Visit Saga HK 佐賀縣觀光物產情報

19/05/2026

【 #佐賀初夏】佐賀繡球花名所💜 轟の滝公園

就快到6月，即係就黎到繡球花盛開的時期啦😆！今日繼續介紹佐賀繡球花名所～

位於 #嬉野 嘅 #轟之瀑布公園 ，距離 #嬉野溫泉街中心 只需20分鐘車程，以雷鳴般嘅流水聲⚡同三段式瀑布🌊而聞名。

每年6月，公園周圍嘅300株繡球花爭相綻放💙🤍，沿著瀑布旁嘅散步徑，可以欣賞到色彩繽紛嘅繡球花海😍。

而且，公園內仲提供戶外桑拿同日間露營活動⛺，讓你盡情享受初夏嘅清新氣息～☀️

📷 相片出處：うれしの元気通信

#轟の滝公園
📍 〒843-0301 佐賀県嬉野市嬉野町大字下宿丙163-1
🗾 https://maps.app.goo.gl/bkxi9VgN719w57c29
🚗 從JR嬉野溫泉站乘巴士前往約10分鐘，到「湯の田」站下車，再步行10分鐘
🌐https://www.asobo-saga.jp/spots/detail/43baff91-4d2e-41cd-bb55-1c429b099e14

18/05/2026

【 #體驗佐賀】玄海灘嘅古老守護神🙏🏻田島神社

位於佐賀縣唐津市呼子町加部島嘅田島神社，係肥前國最古老的神社之一，被列為平安時代《延喜式》中嘅名神大社！神社面向廣闊嘅玄海灘🏝️，海天一色嘅景觀極為優美～🫧✨主祭神為田島三神：田心姫尊、市杵島姫尊、湍津姫尊。三位女神專司海上安全、交通順遂同埋商賣繁盛，係一個漁民與航海者嘅信仰地🐟🚤。

境內有唔同嘅景點可以參觀，包括源賴光寄進嘅古老鳥居、豐臣秀吉相關嘅太閤石、元寇時期嘅碇石等。重要文化財「吉次銘太刀」亦都珍藏喺呢度。

嚟到呼子，除咗可以品嚐新鮮魷魚之餘🦑，仲可以去加部島參拜田島神社，係海風中感受千年祈願嘅寧靜，吸收一下大自然嘅力量🍀🍃。

画像： 田島神社

#田島神社
📍唐津市呼子町加部島3965-1
⏰ 早上9時至下午5時（冬季至下午4時半）
🚗從JR唐津站乘昭和巴士（呼子行）前往終點下車（約1小時）
📽️ 海天一色嘅景色：https://www.youtube.com/watch?v=So9GWqteXA8

17/05/2026

【 #佐賀初夏】花之水壩🏞️ 中木庭水壩

香港嘅水壩有靚景睇，你知道佐賀嘅水壩又有咩美景呢？😏

位於 #鹿島市 能古見地區嘅 #中木庭水壩，係鹿島嘅繡球花名所。每年6月，7000株繡球花盛開💜，為水庫周圍帶來繽紛色彩🏞️，絕對係打卡好去處📸！

花季期間，當地仲會舉行繡球花祭✨，過去活動包括水庫hiking、販售特產等。周圍仲有觀景台、餐廳同 #平谷溫泉 ，適合挽足1日🚗！水壩附近嘅湖畔公園也都係推薦嘅繡球花景點喔~~~👀

📷 相片出處：鹿島市觀光協會

#中木庭ダム
📍 佐賀県鹿島市山浦
🗾 https://maps.app.goo.gl/ZteitvJPRAzNp7fQ9
🚗 從JR肥前鹿島站乘的士約20分鐘
🌐 https://saga-kashima-kankou.com/spot/887

