A-listinn Íbúar í Kjós

A-listinn Íbúar í Kjós A-listinn Íbúar í Kjós býður fram lista fyrir árið 2026

Framboðslisti A - lista 2026
16/05/2026

Framboðslisti A - lista 2026

11/05/2026

A listinn býður ykkur til samtals og samveru laugardaginn 16. maí í Ásgarði á milli kl. 13 og 14.
Þar ætlum við að kynna fólkið á listanum, stefnskrá og ræða málin. Í ljósi þess að aðeins einn listi var lagður fram og því sjálfkjör til sveitarstjórnar, þykir okkur mikilvægt að bjóða upp á samtalið og heyra hvaða hugmyndir íbúar hafa um næsta kjörtímabil.
Við hvetjum öll til að líta við og eiga spjall við frambjóðendur og verðandi sveitarstjórnarfulltrúa.
Bestu kveðjur ,
A - listi Íbúar í Kjós

24/04/2026

A-listinn hefur sett sér stefnu fyrir komandi kjörtímabil.

Stefna A lista við sveitarstjórnarkosningar 2026

A listinn býður fram krafta sína til að þjónusta íbúa Kjósarinnar, til að efla samfélagið og skapa einingu um sameiginleg og mikilvæg hagsmunamál. Til að vinna að því setur A listinn eftirfarandi stefnu fyrir kjörtímabilið 2026-2030.

• Ábyrg fjármálastjórn
o Forsenda þess að sveitarfélagið nái að blómstra og dafna er að það sé vel rekið og geti staðið undir þeim verkefnum sem því ber að sjá um. A listinn vill tryggja að fjármálastjórn sveitarfélagsins haldi áfram að styrkjast og viðhalda góðri fjárhagsstöðu Kjósarinnar

• Vönduð stjórnsýsla
o Sterk og öflug stjórnsýsla er grundvöllur þess að sveitarfélagið geti haldið áfram að vera sjálfstætt sveitarfélag. A listinn vill halda áfram að auka gæði stjórnsýslu sveitarfélagsins þar sem allir sitji við sama borð við afgreiðslu mála

• Aukinn stuðningur við börn og barnafjölskyldur
o Það á að vera eftirsóknarvert fyrir barnafjölskyldur að búa í Kjósinni og þess vegna viljum við efla stuðning við barnafjölskyldur t.d. með hækkun á frístundastyrkjum

• Málefni ungmenna
o Skoðaðir verði möguleikar á og stefnt að stofnun ungmennaráðs, mögulega í samstarfi við ungmennaráðið á Kjalarnesi
o Einnig verði skoðað hvernig hægt sé að brúa bilið fyrir fjölskyldur með framhaldsskólanema varðandi akstur úr og í Kjósina

• Málefni eldri borgara
o Aukin áhersla verður lögð á félagsstarf eldri borgara í samstarfi við verkefnið „Gott að eldast”
o Frístundastyrkur verði í boði fyrir eldri borgara
o Skoðaður verði möguleiki á byggingu á íbúðum fyrir eldri borgara

• Menningarmál
o Aukinn stuðningur verði við menningu og viðburði
o Efling félagslífs t.d. með aukinni notkun á Félagsgarði og Ásgarði

• Umhverfismál
o Settur verði af stað starfshópur um umhverfismál
o Unnin verði umhverfisstefna fyrir Kjósarhrepp og framkvæmdaáætlun
o Skoðuð verði friðlýsing á Laxvogi

• Skipulagsmál
o Unnin verði hugmyndavinna um nýtingu Ásgarðslands
o Áhersla á áframhaldandi vandaða vinnu í skipulagsmálum

• Atvinnumál
o Mótuð verði atvinnustefna fyrir Kjósarhrepp
o Stutt verði við nýsköpun
o Sköpuð verði skilyrði til starfa án staðsetningar t.d. með aðstöðu í Ásgarði
o Skoðuð verði tækifæri sem tengjast jarðvarma

• Fjarskiptamál
o Símasamband hefur versnað á síðustu árum. Þrýsta þarf á fjarskiptafyrirtæki að bæta fjarskipti enda er það mikið öryggisatriði að fjarskipti séu góð

