01/07/2021
Ný skýrsla sérfræðingahóps verkalýðshreyfingarinnar um efnahagsleg áhrif COVID kom út í dag. Þar kemur fram að faraldurinn er líklegur til að hraða á þeirri þróun til aukins ójöfnuðar sem greina hefur mátt á Íslandi á undanförnum árum. Í skýrslunni segir að framhaldið ráðist að miklu leyti af aðgerðum stjórnvalda og baráttunni gegn langtímaatvinnuleysi.
Skýrslan er sú fimmta sem hópurinn vinnur og er í henni sjónum beint að ójöfnuði á Íslandi með tilliti til áhrifa heimsfaraldurs kórónuveiru.
Fram kemur að sá stóri hópur fólks sem missti vinnu sína vegna COVID-faraldursins hafi orðið fyrir mikilli lífskjaraskerðingu. Í þeim hópi er að finna mikinn fjölda einstaklinga sem voru í lægri tekjubilum fyrir og í veikri stöðu til að takast á við tekjufall.
Á sama tíma, segir í skýrslunni, að kaupmáttur hafi aukist hjá þeim sem ekki hafa orðið fyrir teljandi skakkaföllum af völdum veirunnar. Eigendur hlutabréfa hafi hagnast vel. Húsnæðiseigendur hafi notið góðs af lágum vöxtum, minnkaðri greiðslubyrði og mikilli hækkun fasteignaverðs. Þetta auki ójöfnuð í eignaskiptingu og valdi misræmi í afkomu ólíkra samfélagshópa.
Innlent Faraldurinn hraði á þróun aukins ójöfnuðar í íslensku samfélagi Í skýrslunni er bent á að lausnina við langvinnum skaða af COVID-kreppunni sé að finna í norræna velferðarlíkaninu. Fréttablaðið/Anton Brink Lovísa Arnardóttir lovisaa@frettabladid....
