УВД Свердловского района г. Бишкек

Directions

УВД Свердловского района г. Бишкек Contact information, map and directions, contact form, opening hours, services, ratings, photos, videos and announcements from УВД Свердловского района г. Бишкек, Town Hall, Суюмбаева 73, Bishkek.

29/08/2026

Бишкек шаарынын гарнизонуна саптык кароо өткөрүлдү

Бишкек шаарында алдыда өтүүчү Шанхай Кызматташтык Уюмунун саммитине жана VI Дүйнөлүк көчмөндөр оюндарын өткөрүүгө байланыштуу коомдук тартипти жана коопсуздукту камсыз кылууга тартылган күч-каражаттардын гарнизондук саптык кароосуна катышты.

Гарнизондук саптык кароо Кыргыз Республикасынын Президенти Садыр Жапаров жетекчилигинин астында,Кыргыз Республикасынын ИИМдин өздүк курамынын жана коомдук тартипти камсыз кылууга тартылган башка мамлекеттик органдардын даярдыгы менен таанышты.

Мамлекет башчысы милиция кызматкерлеринин алдыда өтүүчү маанилүү эл аралык иш-чаралардын жүрүшүндө коомдук тартипти жана жарандардын коопсуздугун камсыз кылуу боюнча тапшырмаларды коюп, даярдыгына көңүл бурду.

Саптык кароонун жүрүшүндө Бишкек гарнизону кызматтык милдеттерди аткарууга даяр экендигин көрсөтүп, кызматкерлердин сырткы келбети, кызматтык формасы, ошондой эле атайын техникалардын жана транспорт каражаттарынын даярдыгы текшерилди.

Иш-чаранын негизги максаты — алдыда өтүүчү эл аралык деңгээлдеги маанилүү иш-чаралардын жүрүшүндө коомдук тартипти, жарандардын жана өлкө конокторунун коопсуздугун жогорку деңгээлде камсыз кылуу болуп саналат.

Бишкек шаарынын ИИББнын өздүк курамы алдыда турган жооптуу кызматтык милдеттерди так жана жогорку деңгээлде аткарууга даяр.

Бишкек шаарынын ИИББнын Басма сөз кызматы

26/08/2026

Милиция кызматкери болом дегендерге сынак жарыяланды!
Бишкек шаарынын ички иштер органдарынын орто жана улук жетекчилик кызмат орундарын ээлөөгө кадрлар резервин түзүү үчүн сынак жарыяланат.
Сынакка 35 жашка чейинки, жогорку юридикалык билими бар Кыргызстандын жарандары катыша алышат.
Документтер 26-августтан 7-сентябрга чейин кабыл алынат.
Дареги: Бишкек шаары, Эркиндик бульвары, №70. Телефон: 0312 66-40-31.
Эгер милиция тармагында иштеп, келечекте жетекчилик кызматта эмгектенем десеңиз — бул мүмкүнчүлүктү колдон чыгарбаңыз!

Сынакка катышуу үчүн талапкер төмөнкү документтерди тапшырууга тийиш:
1. Арыз;
2. Автобиография — 2 нуска (кол жазма жана басма түрүндө);
3. Эркин формада жазылган автобиографиялык реферат — 5–6 бет (кол жазма түрүндө);
4. Анкета;
5. Милициянын аймактык ыйгарым өкүлүнөн жана кылмыш иликтөө бөлүмүнөн алынган маалымкаттар (мөөр менен тастыкталган);
6. Кошуналардан алынган сунуш каттар — 3 даана (милициянын аймактык ыйгарым өкүлү тарабынан тастыкталган жана мөөр басылган);
7. Акыркы иштеген же окуган жеринен мүнөздөмө
8. Эмгек китепчеси (түп нускасы);
9. Укук коргоо органында кызмат өтөөгө жарамдуулугу жөнүндө аскердик-даарыгердик комиссиянын корутундусу;
10. Аскердик билет (түп нускасы);
11. Ыйгарым укуктуу мамлекеттик орган тарабынан берилген мамлекеттик тилди билүү тууралуу сертификат;
12. Аттестат (түп нускасы жана көчүрмөсү);
13. Диплом (түп нускасы жана көчүрмөсү);
14. Мамлекеттик тилди билерин тастыктаган ыйгарым укуктуу органдын сертификаты;
15. Паспорттун көчүрмөсү (алдыңкы бети жана учурдагы каттоосу көрсөтүлгөн бети — ID-карта болсо, Кыргыз Республикасынын жарандык улуттук паспортторунун мамлекеттик реестринен алынган көчүрмө);
16. Туулгандыгы тууралуу күбөлүктүн, нике күбөлүгүнүн (же никени бузуу тууралуу) көчүрмөлөрү;
17. Балдардын туулгандыгы тууралуу күбөлүктөрүнүн көчүрмөлөрү;
18. Сүрөттөр: 9×12 өлчөмүндө — 1 даана, 3×4 өлчөмүндө — 2 даана (көк фонунда).

