Assemblea Natzionale Sarda

Assemblea Natzionale Sarda 🌿 Pro sa crèschida de sa Cussèntzia Natzionale
🌿 Per far crescere la Coscienza Nazionale sarda

🎈 Dona pro Sa die: https://sostieni.link/40124

⛰️ Gorropu, m’agradat tropu!Domìniga su 14 de làmpadas ANS Nùgoro ammaniat “A ispassizu in Gorropu”, un’iscurrizada in u...
01/06/2026

⛰️ Gorropu, m’agradat tropu!
Domìniga su 14 de làmpadas ANS Nùgoro ammaniat “A ispassizu in Gorropu”, un’iscurrizada in unu de sos paesàgios prus bellos de sa Sardigna, acumpangiados dae sas ghias de su Campu Base Gorropu… totu in limba sarda!

Amus a mòvere dae Ghenna de Sìlana pro sighire su caminu chi giughet in intro de Gorropu: 4,2 Km in mesu de su padente primàriu, intre èlighes seculares e paesàgios ispantosos, acumpangiados peri totu su caminu dae ghias professionistas chi nos ant a contare s’istòria e s’orìgine de custos logos.

Iscurrizada de mèdia dificultade (E)
Durada totale: prus o mancu 7 oras (fintzas sa torrada in fuoristrada)
Gustu de pigare in fatu
T’ant a bisongiare botas de trekking, abba, boneteddu e bistimenta a tonu cun sa faina.
⚠️No est cunsigiadu pro chie tenet problemas a ghenugros!

🎟️ Pagos postos a disponimentu, tocat a si marcare intro de su 9 de làmpadas
Info e prenotatziones: 3496689605 (Antoni)
Prètziu de s’iscurrizada: 25€
📍 Atòbiu: Ghenna de Sìlana (SS125 Orientale Sarda)

❤️‍🔥Su coro de ANS Totu su chi faghimus est gràtzias a su traballu voluntàriu de is sòtzias e is sòtzios de ANS: sa pass...
30/05/2026

❤️‍🔥Su coro de ANS

Totu su chi faghimus est gràtzias a su traballu voluntàriu de is sòtzias e is sòtzios de ANS: sa passione issoro nos prenat su coro de fieresa e est s’ànimu de Sa Die.

Bivat Sa Die e bivat ANS!

[Faghe parte de custa comunidade: iscrie•ti o sustene•nos!]

👥S'importàntzia de is collaboratzionisA fàghere retza cun is realidades de ogni territòriu est una de is punnas de ANS e...
29/05/2026

👥S'importàntzia de is collaboratzionis

A fàghere retza cun is realidades de ogni territòriu est una de is punnas de ANS e semus cuntentos mannos chi fintzas pro Sa Die amus pòdidu incumintzare collaboratziones, o nd’annoare àteras, pro sighire su caminu impari cun sa punna comuna de festare comente ddi deghet sa festa de su pòpulu sardu.

Torramus torra grĂ tzias a totu cantos!

28/05/2026

🦇🗣️ Escursione in immersione linguìstica

📍 Sàdili - 17. 05. 2026

- Gruta turĂŹstica "Is Janas"
- Gruta non turĂŹstica "Su fossu de Margiani Ghiani"
- Atzas de su Tacu de SĂ dili
- "Su Stampu de su turnu"

Su percursu de su caminu rivolutzionàriu: su contu!🔸Su caminu de sa Sarda Rivolutzione est lòmpidu a is ùrtimas firmadas...
19/05/2026

