Ungir sjálfstæðismenn

Ungir sjálfstæðismenn Ungir sjálfstæðismenn styðja frelsi fólks til að leita hamingjunnar á eigin forsendum www.sus.is ef þú vilt vita meira.

Ungir sjálfstæðismenn styðja frelsi fólks til að leita hamingjunnar á eigin forsendum og taka sjálft ákvarðanir um eigið líf. Samband ungra sjálfstæðismanna (SUS) er samband allra svæðisbundnu sjálfstæðisfélaga ungs fólks á aldrinum 15 til 35 ára. Allir sem styðja frelsishugsjónina eða vilja vita meira um hana eru velkomnir.

Ályktun SUS um stöðu frjálsrar fjölmiðlunar á Íslandi.Það er fáránlegt að sú staða sé komin upp í vestrænu lýðræðissamfé...
31/08/2026

Ályktun SUS um stöðu frjálsrar fjölmiðlunar á Íslandi.

Það er fáránlegt að sú staða sé komin upp í vestrænu lýðræðissamfélagi að ríkið eitt annist flutning sjónvarpsfrétta. Þetta gerist á sama tíma og við fögnum 40 ára afmæli frjáls útvarps á Íslandi. Ástandið er enn alvarlegra í ljósi þess að Ríkisútvarpið hefur ítrekað gerst sekt um hlutdrægni í fréttaflutningi sínum og almenningur þvingaður til að greiða útvarpsgjaldið.

Í stefnuskrá Sambands ungra sjálfstæðismanna kemur skýrt fram hver afstaða ungra sjálfstæðismanna er:

„Ríkið ætti ekki að standa í fjölmiðlarekstri né styrkjum til einkarekinna fjölmiðla.“

Þróunin undanfarin ár hefur gengið í þveröfuga átt. Staða einkarekinna fjölmiðla versnar á sama tíma og Ríkisútvarpið verður sífellt fyrirferðarmeira og keppir við þá um bæði athygli almennings og auglýsingatekjur. Þegar nýir vettvangar ryðja sér til rúms, hvort sem um er að ræða hlaðvörp, samfélagsmiðla eða annað stafrænt efni, fylgir RÚV á eftir með milljarða úr ríkissjóði sér til stuðnings og keppir við einkaaðila.

Nú stefnir í að einu reglulegu kvöldfréttirnar í sjónvarpi verði frá Ríkisútvarpinu. Slík staða er óheilbrigð fyrir íslenskt lýðræði. Fjölbreyttir og sjálfstæðir fjölmiðlar, ólíkar ritstjórnir og raunveruleg samkeppni um fréttir og fréttaskýringar eru forsenda upplýstrar umræðu og nauðsynlegs aðhalds gagnvart stjórnvöldum og öðrum valdhöfum.

SUS kallar eftir því að Alþingi bregðist strax við. Fyrsta skrefið á að vera að taka Ríkisútvarpið af auglýsingamarkaði. Það er óverjandi að ríkisfjölmiðill keppi við einkarekna fjölmiðla um takmarkaðar auglýsingatekjur á sama tíma og hann þiggur milljarða frá skattgreiðendum.

Jafnframt þarf að setja starfsemi RÚV mun strangari ramma. Ríkisfjölmiðill á ekki að ryðja sér til rúms á hverjum nýjum markaði sem verður til. Draga þarf RÚV út úr samkeppni á hlaðvarpsmarkaði, setja skýr mörk um starfsemi þess á samfélagsmiðlum og þrengja starfsemina að skýrt skilgreindu almannaþjónustuhlutverki.

Til lengri tíma er afstaða SUS skýr: Ríkið á ekki að standa í fjölmiðlarekstri.

Stjórn Sambands ungra sjálfstæðismanna

18/08/2026

Sérsambönd Sjálfstæðismanna; Samband ungra Sjálfstæðismanna, Samtök eldri Sjálfstæðismanna, Verkalýðsráð Sjálfstæðisflokksins og Landssamband Sjálfstæðiskvenna, auk Félags sjálfstæðismanna um fullveldismál, standa að baráttufundi kl. 17:30, þriðjudaginn 18. ágúst, í Tónabíói, Skipholti 33. Yfirskrift fundarins er: Frjálst Ísland, fullvalda þjóð.

Frummælendur eru Guðrún Hafsteinsdóttir, formaður Sjálfstæðisflokksins, Guðlaugur Þór Þórðarson, alþingismaður, Ásdís Kristjánsdóttir, bæjarstjóri Kópavogs og Júlíus Viggó Ólafsson, formaður SUS. Fundarstjóri er Stefán Einar Stefánsson.

Landssambönd Sjálfstæðisflokksins halda saman baráttufund á þriðjudaginn kl. 17:30 í Tónabíó. Ungir sjálfstæðismenn, þét...
17/08/2026

Landssambönd Sjálfstæðisflokksins halda saman baráttufund á þriðjudaginn kl. 17:30 í Tónabíó. Ungir sjálfstæðismenn, þéttum raðirnar fyrir þjóðaratkvæðagreiðslu og fjölmennum í Tónabíó!

