Progetu Sa Lìngua Oi - Ufìtziu Lìngua Sarda Sìnnia

17/09/2026

Saludi a totus! 🌻
Si boleus arregordai is oràrius de S'Ufìtziu in sa bibrioteca de Sìnnia:
Lunis 16-19
Martis/Giòbia/Cenàbara 8:30/13:30

Oi perou s'operadora non nc'est e s'Ufìtziu at a essi serrau.
Eus a serrai in manera istrordinària fintzas su 24 e su 29 de Cabudanni.

Si bieus cenàbara!

15/09/2026

Una pariga de mesis a oi eus cumentzau una collaboratzioni cun su CAS Anziani Sinnai
S’urtima borta eus tirau calincuna fotografia de s’atòbiu ma sa prus fotografia bella est cussa chi non si podeus fai biri: is contus de custus ajajus e ajajas, tzius e tzias, piciocus e piciocas. Eus giogau cun is logus de Sìnnia e de su Campidanu, eus chistionau de cumenti fiat su mundu e de cumenti est imoi.
Sa vida nosta est sempri de pressi ma est de importu mannu a abarrai fintzas: abarrai po ascurtai e non po chistionai sceti. Ndi teneus abisòngiu.
Gràtzias a Lucia e a sa genti de su CAS de Sìnnia po custu merì totus impari e a si biri mellus!

14/09/2026

Bonu merì a totus!
Oi si boleus amostai calincuna fotografia chi eus tirau una cida a oi, candu eus giogau totus impari in bibrioteca!
Is pipius fiant prexaus pèrdius e ligendi, e currendi e circhendi is indìtzius, ant agatau a s’acabu de su giogu su scruxoxu.
Eus traballau impari a sa Bibrioteca Comunali de Sìnnia e boleus diaderus torrai gràtzias a sa bibriotecària Francesca po su traballu de inclusioni chi fait dònnia borta.
Gràtzias fintzas a is pipius, a is mammas chi ant giogau cun nosu e a sa bibriotecària e pirata Luisella, chi at allogau su scruxoxu po nosu!
Cun is pipius s’eus a biri luegus… e cun sa genti unu pagu prus matuca ita eus fatu? Ddu eus a biri cras!

01/09/2026

Oi si cunsillaus de castiai sa primu puntada de "Paràulas".
Sa Professora Giulia Murgia si chistionat de s'evolutzioni de sa lìngua sarda e s'operadori Danilo Melis de is ufìtzius de sa lìngua sarda, intervistau de s'operadori nostu, Francesco Cappai.

Norabonas a Francesco po custu traballu nou!

~A

cun Tore Cubeddu

01/09/2026

Cabudanni est arribau.
Custu fueddu ndi benit de su latinu caput - anni,
eus a nai sa conca de s’annu e duncas s’incumentzu de s’annu.
Su calendàriu bizantinu faiat cumentzai s'annu in custu mesi e in Sardìnnia est abarrau custu nòmini.

Fintzas po is traballadoris in su sartu s'annu acabàt in su mesi de Austu e torràt a cumentzai in su mesi de Caput-anni.

Ddu ligeus in sa Carta de Logu:
"Item ordinamus qui nexuna persone non deppiat nen poçat pone fogu infini ad passadu sa festa de Santa Maria, qui est a dies octo de capudanni".

Non si depiat ponni fogu in su sartu finsas a s’8 de custu mesi, candu afestànt Santa Maria. Apustis podiant abruxai su chi fiat bèciu po torrai a su nou e gosai de is frutus de su traballu de totu s'annu.

Po custu mesi eus scioberau difatis unu strexu chi fiat pruschetotu imperau po nci ponni lori, sèminis etc.
Su ziru est unu strexu diferenti de is atrus chi eus biu: torraus gràtzias a Chiara Lai, sa fotografa, po su traballu chi at fatu po tirai custa (e is atras, ma pruschetotu custa) fotografia!
Non parit ma est unu strexu mannu e artu diaderus, assimbillat casi a una brùnnia po s'olia.

Po dda serrai, ddu scieus ca s'annu incumentzat in su mesi de Gennàrgiu ma po is pipius, is professoris e is maistus sa scola cumentzat imoi, s'annu cumentzat imoi e totu su chi fiat bèciu torrat a nou. Si podeus cunsillai de bivi custu mesi cun su prexu de is cumentzus, "abruxendi" is pensamentus lègius cun sa spera de unu Cabudanni mellus.

31/08/2026

Pipias e pipius,
Ddu scieus ca dda festis abetendi! S'8 de su mesi de Cabudanni torrat sa cassa a su scruxoxu literària! 🪎📚

Ocannu nci iat at essi una novidadi: cuatru mammas o babbus chi bolint giogai si podint assentai po si spassiai cun nosu e agiudai totu is cricas de giogu!

Coidai a s'assentai scriendi una mail a [email protected].

S'abetaus!

Biblioteca Sinnai 💝

28/08/2026

Saludi!
Si faeus sciri ca s'Ufìtziu at a essi serrau:
- lunis su 31 de austu
- martis su 1 de cabudanni

Si bieus mèrcuris! Bonu acabbu de cida a totus 📚

28/08/2026

Cras a is 12:25, Rai 1!

24/08/2026

In custas diis, in sa cresiedda chi s'agatat a giai tres chilòmetrus de sa bidda de Sìnnia, in mesu a matas de olias secularis, is sinniesus ant afestau Sant'Alleni.

Oi si boleus fai intendi is gòcius dedicaus a custa Santa. Depeus torrai gràtzias a su comitau, a Pierluigi Farci, a Maurizio Boassa e a s'Arrodia chi s'ant permìtiu de tirai custu vìdeo, fotografias e una registratzioni chi eus a ponni in su canale YouTube de s'Ufìtziu.

Su comitau invitat totus a sa torrada de sa Santa, chi at a essi oi pustis de sa missa in sa crèsia de Sant'Alleni de is 7 e mesu.

22/08/2026

In sa retza circaus sempri de chistionai de Sìnnia, de avalorai sa lìngua e is traditzionis nostas.

Oi perou non fait a chistionai de bellesa sceti. Oi depeus e boleus nai e scriri ca sa violèntzia est de cundennai in dònnia manera e cun calisisiat lìngua.

Oi Solanas e Sìnnia prangint po Michela.
Su Comunu invitat totus is ufìtzius, is atividadis e sa genti a su dolu de sa bidda.

S'interru at a essi oi in Solanas in sa crèsia de sa Madonna de sa Fidi, a is 10 e mesu.