Quali sono gli orari di apertura?

Lunedì 08:30 - 13:30 Martedì 08:30 - 13:30 Mercoledì 08:30 - 13:30 Giovedì 08:30 - 13:30 Venerdì 08:30 - 13:30

ULS Sàrrabus

Casa
Italia
San Vito
ULS Sàrrabus

Sèmpiri a sa parti de sa lìngua nosta �
Faeus:
- materiali didàticu e informativu
- atòbius cun sa comunidadi
- consulèntzias
- furriaduras

11/09/2026

🎣 Un'iscena de pisca in unu muru de Murera.

𝗠𝘂𝗿𝗮𝗹𝗶𝘀 𝗶𝗻 𝗠𝘂𝗿𝗲𝗿𝗮 #𝟭𝟱

Tra is muralis prus pagu connotus de sa bidda ddui est Piscadoris, òpera realizada in su 2003 de Gian B. Loi.

Retis, cassetas prenas de piscau, barcas e òminis traballendi contant una faina chi po generatzionis at fatu parti de sa vida econòmica de su territòriu, acanta a s’agricultura e a is vergeris chi ant batiu Murera a su mundu.

Su murali s'agatat a pagu tretu de su Sonadori de launeddas giai contau in sa rubrica nosta. Duas òperas diversas, ma unidas de sa voluntadi de cunservai sa memòria de su chi at caraterizau sa comunidadi in su tempus.

Oi su murali ammustrat segnus de usura ladinus, ma sighit contendi una Murera chi càstiat a su mari e a is traditzionis suas.

📖 A su blog Uls Sàrrabus agatas s'aprofundimentu cumpletu.

💬 Ddu connosciais? E bosi subeneis atrus muralis dedicaus a sa pisca o a is fainas de su mari chi s’agatint in Murera o in su Sàrrabus? ❤️
Suia

11/09/2026

Murera, de oi torrat su ritiru de sa plàstica in Costa Rei
Su servìtziu fiat istau suspèndiu tres dìs a oi

Acabbat, a su mancu po immoi, s'allarmi plàstica in Murera. Sa Cosir, sa sotziedadi chi gestit su servìtziu de Igieni urbana, at comunicau difatis chi de su 11 cabudanni at a torrai ativu su servìtziu de ritiru de is imballàgius in plàstica in Costa Rei e in totu su territòriu.

Servìtziu chi fiat istau suspèndiu (francu chi in su tzentru urbanu de sa bidda) custu 7 de cabudanni. Su problema fiat su matessi de su mesi passau, e si diat a pòdiri torrai a presentai comenti si siat: sa saturatzioni de is impiantus regionalis de istocàgiu, tra cussus s'impiantu So.ma. Ricicla S.r.l. a ui cunferit su Comunu de Murera.

Su mesi passau, po circai de limitai is discumbènius a is tzitadinus, su Comunu ‘iat nolegiau unu cumpatadori «e seus valutendi – at ispiegau sa sìndiga Francesca Mattana - de ndi nolegiai atrus, ma custas non podint essi solutzionis chi po Comunus de marina comenti a su nostu. Bisòngiant solutzionis istruturadas e lìnias ghia craras chi sceti Regioni e Guvernu nosi podint donai. In custu cumintzu de cabudanni, in prus, seus registrendi nùmerus importantis in contu de is presèntzias turìsticas e in sa cunsighenti produtzioni de is refudus».

S'allarmi, po immoi, parit studau «ma eus a sighiri – at sutaliniau in una nota s'amministratzioni comunali – a compidai s'evolutzioni de sa filera e a fruniri agiornamentus lestrus in casu de crititzidadis noas».

© Riprodutzioni riservada
unionesarda.it
Suia

11/09/2026

Custa xida colada in Trentinu ant giogau is campionaus de tennis de mesa, sa paesana nosta Beatrice Zedda nd’est torrada cun unas cantas medàllias e s’Amministratzione Comunali in facebbok dd’at festada aici:

🏓 Tennis de mesa - campioneddas crescint

Complimentus a sa nostra cuntzitadina giòvana meda Beatrice Zedda (11 annus), chi est artziada a su pòdiu de is Finalis Natzionalis Under 11 "Ping Pong Kids" giogadas in Levico Terme (Trentu):

🥈 2 postu in su Torneu de Sìngulu de Tennis de mesa

🥉 3 postu in is Proas Fìsicas

🥇 1 postu in s'acrobada

Beatrice est un'esèmpiu po pipius e pitzocus meda: s'invitu a fai cali si siat isport est abertu a totus, po ite a fai atividadi fìsica est in antis de totu saludi, crèscia e disaogu, a pesai de is pòdius e de is medàllias.

