25/06/2026
Fusilâts dôs volitis de stesse bandiere 🇮🇹
La storie dai fusilâts di Çurçuvint e je chê di, 4 soldâts furlans/cjargnei – Silvio Gaetano Ortis, Basilio Matiz, Giovan Battista Corradazzi e Angelo Massaro – oms di mont e dal teritori, che a son stâts justiziâts par vê contestât un ordin di atac su***de, dât de bande di doi uficiâi che no cognossevin il teritori e totalmentri estrani dal contest li che jerin stâts metûts: il cap. Armando Ciofi e il ten. Pietro Pasinetti.
Patrie Furlane, par opare di Oscar Olivo e Erika Furlani, e veve metût in pîts un clap e la prime citadinance onorarie, par dâ il just onôr cun tant di bandieris de Patrie pardut, ai 4 furlans copâts de stupiditât e de ignorance dal stât talian. La stesse iniziative, a memoreave ancje i prins doi muarts – il prin sanc – de prime vuere mondiâl, altris 2 furlans, Riccardo Giusto e Eugenio Sandrigo.
Cence nissune sensibilitât e ricognossince, la gnove aministrazion e à cjapât in man la iniziative, le à savoltade e le à vistude di chel tricolôr e di chel “sano orgoglio nazionale” che cussì ju a copâts dôs voltis.
🔵🟡 Onôr a chei 4 oms che par salvâ lis vitis dai lôr compagns e àn vude la fuarce di contestâ, a cjâr presit, la retoriche sticevuere de italie.
