Heilbrigðisstofnun Suðurlands

12/06/2026

Með aukinni umferð um Þjóðveginn yfir sumarið skipta sjúkraflutningar HSU og bráðaviðbragð sköpum. Starfsfólk HSU á Kirkjubæjarklaustri vinnur vel saman og sinnir mikilvægri þjónustu á svæðinu.

“Hér fáum við að gera meira í krefjandi aðstæðum og öðlumst mikla starfsreynslu. Það er góður stuðningur á milli vakta og ef maður er óviss í aðstæðum er maður ófeiminn að spyrja,” segir María Ösp Árnadóttir sjúkraflutningamaður á Kirkjubæjarklaustri.

Allur búnaður er eins í öllum sjúkraflutningabílum í umdæminu svo starfsfólk í bráðaviðbragði fer reiðubúið með bestu mögulegu tólin í öll útköll. María segir einnig að það sé gríðarlegt öryggi að vinna sem sjúkraflutningamaður á þessu svæði og starfsfólk er alltaf reiðubúið að leggja sitt af mörkum og aðstoða, þó einstaklingar séu ekki á vakt þegar útköll eru.

Það er mikilvægt að halda reynslu til að glata ekki kjarkinum í starfi.

09/06/2026

Áríðandi staðreyndir um hjúkrunarrými á Selfossi.

Gert er ráð fyrir að um mitt næsta ár hefjist fyrsti áfangi framkvæmda við endurbætur og viðbyggingu húsnæðis Heilbrigðisstofnunar Suðurlands á Selfossi. Af fyrstu frétt um málið mátti skilja að lokun 20 hjúkrunarrýma væri yfirvofandi, sem er ekki rétt.

Þegar nær dregur lokun Ljósheima, verður hætt að taka við nýjum íbúum inn á hjúkrunardeildina þegar rými losna. Þegar rekstri deildarinnar verður svo hætt um mitt næsta ár verður íbúunum sem þar búa boðinn flutningur á annað hjúkrunarheimili á svæðinu.

Stjórnendur og starfsfólk HSU leggja metnað sinn í vandaðan undirbúning fyrir lokun Ljósheima að ári þannig að sem minnst rask verði á högum íbúa hjúkrunardeildarinnar og aðstandenda þeirra. Enginn þarf að óttast að vera skilinn frá maka sínum eða gert að flytja á hjúkrunarheimili um langan veg fjarri sinni heimabyggð.

Þrátt fyrir lokun Ljósheima mun hjúkrunarrýmum ekki fækka á Suðurlandi, um mitt næsta ár verður opnað nýtt hjúkrunarheimili Áss í Hveragerði. Um tíma var forgangur Landspítala að rýmum á Móbergi sem ekki er lengur fyrir hendi. Móberg mun því nýtast íbúum Suðurlands í auknum mæli.

Sagt hefur verið frá því í fréttum RÚV að fyrir dyrum standi að loka hjúkrunardeildunum Fossheimum og Ljósheimum við Heilbrigðisstofnun Suðurlands á Selfossi. Af fyrstu frétt um málið mátti skilja að lokun 20 hjúkrunarrýma væri yfirvofandi, sem er ekki rétt. Heilbrigðisráð...

08/06/2026

Deildarstjórar hjúkrunarheimilisins á Móbergi tóku á móti forstjórum frá 45 hjúkrunarheimilum í Slóveníu.

Eftir að hafa skoðað húsnæðið, fengið fyrirlestur um bygginguna og fræðslu um starfsemi HSU var góð umræða um samanburð á hjúkrunarþjónustu milli þessara tveggja landa.

Heimsóknin var hluti af Íslandsför Samtaka félagsstofnanna í Slóveníu sem vildu kynna sér húsnæðið og hvernig hjúkrunarheimilisþjónusta væri hér á landi.

05/06/2026

Bráðamóttakan heldur gifsnámskeið reglulega til að þjálfa og viðhalda færni hjúkrunarfræðinga og sjúkraliða.

Kennari á síðasta námskeiði var Berglind Rós Bergsdóttir en hún sér um brotaendurkomu bráðamóttökunnar ásamt Víði Óskarssyni.