Bivat s'isport 🎉

Suia Comune di Muravera

11/09/2026

𝐌𝐮𝐫𝐞𝐫𝐚, 𝐒𝐚𝐧𝐭𝐮 '𝐈𝐝𝐮 𝐞 𝐁𝐢𝐝𝐝𝐞𝐩𝐮𝐭𝐳𝐢: 𝐚𝐫𝐫𝐢𝐛𝐛𝐚𝐭 𝐬𝐮 𝐦è𝐝𝐢𝐜𝐮 𝐧𝐨𝐮 𝐝𝐞 𝐚𝐬𝐬𝐢𝐬𝐭è𝐧𝐭𝐳𝐢𝐚 𝐩𝐫𝐢𝐦à𝐫𝐢𝐚
🩺🏥💉💊

Unu mèdicu nou de assistèntzia primària intrat in servìtziu in s'àmbitu territoriali de is Comunus de Murera, Santu 'Idu e Biddeputzi. De su 1 cabudanni 2026 s'incàrrigu est assùmiu de sa dotora Andreina Mureddu, chi a printzìpiu at a acumpriri sa faina in sa sedi de sa continuidadi de agiudu de Murera, s'ex guàrdia mèdica, a s'internu de su presìdiu ospedalieru San Marcellino. Su trasferimentu in sa Domu de Comunidadi de bia Sardigna, semper in Murera, est prevìdiu in pagu tempus.
Is malàidus interessaus ant a depi fai unu scioberu nou de su mèdicu partendi de su 2 cabudanni, presentendi·si a s'isportellu dedicau chi s'agatat in sa Domu de Comunidadi de bia Sardigna in Murera. Po cumpletai sa protzedura at a essi netzessàriu a tenni tessera sanitària in fatu. S'isportellu at a essi disponìbili de su lunis a sa cenabra de is 8.30 a is 12 e, in is dìs de lunis e mèrcuris, fintzas a merì de is 15 a is 17. Sa dotora Mureddu in prus at a intrai a fai parti de s'assòtziu de mèdicus cumposta de is dotoris Ballocco, Curriori, Zuncheddu, Quarto, Frau e Melis. Sa faina ambulatoriali at a essi distribuia in totu sa xida: su lunis de is 16 a is 19, su martis, mèrcuris e giòbia de is 9 a is 12 e su cenabra torra de is 16 a is 19. Custa organizatzioni noa gasi puntat a assegurai sa continuidadi de s'assistèntzia primària in is tres tzentrus de su Sàrrabus interessaus de s'incàrrigu nou.
Cun s'intrada in servìtziu de sa dotora Mureddu càmbiat fintzas s'assentu de s'assistèntzia sanitària chi est garantia in Santu 'Idu.

Su Distretu Sàrrabus-Gerrei at dispostu difatis chi, partendi de su 1 cabudanni, acabit su servìtziu Ascot ativau in su Comunu, in cunsideru de s'insediamentu nou in s'àmbitu de assistèntzia primària. In sa comunicatzioni s'Asl ringratziat a is dotoris chi ant garantiu su servìtziu Ascot duranti de su perìodu de atividadi e cumbidat is amministratzionis comunalis de Murera, Santu 'Idu e Biddeputzi a donai sa difusioni màssima de is informatzionis noas a sa populatzioni.
Suia

07/09/2026

📚 Murera, abertas is iscritziones a su cursu de limba sarda gratùitu “ABC de su Sardu- sardu e linguìstica”

📝 # Trinta oras de formatzione in lìnia pro aprofundire sa limba sarda, tra fonètica, morfologia, sintassi e dialetologia

📢 Sunt abèrtas in modu ufitziale is iscritziones a su de duos cursos de formatzione linguìstica de Limba Sarda – livellu mesanu, organizadu in intro de is atividadis de s’Ufìtziu Linguìsticu de Murera.

🎓 Su percursu formativu, a tìtulu “ABC de su Sardu – Sardu e linguìstica”, est a s’indonu e at a durare de 30 oras. 💻 S’at a fàghere totu in lìnia in sa plataforma de Google Meet.

📖 Su cursu est pensadu pro is chi tenent giai una connòschèntzia bona de sa limba sarda e bolet aprofundire e afortiare is cumpetèntzias linguìsticas suas in contu de glotologia e fonètica. Su cursu at a tratare fintzas argumentos che a sa morfologia nominale e verbal, sintassi e istruttra de sa frase; dialetologia e istandardizatzione.