#中木庭ダムあじさいまつり
📆 6月20～21日
🌐 https://saga-kashima-kankou.com/event/10340

16/05/2026

【佐賀交通】🚌🚖✨輕鬆玩轉佐賀嘅交通攻略—— #佐賀交通指南 🚏🍃

去佐賀旅行，除咗自駕，其實巴士同觀光的士都好方便又划算！只要用一個App，再配合唔同交通方式，就可以輕鬆探索整個佐賀🗺️✨

佐賀而家推出咗多款數碼交通票券📱，只要透過「my route」App，就可以購買同使用，非常方便！仲可以同時查路線同附近景點，一App搞掂晒😌

🌿例如想去溫泉放鬆，可以用 ♨️
由佐賀站出發，到古湯溫泉同熊之川溫泉一帶，24小時內巴士任搭，仲附送當地餐廳同設施優惠券，邊搭車邊享受溫泉之旅✨

🍵想一次過玩鹿島、武雄、嬉野，就可以選擇 🌸
36小時內巴士任搭🚌，仲有體驗優惠券，可以試茶、浸溫泉或者參加文化體驗，一次過玩晒幾個人氣地區！

🏙️如果主要喺佐賀市內活動， #佐賀市營巴士1日券 就最適合🛍️
市內巴士一日任搭，可以慢慢行、慢慢玩，完全唔使趕行程✨

🌊想暢遊唐津同玄海一帶，就可以選擇 🐚✨
指定區域內巴士一日任搭🚌，可以輕鬆遊走唐津城🏯、虹之松原🌲同海邊景點🌊，一次過感受歷史同自然魅力！仲可以慢慢沿住海岸線移動，一邊睇風景一邊探索唔同景點😌🍃
另外，仲有2日PASS可以選擇✨ 如果想更深入慢慢玩，或者行程比較充裕，選擇2日券會更加方便又划算！

🚖想更加輕鬆移動，或者前往交通唔太方便嘅景點，觀光的士都係一個好選擇✨ # SAGA Connect Taxi「SAGA Connect Taxi」提供佐賀市內觀光設施之間嘅包車服務，而且最高可享58％折扣，性價比相當高💰
採用按時間計算嘅包車形式，可以自由安排路線同景點，想去邊就去邊，特別適合想高效率玩晒多個景點嘅旅客🚖💨
幾個人一齊乘搭仲可以分攤費用，更加划算！而且由當地司機帶路，仲可以聽到隱藏景點同地道推薦，令旅程更加豐富✨
⚠️小提醒：此服務只限佐賀市內使用，唐津、有田等地區並不包含在內，記得留意喔！

如果你想輕鬆又自由咁探索佐賀，不妨試下結合巴士同的士🫶🏻
既可以慳錢💰，又可以去到更多隱藏景點，慢慢享受旅程✨

📷相片出處：
巴士: https://www.tokutokusagatabi.com/
的士：https://www.sagabai.com/main/5049.html

13/05/2026

【 #佐賀精選住宿】新感覺獨立Villa🏡 神籬HIMOROGI KARATSU001

今年4月喺唐津開咗一間新嘅villa 。呢間villa完全係小編嘅dream house～一齊睇下有幾正啦😍

「神籬HIMOROGI KARATSU001」係一棟坐落於海邊、可眺望唐津城嘅獨立別墅。距離玄界灘只需要步行約1分鐘即可抵達海邊🌊。要去唐津玩的話，前往唔同嘅觀光景點交通都非常便利🚗！呢度既可作為遊覽唐津嘅最佳選擇，返到villa後又唔會收到附近干擾，可以好好享受專屬嘅me time，實現身心放鬆嘅完美住宿體驗。

🌅清晨，伴著海風邊悠閒散步飲咖啡。🌠夜晚，可以係桑拿房出一身汗後，圍住營火悠閒暢談。喺唐津嘅自然懷抱中度過心靈放鬆時光。

Villa最多可以住6個人，啱晒同屋企人或者朋友一齊去玩～而其實「神籬（HIMOROGI）」呢個名都有特別意思，指為迎接神明而精心營造嘅「場域」。希望可以令住客感受到唐津嘅空氣、歷史、文化，令villa唔係單單住宿咁簡單🛤️。

如果小編係石油王就會次次去唐津都住呢度😭😣另外呢間villa其實係叫「001」，可能遲啲除咗唐津之外其他地區都會有「神籬HIMOROGI 」添呀！😍👍🏻

画像： 神籬HIMOROGI KARATSU001

KARATSU001
📍 唐津市東唐津1-3-9
🚗從JR唐津站乘的士前往約9分鐘
🌐 https://himorogi-stay.com/facilities/karatsu001/

12/05/2026

【 #佐賀初夏】見歸之瀑布🌊 光與繡球花之美景

除咗之前提過嘅 #古湯山中繡球花之道 🛣️， #見歸之瀑布 都係一個著名嘅繡球花熱點！

位於 #唐津市 #相知町 嘅見歸之瀑布🌊，不單止被選為 #日本百選瀑布，仲係九州地區落差最大嘅瀑布之一，高達100公尺以上🫨。

每到6月，瀑布周圍就會盛開超過4萬株、50多個品種嘅繡球花💙💜🤍，吸引咗大批遊客前來欣賞。聽講仲有機會喺下游觀賞到螢火蟲添~~~🤫

而且，每年仲會舉行繡球花祭🤩，最特別嘅係喺開花期間，晚上會為瀑布點燈💡，帶黎不一樣嘅體驗同景色！過往期間，周末會設有臨時停車場同穿梭巴士🚌，記得留意官網更新！

📷 相片出處：唐津観光協会

#見帰りの滝
📍 〒849-3223 唐津市相知町伊岐佐
🗾 https://maps.app.goo.gl/saAohP2uL4sRGgsHA
🚗 從JR相知站乘的士前往約10分鐘
🌐 https://www.karatsu-kankou.jp/spots/detail/33

