Gulur september

08/09/2026

Karlar í skúrum lögðu hönd á plóg og smíðuðu 43 gula krossa til minningar um þau sem létust í sjálfsvígum á Íslandi á síðasta ári.

Karlar í skúrum eru um leið dýrmætt samfélag þar sem karlar koma saman, sinna fjölbreyttum verkefnum og njóta félagsskapar. Staður til að mæta, hafa tilgang og tilheyra 💛

Krossarnir verða hluti af kyrrðarstund Guls september í Bústaðakirkju fimmtudaginn 10. september, þar sem við komum saman til að minnast þeirra sem fallið hafa fyrir eigin hendi og sýna aðstandendum samstöðu.

Takk Karlar í skúrum fyrir mikilvægt starf og ómetanlegt framlag til Guls september 💛

08/09/2026

Náum áttum samstarfshópur um fræðslu- og forvarnarmál heldur morgunfund miðvikudaginn 9. september frá kl. 9:00 til 10:30 sem ber yfirheitið Frá grunnskóla yfir í framhaldsskóla. Skráning allar frekari upplýsingar um viðburðinn fer fram á naumattum.is/skraning.

SKRÁNING:

08/09/2026

Í dag kl. 13:20 heldur Bataskóli Íslands námskeiðið Velkomin í Bataskólann í Borgartúni 20, 3. hæð, en um er að ræða kynningu á skólanum og batahugmyndafræðinni sem hann byggir á.

Á hverjum degi bætast við viðburðir í dagatalið á gulurseptember.is, en með þátttöku sinni hjálpa félagasamtök, stofnanir, vinnustaði, sveitarfélög og aðrir áhugasamir við að breiða út mikilvæg skilaboð um geðrækt, samtal og sjálfsvígsforvarnir 💛

08/09/2026

Haltu áfram að skína 💛

07/09/2026

💛 Hvað hjálpar þér þegar þér líður illa?

Við fengum nokkra einstaklinga til að deila sínum bjargráðum – litlu og stóru hlutunum sem hjálpa þegar dagarnir eru erfiðari.

Embla Backman deilir hér sínum bjargráðum 💛

Kannski getur eitthvað af þeim hjálpað þér líka.

Í Gulum september minnum við hvert annað á að hlúa að geðheilsunni og að stundum geta litlu hlutirnir skipt miklu máli.

07/09/2026

Barnaheill og Geðhjálp taka höndum saman og ræða við nemendur í efstu bekkjum grunnskóla um líðan og veruleika ungmenna, með áherslu á samskipti, tengsl og það sem skiptir þau máli.

Að lokinni vinnu með nemendum verður boðið upp á opið samtal fyrir foreldra, forsjáraðila og aðra áhugasama. Þar verður rætt um það sem helst kom fram og hvernig hægt er að byggja áfram á röddum og reynslu ungmenna, en dagskránni lýkur með stuttum tónleikum með Unnsteini Manuel.

Um er að ræða einn af fjölmörgum geðræktandi viðburðum sem eiga sér stað í Gulum september, en nánari upplýsingar er að finna á gulurseptember.is💛

07/09/2026

Lovjú 💛

06/09/2026

Innilegar þakkir til allra þeirra sem komu og fögnuðu með okkur á opnunarviðburðinum í Háskólanum í Reykjavík 💛

Gulur september er rétt að byrja, en við hvetjum enn sem fyrr alla sem vilja taka þátt í að bera út boðskapinn að klæðast gulu, hefja samtal eða einfaldlega vera til staðar fyrir fólkið í kringum okkur 💛

📷 Kristinn Magnússon

06/09/2026

Gangi þér vel í dag!

05/09/2026

💛 Viltu vita meira um Þjóðkirkjuna?

Hjá Þjóðkirkjunni er hægt að leita til presta og djákna eftir sálgæslu og samtali þegar lífið reynist erfitt. Þar er hægt að ræða það sem liggur á hjarta og fá hlustun, stuðning og samfylgd.

Þú þarft ekki að vera viss um hvað þú þarft eða hafa öll orðin – stundum er fyrsta skrefið einfaldlega að tala við einhvern. 💛

Nánari upplýsingar um sálgæslu má finna á 👉 kirkjan.is

Í tilefni af Gulum september kynnum við nokkur mikilvæg úrræði sem geta veitt stuðning, samveru og von 🌟

Fylgdu okkur á helstu miðlum og hjálpaðu okkur að dreifa boðskapnum: það er alltaf von. 💛