✏️ In prus de sa parte teòrica, cada mòdulu at a cumprèndere fintzas una sèrie de esertzìtzios e atividades pràticas, cun sa punna de megiorare is cumpetèntzias e de favorire s’impreu pràticu de sa limba in s’iscritura e in sa faeddada.

🆓 Pro partetzipare non si pagat, sende una faina aparitzada dae s’Ufìtziu Linguìsticu de Murera, realizada in s’àmbitu de is interventos previstas dae sa Lege 482/1999, artìculos 9 e 15, dae sa Lege Regionale 22/2018, dae sa Lege Regionale 6/2012- Avisu Ras TuLiS 2025-2026-2027.

📲 Pro s’iscritzione si podet compilare su mòdulu in lìnia https://forms.gle/Q1zZzU3LuGf1iGYk8, o puru mandare unu messàgiu de correu eletrònicu a s’indiritzu de s’Ufìtziu Linguìsticu [email protected]. 📧 Est possìbile fintzas cuntatare diretamente su docente Francesco Deplano a su nùmeru 3469475791, fintzas tràmite WhatsApp.

📅 Su calendàriu de is leziones at a èssere deiscinidu e cuncordadu cun is partetzipantes a pustis chi s’at a lòmpere a su nùmeru mìnimu de iscritos.
Suia Comune di Muravera Biblioteca Muravera

05/09/2026

Parint ordìngius bèllicus in mari, àrea off limits in su litorali de Murera

𝙊𝙧𝙙𝙞𝙣à𝙣𝙩𝙯𝙞𝙖 𝙙𝙚 𝙨𝙖 𝘾𝙖𝙥𝙞𝙩𝙖𝙣𝙚𝙧𝙞𝙖 𝙙𝙚 𝙥𝙤𝙧𝙩𝙪 𝙥𝙤 𝙘𝙪𝙣𝙨𝙚𝙣𝙩𝙞𝙧𝙞 𝙚𝙫𝙚𝙣𝙩𝙪𝙖𝙡𝙞𝙨 𝙗𝙧𝙞𝙡𝙡𝙖𝙢𝙚𝙣𝙩𝙪𝙨

Murera Unus cantus ogetus metàllicus (parint residuaus bèllicus) funt istaus agataus de unu tzitadinu a una profundidadi de unus 27 metrus in s'ispigru àcueu de sa nanti de sa zona de Tziu Franciscu in su litorali de Murera, in sa costa sud orientali (coordinadas: Latitùdini 39 gradus, 16,54 primus Nord - Longitùdini 009 gradus, 36,52 primus Est). A pustis de su seju, su Capitanu de vascellu Paolo Marzio, capu de su Tzircundàriu marìtimu de Casteddu e Cumandanti de su portu de Casteddu, at emanau un'ordinàntzia cun sa cali tenit interdetu s'ispigru àcueu cun decurrèntzia lestra e finas a s'interventu de bonìfica de su personali artificieri ispetzializau.

In particulari, at vietau, po tutelai sa seguridadi de sa navigatzioni e sa vida umana in mari, in is moras de is eventualis operatzionis de brillamentu e bonìfica de su giassu: ancorai e pasai cun cali si siat unidadi, siat in diportu chi a impreu professionali, praticai sa balneatzioni e comenti si siat a ddui atzèdiri, evitai faina de immersionis subàcueas, acumpriri fainas de pisca, e, in finis, ogna faina connètia a s'impreu de su mari no autorizada in manera crara.

riprodutzioni riservada
de Bulla – lanuovasardegna
foto: web

Suia

05/09/2026

ℝ𝕦𝕓𝕣𝕚𝕔𝕒 "𝔽𝕣𝕒𝕤𝕚𝕤 𝕕𝕖 𝕠𝕘𝕟𝕒 𝕕𝕚'", 𝕚𝕟 𝕓𝕦𝕥𝕖𝕘𝕒
🥖🤷🏻‍♀️💶🤑💸

Est sighendi sa rubrica de Uls Sàrrabus in contu de is frasis ùtilis chi podeus intendi e nai in is cuntestus diferentis; oi andaus a butega!

