Skatturinn

01/04/2026

Misjöfn verða morgunverkin! Að gefnu tilefni viljum við vekja athygli á því að í dag er 1. apríl og frétt Morgunblaðsins um niðurfellingu kílómetragjalds er aprílgabb þeirra. 🙃

Síðustu forvöð að sækja um afslátt eða niðurfellingu hjá Skattinum.

24/03/2026

🧮 Áhugafólk um bókhald og reikningsskil athugið! 📊

Laust er til umsóknar starf sérfræðings á álagningarsviði við álagningu skatta og gjalda á lögaðila.

📌 Nánari upplýsingar á Starfatorgi: https://island.is/starfatorg/x-46008

13/03/2026

Engar áhyggjur, Lóa 💙 Skilafresturinn er í dag, en fyrir þau sem ekki ná að skila í dag gildir reglan um að skila inn sem allra fyrst.

Kein panikk, það er opið á vinnustofunni í dag frá 12-16. Sól og blíða, list og þíða.

12/03/2026

Varst þú að skila framtali og bráðabirgðaútreikningurinn sýndi skuld?
Áður en við skoðum það nánar er rétt að nefna að útreikningurinn er aðeins til bráðabirgða, hin rétta álagning er í lok maí. Kíkjum á nokkur atriði sem eru algengar ástæður skulda.

📻 Útvarpsgjald og gjald í framkvæmdasjóð aldraðra – Þessi gjöld eru lögð á einu sinni á ári í álagningu og því eðlilegt að þau komi á bráðabirgðaútreikninginn. Lesa nánar um útvarpsgjald: https://www.skatturinn.is/einstaklingar/skattar-og-gjold/utvarpsgjald/

👪 Persónuafsláttur – Ef persónuafsláttur hefur verið ofnýttur eða skattur greiddur í röngu skattþrepi á árinu 2025 hefur ekki verið greiddur nægur skattur af tekjunum. Þú getur skoðað nýtingu persónuafsláttar á þjónustuvef Skattsins.

🧾 Frádráttur á móti styrk – Á móti sumum styrkjum má færa frádrátt. Hafir þú fengið styrk sem skattur hefur ekki verið dreginn af má kanna hvort færa megi frádrátt á tekjusíðu framtalsins. Sé það ekki heimilt verður að greiða skatt af styrknum.

💰 Verktakatekjur – Verktakatekjur eru skattskyldar. Á móti verktakatekjum má færa kostnað til að lækka skattstofn, en aðeins kostnað sem tengist rekstrinum beint. Athugið að til grundvallar frádrætti verður að liggja fyrir bókhald. Skoða leiðbeiningar með rekstrarskýrslu: https://www.skatturinn.is/einstaklingar/framtal-og-alagning/framtalsleidbeiningar/2026

Ótalmargt fleira getur leitt til skuldar við í bráðabirgðaútreikningi. Hafir þú spurningar má senda okkur fyrirspurnir á [email protected] eða hringja í síma 442 1414. Þá er spjallmennið lunkið við að svara líka 😄

09/03/2026

🧊 Fróðleiksmoli! 🧊
Tæpum aðeins á nokkrum molum um verktakatekjur.

📌Verktakagreiðslur eru í flestum tilfellum ekki forskráðar á tekjusíðu framtalsins. Gera má grein fyrir þeim og kostnaði á fylgiskjali með framtalinu. Mismunandi er eftir fjárhæð hvaða fylgiskjal skal velja.
👉 RSK 4.10 fyrir verktakagreiðslur allt að 2 milljónum
👉 RSK 4.11 fyrir verktakagreiðslur yfir tveim milljónum, en undir 30m.

⚠ Ef þær eru forskráðar í kafla 2.3 en þú vilt gera rekstrarskýrslu má ekki gleyma að núlla forskráðu upplýsingarnar út af tekjusíðunni.

📊🗄 Kostnaður til frádráttar þarf að vera tilkominn vegna verktakastarfseminnar og tengjast henni beint. Á bak við allan kostnað þurfa að liggja bókhaldsgögn. Bókhaldi er ekki skilað inn með framtalinu.