11/05/2026

【 #佐賀好物】 「 #青花」陶瓷50週年靚靚紀念商品🎐

話咁快有田陶器市又完美落幕喇，不過有田一年四季其實都充滿住陶器㗎。今日要介紹嘅唔知你又有無聽過呢？😄

「青花」係1976年推出嘅品牌，意指「藍白染付瓷器」。職人堅持手工繪製，靈感源自江戶時代嘅「紅毛手」。「紅毛手」係一種受荷蘭代爾夫特陶器影響而發展出嘅瓷器技法同風格🌷。「青花」以異國風情人物與船隻等圖案為主題，打造出充滿溫馨感的瓷器，長年深受大眾喜愛☺️！

而為咗紀念新窯「青花」品牌成立50週年，今年推出多款紀念商品～分別有以下3款！

①50週年限定商品「流浪異人」
呢個係2026年限定嘅全新圖案。剩係得今年先可以買到㗎咋🤓！
「又唔知由何處現身，又唔知往何處去。」望向船隻十分瀟灑，設計以呢種旅人嘅身影為靈感。有唔同大細嘅小碗同碟仲有杯，可以自由選擇自己鍾意嘅器皿⛴️！

②青花原創茅織抹布
同奈良嘅一間公司合作推出嘅「茅織抹布」，將青花原創圖案同抹布完美融合為一體，係一件又靚又實用嘅手信。奈良工藝「蚊帳織」係一種傳統用於製作蚊帳嘅薄織物，將棉質蚊帳織物層層疊合製成抹布，用得越耐越柔軟，兼具優秀嘅吸水性同耐用性！買多幾條都得呀😍

③50週年紀念商品「刻（時）小碟」
堅持手繪工藝50年嘅「青花」，今次推出全新系列，竟然唔再「繪製」圖案，而係透過「刻劃」嚟呈現。唔好睇少呢隻小小嘅器皿，其實佢承載了長達50年嘅歷史💙。
透過雕刻深淺所形成嘅陰影，呈現異國風情與船隻等代表性圖案。當倒入醬油等液體時，濃淡對比更為鮮明，圖案就會浮現出嚟喇！

50週年里程碑嘅「青花」喺保留傳統嘅同時，用一個嶄新嘅表現形式去設計新嘅商品。以上嘅商品全部都可以喺 #ヤマト陶磁器店舖 度買到呀～🥹

相片出處：PRTIMES

#ヤマト陶磁器 #青花
📍 西松浦郡有田町赤坂丙2351番地169
⏰ 早上10時至下午5時
🚗 從JR有田站步行前往約30分鐘
🌐 https://www.instagram.com/realita_ceramics/
🛍️ online store：https://realita.jp/

10/05/2026

【 #佐賀初夏】第20屆佐賀市景觀獎🏆 古湯山中繡球花之道💙

踏入5月，佐賀天氣越嚟越熱🥵，正式踏入梅雨季節，但初夏點可以少得靚靚嘅繡球花呢！

位於 #富士町 山區嘅 #古湯山中繡球花之道，喺一條約500米嘅鄉間小路🛣️，沿著梯田同農道，有800多株色彩繽紛嘅繡球花會喺6️⃣月盛開！

呢個地方2016年仲獲得第20屆佐賀市景觀獎🏆，成為富士町知名嘅賞花熱點😍。

如果你想再放鬆啲，不妨去距離只有10分鐘車程嘅 #古湯溫泉。作為佐賀縣三大名湯之一♨️，環境靜謐，浸住溫泉嘅同時，仲可以欣賞到自然風景～😌

快d黎睇下上年嘅盛開狀況 👉 https://youtu.be/1kmRWLNNTzs?si=9UleygXNFNsK_XKo

📷 相片出處：佐賀市観光協会

#古湯山なか紫陽花の道
📍 〒840-0501 佐賀県佐賀市富士町大字古湯
🗾 https://maps.app.goo.gl/ensgW8xwsMm6kU8X9
🚗 從JR佐賀站乘的士約40分鐘
🌐 https://www.sagabai.com/main/?cont=kanko&fid=756

03/05/2026

太可愛了😍！好有創意，用小朋友嘅腳印👣 整出黎嘅鯉魚旗🎏 only at 佐賀城

【5/2時点空き枠あり🎏】
5月4日（月・祝）・5日（火・祝）に実施する
「赤ちゃんの足形でつくるこいのぼり飾り」の
事前申込を受付中です！
お申込みは佐賀城本丸歴史館のHPから！

事前申込の空きがある時間帯については、
当日のご参加も可能です！
ぜひご参加ください🙏

#佐賀
#佐賀城

#ゴールデンウィーク