City of Miyakonojo

17/02/2026

Мияконожо хот шинээр үүсгэн байгуулагдсаны 20 жилийн хүндэтгэлийн ойн арга хэмжээ 2 сарын 13-16-ны өдрүүдэд зохион байгуулагдсан ба найрамдалт харилцаат Улаанбаатар хотоос Нийслэлийн Засаг Даргын ахлах зөвлөх Ж.Батбаясгалан тэргүүтэй төлөөлөгчид оролцов. Хоёр хот 1999 оноос одоог хүртэл олон салбарт найрамдалт хамтын ажиллагаагаа өргөжүүлсээр ирсэн бөгөөд Мияконожо хотын дарга Икэда Такахиса төлөөлөгчдийг хүлээн авч уулзах үеэр талууд дараагийн шатны хамтын ажиллагаа эхлүүлэхэд бэлэн буйгаа дурдлаа.

26/12/2025

Жил бүрийн өдийд хүссэн ахлах сургуульдаа дэвшин суралцахын тулд шалгалтанд бэлдэж буй дунд сургуулийн төгсөх ангийн сурагчдад зориулан "Асран хамгаалагч нарын холбоо" болон бусад холбогдох байгууллагууд хамтран нэг өдрийн онцгой үдийн цай бэлтгэж, тэдэнд урам илгээдэг уламжлалтай.

Аз амжилтыг бэлгэдсэн хотын брэнд "Бүрж шарсан гахайн махан котлет бүхий карри"-г сурагчид баяр хөөр дүүрэн хүлээн авч буй нь...

03/12/2025

12/11/2025

Smile Lunch
Хотын иргэдээ ая тухтай, аз жаргалтай амьдрах нөхцлөөр хангахын тулд хотын хөгжил-үйл ажиллагаандаа иргэдийн оролцоо, санал бодлыг тусгах нь нэн чухал билээ. Мияконожо хот нь “Smile city буюу Инээмсэглэл дүүрэн хот” уриан дор иргэдтэйгээ ойр, нээлттэй харилцааг цогцлоох бодлого хэрэгжүүлдэг. Үүний нэг жишээ нь Мияконожо хотын иргэн хүссэн хэн болов ч хотын даргатай өдрийн хоол идэх зуураа чөлөөтэй ярилцаж санал бодлоо хуваалцах боломж байдаг.
“Smile Lunch” буюу “Инээмсэглэл дүүрэн үдийн хоол” хөтөлбөр нас, хүйс, иргэншил үл хамааран хотын бүх иргэнд нээлттэй. Иргэд ажлын хамт олон эсвэл найз нөхөд 5-8 хүний бүрэлдэхүүнээр хүсэлт гаргаж болох бөгөөд хүсэлтийг хотын даргад уламжилсны дараа боломжит өдрийг товлон, үдийн цайны цагаар (12:00-12:45) хотын даргын өрөөнд зохион байгуулдаг. Үдийн хоолны зардал дунджаар 1000 иен орчим байх бөгөөд иргэд өөрсдөө хариуцна.
Өнөөдөр Мияконожо хотын Гадаад харилцааны тасаг болон Олон улсын харилцааны нийгэмлэгийн төлөөлөл хотын дарга Икэдатай амттай үдийн хоол идэх зуураа “Хотын зүгээс хэрэгжүүлж буй бодлого гадаад хүмүүст саадгүй хүрч байгаа эсэх, хүүхэд өсгөх цогц хөтөлбөр, жуулчдыг татах үйлчилгээ” зэрэг төрөл бүрийн сэдвээр нээлттэй, илэн далангүй ярилцлаа.

30/10/2025

Космос /энхэлгэнэ/ цэцгийн талбайгаар Америк, Хятад гадаад харилцааны ажилтны хамт зугаалаад ирэв.

Мияконожо хотын урд зүгт 30.000 м2 бүхий цэцгийн талбай бий. Энэхүү талбайд улирал бүрийн онцлогт тохируулан үзэсгэлэнт цэцэгсийг тарьж ургуулдаг. Жил бүрийн адилаар энэ жил ч мөн “Нанбү Фүрэай” цэцэрлэгт хүрээлэнд 4 сая орчим космос өнгө хоршин цэцэглэсэн байна.
“Нанбү Фүрэай” цэцэрлэгт хүрээлэн нь 1978-1999 он хүртэл хог хаягдал устгах зориулалттай газар байсан ч хотын иргэдийн хүсэлтээр 2019 онд цэцэрлэгт хүрээлэн болгон тохижуулжээ. Өдгөө цэцгийн талбайгаас гадна гольф, хөл бөмбөг, хүүхдийн тоглоомын талбай гээд бүх насныхан хөгжилдөх боломжтой нутгийн иргэдийн очих дуртай газар болжээ.

18/08/2025

Бончи күн 🌻 талбайд

05/08/2025

Хотын PR дүр Бончи күн маань ч Монгол сурагчидтай уулзаад амжсан шүү.

05/08/2025

Хоёр хотын найрамдалт хамтын ажиллагааны хүрээнд 5 дахь удаагийн “Сурагч солилцооны хөтөлбөр” 7-р сарын 23-30-ний өдрүүдэд Мияконожо хотод амжилттай зохион байгуулагдаж нийт 11 сурагч хамрагдлаа.
Тус хөтөлбөрт хамрагдсан сурагчид Япон улс болон Мияконожо хотын түүх, соёл, ёс заншилтай танилцахаас гадна япон айлд 2 хоног байрлаж энгийн иргэдийн ахуй амьдралтай танилцан, япон гэр бүлтэй болоод амжив.
Мияконожо Улаанбаатар хотууд 2014 оноос хойш "Сурагч солилцооны хөтөлбөр"-ийг харилцан хэрэгжүүлж буй бөгөөд 2026 онд Мияконожо хотын сурагчдын төлөөлөл Улаанбаатар хотод зочлох юм.

09/07/2025

Зуны халуун эхлээд Бончи күн маань ч нимгэн хувцсандаа оржээ. Мияконожо хотын PR дүр "Бончи күн"

30/06/2025

Мияконожо хотод маань борооны улирал дуусаж зун цаг ирснийг сануулах мэт хот бүхэлдээ үзэсгэлэнт барын чих цэцгээр өнгөө сольжээ. Нөхдийн хамтаар хотынхоо Яманогүчи цэцэрлэгт хүрээлэнгээр зочлон өнгө алаглан дэлгэрсэн цэцэгс дунд сэтгэл оюунаа баясгаад ирлээ. Тус цэцэрлэгт хүрээлэн нь Япондоо хамгийн олон тооны барын чих цэцгийн хүрээлэн болох зорилго тавьсан бөгөөд энэ жил 28,000 гаруй барын чих цэцэг биднийг угтсан юм. Мөн цэцэрлэгт хүрээлэнгийн орой дээрх 15 метр өндөр цайзын задгай тавцангаас хотыг бүхэлд нь тольдож болно.