Lögreglan á Norðurlandi vestra

03/09/2026

🐑 Kindur á ferðinni – sýnum þolinmæði í umferðinni

Næstu daga og vikur standa smalamennskur yfir víða á Norðurlandi vestra. Bændur eru að smala afrétti og heimalönd og því má búast við að sauðfé þurfi annað slagið að fara yfir eða eftir vegum. 🚗🐑🐑🐑

Við biðjum ökumenn að hægja á ferðinni, gæta vel að sér og sýna þolinmæði þegar rekstur verður á vegi þeirra.

Kindurnar eru nefnilega ekki alltaf alveg með umferðarreglurnar á hreinu. 😉

Höfum því augun á veginum – og þolinmæðina í farþegasætinu. 🧡

02/09/2026

👮‍♀️🤝 Sameiginlegt eftirlit með atvinnustarfsemi á Norðurlandi vestra

Dagana 26. og 27. ágúst sl. fóru lögreglumenn á Norðurlandi vestra í umfangsmikið vinnustaðaeftirlit ásamt fulltrúum Skattsins og Vinnueftirlitsins. Eftirlitið er liður í samstarfi stjórnvalda um eftirlit með brotastarfsemi á vinnumarkaði.

🏢 Heimsóttir voru tugir vinnustaða víða á Norðurlandi vestra, allt frá Stað í vestri og um Skagafjörð, Varmahlíð og norður í Fljót. Að þessu sinni var sjónum einkum beint að starfsemi tengdri ferðaþjónustu.

🔎 Við eftirlitið kannaði lögregla meðal annars hvort rekstraraðilar hefðu tilskilin leyfi til starfseminnar, auk þess sem atvinnu- og dvalarleyfi erlendra starfsmanna voru skoðuð. Þá var einnig horft til almennra aðstæðna starfsfólks á vinnustöðunum.

✅ Í langflestum tilvikum voru mál í góðu lagi hvað varðar þau atriði sem komu til skoðunar hjá lögreglu. Í einu tilviki kom hins vegar í ljós starfsemi sem rekin var án tilskilins leyfis.

🤝 Samstarf lögreglu, Skattsins og Vinnueftirlitsins er mikilvægur þáttur í því að tryggja heilbrigðan og löglegan vinnumarkað. Með sameiginlegu eftirliti er meðal annars unnið að því að koma í veg fyrir ólöglega atvinnustarfsemi, tryggja réttindi starfsfólks og stuðla að því að fyrirtæki starfi á jafnræðisgrundvelli og í samræmi við lög og reglur.

Slíku samstarfi og eftirliti verður fram haldið.

📣 Ábendingar frá almenningi skipta máli

Lögregla hvetur fólk sem hefur upplýsingar um atvinnu- eða rekstrarstarfsemi sem grunur leikur á að sé rekin án tilskilinna leyfa, eða aðra mögulega ólögmæta starfsemi á vinnumarkaði, til að koma ábendingum á framfæri.

📧 Ábendingar til lögreglunnar á Norðurlandi vestra má senda á [email protected]

Einnig má beina ábendingum til Skattsins eða Vinnueftirlitsins eftir því hvert eðli málsins er.

🚨 Ef um er að ræða aðstæður sem kalla á tafarlaus viðbrögð lögreglu skal hafa samband við 112.

01/09/2026

⏰🍂 Klukkan tifar fyrr inn í haustið!

Frá og með 1. september breytist útivistartími barna og unglinga:

👧 12 ára og yngri: til kl. 20:00
🧑 13–16 ára: til kl. 22:00

Og eitt sem gott er að minna á 👇

Foreldrar og forráðamenn mega alltaf stytta útivistartímann – en ekki lengja hann.

Útivistarreglurnar segja nefnilega til um hversu lengi börn mega vera úti, ekki hversu lengi þau þurfa að vera úti.

Haustið er komið, skólinn kominn á fullt og rútínan að taka við. Góður svefn, skýr mörk og samvera heima skipta máli. 💛

Förum vel inn í haustið – saman.

26/08/2026

❗❗❗

Embætti ríkislögreglustjóra berast nú tilkynningar um tölvupóst þar sem lögregla er ranglega titluð sem sendandi. Í póstinum er fylgiskjal sem er ranglega merkt ríkislögreglustjóra, „Innanríkaráðuneytið“ undir stjórn „Dómslögreglu“.

24/08/2026

21/08/2026

🚸 Nýir vegfarendur á ferðinni 🚸

Skólastarf er að hefjast og með því fjölgar ungum vegfarendum á götum og gangstéttum – sum þeirra eru jafnvel að fara ein síns liðs í skólann í fyrsta sinn.

