Ethiopian Embassy in Rome

21/10/2026

21/10/2026

20/10/2026

በሚላኖና አካባቢዋ ለሚኖሩ የዳያስፖራ አባላት የቆንስላና ዳያስፖራ አገልግሎት ተሰጠ
===========

(ጥቅምት 10 ቀን 2019 ዓ.ም) በሚላኖና አካባቢዋ ለሚኖሩ የኢትዮጵያ ዳያስፖራ አባላት የቆንስላና የዳያስፖራ አገልግሎቶች ተሰጥተዋል። በዕለቱ የኢትዮጵያ ኤምባሲ ጉዳይ ፈጻሚ አቶ እንዳወቀ ተስፋዬ፣ የኤምባሲው ዋነኛ ትኩረት የአገልግሎት ተደራሽነትን ማሳደግና የዳያስፖራውን በሀገራዊ ጉዳዮች ላይ ያለውን ተሳትፎ ማጠናከር መሆኑን ገልጸዋል። በተጨማሪም የኮሚኒቲ አደረጃጀትን ስለማጠናከር፣ በዲጂታል መንገድ ስለሚሰጡ አገልግሎቶችና በወቅታዊ ሀገራዊ ጉዳዮች ላይ ማብራሪያ ሰጥተዋል።

በውይይቱ ላይ የተሳተፉት የዳያስፖራ አባላት፣ መርሃ ግብሩ በዳያስፖራውና በትውልድ ሀገሩ መካከል ያለውን ትስስር ከማጠናከር እና የአገልግሎት ተደራሽነትን ከማሻሻል አንጻር ያለውን ጠቀሜታ አድንቀዋል። በቀጣይም በሀገራዊ ጉዳዮች ላይ ያላቸውን ተሳትፎ ለማጠናከርና ለሀገራቸው የበኩላቸውን አስተዋጽኦ ለማበርከት ዝግጁ መሆናቸውን በመግለጽ መርሃ ግብሩ ተጠናቋል።

16/10/2026

Prime Minister Abiy Ahmed Ali "I held a very fruitful telephone conversation with U.S. Secretary of State Marco Rubio on key bilateral, regional and multilateral issues of mutual interest.

Our discussion is proof to the commitment of both countries in translating the enduring relationship between Ethiopia and the United States into a more strategic and practical partnership.

I welcome the assurance of continued U.S. support for Ethiopia and our shared commitment to advancing bilateral cooperation and addressing regional and multilateral priorities."

16/10/2026

16/10/2026

ኤምባሲው የረሃብና ድህነት መዋጋት ዓለም አቀፍ ጥምረት ስብሰባ ተሳተፈ፣
=====

ረሃብንና ድህነትን ለመዋጋት የተቋቋመው ዓለም አቀፍ ጥምረት (Global Alliance Against Hunger and Poverty) ስብሰባ በሮም ተካሄዷል። በስብሰባው ላይ ኢትዮጵያን ወክለው የተሳተፉት አቶ ሳሙኤል አየነው፣ ኢትዮጵያ የጥምረቱ መሥራችና የቦርድ አባል መሆኗ ለምግብ ዋስትና ያላትን ቁርጠኝነት እንደሚያሳይ ገልጸዋል። በክቡር በጠቅላይ ሚኒስትር ዶ/ር ዐቢይ አሕመድ አነሳሽነት የተጀመረው የሌማት ትሩፋት ኢኒሼቲቭ ለጥምረቱ እንደ ተሞክሮ ሊቀርብ እንደሚችል አብራርተዋል።

ኢኒሼቲቩ 430 ሚሊዮን ዶላር በጀት የተመደበለት ሲሆን፣ በስምንት ክልሎች ወደ 200 በሚጠጉ ወረዳዎች የሚገኙ 5 ሚሊዮን አነስተኛ አርሶ አደሮችንና አርብቶ አደሮችን ያቀፈ እና ከተጠቃሚዎቹ 65 በመቶው ሴቶችና ወጣቶች ሲሆኑ፣ ፕሮግራሙ በወተት፣ በዶሮ እርባታ፣ በማርና በዓሣ ሀብት ልማት ላይ እንደሚያተኩር ገልጻዋል።

