалары менен таанышат.

🔹 Миссиянын жыйынтыгы боюнча тараптар ПРУИК ЦДС долбоорун натыйжалуу ишке ашыруу боюнча мындан аркы кадамдарды жана артыкчылыктуу багыттарды талкуулашат.

#АӨБ #ПРУИКЦДС #АйылЧарба #Кыргызстан

18/09/2026

📢 Дүйнөлүк банктын миссиясынын алкагында жаратылыш ресурстары боюнча министрдин орун басары менен техникалык талкуу болуп өттү

🔹️Дүйнөлүк банктын «Бирдиктүү саламаттык» долбоорун ишке ашырууга колдоо көрсөтүү боюнча миссиясынын алкагында Кыргыз Республикасынын Жаратылыш ресурстары, экология жана техникалык көзөмөл министринин орун басары Мусаев Алмаз Мустафаевич менен техникалык талкуу болуп өттү.

🔹️Жолугушуунун жүрүшүндө тараптар долбоордун компоненттер боюнча учурдагы ишке ашырылышын карап чыгып, негизги маселелерди жана мындан ары көңүл бурууну талап кылган милдеттерди талкуулашты.

🔹️Өзгөчө көңүл долбоорду кийинки алты айда тездетип ишке ашыруу үчүн зарыл болгон артыкчылыктуу иш-чараларга жана аракеттерге бурулду. Тараптар пландаштырылган иш-чараларды өз убагында аткаруу үчүн мындан аркы кадамдарды жана ишти координациялоо маселелерин талкуулашты.

🔹️Жолугушуу 2026-жылдын 14–18-сентябрында өтүп жаткан Дүйнөлүк банктын миссиясынын алкагында уюштурулуп, миссиянын жүрүшүндө Кыргыз Республикасынын мамлекеттик органдарынын өкүлдөрү менен бир катар техникалык талкуулар өткөрүлүүдө.

#БирдиктүүСаламаттык #Кыргызстан #ДүйнөлүкБанк

17/09/2026

📢 «Бирдиктүү саламаттык» долбоорун ишке ашыруу жана жакынкы алты айга карата артыкчылыктуу милдеттер талкууланды

🔹 Дүйнөлүк банктын Борбордук Азияда пандемиялардын алдын алуу, азык-түлүк системаларынын туруктуулугун камсыз кылуу жана экосистемалардын саламаттыгын чыңдоо боюнча «Бирдиктүү саламаттык» долбоорун ишке ашырууга колдоо көрсөтүү миссиясынын алкагында Кыргыз Республикасынын Суу ресурстары, айыл чарба жана кайра иштетүү өнөр жайы министринин биринчи орун басары Марсбек уулу Илич менен Дүйнөлүк банктын өкүлдөрүнүн ортосунда техникалык талкуу болуп өттү.

🔹 Жолугушуу долбоордун учурдагы ишке ашырылышына жана пландаштырылган иш-чараларды мындан ары аткарууга байланышкан негизги маселелерге арналды.

🔹 Техникалык талкуунун жүрүшүндө катышуучулар долбоордун негизги компоненттер боюнча ишке ашырылышын, анын ичинде жүргүзүлүп жаткан иш-чаралардын учурдагы абалын, жетишилген натыйжаларды жана мындан ары көңүл бурууну талап кылган милдеттерди карап чыгышты.

✅ Өзгөчө көңүл кийинки алты айда долбоорду ишке ашырууну тездетүү үчүн зарыл болгон артыкчылыктуу иш-чараларга жана аракеттерге бурулду. Катышуучулар иштин негизги багыттарын, кийинки кадамдарды жана коюлган милдеттердин өз убагында аткарылышын камсыз кылууга багытталган чараларды талкуулашты.

🔹 Техникалык талкуу мындан аркы ишти координациялоо жана долбоорду Кыргыз Республикасында натыйжалуу ишке ашыруу боюнча практикалык кадамдарды аныктоо үчүн маанилүү аянтча болду.

#БирдиктүүСаламаттык #Кыргызстан #ДүйнөлүкБанк

17/09/2026

📌 «Прод Импекс»: айыл чарба продукциясын кайра иштетүү жана экспорттук мүмкүнчүлүктөрдү кеңейтүү боюнча жаңы кадамдар

🔹 «Айыл чарбасында климаттын өзгөрүшүнө туруктуу кошумча нарк чынжырчаларын өнүктүрүү» долбоорунун алкагында Азия Өнүктүрүү Банкынын (АӨБ) консультациялык миссиясынын өкүлдөрү «Прод Импекс» ЖЧКсына иш сапар менен барышты. АӨБдүн КРдагы Туруктуу өкүлчүлүгүнүн директору Чжэн Ву, сектордун директору Цзянфэн Чжан жана долбоордун жетекчиси Заур Бостанов ишкананын ишмердүүлүгү жана өнүктүрүү пландары менен таанышты.

🔹 АӨБ өкүлдөрүн сапар учурунда Кыргыз Республикасынын Суу ресурстары, айыл чарба жана кайра иштетүү өнөр жайы министринин орун басары Дуйшеев М.И. жана долбоордун адистери коштоп барышты.

🔹 «Прод Импекс» компаниясы 2001-жылдан бери иштеп, 2017-жылдан тарта жашылча-жемиштерди кайра иштетүү багытын өнүктүрүп келет. Ишкананын продукциялары ички рынокко жана экспортко чыгарылат.

🔹 Азыркы учурда долбоордун алкагында ишкананы модернизациялоого, жаңы жабдууларды сатып алууга жана Ош жана Каракол шаарларында соода-логистикалык борборлорду өнүктүрүүгө багытталган субдолбоор ишке ашырылууда. Анын жалпы наркы 4,6 млн АКШ долларын түзүп, 3,5 млн АКШ доллары АӨБдүн кредиттик линиясы аркылуу каржыланат.

🔹 Иш сапардын алкагында АӨБ өкүлдөрү ишкананын продукцияларынын сапаты жана түрлөрү менен таанышып продукцияларынан даам татуу өткөзүштү. Ошондой эле тараптар субдолбоордун ишке ашырылышын жана айыл чарба продукциясын кайра иштетүү тармагын мындан ары өнүктүрүү мүмкүнчүлүктөрүн талкуулашты.

🔹 Жолугушуунун соңунда Банктын өкүлдөрү компаниянын жамаатына мындан аркы ийгиликтерди жана туруктуу өнүгүүнү каалашты.

#АйылЧарба #КайраИштетүү #Кыргызстан

Айыл чарба министрлигинин эл аралык долбоорлорун ишке ашыруу

24/09/2026

23/09/2026

22/09/2026

22/09/2026

21/09/2026

18/09/2026

18/09/2026

18/09/2026

17/09/2026

17/09/2026

Address

Opening Hours

Website

Alerts

Contact The Organization

Shortcuts

Share

Category

Listing takedown request

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00