Heilbrigðisstofnun Suðurlands

10/09/2026

„Það er eftir því tekið hvernig hlutirnir eru á Suðurlandi," sagði Gunnar Thorarensen, yfirlæknir Stafrænnar heilsu þegar hann opnaði Nýsköpunardag HSU í ár.

Nýafstaðinn Nýsköpunardagur sýndi glögglega þann kraft og metnað sem býr innan Heilbrigðisstofnunar Suðurlands. Fjölbreytileiki verkefnanna, öflug þátttaka starfsfólks og mikill áhugi á deginum kristallaði markmið HSU um að vera í fararbroddi í þróun heilbrigðisþjónustu á komandi árum.

Taka má einnig rækilega undir lokaorð forstjóra HSU, Díönu Óskarsdóttur þegar hún þakkaði starfsfólki fyrir sitt framlag í nýsköpun, „við höfum alla ástæðu til að vera stolt af því góða starfi sem á sér stað hér á hverjum degi”.

Nánar um viðburðinn má lesa í frétt á heimasíðu okkar, www.hsu.is

10/09/2026

Beint streymi frá Nýsköpunardegi HSU má finna á forsíðu heimasíðu HSU, inn á www.hsu.is

Við byrjum kl 13 á Hótel Selfoss þegar Gunnar Thorarensen, yfirlæknir hjá Stafrænni heilsu, opnar dagskrána.

Viðburðurinn er opinn öllum.

Ísland.is er upplýsinga- og þjónustuveita opinberra aðila á Íslandi. Þar getur fólk og fyrirtæki fengið upplýsingar og notið margvíslegrar þjónustu hjá opinberum aðilum á einum stað í gegnum eina gátt.

07/09/2026

Við fengum góða heimsókn frá Heilsugæslu Höfuðborgarsvæðisins í Mosfellsumdæmi um liðna helgi til okkar í Vestmannaeyjum.

Þau skoðuðu heilsugæsluna, sjúkradeildina og mæðra- og ungbarnavernd. Einhver nýttu ferðina og tóku þátt í Vesmannaeyjarhlaupinu og hjálpuðu heimamönnum við að sleppa pysjum í lok dags.

Við þökkum kollegum okkar kærlega fyrir komuna og samveruna um helgina!

04/09/2026

Treyjudagurinn er haldinn í dag til stuðnings barna með krabbamein. Með því sýnum við málefninu samstöðu því í dag erum við öll í sama liði.

Eftirfarandi myndir voru teknar af starfsfólki okkar á heilsugæslunni á Selfossi og í Hveragerði - öll í sama liði!

Hægt er að skrá sig í stuðningsliðið, og styrkja börn með krabbamein á heimasíðu þeirra:
https://www.bornmedkrabbamein.is/

04/09/2026

Sigurður Böðvarsson yfirlæknir krabbameinslækninga og göngudeildarþjónustu.

Frá því að Sigurður hóf störf hjá HSU hefur hann lagt ríka áherslu á uppbyggingu og eflingu krabbameinsþjónustu á Suðurlandi og átt mikilvægan þátt í þróun þjónustunnar innan stofnunarinnar.

Það er mikill styrkur fyrir HSU að Sigurður muni áfram leiða mikilvæg störf innan stofnunarinnar.

03/09/2026

Krabbameinsfélag Árnessýslu færði göngudeild HSU fallega bjöllu sem mun fá sérstakan sess á deildinni á Selfossi.

Bjallan er hugsuð fyrir einstaklinga sem lokið hafa krabbameinsmeðferð. Að síðustu meðferð lokinni gefst einstaklingum kostur á að hringja bjöllunni á göngudeildinni.

Þetta táknræna augnablik veitir oft gríðarlega andlegan styrk og gefur skjólstæðingum tækifæri að deila augnablikinu með fjölskyldu og starfsfólki sem fylgt hefur einstaklingnum í gegnum sína vegferð.

Við bjöllunni tekur Guðbjörg Hjaltadóttir sjúkraliði á göngudeild við bjöllunni úr hendi Erlu G. Sigurjónsdóttur fyrir hönd Krabbameinsfélagsins.

Við þökkum Krabbameinsfélaginu kærlega fyrir veglega gjöf. Við hlökkum til að heyra siguróm bjöllunnar um ganga sjúkrahússins!

02/09/2026

Nýsköpunardagur HSU verður fimmtudaginn 10. september á Hótel Selfoss. Dagskrá hefst kl. 13:00 og er viðburðurinn opinn öllum.

Á þessum degi fá fá gestir færi á að læra um nýjar lausnir í heilbrigðisþjónustu og þá þróun sem mótar framtíð heilbrigðisþjónustu fyrir íbúa á Suðurlandi.

Takið daginn frá því við hlökkum til að sjá ykkur sem flest og kynna fyrir ykkur þau fjölmörgu erindi og innsýn inn í verkefni starfsfólks sem endurspeglar þá framsækni, kraft og hugvit sem býr innan Heilbrigðisstofnunar Suðurlands.

Fundurinn verður einnig í beinu streymi sem finna má samdægurs á heimasíðu og samfélagsmiðlum HSU.

01/09/2026

Vignir Sigurðsson tekur við starfi framkvæmdastjóra lækninga hjá Heilbrigðisstofnun Suðurlands frá og með 1. september. Samhliða því mun hann gegna starfi framkvæmdastjóra sjúkrasviðs.

Vignir lauk kandídatsprófi frá læknisfræði frá Háskóla Íslands árið 2011 og stundaði svo sérnám í barnalækningum við Sahlgrenska Háskólasjúkrahúsið og lauk doktorsprófi frá Gautaborgarháskóla 2021. Vignir flutti aftur til Íslands 2021 í heimabæinn Hveragerði og hóf störf sem barnalæknir hjá HSU.

Vignir hefur starfað sem yfirlæknir barnalækninga hjá HSU síðustu ár og leitt faglega uppbyggingu lífstílsmóttöku barna á heilsugæslum HSU. Þá hefur hann leitt rannsóknarverkefnið Kraftmiklir krakkar, sem er lífstílsverkefni fyrir börn og forráðamenn þeirra í heimahéraði á Suðurlandi.

28/08/2026

Brjóstaskimun á Kirkjubæjarklaustri skiptir máli 🎀
Bókaðu tíma í síma 543-9560 eða [email protected]