በመጨረሻም ኢትዮጵያ የአፈጻጸም ፍኖተ ካርታውን ለማጠናቀቅና ለማጽደቅ ከጥምረቱና ከልማት አጋሮች ጋር በቅርበት ለመስራት ቁርጠኛ መሆኗን በመግለጽ፣ በቅርቡም ቃል ኪዳኖችን ወደ ተጨባጭ ተግባራት ለመቀየር ፍኖተ-ካርታው በቅርቡ በአዲስ አበባ ይፋ እንደሚሆን አሳውቀዋል።

16/10/2026

16/10/2026

15/10/2026

ኢትዮጵያ በFAO “100 Women Heroes” የዓለም አቀፍ ዕውቅና አገኘች
=========

(ጥቅምት 5 ቀን 2019 ዓ.ም)፡ የተባበሩት መንግሥታት የምግብና ግብርና ድርጅት (FAO) በግብርናና ምግብ ሥርዓቶች እንዲሁም በገጠር ልማት ዘርፍ ላበረከቱት አስተዋጽኦ ዕውቅና ለመስጠት ያዘጋጀው “FAO 100 Women Heroes” የተሰኘው ዓለም አቀፍ የዕውቅና መርሃ ግብር በዛሬ ዕለት በጣሊያን፣ ሮም በሚገኘው የተባበሩት መንግሥታት የምግብና ግብርና ድርጅት (FAO ዋና መሥሪያ ቤት ተካሂዷል።

በዚሁ መርሃ ግብር ኢትዮጵያዊቷ ወ/ሮ ሰናይት ገዛኸኝ በግብርናና ምግብ ሥርዓቶችን በማጠናከር፣ የገጠር ልማትን በማሳደግ እና የማኅበረሰቡን የኑሮ ሁኔታ በማሻሻል ረገድ ላበረከቱት የላቀ አስተዋጽኦ ዓለም አቀፍ ዕውቅና አግኝተዋል። የዕውቅና ሽልማቱንም የተባበሩት መንግሥታት የምግብና ግብርና ድርጅት (FAO) ዋና ዳይሬክተር Dr. Qu Dongyu አበርክተውላቸዋል።

ይህ ዓለም አቀፍ ዕውቅና ኢትዮጵያዊያን ሴቶች በግብርናና ምግብ ሥርዓቶች፣ በገጠር ልማትና በማኅበረሰብ ለውጥ ላይ ያላቸውን ጉልህ ሚና የሚያሳይ ሲሆን፣ ሴቶች እንደ መሪዎች፣ ሥራ ፈጣሪዎች፣ አርሶ አደሮችና የለውጥ አራማጆች በዘርፉ ያላቸውን ተሳትፎ ለማጠናከር የሚደረገውን ጥረት ውጤታማነት የሚያመለክት ነው።

በተጨማሪም ኢትዮጵያ በግብርናና ምግብ ሥርዓቶች ዘርፍ ያላትን አዎንታዊ አስተዋጽኦ በዓለም አቀፍና በባለብዙ ወገን ዲፕሎማሲ መድረኮች አጉልቶ ከማሳያት አኳያም ሚናው የላቀ ነው።

በተጨማሪም ዕውቅናው ኢትዮጵያ በግብርናና በምግብ ሥርዓቶች ዘርፍ ያላትን አዎንታዊ አስተዋጽኦ በዓለም አቀፍና በባለብዙ ወገን ዲፕሎማሲ መድረኮች ለማሳየት፣ የሀገሪቱን ተሳትፎና አስተዋጽኦ ለማሳየት እንዲሁም ሀገራችን በግብርናው ዘርፍ ያላትን ልምድና ተሞክሮ ለዓለም አቀፍ ማኅበረሰብ ለማስተዋወቅ ጉልህ አስተዋጽኦ ይኖረዋል።

ለዚህ ዓለም አቀፍ ስኬት እውን መሆን የኢ.ፌ.ዴ.ሪ የግብርና ሚኒስቴርና በጣሊያን የኢትዮጵያ ኤምባሲ በወ/ሮ ሰናይት ገዛኸኝ ዕጩነት ሂደት ያደረጉት ክትትልና የሰጡት ድጋፍ ወሳኝ ሚና አበርክቷል።