Við biðjum ökumenn að draga úr hraða, sýna þolinmæði og vera sérstaklega á varðbergi við skóla, gangbrautir og í íbúðahverfum. Börn eru enn að læra að lesa í umferðina og geta tekið óvæntar ákvarðanir.

👀 Verum vakandi.
🚗 Hægjum á okkur.
❤️ Sýnum aðgát og tryggjum öryggi nýrra vegfarenda.

20/08/2026

Kannast þú við að eiga þetta reiðhjól? Eða veistu hver á það?

Hjólið hefur verið á lögreglustöðinni á Sauðárkróki um nokkurt skeið án þess þó að nokkur hafi vitjað þess. Því auglýsum við eftir eiganda þess, sá hinn sami má sækja hjólið á opnunartíma lögreglustöðvarinnar á Sauðárkróki eða hafa samband með tölvupósti [email protected]

Að því sögðu er vert að benda á að hjólið verður aðeins afhent þeim er getur sannað eignarhald sitt á því.

18/08/2026

Fréttatilkynning frá lögreglunni á Norðurlandi vestra !!

Við hefðbundið umferðareftirlit sl. fimmtudagskvöld stöðvaði lögreglan á Norðurlandi vestra bifreið á suðurleið vegna gruns um of hraðan akstur. Í bifreiðinni voru þrír erlendir ríkisborgarar. Ökumaður bifreiðarinnar framvísaði ökuskírteini en ekki var unnt að bera kennsl á aðra í bifreiðinni á vettvangi þar sem þeir kváðust ekki vera með skilríki meðferðis.

Við nánari athugun kom í ljós að aðilarnir höfðu ítrekað komið við sögu lögreglunnar undanfarnar vikur m.a. vegna dvalarleyfa og gruns um þjófnaði. Fólkið var því handtekið og bifreiðin færð á lögreglustöðina á Blönduósi þar sem framkvæmd var leit. Í ljós kom talsvert magn af ætluðu þýfi, peningar, skartgripir og ýmsir hlutir.

Á lögreglustöð var þeim handteknu birt ákvörðun Útlendingastofnunar þess efnis að þau skuli sæta brottvísun og 7 ára endurkomubanni til Íslands. Þá lagði lögreglustjórinn á Norðurlandi vestra fram kröfu til Héraðsdóms Norðurlands vestra um gæsluvarðhald yfir tilgreindum aðilum þar til að hægt væri að flytja fólkið til heimalands síns. Krafa lögreglustjóra var samþykkt og kvað héraðsdómur upp úrskurð þess efnis að umræddir aðilar skyldu sæta gæsluvarðhaldi í allt að þrjár vikur. Landsréttur staðfesti úrskurð héraðsdóms í dag þann 18. ágúst 2026, með þeirri breytingu að aðilum skuli gert að sæta gæslu í tvær vikur í stað þriggja.

12/08/2026

Lögreglan vekur athygli vegfarenda á:

🚧 Götulokun vegna framkvæmda við fráveitu

Vegna framkvæmda við fráveitu verður Aðalgata á Sauðárkróki lokuð frá Hard Wok að Kaffi Krók frá miðvikudeginum 12. ágúst og fram eftir föstudeginum 14. ágúst.

Við biðjum vegfarendur um að sýna framkvæmdunum skilning og velja aðrar leiðir á meðan lokunin stendur yfir.

11/08/2026

🌑🚗 Almyrkvi á sólu – talsverð umferð fram undan

Miðvikudaginn 12. ágúst 2026 verður almyrkvi á sólu og búist er við miklum fjölda ferðamanna sem leggja leið sína á svæði þar sem bestar líkur eru á að sjá myrkvann.

Af þeim sökum má gera ráð fyrir talsverðri umferð um Norðurland vestra frá seinniparti dagsins í dag og fram á fimmtudag, sérstaklega þeirra sem eiga leið vestur á land og til Vestfjarða.

Við hvetjum íbúa og aðra vegfarendur til að sleppa óþarfa ferðum á þessum tíma ef kostur er og þannig leggja sitt af mörkum til að greiða fyrir umferð um svæðið.

Þau sem þurfa að vera á ferðinni eru hvött til að gefa sér góðan tíma, sýna öðrum vegfarendum þolinmæði, halda hæfilegu bili og forðast óþarfa framúrakstur.

🤝 Með tillitssemi, þolinmæði og varfærni stuðlum við öll að öruggari umferð.

Góða ferð og farið varlega! 🚓💙