Embassy of Nepal in Tokyo, Japan -在日ネパール国大使館

06/06/2026

आज शनिवार। सार्वजनिक विदाको दिन। जापानमा रहनुभएका नेपाली नागरिकहरुको सेवाका लागी बिदाको दिन पनि राजदूतावासमा कामकाज गर्दै खटिदै गर्नुभएका कर्मचारी ।
यसैगरी, टोकियो भन्दा धेरै टाढा रहेको फुकुओका शहरमा पनि आज सेवा प्रवाह गर्दै राजदूतावासका कर्मचारीहरु।

सेवा परमो धर्मः ।

01/06/2026

28/05/2026

Nepal Festival and Expo 2026 नागोयामा नेपाली राजदूतावासको स्टलबाट सेवा प्रवाह हुने सम्बन्धमा ।

यही मे ३०,३१ र जुन १ मा नागोयामा आयोजना हुन गईरहेको Nepal Festival and Expo 2026 मा नेपाली राजदूतावासले आफ्नै स्टल राखेर प्रत्यक्ष रुपमा सेवा प्रदान गर्न गईरहेको व्यहोरा सहर्ष जानकारी गराउँदछौ । नेपाली राजदूतावासको स्टलमा राजदूतावासबाट प्रदान गरिने सम्पूर्ण सेवाहरुको बारेमा परामर्श दिईने, कागजातहरु संकलन गरिने तथा पर्यटन पर्वद्वन सामग्रीहरु मार्फत नेपालको पर्यटन प्रर्वद्वन तथा प्रचार प्रसार गरिने व्यहोरा अनुरोध गरिन्छ ।
नेपाली राजदूतावासलाई स्टल प्रदान गरी सेवा दिने अवसर दिनुभएकोमा गैर आवासीय नेपाली संघ, क्षेत्रिय समिति नागोयालाई हार्दिक धन्यवाद दिन चाहन्छौ । साथै यस स्टल भ्रमण गरी सेवा लिनहुन पनि समस्त सेवाग्राहीहरुमा अनुरोध गरिन्छ ।
धन्यवाद ।
नेपाली राजदूतावास, टोकियो
२८ मे २०२६

25/05/2026

यही मिति २०८३ जेठ २२, २३, २४ (2026 June 5, 6 and 7) मा फुकुओकामा घुम्ती सेवामार्फत् राहदानी तथा अन्य कन्सुलर सेवा प्रदान गर्ने कार्यक्रम तय भएकोमा उक्त मितिमा नयाँ राहदानी आवेदन तथा राहदानी नवीकरणका लागि Pre-enrollment Booking फाराम खुला गरिएको व्यहोरा जानकारी गराइन्छ।
उक्त मितिहरु मध्ये जुन ६ र ७ राजदूतावासमा सप्ताहन्त बिदा भई बन्द हुने हुँदा उक्त दिनहरुमा फुकुओका घुम्ती सेवामा सेवा लिन चाहनुहुनेले मात्र Pre-Enrollment Book गर्नुहोला। राजदूतावासमा आउनका लागि Pre-enrollment Book नगर्नु होला।
धन्यवाद्...

21/05/2026

राहदानी तथा कन्सुलर घुम्ती शिविर सम्बन्धमा प्रेस बिज्ञप्ती ।

13/05/2026

फुकु‌ओकामा जुन ५, ६ र ७ मा घुम्तिसेवा आयोजना हुने सम्बन्धी सूचना

07/05/2026

गुन्मामा १४ जुन २०२६ मा आयोजना हुने घुम्ति सेवा सम्बन्धी सूचना

04/05/2026

नेपाली राजदूतावास, टोकियोमा वि.सं.२०८३ का लागि निर्धारण गरिएका विदाहरु। उल्लिखित विदा र सप्ताहन्त विदा (शनिबार र आइतबार) बाहेक अन्य दिन राजदूतावास खुला रहनेछ।

30/04/2026

नेपाली राजदूतावास, टोकियोले गैर आवासीय नेपाली संघ राष्ट्रिय समन्वय परिषद्, जापान र आदिवासी जनजाति महासँघसंगको सहकार्यमा २५७०अौ वुद्धजयन्ती विशेष समारोह आयोजना गरी भव्य तवरले मनाउने कार्यक्रम रहेकोले सहभागिताका लागि अनुरोध गर्दछौ।
धन्यवाद ।