Бишкек шаарынын ИИББнын Басма сөз кызматы

25/08/2026

Бишкек шаарынын Свердлов районунда мыйзамдуулукту камсыз кылуу, кылмыштуулукка каршы күрөшүү жана ведомстволор аралык кызматташууну күчөтүү боюнча ыкчам кеңешме өткөрүлдү.

Жыйынга Свердлов РИИБдин жетекчилиги, райондук прокуратуранын өкүлдөрү, тергөөчүлөр жана КИБдин кызматкерлери катышты.

Жыйында мыйзам талаптарын так сактоо, жарандардын укуктарын камсыз кылуу, кылмыштарды өз убагында ачуу жана тергөөнүн сапатын жогорулатуу маселелери талкууланды. Ошондой эле издөө иштерин күчөтүү жана тергөө менен ыкчам кызматтардын өз ара аракеттенүүсүн жакшыртуу боюнча милдеттер коюлду.

Жыйынтыгында мыйзамдуулукту бекемдөө, кылмыштуулукка каршы күрөштүн натыйжалуулугун жогорулатуу жана тергөөнүн сапатын жакшыртуу боюнча тиешелүү тапшырмалар берилди.

Бишкек шаарынын Свердлов РИИБдин басма сөз кызматы

24/08/2026

‼️ КӨҢҮЛ БУРУҢУЗДАР‼️

Бул факты боюнча коомдук тартипти бузган 2007-жылы туулган Н.Ы. аттуу жаран Кыргыз Республикасынын Укук бузуулар жөнүндө кодексинин 126-беренеси боюнча жоопкерчиликке тартылып, протокол түзүлгөнүн билдиребиз.

Медициналык күбөлөндүрүүнүн актысына ылайык, жаранда алкоголдук ичимдиктерди колдонууга байланыштуу мас абалы (курч интоксикация) аныкталган.

Бишкек шаарынын Свердлов райондук сотунун чечими менен Н.Ы. аттуу жаран Бишкек шаарынын ИИББнын КККнын атайын кабыл алуу жайына 5 суткага камакка алынган.

Айрым жарандардан жана пабликтердин администрацияларынан коомчулукту адаштырбоону, жаран баңгизаттын таасиринде болгон деген маалыматтарды таратпоону суранабыз. Аталган маалымат медициналык күбөлөндүрүүнүн жыйынтыгына дал келбейт.

Бишкек шаарынын Свердлов районунун ички иштер башкармалыгынын басма сөз кызматы

_________

‼️ ВНИМАНИЕ‼️

По данному факту сообщаем, что в отношении гражданки Н.Ы., 2007 года рождения, нарушившей общественный порядок, был составлен протокол по статье 126 Кодекса Кыргызской Республики о правонарушениях.

Согласно акту медицинского освидетельствования, установлено состояние опьянения (острой интоксикации), вызванное употреблением алкоголя.

Решением Свердловского районного суда г. Бишкек гражданка Н.Ы. водворена в Спецприемник СОБ ГУВД г. Бишкек сроком на пять суток.

