Sósíalistaflokkur Íslands

17/09/2026

Sósíalistaflokkur Íslands lýsir yfir fullum stuðningi og samstöðu með þeim rúmlega sextíu Wolt-sendlum sem lögðu niður störf í gær til að mótmæla 40% kjaraskerðingu á síðastliðnu ári. Þessar aðgerðir eru nauðsynlegt svar við viðskiptamódeli sem byggir á gerviverktöku, viljandi rýrnun réttinda vinnandi fólks og tilfærslu á allri áhættu yfir á þá starfsmenn sem vinna raunverulegu vinnuna. Þessir sendlar, eins og allt verkafólk í “gigg”-hagkerfinu, eru ekki sjálfstæðir verktakar heldur launafólk sem á skilið fulla vernd íslenskrar vinnulöggjafar, þar á meðal tryggð lágmarkslaun, veikindarétt og rétt til kjarasamninga.

Þetta atvik er ekki einangrað vandamál hjá einu fyrirtæki heldur einkenni á kerfisbundnum vanda innan alls “Gigg”-hagkerfisins. Wolt, og sambærileg fyrirtæki vinna að því að útiloka raddir verkafólks, innflytjenda og stéttarfélaga þeirra frá pólitískri umræðu og nota viðburði og villandi frásagnir til að selja sig sem góðviljaða nýsköpunaraðila á sama tíma og þau stunda virka hagsmunagæslu til að breyta vinnulöggjöfinni sér í hag. “Gigg”-hagkerfið er ekki ný uppfinning; það er viljandi tilraun til að komast hjá þeim réttindum og vernd sem stéttarfélög hafa tryggt verkafólki í meira en öld.

Sósíalistaflokkur Íslands krefst þess því að íslensk stjórnvöld grípi þegar í stað til aðgerða til að loka þeim lagalegu smugum sem gera fyrirtækjum eins og Wolt kleift að starfa utan almennrar vinnulöggjafar. Við köllum eftir strangri framfylgd fyrirliggjandi vinnumarkaðsreglna, flokkun alls verkafólks í “Gigg”-hagkerfinu sem launafólks með full réttindi og greiðslu eftir kjarasamningum við viðeigandi stéttarfélög. Leiðin fram á við er ekki að veikja réttindavernd vinnandi fólks heldur að styrkja hana, tryggja að stafræna hagkerfið þjóni fólki en ekki aðeins fjármagni, og að ekkert verkafólk sé skilið eftir í nafni gróða.

11/09/2026

Af hverju talar ENGINN um þetta? Niðurstöður PISA sýna fram á mikla og djúpa gjá á milli barna hinna ríku og barna hinna fátæku en líka á milli barna af erlendum uppruna og innlendum. Þetta er stéttaskipting. Hún er raunveruleg og hún kostar börnin okkar og samfélagið okkar óásættanlega mikið. Formaður Sósíalistaflokksins skrifaði grein um málið, "Börnin sem mæta afgangi", kíkið á hana í athugasemd, lesið, lækið og deilið.

10/09/2026

Ef þið getið ekki svarað þessum spurningum, verðið þið að viðurkenna að framkvæmdin á þessum breytingum var ekki alveg hugsuð í gegn.

Horfðu á þrumuræðu Silju Sóley frá síðasta borgarstjórnarfundi!

08/09/2026

Hver er kostnaðurinn við hvert barn sem er ekki gripið?

Silja Sóley Birgisdóttir með þrumuræðu á borgarstjórnarfundi þann 8. September.

Nú þegar áhættuhegðun barna er að aukast, eigum við ekki efni á meiri niðurskurði í frístundastarfi.

22/08/2026

21/08/2026

🧵

Karen Sunds, vinstrisinni frá Danmörku var mjög virk í andspyrnunni í kringum kosningarnar um Maastricht samninginn 1992 og er nokkuð sérfróð um Evrópusambandið og eðli þess.

