04/12/2021
مرّة في بنت كانت بتتوضأ والميّ على حدّ علمكم بالجامعة باردة ^^
بعد ما خلصت وضوء، صارت أسنانها تضرب ببعض، وحكت يلّا مش مشكلة، في سبيل الله.. الله يكتبلنا الأجر ويعفو عن تقصيرنا ..
كلّ ما تصحّيني الوالدة للفجر بكون شادد عالحرام بكلّ قوتي، وبدّي أظل بالدّفا..
بتحكيلي الوالدة: لا تفوتك صلاة الفجر يا مسكين!
قوم قوم واحكي لا حول ولا قوّة إلّا بالله .. وحرفيًا بس أطلع من الغرفة عشان أتوضأ بحسّ كلّ برد الدّنيا بصيبني.. بس معلش كلّه بهون لأجل الله ..
بتعرف؟
هو آه كلشي بهون .. كلشي بهون بس لو كان في سبيل الله
الميّ الباردة .. والوضوء بعزّ البرد .. وإنك تطلع من الحرام والدنيا برّا آخر برودة! بس عشان تتوضأ وتصلّي!
شو اللي جابرك بالله؟
مش تظل بالدّفا أحسنلك؟
لا والله مش أحسنلي، إنت بتفكّر الجنّة تُنال بسهولة؟ الجنّة غالية .. وهالجهاد جزء من ثمنها ..
ححكيلك شغلة تنسّيك كلّ برد وجهاد
بس إنت ركّز معي ..
إنَّ اللَّهَ ليضحَكَ إلى رجلٌ قامَ في ليلةٍ بارِدَةٍ مِن فِراشِهِ ولِحافِهِ ودِثارِهِ فتوضَّأَ، ثمَّ قامَ إلى الصَّلاةِ..
فيقولُ اللَّهُ عزَّ وجلَّ لملائكتِهِ: ما حمل عبدي هذا على ما صنَعَ، فيقولون: ربَّنا ! رجاءَ ما عِندَكَ، وشفقَةً مِمَّا عندَكَ، فيققولُ: فإنِّي قد أعطيتُهُ ما رجا، وأمَّنتُهُ مِمَّا يخافُ .. 💚
بتوقّع ..
إنك هسّا من شدّة جمال الشعور بتهيّألك تجي صلاة الفجر بسرعة، لحتى تقوم من وسط نومك بعزّ البرد وتتوضأ وربّنا يضحكلك .. عشان لو ضحكلك إنت نلت كلّ الأمان")
