Menningar-, nýsköpunar- og háskólaráðuneytið

18/06/2026

14 hillukílómetrar!
Mikilvægum áfanga í húsnæðismálum Þjóðskjalasafns var fagnað með opnun nýs varðveisluhúsnæðis í Sundaborg í Reykjavík. Húsnæðið rúmar 14 hillukílómetra af skjölum sem komið er fyrir í tvílyftu rafdrifnu hillukerfi sem er hið fyrsta sinnar tegundar á landinu.

17/06/2026

🎉Vel heppnuð ráðstefna um menningu og listir á landsbyggðunum🎉

Ráðstefnan Skapandi Austurland fór fram á Eskifirði 11. júní og var afar vel sótt. Þar var sjónum beint að stöðu, tækifærum og framtíð lista og menningar á landsbyggðunum.

Arna Kristín Einarsdóttir, skrifstofustjóri menningar og skapandi greina í ráðuneytinu, hélt erindið „Íslenskt menningarlíf – stefna, stuðningur og starfsumhverfi“, þar sem hún fjallaði um aðkomu ráðuneytisins að málaflokknum á breiðum grundvelli.

Dagskráin var fjölbreytt og lifandi, með erindum, pallborðsumræðum, vinnustofum og kynningum frá Rannsóknarsetri skapandi greina og listamiðstöðvum. Að ráðstefnu lokinni var farið í heimsókn á myndlistarsýningu á Reyðarfirði og í Sköpunarmiðstöðina á Stöðvarfirði.

Sérstakur þakklætisvottur var færður Signýju Ormarsdóttur, verkefnastjóra menningarmála hjá Austurbrú, sem lætur af störfum í sumar eftir aldarfjórðung í starfi.

Ráðstefnan var haldin að frumkvæði Austurbrúar, ráðuneytisins og Menningarstofu Fjarðabyggðar — kærar þakkir fyrir samtalið, innblásturinn og frábæra þátttöku.

05/06/2026

Ráðherra skrifar um barnamenningu:
„Barn sem fær tækifæri til að skapa og tjá sig með fjölbreyttum hætti mótar um leið sína eigin rödd og öðlast kjark til að taka virkan þátt í menningu landsins. Þess vegna er barnamenning ekki munaður heldur grunnforsenda skapandi og lýðræðislegs samfélags. Hún eflir lýðræðisvitund, eykur umburðarlyndi og styrkir sjálfstæði og frumkvæði einstaklinga.“

Athyglishagkerfið sem börn alast upp við í dag veldur því að kyrrð, einbeiting, tjáning – og sjálft ímyndunaraflið – eiga undir högg að sækja.

03/06/2026

49 verkefni hljóta styrk í vorúthlutun Tækniþróunarsjóðs.

Verkefnin endurspegla fjölbreytni íslenskrar nýsköpunar og ná meðal annars til heilbrigðistækni, gervigreindar, sjálfbærrar matvælaframleiðslu, orkuskipta, hugbúnaðarlausna, líftækni og umhverfistækni. Sjà nànar à mnh.is

01/06/2026

Á degi barnsins 31.maí var styrkjum úr barnamenningarsjóði og bókasafnssjóði úthlutað. Úthlutunin fór fram í Höfuðstöðinni þar sem Hljómsveit 2 úr Tónskóla Sigursveins spilaði fyrir gesti í sumarblíðunni. Gleðilega menningu!

01/06/2026

„Bæði frumvörpin marka tímamót eftir mikla vinnu og samráð. Hér er um að ræða stór skref í átt að öflugra þekkingarsamfélagi á Íslandi og verðmætasköpun til framtíðar á forsendum hugvitsins. Við erum einbeitt í að efla rannsóknir, nýsköpun og háskólastarf á Íslandi enda hefur nauðsyn þess líklega aldrei verið meiri en í dag,“ segir Logi Einarsson, menningar-, nýsköpunar- og háskólaráðherra.

27/05/2026

15 sjálfstætt starfandi fræðimenn fá styrk úr Starfslaunasjóði sjálfstætt starfandi fræðimanna fyrir árið 2026. Sjá nánar á mnh.is

05/05/2026

💦Hittast í sundsalsa eða vaðmálsklæddum sundpretti?

22 menningarviðburðir hljóta styrk. Verkefnin eru fjölbreytt og vítt og breytt um landið en meðal þess sem boðið verður upp á er sundsalsa, sundkeppni í sögulegum vaðmálsklæðnaði, kórasöngur, sundsirkus og fljótandi kokteilkvöld með ætum blómum. 🌻

Í tilefni þess að sundlaugamenning á Íslandi var í desember staðfest á lista UNESCO yfir óáþreifanlega menningararf heims, auglýsti Þjóðminjasafn Íslands, í samstarfi við menningar-, nýsköpunar- og háskólaráðuneyti, eftir umsóknum um styrki til menningarviðburða í sundlau...

05/05/2026

Svo fallegt! Sýningin Brúðarbúningurinn opnar n.k. laugardag í Þjóðminjasafninu.