Hún hélt ræðu hjá Sósíalistaflokki Íslands og hefur hér verið tekin saman 15 atriði úr ræðu hennar þar sem sem hún varar íslendinga við að ganga í sambandið.

1. Fullveldið færist smám saman frá þjóðþinginu til ESB. Hún telur að aðild þýði að sífellt stærri hluti löggjafar verði mótaður innan stofnana ESB í stað þess að vera ákveðinn á Íslandi.

2. Samruninn gengur lengra en upphaflega er lofað. Hún vísar til reynslu Dana, þar sem EBE hafi fyrst verið kynnt sem efnahagssamstarf en þróast síðan yfir í mun víðtækara pólitískt samband.

3. Lýðræðislegt svigrúm þjóðarinnar minnkar. Að hennar mati verða kosningar og innlend stjórnmál áhrifaminni þegar stór hluti reglna og efnahagsramma er fyrirfram ákveðinn á vettvangi ESB.

4. Stórfyrirtæki hafa of mikil áhrif á stefnu ESB. Hún leggur áherslu á áhrif samtaka stórfyrirtækja og fjölda hagsmunagæslumanna í Brussel og telur atvinnulífið hafa óeðlilega sterka stöðu gagnvart almenningi og verkalýðshreyfingunni.

5. Innri markaðurinn setur markaðsfrelsi ofar félagslegum markmiðum. Frjálst flæði vöru, þjónustu, fjármagns og vinnuafls geti takmarkað möguleika ríkja til að setja eigin reglur um velferð, vinnumarkað, umhverfi og opinbera þjónustu.

6. ESB geti grafið undan norræna vinnumarkaðslíkaninu. Hún telur að kerfi sem byggist á frjálsum kjarasamningum eigi illa við lagalega hugsun ESB, sem leggi meiri áherslu á löggjöf og einstaklingsbundin réttindi.

7. Dómar Evrópudómstólsins geta takmarkað aðgerðir verkalýðsfélaga. Hún nefnir sérstaklega Laval-, Rüffert- og skyld mál sem dæmi um að frelsi fyrirtækja til þjónustustarfsemi geti vegið þyngra en hefðbundnar verkfallsaðgerðir og kjarasamningar.

8. ESB getur stuðlað að félagslegum undirboðum. Hún óttast að fyrirtæki geti nýtt ódýrara vinnuafl milli ríkja og að slíkt þrýsti niður launum og starfskjörum.

9. Tilskipanir um vinnumarkað geta færst inn á svið sem áður voru alfarið í höndum verkalýðshreyfingarinnar. Hún nefnir meðal annars vinnutíma og lágmarkslaun og telur þróunina færa vald frá samningsaðilum vinnumarkaðarins.

10. Evran tekur mikilvæg hagstjórnartæki úr höndum ríkisins. Ísland myndi, ef það tæki síðar upp evru, missa sjálfstæða gengis- og peningastefnu og þyrfti að laga sig að sameiginlegum vöxtum Seðlabanka Evrópu.

11. Evrusvæðið sé of ólíkt efnahagslega. Hún telur að sameiginleg peningastefna henti illa ríkjum með ólíka atvinnuvegi, hagsveiflur og samkeppnisstöðu.

12. Kreppuaðlögun geti því lent á launafólki. Þegar ekki sé hægt að fella gengi verði aðlögunin frekar í formi atvinnuleysis, launalækkana, niðurskurðar og þess sem hún kallar „innri gengisfellingu“.

13. Ríkisfjármálareglur ESB geta þrengt að velferðarútgjöldum. Hún notar danska reynslu af ríkisfjármálasamningnum til að halda því fram að evrópskar fjármálareglur geti takmarkað svigrúm sveitarfélaga og ríkis til opinberrar þjónustu.

14. ESB sé að þróast í átt að aukinni hervæðingu og sameiginlegri skuldsetningu. Hún telur nýjustu varnaráætlanir ESB og hugmyndir um sameiginlega fjármögnun geta skapað mikinn kostnað sem að lokum komi niður á öðrum opinberum útgjöldum.