Просим отдельных лиц и администрации пабликов не вводить общественность в заблуждение, распространяя информацию о якобы наркотическом опьянении гражданки. Данная информация не соответствует результатам медицинского освидетельствования.

Пресс-служба УВД Свердловского района г. Бишкек

24/08/2026

Бишкек шаарында «Арсенал» аттуу профилактикалык иш-чарасы өткөрүлүүдө

Коомдук тартипти жана коопсуздукту камсыз кылуу, ошондой эле Бишкек шаарында Шанхай кызматташтык уюмуна мүчө мамлекеттердин башчыларынын саммитин жана VI Дүйнөлүк көчмөндөр оюндарынын ачылыш аземин өткөрүү мезгилинде коопсуздук чараларын күчөтүү максатында ички иштер органдары тарабынан «Арсенал» аттуу профилактикалык иш-чарасы өткөрүлүүдө.

Иш-чаранын алкагында милиция кызматкерлери расмий делегациялар жайгашкан объектилерге жана атайын маршруттарга жакын жашаган же каттоодо турган жарандык, кызматтык жана сыйлык куралдардын ээлери менен профилактикалык жана түшүндүрүү иштерин жүргүзүүдө.

Кошумча коопсуздук чараларын камсыз кылуу максатында белгиленген тартипте курал ээлеринин айрым категорияларынан курал-жарактар убактылуу алынууда.

Мындан тышкары, милиция кызматкерлери атайын маршруттарга жакын жайгашкан өзгөчө уставдык милдеттери бар юридикалык жактардын ишмердүүлүгүн текшерүүдө. Мында кызматтык курал-жарактарды сактоо талаптарынын сакталышына, сейфтердин жана курал сактоого арналган бөлмөлөрдүн абалына өзгөчө көңүл бурулууда.

Ошондой эле ички иштер органдарында профилактикалык каттоодо турган жарандар менен даректүү алдын алуу иштер жүргүзүлүүдө. Эгерде алардын каттоодо турган курал-жарактары болсо, Кыргыз Республикасынын колдонуудагы мыйзамдарынын алкагында тиешелүү чаралар көрүлүүдө.

«Арсенал» профилактикалык иш-чарасы алдын алуу мүнөзүнө ээ болуп, биринчи кезекте коомдук тартипти, жарандардын, расмий делегациялардын, ошондой эле алдыда өтө турган эл аралык иш-чаралардын катышуучулары менен конокторунун коопсуздугун камсыз кылууга багытталган.

Бишкек шаарынын ички иштер башкы башкармалыгы курал ээлерин жүргүзүлүп жаткан профилактикалык иш-чараларга түшүнүү менен мамиле кылууга жана милиция кызматкерлеринин мыйзамдуу талаптарын сактоого чакырат. Убактылуу алынган курал-жарактар тиешелүү иш-чаралар аяктагандан кийин белгиленген тартипте ээлерине кайтарылып берилет.

Бишкек шаарынын ИИББнын Басма сөз кызматы

24/08/2026

Аталган маалымат боюнча төмөнкүлөрдү билдиребиз:

Бишкек шаарынын Свердлов районунун ички иштер башкармалыгынын Тергөө кызматына 1977-жылдын туулган Ш.К аттуу жаран арыз менен кайрылган. Анда, 2026-жылдын 11-августунда болжол менен саат 20:30 чамасында Бишкек шаарынын Ж.Огонбаева көчөсүндө жайгашкан мончодо иштеп жаткан учурда, арыз ээсинин жумушчусу аны бетке чаап, денесине физикалык залал келтиргендигин билдирип, аталган факты боюнча мыйзам чегинде чара көрүүнү суранган.

Аталган факты Бишкек шаарынын Свердлов РИИБдин МЭЖне катталып, тергөөгө чейинки текшерүү иштери башталган.

Текшерүүнүн жүрүшүндө окуяга тиешеси бар жаран аныкталып, Свердлов РИИБге жеткирилген. Ал 1996-жылы туулган Ж.М. аттуу жаран экендиги аныкталган.

