01/10/2024
Lokatölur frá Pysjueftirlitinu.
Síðasta pysjan sem var skráð í pysjueftirlitið kom þann 20. september og eru því litlar líkur á fleiri pysjum þetta árið.
Samtals voru skráðar pysjur 4238 talsins og er þetta því sjötta stærsta pysjueftirlitið frá því skráning hófst árið 2003.
Alls voru 1487 pysjur vigtaðar og var meðalþyngd þeirra 308 grömm. Þetta er næst hæsta meðalþyngdin, en aðeins árið 2021 var hún hærri, eða 316 grömm. Ef við tökum saman meðalþyngd allra skráðra pysja árin 2003-2023 þá er hún 265 grömm. Þessi tvö ár, 2021 og 2024, standa því uppúr og má segja að þetta sé eðlileg meðalþyngd pysja þegar vel árar hjá lundanum.
Fyrsta pysjan í ár er skráð inn í pysjueftirlitið þann 2. ágúst en sú síðasta þann 20. september eins og áður segir. Pysjutíminn í ár stóð því yfir í u.þ.b. sjö vikur.
Við þökkum öllum sem skráðu pysjurnar sínar, fyrir þàtttökuna í þessu sameiginlega verkefni okkar allra. Með því móti fáum við ómetanlegar upplýsingar.
Eins og endranær var það Rodrigi Martinez Catalan sem tók þesssr tölur saman fyrir okkur og vann gröfin. Bestu þakkir.
