Merawi Town industry and Investment office

22/08/2026

በችግሮቻችን መካከል የዚህ መልካም ውጤት መገኘት ድርሻ ያላችሁ በሙሉ እንኳን ደስ አላችሁ!!🏆🏆

20/08/2026

Green Legacy 🌲🌱🌳

14/08/2026

‎
‎​🥀 ኢንቨስትመንትዎን/ንግድዎን ለማሳደግ አቅደዋል?
‎
‎ከዋልያ የካፒታል ዕቃ ፋይናንስ ንግድ ሥራ አ.ማ ማሽኖችን በሊዝ ፋይናንስ ለማግኘት ማሟላት የሚጠበቅብዎ መስፈርቶች:-
‎
‎👉 ​አሰራሩን መገንዘብ:- በአክሲዮን ማህበሩ አገልግሎቶችና አሰራሮች ላይ ሙሉ ግንዛቤ መያዝ፤
‎
‎👉 ​ክህሎትና ገበያ:- መሣሪያውን/ማሽኖችን ለመጠቀም በቂ ክህሎት ያላቸውና ለሚያመርቱት ምርት /ለሚሰጡት አገልግሎት/ በቂ ገበያ ያላቸው፤
‎
‎👉 ​የነዋሪነት መታወቂያ:- በሚሰሩበት ከተማ ቋሚ ነዋሪ የሆኑና የሚኖሩበት ቀበሌ የነዋሪነት መታወቂያ ያላቸው፤
‎
‎👉 ዲጂታል መታወቂያ:- የፉይዳ ምዘገባ መታወቂያ
‎
‎👉 ​ዕድሜና ችሎታ:- ዕድሜያቸው ከ18 ዓመት በላይ የሆኑና የመስራት አቅም/ችሎታ ያላቸው፤
‎
‎👉 ​የጋብቻ ሁኔታ:- የጋብቻ ሁኔታን (ያገቡ /ያላገቡ) የሚገልጽ ህጋዊ ማስረጃ የሚያቀርቡ፤
‎
‎👉 ቲን ናምበር:- የግብር ከፋይነት መለያ ቁጥር ፣
‎
‎👉 ​የንግድ ስራ ፈቃድ:- የታደሰ የንግድ ፈቃድ ያላቸው፤
‎
‎👉የንግድ ምዝገባ ሰርተፍኬት:- በዘርፋ ለመነገድ የተመዘገቡበት የንግድ ምዝገባ ወረቀት፤
‎
‎👉 የዘመኑን ግብር ስለመከፈሉ እና የግብር ክሊራንስ ማስረጃ ፤
‎
‎👉 ​የማህበር ሰነዶች:- በማህበር የተደራጁ ከሆኑ(ብቻ) በንግድ ህጉ መሠረት ህጋዊ መሆናቸውን የሚያረጋግጥ ማስረጃዎች (የመተዳደሪያ ደንብ እና የመመስረቻ ጽሑፍ) ማቅረብ የሚችሉ፤
‎
‎👉 ​የማምረቻ/መሸጫ ቦታ:- መሰረተልማቱ የተሟላ በቂ የማምረቻና የመሸጫ ቦታ (የራስ፣ የኪራይ፣ የመንግስት ሸድ፣ የቤተሰብ) ያላቸው፤
‎
‎👉 ​የማሽን ዋጋ መጠን:- እንዲገዛ የሚጠየቀው ማምረቻ መሳሪያ ዋጋ ከ25 ሺህ እስከ 17 ሚሊዮን ብር ብቻ የሆነ፤
‎
‎👉 ​ቅድመ ክፍያ ቁጠባ:- የሚገዛላቸውን የካፒታል ዕቃ ጥቅል ዋጋ ከ20 እስከ 50 በመቶ ቅድመ ክፍያ መቆጠብ የሚችሉ፤
‎
‎👉 ​የመድን ሽፋን:- ለመሳሪያው የመድን ሽፋን የሚገቡና የዕድሳት ወጭን ለመክፈል ፈቃደኛ የሆኑ /መተማመኛ የሚሰጡ/፤
‎
‎👉 ​የንግድ ዕቅድና ዝርዝር:- የንግድ ስራ ዕቅድ እና ከ5 ሚሊዮን ብር በላይ ለሆኑ ፕሮጀክቶች ፕሮፖዛል ማቅረብ የሚችሉ፤ ለሚገዛው ማሽንም ዝርዝር መግለጫ ማቅረብ የሚችሉ፤
‎
‎👉 ​የሥራ ማስኬጃ አቅም:- የስራ ማስኬጃ ብድር ፈላጊዎች የሥራ ማስኬጃ ብድሩን ከፋይናንስ ተቋማት ስለማግኘታቸው ወይም በራሳቸው ገንዘብ መስራት የሚያስችላቸው አቅም እንዳላቸው ማረጋገጫ ማቅረብ የሚችሉ፤
‎
‎👉 ​የመልካም ተበዳሪነት ታሪክ:- ከአበዳሪ የፋይናንስ ተቋማት የመልካም ተበዳሪነት ታሪክ ያላቸው፤ ነባር ኢንተርፕራይዞች ከማንኛውም አበዳሪ ተቋም የተበደሩት ብድር ካለ ከፍለው ያጠናቀቁ ወይም በአግባቡ እየከፈሉ ያሉና በብድር ዘመናቸው በፋይናንስ ተቋማት የቁጠባ ባህል ያላቸው፤
‎
‎👉 ​የሂሳብ መዝገብ:- ነባር ኢንተርፕራይዞች የሂሳብ መዝገብ ያላቸውና መዝገባቸውንም ያስመረመሩ፤ አዲስ ከሆኑ ሂሳብ መዝገብ የሚያዘጋጁና በቀጣይም ለማስመርመር ፈቃደኛ የሆኑ፤
‎
‎👉 ​ኢንቨስትመንትና ንብረት:- በታዳጊ መካከለኛ ኢንተርፕራይዞች ደረጃ ያሉና የኢንቨስትመንት ፈቃድ ተሰጥቷቸው የመስሪያ ቦታ ያላቸው ወይም ያመቻቹ ከሆነ የንግድ ሥራ ፈቃድና ሀብት ማፍራቸውን የሚሳይ ንብረት ያላቸው፤
‎
‎👉 ​የዕድገት ደረጃ ማረጋገጫ:- የዕድገት ደረጃቸው በጥቃቅንም ይሁን በአነስተኛ ጀማሪ፤ ታዳጊና የበቃ ስለመሆኑ ከሚመለከተው አካል ማረጋገጫ የምስክር ወረቀት/ህጋዊ ደብዳቤ ማቅረብ፤
‎
‎👉 ​የሥራ ሁኔታ:- ሙሉ ጊዜያቸውን ባቀረቡት ንግድ ሥራ መስክ ማዋል የሚችሉ ወይም የመንግስት ሰራተኛ ያልሆኑ፤
‎
‎​📌 ማሳሰቢያ:-
‎➩ እነዚህን መስፈርቶች ካሟሉ በአክሲዮን ማህበሩ የደንበኞች መመዘኛና ማረጋገጫ (KYC) ግምገማ መሰረት ተመልምለው የካፒታል ዕቃ ተጠቃሚ ይሆናሉ፡፡
‎
‎🏆​ምንጭ:-
‎🇪🇹 ዋልያ የካፒታል ዕቃ ፋይናንስ ንግድ ሥራ አ.ማ
‎