Учурда аталган жагдай боюнча толук, ар тараптуу жана объективдүү текшерүү жүргүзүлүүдө. Ошондой эле арыз ээсине соттук-медициналык экспертиза дайындоо зарылчылыгы каралууда.

Мындан тышкары, жүргүзүлүп жаткан текшерүүнүн жүрүшүндө аталган окуянын улуттар аралык мүнөздө экендиги тууралуу маалыматтар тастыкталган жок.

Аталган фактынын дунган улутундагы жарандарга же улут аралык мамилелерге эч кандай тиешеси жок. Окуянын келип чыгуу себептери жана бардык жагдайлары укуктук баа берүү үчүн мыйзам чегинде объективдүү иликтенүүдө.

Белгилей кетүүчү жагдай, социалдык тармактарда аталган окуяны улуттар аралык маселеге айландырууга аракет кылган фактылар чындыка дал келбейт.

Жарандардан социалдык тармактарда такталбаган маалыматтарды таратуудан алыс болуп, расмий маалыматтарга таянууга чакырабыз.

Бишкек ш. Свердлов районунун ИИБнын Басма сөз кызматы

21/08/2026

Бишкек шаарынын Свердлов районунда «Өспүрүм түн» аттуу профилактикалык рейддик иш-чарасы өткөрүлдү

Жашы жете электердин коомдук коопсуздугун камсыз кылуу, өспүрүмдөр арасында укук бузуулардын алдын алуу жана алардын кечки убакта кароосуз жүрүүсүнө жол бербөө максатында Свердлов РИИБдин кызматкерлери тарабынан «Өспүрүм түн» аттуу профилактикалык рейддик иш-чара өткөрүлдү.

Рейддик иш-чаранын жүрүшүндө райондун аймагындагы коомдук жайлар, соода борборлору, соода түйүндөрү, тамактануучу жайлар жана башка өспүрүмдөр көп баруучу жерлер текшерилди.

Иш-чаранын алкагында ата-энесинин же мыйзамдуу өкүлдөрүнүн коштоосу жок, белгиленген убакыттан кийин коомдук жайларда жүргөн 11 жашы жете элек өспүрүм аныкталды. Аталган факты боюнча алардын ата-энелерине Кыргыз Республикасынын Укук бузуулар жөнүндө кодексинин 74-беренесинин 1-бөлүгүнүн 1-пунктуна ылайык протоколдор түзүлүп, тиешелүү чаралар көрүлдү.

Мындан тышкары, 2 жашы жете элек өспүрүм Кыргыз Республикасынын Ички иштер министрлигинин Укук бузуулардын алдын алуу борборуна жеткирилди.

❗️Урматтуу ата-энелер!
Балдарыңыздардын коопсуздугуна жана жүрүм-турумуна жоопкерчилик менен мамиле кылууну суранабыз. Жай мезгилинде балдардын кечки убакта кароосуз жана ата-энесинин же мыйзамдуу өкүлдөрүнүн коштоосу жок жүрүүсүнө жол бербеңиздер.

⚠️ Жашы жете элек балдардын саат 23:00дөн кийин ата-энесинин же мыйзамдуу өкүлүнүн коштоосусуз коомдук жайларда жүрүүсүнө жол берилбейт. Мындай талаптарды бузган учурда ата-энелерге мыйзамда белгиленген тартипте жоопкерчилик каралган.

Балдарыңыздардын кайда жана кимдер менен жүргөнүнө көзөмөл жүргүзүп, алардын коопсуздугуна көңүл бурууга чакырабыз.

Бишкек ш. Свердлов РИИБдин Басма сөз кызматы

Address

Суюмбаева 73
Bishkek

Website

Alerts

Be the first to know and let us send you an email when УВД Свердловского района г. Бишкек posts news and promotions. Your email address will not be used for any other purpose, and you can unsubscribe at any time.

Shortcuts

Share

Category