Su percursu de su caminu rivolutzionĂ riu: su contu!
🔸Su caminu de sa Sarda Rivolutzione est lòmpidu a is ùrtimas firmadas suas!
🔸Su 27 de abrile sa bandera s’est firmada in Tàtari cun un’atòbiu pro meledare e resonare de su chi est istada sa Sarda Rivolutzione e de comente nde diamus pòdere collire s’eredade in die de oe.
Su 28 de abrile, sa die de sa celebratzione de Sa Die de sa Sardigna, sa bandera s’est ispainada in totu s’ìsula:
🔸In Casteddu, in Pratza Yenne e in carrera V. Emanuele at assoddidu a pare, a s’ispontànea, unu fiotu de gente chi at pigau possessu de is logos issoro e chie si siat, mannos e minores, sardos e istràngios, si sunt postos  in tundu, ballende su ballu sardu gràtzias a sa mùsica tragiadora de is sonadores e is cantadores nostros: unu momentu chi nos at tocau su coro e chi at mustradu cantu tenimus bisòngiu de una festa nostra!
🔸In s’ìnteris, su percursu “Educare al bello” at àpidu sa partetzipatzione ispetziale de is ghias de s’Agape Onlus pro su cumpartzimentu de sa memòria colletiva.
🔸Semper in Casteddu, sa SunCity Run at curtu peri is arrugas de su tzentru istòricu mantenende sa bandera sarda comente aberi-pista e ponende a cùrrere atletas diferentes in fatu suo.
🔸In Tàtari paritzos apuntamentos: a incuru de Primavere sarde, s’imbaradura de sa corona de frores cun sa partecipatzione de is autoridades de sa tzitade, su cunvegnu subra de “Tàtari tzitade rivolutzionària” cun una filera de espertos e istudiosos, su teatru bituleri de su “teatro S’Arza” e su cuntzertu de A. Andrillo.
🔸Semper in Tàtari, is afestos de La Dì cun mùsica fintzas cun sa corale populare « A Bozi Manna ».
🔸Fìgari at pigadu parte a su caminu cun su cantu a tenore e unu cuncursu dedicadu a is minoreddos.
🔸In Terranoa Sa Die dd’ant tzelebrada cun atòbios, mùsica e momentos pro meledare cun gosu e cuntentesa.
Su caminu de sa sarda rivolutzione: unu percursu importante pro nos ammentare chie semus, cale est s’istòria nostra e pigare semper prus cussèntzia de nois matessi e de is logos nostros.

🚩Su percursu de su caminu rivolutzionàriu: su contu!Su 27 sa bandera sarda est lòmpida a Casteddu pro momentos de import...
15/05/2026

🚩Su percursu de su caminu rivolutzionàriu: su contu!

Su 27 sa bandera sarda est lòmpida a Casteddu pro momentos de importu prenos de sentidu:
🔸S’arribu de sa bandera dae Tàtari cun is pitzinnos de su Suncity RunClub
🔸Sa cummemoratzione de is màrtires de Palabanda a incuru de su Presidente de ANS, Nicola Piu, e de su Presidente de Corona de Logu, Gabriele Littera, chi ant lassadu una corona de frores in su logu sìmbulu de s’Arcu de Palabanda. In fatu, àteros esponentes ant lassadu s’omàgiu issoro a is protagonistas de sa sarda rivolutzione.
🔸Tando su momentu de is Prèmios Sa Die, cun: Antonella Sorace, Valentino Mannias e Clara Farina, chi nos ant alligradu cun is ringratziamentos issoro e su contributu chi dant a sa càusa sarda a giru peri su mundu.
🔸A pustis, sa Flacada cummemorativa chi nos at giutu fintzas a su Bastione, cun is notas sighidas de Procurade ‘e moderare chi sonaiant in is arrugas de Casteddu.
🔸In su Bastione, su flashmob e s’aparada de sa bandera nostra dae su balconeddu de su Bastione: unu momentu simbòlicu e càrrigu de sentidu pro sa bandera sarda chi si nde torrat a pigare s’ispàtziu e sa tzentralidade sua.

Torramus gràtzias a Lisa Ferreli de Sardegna Oltre la Cronaca pro àere presentadu s’eventu in manera galana.
Torramus gràtzias a Marco Piredda e Michele Piras de Efficio Lucem pro sa presèntzia sighida cun is màchinas fotogràficas issoro e pro nos àere donadu custas fotos ispantosas.
Torramus gràtzias a is premiados pro àere collidu s’invitu nostru.
Torramus gràtzias a su sòtziu Marco Murgia pro àere ammaniadu is prèmios.
Torramus grĂ tzias a Corona de Logu pro sa collaboratzione sighida.
Torramus gràtzias a Maurizio Onnis (ScS), Bettina Pitzurra (Rèpublica), Gigi Carreras (LibeRU), Gian Piero Murgia (SNI), Aurora Cossa (Kita), Jacopo Melis (Unigcom), Francesco Ledda (A innantis) pro àere pigadu parte e lassadu is omàgios a is màrtires de Palabanda.