11/08/2026

‎የመርዓዊ ከተማ አስተዳደር የመሠረተ ልማት ምርቃትና የአፀደ ህፃናት ትምህርት ቤት ግንባታ ማስጀመሪያ ፕሮግራም በድምቀት ተካሄደ።
‎
‎ነሃሴ 05/2018 ዓ/ም
‎መርዓዊ ,ኢትዮጵያ

25/07/2026

‎ የአብክመ ርዕሰ መስተዳድር ፅ/ቤት የፕላን ምድብ ለውጥና የማስተካከያ አፈፃፀም መመሪያ ቁጥር 02/2018 በክልል ም/ቤት አፀደቀ።
‎
‎ይህ መመሪያ በክልሉ ያሉ ከተሞችን ዘመናዊ ፕላን ዝግጅት፣ አተገባበር ሂደት ላይ የክትትልና ቁጥር ስርዓት በመዘርጋት የፕላን ማስተካከያ ስርዓትቱን በአግባቡና በውጤታማነት ለመምራት ታሳቢ ያደረገ ነው።
‎
‎ይህ መመሪያ ከግንቦት 11/2018 ዓ/ም ጀምሮ ተግባራዊ የሚሆን ይሆናል።
‎
‎ምንጭ
‎ # የአብክመ ር/መስተዳድር
‎