🚗 Ef draga á kostnað frá vegna aksturs vegna bifreiðar sem einnig er til persónulegra nota þarf að liggja fyrir heildarkostnaður við rekstur bifreiðarinnar skv. fylgiskjali 4.03. Frádráttur færist í sama hlutfalli og notkun bifreiðar í þágu starfseminnar.

❌Villan reitir 5990 = 6990 + 7000. Ef hún kemur upp er rétt að athuga hvort búið sé að fylla inn allar fjárhæðir í kaflana að ofan. Ef svo er og allt annað þrýtur má skrá mismuninn í reit 6383 í +/- til afstemmingar.

👩‍💼👨‍💻Ef eitthvað vefst fyrir þér þá má alltaf hringja og fá aðstoð. Við veitum leiðbeiningar en athugið að við megum ekki veita ráðgjöf eða gera rekstrarskýrslu fyrir fólk. Ef reksturinn er flókinn og umfangsmikill gæti verið tilefni til að fá fagaðila til aðstoðar.

📖 Ítarlegar leiðbeiningar með framtali og rekstrarskýrslu í fyrstu athugasemd:

04/03/2026

🧊 Fróðleiksmoli um framtalið 🧊

Hjá flestum eru allar upplýsingar forskráðar og engu þarf að bæta við. Þá þarf bara að skoða&skila!
En framtal sumra er þess eðlis að bæta þarf við upplýsingum. Skoðum nokkur algeng dæmi:

📌 Verktakagreiðslur gætu verið forskráðar en það er ekki algilt. Gera má grein fyrir þeim og kostnaði á fylgiskjali með framtalinu.
- RSK 4.10 fyrir verktakagreiðslur allt að 2 milljónum
- RSK 4.11 fyrir verktakagreiðslur yfir tveim milljónum.

📉 Frádráttur á móti styrk eða starfstengdum greiðslum:
Sé heimilt að færa frádrátt á móti styrk eða starfstengdum greiðslum á árinu, þarf að færa frádráttinn í kafla 2.6 á framtali. Hann fer í reit 149 eða 157 eftir hvers eðlis hann er.

🏠 Kaup og sala fasteigna eru forskráð á fylgiskjal RSK 3.02. Framteljandi þarf sjálfur að tilgreina hvers konar eign var keypt og skrá eignarhaldstíma ef eign var seld.

🌍 Erlendar tekjur, s.s. laun og lífeyrir, þarf að telja fram í kafla 2.8 á tekjusíðu framtals. Erlendar bankainnstæður þarf að skrá í kafla 3.2 og erlendar fasteignir í kafla 4.2.

🏘 Leigutekjur af íbúðarhúsnæði þarf að færa inn á fylgiskjal RSK 3.25. Þaðan flytjast þær á framtal, í reit 510 á síðunni Fjármagnstekjur. Aðrar leigutekjur, svo sem tekjur af leigu til ferðamanna sem ekki flokkast sem atvinnurekstur, þarf að skrá í reit 511 í sama kafla. Sé um rekstur að ræða þarf að setja leigutekjur á rekstrarskýrslu.

📉 Lækkun á tekjuskattstofni. Eigi framteljandi rétt á lækkun á tekjuskattsstofni, svo sem vegna veikinda, slysa eða eignatjóns, er það gert með því að fylla út fylgiskjalið RSK 3.05, Umsókn um lækkun. Gögn um kostnað verða að fylgja með
Þau sem eiga ungmenni á aldrinum 16-21 árs geta átt rétt á ívilnun vegna framfærslu þeirra og sækja um lækkun á forsíðu.

📊 Staða hlutabréfa birtist eins og hún var á síðasta framtali. Allar breytingar, kaup og sala, arðgreiðslur og fleira þarf framteljandi sjálfur að færa inn á hlutabréfablaðið RSK 3.19, fylgiskjal með framtali. Gögn um kostnað verða að fylgja með.
Hafi verðbréf verið seld/innleyst á árinu er salan í mörgum tilvikum forskráð á fylgiskjali RSK 3.15, annars þarf framteljandi að skrá þær upplýsingar.