29/05/2026

Heilbrigðisstofnun Suðurlands stóð fyrir vel heppnuðum ársfundi í gær.
Alma D. Möller, heilbrigðisráðherra opnaði fundinn með rafrænu ávarpi. Díana Óskarsdóttir, forstjóri leit yfir farinn veg, rifjaði upp það sem vel tókst árið 2025 og hvaða tækifæri eru framundan. Margrét Björk Svavarsdóttir, framvæmdastjóri fjármála greindi frá ársreikningi og rekstrarstöðu stofnunarinnar. Þá var Elín Freyja Hauksdóttir, yfirlæknir á heilsugæslunni á Höfn með erindi um bráðaþjónustu á Suðurlandi.

Þegar formlegri dagskrá var lokið var starfsfólk sem hefur nýverið hætt störfum á stofnuninni vegna aldurs heiðrað. Til gamans má geta að samanlagður starfsaldur þessa hóps var um 400 ár. Við þökkum þeim kærlega fyrir þeirra mikilvægu störf.

Að lokum gaf Lionsklúbburinn Embla bráðamóttökunni og bráðalyflækningadeildinni á Selfossi nýjan blöðruskanna sem mun nýtast vel og þökkum við þeim og öðrum sem hafa styrkt stofnunina með einum eða öðrum hætti kærlega fyrir.

Ársfundinum var streymt og er hægt að horfa á hann hér: https://www.youtube.com/live/iufkymVh71c

Ársskýrsluna er hægt að lesa hér: https://island.is/s/hsu/utgefid-efni?q=%C3%81rssk%C3%BDrsla

28/05/2026

Ársfundur hefst kl. 14:00

Hægt er að horfa á í streymi hér.

Ársfundur HSu frá Hótel Selfoss fimmtudaginn 28. maí kl. 14:00 Smelltu hér fyrir beint streymi Smelltu hér fyrir dagskrá

26/05/2026

22/05/2026

🌐 Heimasíða Kraftmikla krakka komin í loftið 🌐

Rannsóknarhópurinn sem stendur að baki Kraftmiklir Krakkar móttökunni á Suðurlandi hafa opnað heimasíðu.

Inni á https://kraftmiklirkrakkar.is er hægt að finna fróðleik fyrir foreldra og börn varðandi heilbrigðan lífstíl, aukinheldur eru þar upplýsingar fyrir heilbrigðisstarfsfólk í heilsugæslu sem hafa áhuga á að setja upp Kraftmiklir krakkar lífstílsmóttöku fyrir börn með offitu á sinni stöð.

Verkefnið hefur hlotið verðskulda athygli hérlendis og hlotið fjölda tilnefninga fyrir nýsköpun í heilbrigðisþjónustu en bara í þessum mánuði var verkefnið tilnefnt til Nýsköpunarverðlauna hins opinbera árið 2026.

Við erum ofboðslega stolt af starfsfólki okkar fyrir áfangann og erum spennt að fylgjast með verkefninu stækka og þroskast áfram.

Fræðsluefni fyrir lækna og hjúkrunarfræðinga í heilsugæslu um meðferð og ráðgjöf við offitu barna. Einnig upplýsingar fyrir foreldra og börn.

21/05/2026

Rannsóknarverkefnið Kraftmiklir krakkar var kynnt á Sjónaukanum 2026 við Háskólann á Akureyri fyrr í vikunni.

Þorbjörg Anna Steinarsdóttir vann meistaraverkefnið sem hluta af stærri rannsókn og eru ásamt Þorbjörgu þau Bjarnheiður Böðvarsdóttir hjúkrunarfræðingur, Eyrún Anna Stefánsdóttir sérnámslæknir í heimilislækningum, Íris Óskarsdóttir heimilislæknir og Vignir Sigurðsson barnalæknir í Kraftmiklir krakkar teyminu.

Nánar um verkefnið í frétt í efstu athugasemd.

21/05/2026

Starfsfólk okkar á Selfossi stökk á tækifærið og hélt pylsupartý í hádeginu í dag úti í sólinni! ☀️🌭

Allt samkvæmt læknisráði auðvitað 😉