Fjármála- og efnahagsráðuneytið

19/06/2026

Esther Finnbogadóttir er fyrsta konan til að vera stjórnarformaður í Norræna fjárfestinabankanum (NIB). Þetta myndband var tekið í bankanum í vor en þar má sjá fyrrum stjórnarformenn bankans frá stofnun árið 1975. Esther hefur setið í stjórn bankans frá 2016 og var stjórnarformaður á árunum 2020-2022 og varaformaður 2018-2020. Gleðilegan kvenréttindadag!

19/06/2026

Lög um stofnun innviðafélags sem ætlað er að annast undirbúning, fjármögnun, uppbyggingu og rekstur mikilvægra samgöngumannvirkja voru samþykkt á Alþingi í gærkvöldi.

01/06/2026

Viltu öðlast nýja reynslu og byggja upp tengslanet á Norðurlöndum?

Opið er fyrir umsóknir fyrir árið 2026 um þátttöku í norrænum starfsmannaskiptum í gegnum NORUT verkefni norrænu ráðherranefndarinnar. Verkefnið gefur starfsfólki ríkisins tækifæri til að kynnast starfsemi systurstofnana á Norðurlöndum, deila þekkingu og fá nýjar hugmyndir sem nýtast í starfi.

📅 Umsóknarfrestur er til 26. júní.

29/05/2026

Skýrsla sérfræðingahóps um valkosti Íslands í gjaldmiðlamálum er komin út. Fjallað verður um efni skýrslunnar á ráðstefnu í Silfurbergi í Hörpu 2. júní næstkomandi. Dagskráin stendur yfir frá kl. 14-17. Ráðstefnan er öllum opin en skráning er nauðsynleg hér: https://docs.google.com/forms/d/e/1FAIpQLScGeYPpfdgJjrAT_OICrgPAvDuC8kkb7W7TCjTPB7j9DIQ2TA/viewform

29/05/2026

Fjármála- og efnahagsráðherra efnir til ráðstefnu í Hörpu 2. júní næstkomandi í tilefni af útgáfu skýrslu um valkosti Íslands í gjaldmiðlamálum. Skýrslan var unnin af hópi erlendra sérfræðinga og er henni ætlað að leggja grunn að upplýstri umræðu um framtíðarfyrirkomulag gjaldmiðlamála á Íslandi.

Ráðstefnan er öllum opin en skráning er nauðsynleg og stendur yfir hér: https://docs.google.com/forms/d/e/1FAIpQLScGeYPpfdgJjrAT_OICrgPAvDuC8kkb7W7TCjTPB7j9DIQ2TA/viewform

28/05/2026

Mikill áhugi fjárfesta á skuldabréfaútgáfu ríkissjóðs í síðustu viku — eftirspurn rúmlega tólfföld miðað við útgáfuna. Sterk staða Íslands á alþjóðamörkuðum endurspeglast í hagstæðari kjörum og breiðum hópi fjárfesta.

18/05/2026

Arnaldur Sölvi Kristjánsson lektor við Hagfræðideild Háskóla Íslands hefur verið skipaður formaður fjármálaráðs. Samið var við HÍ(Háskóli Íslands) um að starf Arnaldar í fjármálaráði teljist hluti af akademísku starfi hans.

„Þessi breyting styrkir stofnanaumgjörð ráðsins og eflir á sama tíma burði hagfræðideildar Háskóla Íslands til rannsókna í opinberum fjármálum“ segir fjármálaráðherra.

https://www.stjornarradid.is/efst-a-baugi/frettir/stok-frett/2026/05/18/Samid-vid-Haskola-Islands-um-faglega-umgjord-fjarmalarads/

08/05/2026

Ársskýrsla lánamála ríkisins fyrir árið 2025 hefur nú verið gefin út og birt opinberlega í fyrsta skipti. Í henni er farið yfir helstu þætti lánamála ríkisins, fjármögnun ríkissjóðs og lántökur aðila með ríkisábyrgð.

„Birting skýrslunnar er mikilvægur liður í því að auka gagnsæi í stýringu ríkisfjármála. Hún sýnir einnig að staða ríkisins í lánamálum er traust og fer batnandi,” segir Daði Már Kristófersson, fjármála- og efnahagsráðherra.

Ársskýrsla lánamála ríkisins fyrir árið 2025​ hefur nú verið gefin út og birt opinberlega í fyrsta skipti. Í henni er farið yfir helstu þætti lánamála ríkisins, fjármögnun ríkissjóðs og lántökur aðila með ríkisábyrgð.

13/04/2026

Fjármálaáætlun 2027-2031 er tímamótaáætlun segir Daði Már Kristófersson fjármála- og efnahagráðherra. Hann fór yfir mikilvægi þess að ná hallalausum fjárlögum við kaffivélina. Hann mælir fyrir þingsályktun um fjármálaáætlun 2027-2031 á Alþingi á morgun.

31/03/2026

Skatturinn vekur athygli á því að ef þú átt eftir að skrá kílómetrastöðuna á þínu ökutæki þá þarf að skrá stöðuna í dag til að forðast vanskráningargjald. Þau sem hafa þegar skráð á þessu ári eða eiga skráningu á árinu 2025 þurfa ekkert að gera.

Sjá nánar hér:
https://www.skatturinn.is/um-rsk/frettir-og-tilkynningar/kilometragjald-sidasti-frestur-til-ad-skra-kilometrastodu-1.-april