Lögreglan á Suðurnesjum

Lögreglustjórinn á Suðurnesjum


MARKMIÐ LÖGREGLUSTJÓRANS Á SUÐURNESJUM (LSS)

Embættið hefur þá sérstöðu að starfsemin skiptist annars vegar í hefðbundna löggæslu þar sem markmiðið er að tryggja öryggi almennings í umdæminu og hins vegar í löggæslu á alþjóðaflugvelli, þar sem markmiðið er að tryggja löggæslu gagnvart flugfarþegum og sinna landamæraeftirliti. LÖGREGLUSTJÓRINN Á SUÐURNESJUM LEGGUR

ÁHERSLU Á

- Að tryggja öryggi íbúa og þeirra sem leið eiga um umdæmið og halda uppi lögum og reglu.
- Að veita íbúum og þeim sem leið eiga um umdæmið greiðan aðgang að þjónustu lögreglu.
- Að halda úti skilvirku landamæraeftirliti.
- Að rannsóknir sakamála við embættið séu faglegar og hraðar.
- Að íbúar hafi greiðan aðgang að lögreglu með hverfastöðvum og grenndarlöggæslu.
- Að halda úti markvissu forvarnarstarfi í umdæminu
- Að almannavarnir séu öflugar í embættinu og áætlanir raunhæfar og nýlegar.
- Að miðla upplýsingum og eiga gott samstarf við íbúa og atvinnulíf á svæðinu, sem og erlenda samstarfsaðila. REGLUR UM NOTKUN FACEBOOKSÍÐUNNAR

- Innleggjum eða athugasemdum á síðu LSS sem ekki falla að skilyrðum Facebook eða fela í sér eftirfarandi verður tafarlaust eytt :
- Meiðandi, niðrandi eða óviðeigandi ummæli um einstaklinga eða hópa.
- Innihalda ásakanir um refsiverða háttsemi eða hvatningu til að fremja afbrot. Ekki er hægt að senda okkur skilaboð í gegnum Messenger en auðvelt er að senda okkur tölvupóst og hvetjum við fólk til þess. Öllum tölvupósti er svarað fljótt.

Á FACEBOOKSÍÐU LSS Á EKKI AÐ SETJA

- Upplýsingar um tiltekin brot, tiltekin mál, grunsemdir um afbrot eða brotamenn.
- Kvartanir, til dæmis um störf tiltekinna starfsmanna lögreglu.
- Tilkynningar um tapað/fundið eða stolna muni. Slíkum ábendingum má koma á framfæri við lögreglu í gegnum síma, með tölvupósti eða með því að mæta á lögreglustöð í umdæminu. UMSJÓN SÍÐUNNAR

Lögreglan á Suðurnesjum sinnir þessari síðu samhliða öðrum störfum því getur orðið einhver bið á að spurningum eða ábendingum sé svarað en það verður gert hverju sinni svo fljótt sem auðið er. Skrifstofa lögreglustjóra, rannsóknardeild, þjónustuver, tölvudeild og lögfræðisvið eru staðsett að Brekkustíg 39 í Reykjanesbæ. Lögreglustöð lögreglunnar að Hringbraut 130 í Reykjanesbæ er opin allan sólarhringinn. Ef óskað er skjótrar aðstoðar lögreglu skal undantekningarlaust hringja í 112. Ef erindið þolir lengri bið vinsamlegast hafið samband við þjónustuver embættisins í síma 444 2200. Einnig er hægt að koma ábendingum á framfæri með því að senda tölvupóst á netfangið [email protected] . Þá skal minnt á fíkniefnasímann 800-5005 sem er gjaldfrjálst númer en þar er unnt að koma á framfæri ábendingum um fíkniefnamál.

ÁHUGAVERÐIR TENGLAR

www.logreglan.is
www.us.is
www.syslumenn.is
www.althingi.is
www.logreglumenn.is