Þorgerður Katrín Gunnarsdóttir, utanríkisráðherra þjóðarinnar, þorir ekki að eiga skoðanaskipti um Evrópumál á opinberum...
10/07/2026

Þorgerður Katrín Gunnarsdóttir, utanríkisráðherra þjóðarinnar, þorir ekki að eiga skoðanaskipti um Evrópumál á opinberum vettvangi. Það er löngu orðið ljóst en er nú ljósara en nokkru sinni fyrr.

Í aðdraganda þjóðaratkvæðagreiðslunnar, sem nálgast nú óðfluga, er nauðsynlegt að staðreyndir um mögulegar aðildarviðræður séu uppi á borðum. Mjög mikilvægt er því að þegar ráðherrar setja mál á dagskrá séu þeir tilbúnir til þess að verja málstað sinn og bera rök fyrir máli sínu andspænis pólitískum andstæðingum sínum.

Sambandi ungra sjálfstæðismanna þykir áhyggjuefni að sjá ráðherra forðast opinbera umræðu um málefni með mistrúverðugum afsökunum til þess eins að forðast opinbera og frjálsa umræðu eins og ráðherra er tíðrætt um.

Samband ungra sjálfstæðismann skorar á Þorgerði Katrínu Gunnarsdóttur að endurskoða afstöðu sína og mæta í umræðu á opinberum vettvangi af virðingu við þjóðina.

Á þriðjudaginn hélt samband ungra sjálfstæðismanna kvöldspjall á Dönsku kránni um vinnumarkaðsmál og kjarasamninga með B...
19/06/2026

Á þriðjudaginn hélt samband ungra sjálfstæðismanna kvöldspjall á Dönsku kránni um vinnumarkaðsmál og kjarasamninga með Bjarna Benediktssyni og Sólveigu Önnu Jónsdóttur. Áhorfendur fylltu kránna, þrátt fyrir furðu sumra á áhuga ungs fólks á málaflokknum, og líflegar umræður áttu sér stað. Við þökkum öllum fyrir komuna og hlökkum til að sjá ykkur næst!

Gleðilegan þjóðhátíðardag kæru Íslendingar 🇮🇸
17/06/2026

Gleðilegan þjóðhátíðardag kæru Íslendingar 🇮🇸

„Kjósendur verða nefnilega að fara átta sig á því að í nær öllum tilfellum þar sem skattar á „X“ eru hækkaðir þá er hægt...
11/06/2026

„Kjósendur verða nefnilega að fara átta sig á því að í nær öllum tilfellum þar sem skattar á „X“ eru hækkaðir þá er hægt að leysa fyrir „X“ með því að setja „þig“ í staðinn. Enda borgum „við“ alltaf brúsann.“

Franklín Ernir Kristjánsson, gjaldkeri SUS, birti greinina „Hverjir borga brúsann?“ á Vísi um beinar afleiðingar skattahækkana.

Hægt er að lesa greinina á hlekk í fyrstu athugasemd 🗞️

Ingveldur Anna Sigurðardóttir tók í dag við þingmennsku af Vilhjálmi Árnasyni, sem sagði skilið við þingstörf til að ger...
09/06/2026

Ingveldur Anna Sigurðardóttir tók í dag við þingmennsku af Vilhjálmi Árnasyni, sem sagði skilið við þingstörf til að gerast bæjarstjóri Reykjanesbæjar. Ingveldur Anna er 29 ára ungur sjálfstæðismaður sem hefur áður setið í stjórn og sinnt embætti annars varaformanns Sambands ungra sjálfstæðismanna. Ingveldur er nú jafnframt eini þingmaður Sjálfstæðisflokksins á SUS-aldri. SUS óskar Ingveldi til hamingju með þingmennskuna og hlakkar til komandi samstarfs 🦅

Vonbrigði, en planið er að virka.Ég viðurkenni það að eftir að verðbólga og stýrivextir hófu að lækka í tíð síðustu ríki...
20/05/2026

Vonbrigði, en planið er að virka.

Ég viðurkenni það að eftir að verðbólga og stýrivextir hófu að lækka í tíð síðustu ríkisstjórnar og héldu því áfram um stund, þá freistuðumst við til þess að fagna of snemma á þeim tímapunkti, og eigna okkur sigurinn.

En munum að árangur vinnst ekki alltaf í einu skrefi. Þróunin hefur ekki verið í rétta átt. Það er staðreynd – og tímabundna bakslagið er einhvernveginn að verða varanlegt. Við tökum ábyrgð á þeirri stöðu og herðum okkur enn frekar. Það er ekki í boði að missa sjónar á verkefninu.

Svo er þetta líka bara fyrirtækjunum að kenna, ekki okkur. Við þurfum að taka ábyrgð á stöðunni í sameiningu.

Ég trúi því að ef við eyðum bara aðeins meiri pening og sækjum aðeins meiri tekjur þá mun þetta allt lagast á endanum.

Það sagði enginn að þetta yrði auðvelt. En við getum gert þetta. Með því að taka ábyrgð á stöðunni í sameiningu. Við munum vinda ofan af þessu bakslagi og leggja grunn að betra jafnvægi til lengri tíma í íslensku efnahagslífi… kannski.

Address

Valhöll, Háaleitisbraut 1
Reykjavík
105

Website

Alerts

Be the first to know and let us send you an email when Ungir sjálfstæðismenn posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ungir sjálfstæðismenn:

Shortcuts

Share

Category