15. Ísland eigi að meta hvað ESB vill frá Íslandi, ekki aðeins hvað Ísland geti fengið frá ESB. Hún bendir sérstaklega á íslenska orku og mögulegt mikilvægi hennar fyrir gagnaver, gervigreind og evrópskan iðnað. Kjarninn í viðvörun hennar er því að efnahagslegur ávinningur geti fylgt mjög háum pólitískum kostnaði í formi minna sjálfstæðis yfir löggjöf, vinnumarkaði, efnahagsstjórn og auðlindastefnu.

20/08/2026

Formaður Sósíalistaflokksins deilir sinni skoðun á samstarfi ESB og Ísraels.

16/08/2026

Sósíalistaflokkur Íslands fékk til sín góðan gest í gær. Karen Sunds er frá Danmörku og miðstjórn flokksins bauð henni til landsins til að ræða við okkur um reynslu Dana af ESB, en Danir hafa verið í Evrópusambandinu síðan 1973.

Karen hefur verið í fremstu fylkingu samtaka gegn aðild Danmörku að ESB, Folkebevægelsen mod EU, í áratugi og verið virk í verkalýðshreyfingunni í Danmörku og hefur hún með sínum félögum barist hart gegn þróun ESB í átt frekari nýfrjálshyggju, ólýðræðislegrar miðstýringar Þýskalands, Frakklands og lobbíistahers stórfyrirtækja og svo stóraukinnar hervæðingar á síðustu árum.

Karen fór yfir vítt svið og tengdi saman stóra og flókna þræði á efnislega djúpan og fróðlegan hátt í erindi sínu og útskýrði hvernig Evrópusambandið sem hyglir hagsmunum stórfyrirtækja á kostnað hagsmuna almennings hefur beitt sér í gegnum framkvæmdastjórn sambandsins og dómstóla þess gegn réttindum vinnandi fólks og gegn kjarabaráttu verkalýðshreyfingarinnar víða um Evrópu. Í Danmörku hefur verkalýðshreyfingin þar barist hart á móti þessu árásum en þurft að lúta í lægra haldi aftur og aftur og áfram molnar undan stöðu stéttarfélaga og launafólks. Í erindi sínu fór Karen yfir fjöldamarga úrskurði Evrópudómstólsins þess efnis sem vert er að kynna sér, enda afleiðingarnar ekki vænlegar.

Karen talaði um áhrifin af evrunni, sem hyglir hagsmunum Þýskalands og þýskra banka á kostnað annarra ríkja, en þeirri peningastefnu fylgir líka urmull laga og reglna frá Evrópusambandinu sem Danmörk og önnur aðildarríki hafa lítið sem ekkert um að segja og eru tilneydd til að innleiða. Afleiðingar þess hafa þegar komið í ljós. Hlutfall fólks sem býr við fátækt hefur aukist mjög, atvinnuleysi er hátt víða og laun og kjör hafa lækkað og versnað.

Á sama tíma eru núna uppi gífurlega ógnvænleg áform um stóraukin hernaðarútgjöld sem munu leggjast þungt á aðildarríkin í formi skulda og koma á kostnað gífurlegs niðurskurðar á móti til velferðarkerfa álfunnar. Danmörk er þar engin undantekning.

Erindi Karenar í myndbandsformi og í rituðu formi á bæði íslensku og ensku er að finna á heimasíðu Sósíalistaflokksins, hlekkur í athugasemd. Við hvetjum fólk til að kynna sér erindið.

Það þarf engan að undra að Karen Sunds varar við aðild Íslands að Evrópusambandinu og þökkum við Karen kærlega fyrir komuna og innihaldsríkt erindi nú þegar við göngum til sögulega mikilvægrar þjóðaratkvæðagreiðslu.

Segjum nei 29. ágúst. Byggjum betra Ísland, gerum það saman og gerum það sjálf.