Cliente: Saludi, iscusa, a ui agatu su pani?
Addetu: Beni bènnia! Sighi in custa corsia fintas a sa fini.
Cliente: Custu fenugu de ui nd’arribabat? Est cosa locali?
Addetu: Ellus, ndi benint de su territòriu. Che a totu sa fruta e sa birdura chi agatas innoi.
Cliente (pensendi): Soi intrada po comporai pani...e tèngiu giai mesu carrellu prenu. Nci dd’acabbu sempri comporendi unu muntoni de cosa.
Cliente: No est cosa meda chi soi comporendi, berus?
Cassiera: Eja, una spesixedda, su totali est 68 èurus e 99.
Cliente: E cantu?! Setanta èurus funt 140 milla francus! Deo ‘ia pigau sceti "duas cosas"! Ma tandu is prètzius ant aumentau meda a beru.
Cassiera: Tenis arrexoni, immoi est costendi totu de prus.
Cliente (bessendi): Cun custus prètzius cumbenit belle a si nci papapi is fueddus. A su mancu a allegai in sardu ancora non costat nudda!
Suia

04/09/2026

Su 𝟰 𝙙𝙚 𝙘𝙖𝙗𝙪𝙙𝙖𝙣𝙣𝙞 𝙙𝙚 𝙨𝙪 𝟭𝟵𝟬𝟰, in Buggerru, una protesta de minadoris fiat istètia acabbada cun su sàmbini.

Is operajos fiant bessius a caminu in isciòperu cuntestendi is cunditzionis de traballu e un'organizatzioni noa de is turnus. Sa situatzioni fiat impiorendi·si e is militaris ‘iant fatu fogu a sa truma de traballadoris: ‘iant mortu a Felice Littera, Salvatore Montixi, Giovanni Pilloni e Giustino Pittau.

Sa noa lompit a sa lestra apetotu in Itàlia e, unas xidas a pustis, ‘iat contribuiu a sa proclamatzioni de su primu isciòperu generali de s'istòria italiana.

Oi, 4 cabudanni 2026, est su de 122 anniversàriu de su bocidroxu.

In su blog de Uls Sàrrabus eus torrau a ammentai cudda dì, su cuntestu de is minas de s'Iglesienti e sa figura de Giuseppe Cavallera.

🔗 S'aprofundimentu cumpletu dd’agatas in su blog de Uls Sàrrabus.
Suia

04/09/2026

Torrau cabudanni e est po torrai sa scola puru; su Comunu de Murera tandu est cumentzendi cun is pràticas chi pertocant pitzocus e pitzocas paris cun is famìlias insoru. Custu su post chi s’Amministratzioni at cundivìdiu eris:

📚 S'informant is rechedidoris de su Bonu Librus A.S. 2026/2027, chi tenint sa rechesta ammìtia a su benefìtziu, chi intru e no prus addai de su 30/09/2026 a is 23:59:59 depit essi presentada sa documentatzioni de ispesa (faturas/retzias/scontrinus) a traessu de sa cumpiladura de sa rechesta online.
Podeis agatai totu is informatzionis a su acàpiu chi sighit:
https://www.comunedimuravera.it/servizi/canali/1118
Suia Comune di Muravera

31/08/2026

🎉 Murera, Sant’Austinu: sa prucessioni e sa mùsica a ispàciu de sa festa 🎶

🌿 Murera sa festa de Sant’ Austinu acabat cun una dì dedicada a is apuntamentus religiosus e musicalis.
A is seti de a merici, est mòvia sa prucessioni de sa pratza de Crèsia, acumpangiada de sa Banda Musicali “Giuseppe Verdi”, de is grupus folk de Murera e de Biddeputzi, Is sonus de is launeddas e is cuadderis. Sa prucessioni est passada fatu de is caminus de su centru e at igiriau sa bidda. A pustis est torrada a crèsia, innui est istada celebrada sa Missa cantada de s'artziobispu metropolita de Casteddu, mùnseru Giuseppe Baturi. S’acabbu de sa festa est istada, a is 10 de noti in pratza Europa cun su cuntzertu de Roy Paghes & Aretuska. Sa formatzioni at aciocau a pitzu de su palcu un’ amisturu de ska, reggae, jazz, funk e sonus mediterràneus. Sa serada, presentada de Gianni Dj Uselli, at signau su spàciu ufitziali de s'editzioni de ocannu de sa festa de Santu Austinu.

Indirizzo

Piazza Municipio 1
San Vito
09040

Orario di apertura

Lunedì	08:30 - 13:30
Martedì	08:30 - 13:30
Mercoledì	08:30 - 13:30
Giovedì	08:30 - 13:30
Venerdì	08:30 - 13:30

Sito Web

https://www.instagram.com/uls.sarrabus?igsh=OGQ5ZDc2ODk2ZA%3D%3D

Notifiche

Lasciando la tua email puoi essere il primo a sapere quando ULS Sàrrabus pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.