• Samgöngumál
o Berjast þarf fyrir því að Vegagerð ríkisins standi við lögbundnar skyldur sínar varðandi viðhald vega
o Auka þarf umferðaröryggi í Kjósinni

• Íbúasamráð
o Samfélags- og íbúafundir verði haldnir með reglubundnum hætti

• Viðgerðum á Félagsgarði verði fram haldið
o Lokið verði við að klæða Félagsgarð að utan á kjörtímabilinu
o Hugað verði að viðhaldsvinnu innandyra

• Ásgarður
o Leiksvæðið við Ásgarð verði klárað
o Farið verði í endurbætur á baðherbergjum og fleiru

Á kjörtímabilinu verði farið í samtal við íbúa um sameiningu sveitarfélagsins

23/04/2026

Kæru Kjósverjar,
A listinn, eini listinn sem bauð fram til sveitarstjórnarkosninga, býður ykkur til samtals og samveru á laugardaginn kemur 25. apríl í Ásgarði á milli kl. 13 og 15.
Við viljum gjarnan hitta íbúa til að ræða málefnin og stefnuskrá listans sem verður kynnt á morgun, föstudag. Í ljósi þess að aðeins einn listi var lagður fram og því sjálfkjör til sveitarstjórnar, þykir okkur mikilvægt að bjóða engu að síður upp á slík samtöl og heyra hvaða hugmyndir íbúar hafa um næsta kjörtímabil.
Við hvetjum öll til að líta við og eiga spjall við frambjóðendur og verðandi sveitarstjórnarfulltrúa.

Góða kvöldið kæru íbúar og gestir þessarar síðu. Mögulega hefur ekki farið framhjá neinum að sveitastjórnarkosningar eru...
15/04/2026

Góða kvöldið kæru íbúar og gestir þessarar síðu.

Mögulega hefur ekki farið framhjá neinum að sveitastjórnarkosningar eru á næsta leyti, en þó ekki í okkar sveitafélagi. Lagður hefur verið fram listi okkar og engum öðrum lista var skilað. Því verða, samkvæmt kosningalögum, engar kosningar því miður. En það breytir ekki því að við munum kynna listann, frambjóðendur og stefnumál á sama hátt og ef kosningar færu fram. Því viljum við byrja á kynna betur þá aðila sem eru á þessum lista, fara yfir stefnumálin og í framhaldi langar okkur að bjóða til fundar með íbúum þar sem við getum tekið samtalið, samtal til að átta okkur á hvernig hægt er að gera góða sveit enn betri.

Viljum við kynna listann með réttri sætaröð, sem sýnir þá sem buðu sig fram til starfa fyrir ykkur - hann er skipaður eftirtöldum;

1. - Jóhanna Hreinsdóttir Káraneskoti, Bóndi og oddviti sveitarstjórnar
2. - Sigurþór Ingi Sigurðsson Borgarhóli, Rennismiður, fyrirtækjaeigandi og varaoddviti sveitarstjórnar
3. - Jón Þorgeir Sigurðsson Brekkukoti, Verkstjóri og sveitarstjórnarfulltrúi
4. - Þóra Jónsdóttir Eyrum 1, Eilífsdal, Lögfræðingur og sveitarstjórnarfulltrúi
5. - Díana Þorsteinsdóttir Standgili, Forstöðumaður og vörustjóri
6. - Brynja Baldursdóttir Brúnstöðum, Sölu og rekstrarstjóri
7. - Andri Jónsson Eyjum II, Verkstjóri úrgangsmála
8. - Ólöf Ósk Guðmundsdóttir Miðdal, Bóndi og aðjunkt
9. - Elvar Gunnarsson Hlíð 16a Eilífsdal, Leikstjóri og handritshöfundur
10. - Sigurbjörn Hjaltason Kiðafelli, Bóndi

Address

Kjósarhreppur
Kjósarhreppur
276

Website

Alerts

Be the first to know and let us send you an email when A-listinn Íbúar í Kjós posts news and promotions. Your email address will not be used for any other purpose, and you can unsubscribe at any time.

Shortcuts

Share

Category