Skóla- og frístundastarf

18/06/2026

🌸 Samvera kynslóða í Seljahlíð 🌸

Leikskólabörn í leikskólanum Hálsaskógi heimsækja íbúa í Seljahlíð reglulega. Nú í júní gróðursettu þau sumarblóm og nutu samveru með íbúum 💚

Stundirnar einkennast af gleði og léttleika. Þau spjalla og leika saman, kasta boltum og syngja kunnugleg lög 🎶

Fallegar stundir sem skila miklu ✨

👵 Gleði og upplyfting í daglegt líf eldri borgara
🧒 Börnin læra málþroska, fínhreyfingar og samkennd

Frétt á vef Reykjavíkurborgar 👉

Hópur leikskólabarna úr Hálsaskógi hefur hitt eldri borgara í Seljahlíð einu sinni í viku frá því í ágúst vegna verkefnis sem miðar að því að styrkja tengsl kynslóða. Þegar verkefnið hófst þekktust hóparnir lítið sem ekkert, en á fáum mánuðum hafa myndast sterk og k....

16/06/2026

🎓 Tuttugu og einn nýr leikskólakennari!

21 starfsmaður í leikskólum Reykjavíkur hefur útskrifast sem leikskólakennarar frá því í október í fyrra – mikilvægur áfangi fyrir faglegt starf í borginni.

Skóla- og frístundasvið bauð í móttöku til að fagna áfanganum. Nýju kennararnir starfa í 17 leikskólum víðs vegar um borgina og styrkja þar öflugt leikskólastarf.

Við athöfnina fengu þeir birkigræðling að gjöf – tákn um vöxt, þroska og farsæld í starfi 🌱

👏 Til hamingju og gangi ykkur vel!

Frétt á vef Reykjavíkurborgar 👉

21 starfsmaður í leikskólum Reykjavíkur hefur útskrifast sem leikskólakennarar frá því í október í fyrra sem er afar mikilvægt fyrir fagstarf í leikskólum borgarinnar. Starfsfólk skrifstofu leikskólamála á skóla- og frístundasviði bauð þeim til móttöku nú í júní til að...

05/06/2026

🩷 Góðgerðarhlaup Brúarskóla skilaði frábærum árangri 🩷

Í morgun sameinuðust nemendur og starfsfólk Brúarskóla í kærleiksríku hlaupi undir yfirskriftinni Riddarar kærleikans. Markmiðið var 200 km en niðurstaðan - heilir 226 km! 👏

Þegar hafa safnast 435.000 krónur til styrktar Minningarsjóði Bryndísar Klöru og uppbyggingu Bryndísarhlíðar 🩷

Enn er hægt að leggja málefninu lið:
Kt. 5602516-1060
Rknr. 515-14-010433

Dagurinn einkenndist af gleði, samstöðu og kærleika – sannarlega liðsheild sem lætur gott af sér leiða ✨

Frétt á vef Reykjavíkurborgar 👉 https://reykjavik.is/frettir/2026/godgerdarhlaup-bruarskola-stydur-vid-uppbyggingu-bryndisarhlidar

04/06/2026

🎉 Leikskólinn Hof 30 ára! 🎉

Mikil gleði og hátíðarstemning ríkir í leikskólanum Hofi þessa dagana þar sem 30 ára afmæli er fagnað ✨ Börn, starfsfólk og velunnarar hafa komið saman í vikunni og notið fjölbreyttrar dagskrár.

Afmælisboð, fallegar skreytingar og heimsókn borgarstjóra settu skemmtilegan svip á hátíðina – og krakkarnir stóðu sig frábærlega í að sýna verkefnin sín 👏🌱🎨

Hátíðarhöldunum lýkur svo með sumarhátíð þar sem gleðin heldur áfram ☀️💛

Til hamingju með tímamótin, Hof! 🥳

Frétt á vef Reykjavíkurborgar 👉 https://reykjavik.is/frettir/2026/leikskolinn-hof-fagnar-30-ara-afmaeli

03/06/2026

🌞 Vel heppnaður loppumarkaður og reiðtúrar á Tjörn! 🐴

Gleðin var í fyrirrúmi við leikskólann Tjörn á þriðjudaginn þegar foreldrar, börn og starfsfólk komu saman á líflegum loppumarkaði í frábæru veðri. Fyrr um daginn fengu börnin að fara á hestbak þegar Krakkahestar komu í heimsókn sem var mikil upplifun!