💡 Nákvæmar framtalsleiðbeiningar í fyrstu athugasemd

03/03/2026

💼 Tvö störf gagnasérfræðinga laus til umsóknar📈📊📉💼

Við erum að leita að sérfræðingum í gögnum til að ganga til liðs við okkur. Tvö störf eru laus til umsóknar:
👉 Gagnaverkfræðingur
👉 Gagnagreinandi

Allar nánari upplýsingar á Starfatorgi.

Sjá hlekk á auglýsingar í fyrstu athugasemd👇

02/03/2026

🧊Fróðleiksmoli um framtalið – Frádráttur á móti styrkjum 🧊

Meginreglan er að allir styrkir til teljast til skattskyldra tekna og eru skattlagðir eins og launatekjur. Heimilt getur verið að telja kostnað til frádráttar.

✅ Dæmi um styrki sem má færa frádrátt á móti ✅
📌 Samgöngustyrkir
📌 Styrkir til líkamsræktar
📌 Starfstengdir námsstyrkir
📌 Ökutækjastyrkir
📌 Dagpeningar
📌 Náms-, rannsóknar- og vísindastyrkir

❌ Styrkir sem EKKI má færa frádrátt á móti ❌
📌 Tölvubúnaður er ekki frádráttarbær á móti námsstyrk
📌 Styrkir til kaupa á gleraugum og heyrnatækjum.
📌 Styrkir vegna sálfræðiþjónustu.
📌 Styrkir vegna glasafrjóvgunar og ættleiðinga.
📌 Styrkir vegna tannviðgerða og krabbameinsskoðunar
📌 Styrkir vegna dvalar á heilbrigðisstofnun og útfara.

❓🤷‍♂️ Fékkst þú styrk á árinu sem þú kannast ekki við að hafa sótt um? Getur verið að þú starfir hjá sveitarfélagi? Það getur verið t.d.:
📌 Katla félagsmannasjóður: Styrkir til náms og vísindastarfa.
📌 Önnur stéttarfélög: Styrkir, styrktarfé úr sjóðum

Ekki er hægt að færa kostnað á móti þessum styrkjum nema þú hafir sannarlega verið í námi og nýtt styrkinn í kostnað vegna þess. Sumir sjóðir draga staðgreiðslu strax af styrkjunum (borga skattinn strax) en sumir þurfa að greiða skattinn eftirá.

Framtalsfrestur er til 1️⃣3️⃣ mars!

👉 Nánari leiðbeiningar með framtali í fyrstu athugasemd

27/02/2026

Hárrétt! Nú er komið að því að skila skattframtalinu.

Drífum þetta af! 🏃💨

Nánari upplýsingar í fyrstu athugasemd

Opnað hefur verið fyrir skil á skattframtali á vefsíðu skattsins. Skilafrestur einstaklinga er til 13. mars og er ekki hægt að sækja um aukinn frest.

20/02/2026

Fjölbreytt og spennandi sumarstörf hjá Skattinum eru nú laus til umsóknar.

Um er að ræða störf tollvarða og skrifstofu- og þjónustustörf á starfsstöðvum okkar á Höfuðborgarsvæðinu 🏢, Akureyri 😎og Keflavíkurflugvelli ✈️.

Nánari upplýsingar í fyrstu athugasemd 👇

17/02/2026

📣 Tvö laus störf hjá skattinum 💼

Við leitum að öflugum og metnaðarfullum einstaklingum til að ganga til liðs við okkur.

Störfin eru:
📜 Sérfræðingur í skjalastjórn

📝 Starf í stoðþjónustu fyrirtækja- og ársreikningaskrár

Bæði störfin eru í Katrínartúni í Reykjavík.

Nánari upplýsingar á Starfatorgi, sjá fyrstu athugasemd.👇

05/02/2026

💼Við leitum að öflugum og metnaðarfullum sérfræðingum með brennandi áhuga á skattamálum til að ganga til liðs við eftirlits- og rannsóknasvið í höfuðstöðvum Skattsins í Katrínartúni í Reykjavík.

Helstu verkefni eru endurskoðun skattskila þar sem til skoðunar eru möguleg skattundanskot.

👉 Frekari upplýsingar um starfið og umsókn í fyrstu athugasemd