GrĂ tzias a beru a totu is chi ant pigadu parte a custa die de importu.

[Podes lèghere su contu intreu in su situ nostru!]

🚩Su percursu de su caminu rivolutzionàriu: su contu!Su caminu de sa Sarda Rivolutzione, in sa segunda metade di abrile, ...
12/05/2026

🚩Su percursu de su caminu rivolutzionàriu: su contu!

Su caminu de sa Sarda Rivolutzione, in sa segunda metade di abrile, at sighidu su viĂ giu suo peri sa Sardigna!

🔸Su 21 abrile sa bandera s’est torrada a firmare in Tzeddiani in ue sa sarda rivolutzione dd'amus ispiegada a su benidore nostru: s'atòbiu "Pitzocheddus e rivolutzioni" at àpidu grandu resèssida gràtzias a s'interessamentu ativu de pipias e pipios.
🔸Su 24 de abrile, sa bandera est torrada a Tàtari cun un'atòbiu de Primavere Sarde chi at presentadu in s'Auditorium comunale, cun una partetzipatzione manna de pùblicu, s'ispetàculu teatrale "Angioy entra in città" a incuru de su Teatru S'arza.
🔸Sa matessi die is pitzocos e is pitzocas de su SunCity Run Club s'ant provadu is fortzas cun un'atividade lùdicu-isportiva peri is carrerasde sa tzitade.
🔸Su 25 sa bandera at arroliadu peri is carrerasde Tàtari cun una cursa de preparatzione a sa die imbeniente, semper a incuru de su SunCity Runclub.

Bator atòbios pro sa bandera, su 26:
🔸In Bono, in intro de s'atòbiu "Sas domos de Angioy" promòvidu dae su Comunu, in ue O. Onnis, P. Atzori e G. Nurra ant ammentadu a Angioy e a is màrtires de sa sarda rivolutzione.
🔸In Nùgoro, cun un'atòbiu de importu in ammentu de Grazia Deledda in correlatzione cun P***a Zau e sa rebellia de su Connotu.
🔸In Tàtari, cun sa cursa de su SunCity Run chi at àpidu sa partetzipatzione de paritzas persones in su tzentru de sa tzitade, cun una passigiada cun sa ghia de A. Derrù subra sa rebellia anti-feudale e posca cun s'ammaju de su Poetry Slam e su cuntzertu de Futta a bortaedie.
🔸In Casteddu, in ue sa chirca de su siddadu "Sa die de s'aciapa" at registradu partetzipatzione e at bidu s'iscuadra "Coccerinusu" binchende su prèmiu disigiadu de s'escursione cun TrekNuraghes.

🚩 Su caminu de sa sarda rivolutzione: unu percursu importante pro nos ammentare chie semus, cale est s'istòria nostra e pigare semper prus cussèntzia de nois matessi e de is logos nostros.

💧 Grutas, abba e... Istòria sarda!Totu custu in Sàdili, sa bidda de s’abba, in ue s’assemblea territoriale de ANS Mandro...
07/05/2026

💧 Grutas, abba e... Istòria sarda!

Totu custu in Sàdili, sa bidda de s’abba, in ue s’assemblea territoriale de ANS Mandrolisai cuncordat una die de vìsitas paris cun s’ Ecomuseo Sadali.

Amus a bĂŹdere, cun ghia in limba sarda, sa gruta "Is janas" e, in modalidade esclusiva, sa gruta non turĂŹstica de "Su fossu de margiani ghiani".
Dd’amus a fàghere in unu modu non usuale: amus a impreare is lughes frontales isceti, chi bos amus a lassare nois etotu, pro chircare de immaginare su chi ant provadu is primos bisitadores e ispeleòlogos chi visiteint sa gruta.

Amus a tènnere modu fintzas de ghetare un’ogru conca a sa badde dae is atzas de su Tacu de Sàdili.

Amus a sighire su tretu conca a su monumentu naturale de s’ispìndula - sa gruta de "Su stampu de su turnu" pro una die in mesu de sa natura e a tesu dae su badalocu.