25/07/2026

የመርዓዊ ከተማ አስተዳደር ኢንዱስትሪና ኢንቨስትመንት ጽሕፈት ቤት በበጀት ዓመቱ ውጤታማ ሥራዎችን ማከናወኑ ተገለፀ ።

ሀምሌ 17/2018 ዓ/ም (መርዓዊ ኮሙኒኬሽን) የመርዓዊ ከተማ አስተዳደር ኢንዱስትሪና ኢንቨስትመንት ጽሕፈት ቤት በ2018 በጀት ዓመት የታቀዱ በርካታ ውጤታማ ተግባራትን ማከናወን መቻሉን ፅ/ቤቱ አስታውቋል ።

የፅ/ቤቱ ኃላፊ አቶ ዘመነ አለሙ እንደተናገሩት በተጠናቀቀው የበጀት ዓመት የተመዘገቡ አበረታች ውጤቶችን መሠረት በማድረግ በ2019 በጀት ዓመት በርካታ አበይት ተግባራትን ለማከናወን ታቅዶ ወደ ሥራ መገባቱን ገልጸዋል።

አቶ ዘመነ አለሙ ስለ ጽሕፈት ቤቱ የእንቅስቃሴና የቀጣይ አቅጣጫ በሰጡት መግለጫ እንዳመለከቱት በ2018 በጀት ዓመት የኢንቨስትመንት ምህዳሩን ለማሻሻል ባለሃብቶችን ለማሳተፍና የኢንዱስትሪ ዘርፉን ለማጠናከር ከተማ አስተዳደሩ ከፍተኛ ጥረት ሲያደርግ ቆይቷል ብለዋል።
በእነዚህም እንቅስቃሴዎች በርካታ ኢንቨስተሮችን መሳብ የተቻለ ሲሆን ለበርካታ ዜጎችም የሥራ ዕድል መፍጠር ተችሏል።
በተጨማሪም የኢንቨስትመንት መሬት ዝግጅትንና የመሰረተ ልማት ማሟላት ሥራዎችን በማፋጠን በኩል አበረታች አፈጻጸም መመዝገቡን ኃላፊው ጠቁመዋል።

በ2019 በጀት ዓመት የታቀዱትን በርካታ ተግባራት አስመልክተው አቶ ዘመነ ሲያብራሩ በበጀት ዓመቱ አዳዲስ ኢንቨስተሮችን መሳብ ለከተማዋ እድገትና ለሥራ ዕድል ፈጠራ ከፍተኛ አስተዋጽኦ ያላቸውን ባለሃብቶች በስፋት መሳብለተለያዩ የኢንዱስትሪና ኢንቨስትመንት ዘርፎች የሚሆኑ መሬቶችን በበቂ ሁኔታ ማዘጋጀትና ማስተላለፍለኢንቨስተሮች የሚሰጡ ማናቸውንም የመንግሥት አገልግሎቶች ቀልጣፋና ከቢሮክራሲ የጸዱ ማድረግ፣ቀደም ሲል ተጀምረው በተለያዩ ምክንያቶች መዘግየት የታየባቸውን የኢንቨስትመንት ፕሮጀክቶች በመከታተልና በመደገፍ በፍጥነት ወደ ምርትና አገልግሎት እንዲገቡ ማድረግ፣ትኩረት ተሰጥቷቸው የሚሰሩ አበይት የትኩረት አቅጣጫዎች መሆናቸውን አብራርተዋል።

አቶ ዘመነ አክለው እንደገለጹት ከተማዋ ያላትን የኢንቨስትመንት አማራጮችና ምቹ ሁኔታዎች በመጠቀም የከተማዋን ምጣኔ ሀብት ለማሳደግ በሚደረገው ጥረት የከተማው ነዋሪዎች ባለድርሻ አካላትና ባለሃብቶች ከተቋማቸው ጋር በጋራ በመስራት መርዓዊን ለማልማት የድርሻውን ሊወጡ ይገባል ሲሉ ጥሪ አቅርበዋል ።

06/07/2026

30/06/2026

‎ ቀን :- 23/10/2018 ዓ/ም
‎ስምሪት መቋረጡን ስለማሳወቅ
‎
‎❤ የኢንቨስትመንት ፕሮጀክቶች ድጋፍና ክትትል የስራ መደብ ምደባ ብቻ ባላገኙ በተነሳበት ቅሬታ ምክንያት የተቋረጠ መሆኑን እናሳውቃለን።
‎
‎ ከታላቅ ይቅርታ ጋር!!

30/06/2026

ዛሬም ለሌላው እንዲዳረስ አጋሩልን!!!

30/06/2026

ዛሬው ለሌላው እንዲዳረስ ያጋሩልን!!!

የኬሚካልና ኮንስትራክሽን ኢንዱስትሪ ልማት ባለሙያ
ለአዲስ ምሩቃን
0 ዓመት
መርዓዊ