Börnin tóku virkan þátt í markaðnum, versluðu, prúttuðu og skiptu á varningi og fengu þannig skemmtilega innsýn í „alvöru“ viðskipti. Samfélagsandinn skein í gegn og þátttakan var frábær 💛

Frétt á vef Reykjavíkurborgar 👉 https://reykjavik.is/frettir/2026/vel-heppnadur-loppumarkadur-og-reidturar-tjorn

01/06/2026

🚤✨ Bátaleikar við Ráðhúsið!

Í dag sigldu bátar hannaðir og smíðaðir af 6. bekkingum Vesturbæjarskóla á tjörninni við Ráðhús Reykjavíkur og stóðu sig frábærlega! 👏

Nemendur fengu frjálsar hendur til að hanna báta sem áttu að geta siglt yfir litlu tjörnina við Ráðhúsið án rafmagns og eingöngu úr endurnýtanlegum efnivið. Verkefnið er hluti af STEAM-áskorun þar sem lögð er áhersla á sköpun, rökhugsun og lausnaleit.

Undirbúningurinn var metnaðarfullur með heimsóknum, prófunum og fræðslu frá skipaverkfræðingi og það skilaði sér: enginn bátur sökk og gleðin var allsráðandi! 🌞

Samstarfsverkefni Vesturbæjarskóla, Ingunnarskóla og Selásskóla sem heldur áfram að efla framtíðarhönnuði 🚢💡

Frétt á vef Reykjavíkurborgar 👉 https://reykjavik.is/frettir/2026/baturinn-duddi-slo-oll-met

29/05/2026

Regína lýkur farsælum kennsluferli 💙

Hlý og hátíðleg kveðjuathöfn var haldin í Sólborg þar sem Regína Rögnvaldsdóttir er að láta af störfum sem fastur starfsmaður eftir áratuga ómetanlegt framlag. Regína hefur frá stofnun skólans árið 1994 verið lykilstólpi í starfinu og frumkvöðull í málefnum döff barna.

Áhrif hennar ná langt út fyrir veggi Sólborgar – hún hefur miðlað þekkingu, barist fyrir bættum aðstæðum og haft varanleg áhrif á leikskólastarf um land allt.

Við þökkum Regínu af hjarta fyrir allt sem hún hefur gefið og hlökkum til að njóta áfram þekkingar hennar í nýju hlutverki 💐

Frétt á vef Reykjavíkurborgar 👉 https://reykjavik.is/frettir/2026/regina-lykur-farsaelum-kennsluferli

27/05/2026

🌈 Spor í Norðri – börn marka skrefin

Gömlum skóm var breytt í listaverk þegar börn tóku yfir Safnahúsið við Hverfisgötu og deildu draumum sínum og sýn á framtíðina. 👟✨

Verkefnið sameinaði börn frá Íslandi, Færeyjum og Danmörku í skapandi samtali um inngildingu, fjöltyngi og skilning.

Skórnir á sýningunni táknuðu þau spor sem börnin vilja taka og þau áhrif sem þau vilja hafa á heiminn.💫

Norræna samstarfsverkefnið SPIN – Sprogvenner í Norden stóð í tvö ár en lauk nú í maí.

Frétt á vef Reykjavíkurborgar 👉 https://reykjavik.is/frettir/2026/taknraen-spor-um-drauma-barna-og-framtidarsyn

27/05/2026

Líkamaspil frá Frístundalæsi 🎲🧍‍♂️

Skemmtilegt borðspil þar sem leikmenn ferðast um mannslíkamann✨

Eflir skilning barna á heilsu og líkamsvitund á leikrænan og gagnvirkan hátt 🧠
Skapar tækifæri til samtals um hreyfingu, hreinlæti og góðar venjur

Gott er að hafa einnig veggspjöldin með líffærakerfunum við höndina meðan spilað er.

👉 Sjá nánar: https://fristundalaesi.reykjavik.is/heilsulaesi-likaminn-okkar/