🎟️ PAGOS POSTOS A DISPONIMENTU, CUN PRENOTATZIONE!
Billete ordinàriu: 20 € petzi bisitas ghiadas / 25 € bisitas ghiadas + pràngiu (malloreddus, pani, casu, binu, cafei)
Billete sòtzios ANS: 15 € petzi bisitas ghiadas / 20 € bisitas ghiadas + pràngiu (malloreddus, pani, casu, binu, cafei)
(Pro ti fàere sòtziu ANS bÏsita su LINK IN BIO)

Pro prenotare:
SMS/Whatsapp: +39 320 8048450 (Ornella)
Mail: [email protected]

📍Nos bidimus in Sàdili!

🚩 Su percursu de su caminu rivolutzionàriu: su contu!Su caminu de sa Sarda rivolutzione, cumintzadu su 28 de freàrgiu in...
07/05/2026

🚩 Su percursu de su caminu rivolutzionàriu: su contu!

Su caminu de sa Sarda rivolutzione, cumintzadu su 28 de freàrgiu in Tàtari, at sighidu sa tucada sua finas a portare sa bandera sarda peri s’ìsula e a foras de Sardigna:

🔸 su 10 de abrile s’est firmada in Tzeddiani in ue Omar Onnis nos at contadu de s’istòria de is tres annos rivolutzionàrios, cun s’acumpangiamentu de sa mùsica de Arrogalla

🔸su 12 de abrile sa bandera at giumpadu su mare e est aproillada a su Gimitòriu de Pére Lachaise cun un’omàgiu commòvidu a sa tumba de Michele Obino e cun is vibratziones acoradas de sa boghe de Luca Sannia

🔸su 18 de abrile, firmada in su Mandrolisai in ue espertas e espertos ant istèrridu su contu subra de s’istòria sarda chi non connoschimus, contende su chi est netzessàriu a ammentare e su chi is rugas e is logos nos contant

🔸su 18 de abrile sa bandera at torradu a fàghere unu brincu a s'àtera ala de su mare lompende a Bologna, a su tzìrculu de is sardos, pro annoare s’apuntamentu de Sa Die cun esibitziones teatrales, musicales e momentos afortiadores de unione

🔸su 19 de abrile sa bandera at pigadu a su Mont'Arvu in Siniscola e at faladu in is abbas de Gonone: duas esibitziones simbòlicas de grandu efetu chi nos ammentant chi sa bandera podet lòmpere a totue a beru

🔸 su 19, tucada a su Montiferru: sa bandera apicada in Localidade Sant'Antiogu at bidu s’esibitzione de su cuncordu Beranula e is contos de sa rivolutzione sarda a incuru de is ghias de Barbarighinu: momentos de cumpartzidura fundamentales

🚩Su caminu de sa sarda rivolutzione: unu percursu importante pro nos ammentare chie semus, cale est s’istòria nostra e pro pigare semper prus cussèntzia de nois matessi e de is logos nostros.

[Sighi a donare: https://sostieni.link/40124 ]

🚩 Sa festa nostra!Is celebratziones in pessu acabbadas ant torradu a annoare su patu: a nos ammentare s’istòria nostra e...
30/04/2026

🚩 Sa festa nostra!

Is celebratziones in pessu acabbadas ant torradu a annoare su patu: a nos ammentare s’istòria nostra e a fàghere crèschere sa cussèntzia natzionale.

Dae friàrgiu a oe, 45 atòbios culturales tra Sardigna, Fràntzia e Itàlia ant animadu su caminu rivolutzionàriu e aunidu ideas e persones. Istudiosos, espertos, artistas, isportivos e apassionados nos ant istrinadu momentos de ispàssiu, cultura e meledos profundos.
S’interessamentu de chentinas de persones chi ant partetzipadu nos narat chi s’istrada chi amus pigadu est pretzisa.

Totu custu est istadu possìbile gràtzias a su traballu de sòtzias e sòtzios de Assemblea Natzionale Sarda e de paritzas realidades chi ant collaboradu cun s’assòtziu nostru e ddis torramus gràtzias. 

Amus a fĂ ghere istrada meda paris.

Indirizzo

Florence

Sito Web

Notifiche

Lasciando la tua email puoi essere il primo a sapere quando Assemblea Natzionale Sarda pubblica notizie e promozioni. Il tuo indirizzo email non verrĂ  utilizzato per nessun altro scopo e potrai annullare l'iscrizione in qualsiasi momento.

Contatta L'organizzazione

Invia un messaggio a Assemblea Natzionale Sarda:

Scelte rapide

Condividi