Hljóðbókasafn Íslands

Hljóðbókasafn Íslands Hljóðbókasafn Íslands er ríkisstofnun, lögbundið hlutverk safnsins er að opna þeim sem ekki Hljóðbókasafn Íslands var stofnað árið 1982.

Fram að þeim tíma voru hljóðbækur gefnar út á vegum Blindrafélagsins og Borgarbókabókasafnsins og dreifing þeirra takmarkaðist við Reykjavíkursvæðið. Fljótlega kom í ljós að þessi þjónusta var engan veginn fullnægjandi og var Blindrabókasafnið stofnað í kjölfarið. Safnið er rekið á vegum Menntamálaráðuneytisins og við stofnun þess gerði ráðuneytið samning við Rithöfundasamband Íslands sem kveður á um að Blindrabókasafnið megi framleiða hljóðbækur fyrir blinda, sjónskerta og aðra þá sem ekki geta fært sér prentað letur í nyt.

Alþjóðadagur læsis er í dag, 8. september, og í tilefni hans minnum við á hlutverk Hljóðbókasafns Íslands: Að gera efni...
08/09/2026

Alþjóðadagur læsis er í dag, 8. september, og í tilefni hans minnum við á hlutverk Hljóðbókasafns Íslands: Að gera efni aðgengilegt og miðla því til fólks sem glímir við blindu, sjónskerðingu, lesblindu eða aðra prentleturshömlun. Markmið laga um safnið er að uppfylla réttindi þessara hópa fyrir hönd íslenska ríkisins. Dagurinn minnir á mikilvægi læsis til að byggja upp gott samfélag.

Hugsarðu mikið um samskipti? Viltu gera útvapsleikrit? ÚTVARP HÉR/ÞAR er þriggja tíma vinnustofa þar sem við búum saman ...
28/08/2026

Hugsarðu mikið um samskipti? Viltu gera útvapsleikrit?

ÚTVARP HÉR/ÞAR er þriggja tíma vinnustofa þar sem við búum saman til útvarpsleikrit um samskipti og tilheyrslu, með því að nota staðbundin hljóð, drauma, minningar og framtíðarsýn um Kópavog.
Við viljum sérstaklega heyra frá:
* Fólki með annað móðurmál
* Fólki með fötlun
* Kynsegin fólki / Fólki með jaðarkynvitund
* Fólki sem finnst samskipti vera eitthvað sem það hefur þurft að hugsa mikið um
til að koma með sín einstöku sjónarhorn á útvarpi sem verkfæri fyrir hlustun, tengingu og ímyndun á nýjum möguleikum. Á vinnustofunni vinnum við að því að mynda hljóðinnsetningu sem verður sýnd á þremur stöðum í Kópavogi.
Engin reynsla af útvarpi nauðsynleg, við útvegum allan búnað.
Fyrir frekari upplýsingar eða ef þú hefur aðgengiskröfur fyrir vinnustofuna okkar, vinsamlegast hafðu samband: [email protected]

Skráningarform hér: https://tinyurl.com/3672cmez

Vinnustofan fer fram 29. ágúst kl 13-17 í Hljóðbókasafni Íslands

Do you think about communication a lot? Viltu gera útvarpsleikrit?

HERE/THERE RADIO is a 3-hour workshop where we collectively create a radio play about communication and belonging, using local sounds, dreams, memories, and future visions of Kópavogur.
In particular, we are keen to hear from:
* People with a different or second mother tongues
* Disabled people
* People with marginal gender identities
* People who feel communication is something they have extensively had to think about
to bring your unique perspectives on radio as a tool for listening, connecting, and imagining new possibilities. The work will culminate in a distributed sound installation presented across three sites in Kópavogur.
No radio experience necessary, we provide the equipment.
For more information or if you have access requirements for our workshop please get in touch: [email protected]

Sign up here: https://tinyurl.com/3672cmez

The workshop is on Saturday August 29th, 13-17 in The National Audio Library (Hljóðbókasafn Íslands)

Í dag, 19. ágúst, fagnar Blindrafélagið 87 ára afmæli og við á Hljóðbókasafni Íslands óskum þeim innilega til hamingju.B...
19/08/2026

Í dag, 19. ágúst, fagnar Blindrafélagið 87 ára afmæli og við á Hljóðbókasafni Íslands óskum þeim innilega til hamingju.

Blindrafélagið var stofnað árið 1939 af blindu og sjónskertu fólki sem vildi standa saman og vinna að bættum réttindum og lífskjörum. Síðan þá hefur margt breyst en hlutverk félagsins er enn það sama: að standa með blindu og sjónskertu fólki og styðja það til sjálfstæðis.

Á þessum 87 árum hefur félagið verið mikilvæg rödd í hagsmunabaráttu blindra og sjónskertra og átt þátt í fjölmörgum framförum á sviði aðgengis, þjónustu og annarra réttindamála. Jafnframt hefur það verið vettvangur fyrir öflugt félagsstarf, stuðning og samveru. Húrra fyrir Blindrafélaginu.

Breytt aðkoma að HljóðbókasafninuSökum framkvæmda Í Hamraborginni er keyrt inn frá Digranesveginum og beygt strax til vi...
05/08/2026

Breytt aðkoma að Hljóðbókasafninu
Sökum framkvæmda Í Hamraborginni er keyrt inn frá Digranesveginum og beygt strax til vinstri þar sem Hljóðbókasafnið á tvö gestastæði.

Guðbrandur Árni Ísberg er sérfræðingur í klínískri sálfræði, rithöfundur og með yfir 25 ára reynslu af sálfræðilegri með...
17/07/2026

Guðbrandur Árni Ísberg er sérfræðingur í klínískri sálfræði, rithöfundur og með yfir 25 ára reynslu af sálfræðilegri meðferð og handleiðslu fyrir ýmsar fagstéttir. Guðbrandur sendi nýlega frá sér bókina Í augum þínum verð ég til – um ástina. Í kjölfarið kom hann og las bókina inn fyrir notendur Hljóðbókasafns Íslands.

Enda þótt þörfin fyrir að vera elskaður sé manninum í blóð borin gegnir öðru máli um getuna til að sýna ást – hana þarf að læra. Hvað þarf maður að kunna í því sambandi til að geta verið góður vinur, ástríkt foreldri og stuðningsríkur maki? Hvaða færni þarf manneskja að tileinka sér til að líða vel með samferðafólki sínu? Svör við þessum spurningum má finna í þróunarsögu mannsins, hugmyndum fyrri kynslóða um eðli kærleikans og í niðurstöðum rannsókna á heilbrigðum samskiptum og samböndum. Til að gera fræðilega umfjöllun lifandi má finna fjölda dæma í bókinni um samskiptamynstur og atferli sem flestir geta tengt við.

Styrkur til að vinna með skólabókasöfnumHljóðbókasafn Íslands hlaut kærkominn styrk úr Bókasafnasjóði og fór úthlutun fr...
03/06/2026

Styrkur til að vinna með skólabókasöfnum

Hljóðbókasafn Íslands hlaut kærkominn styrk úr Bókasafnasjóði og fór úthlutun fram í Höfuðstöðinni á sunnudaginn. Verkefnið heitir Samstilltar hljóð- og rafbækur fyrir grunnskólanemendur og hefur það að markmiði að efla lestur grunnskólanemenda með því að auka aðgengi að samstilltum hljóð- og rafbókum í gegnum skólabókasöfnin. Um samstarf við Miðstöð menntunar- og skólaþjónustu er að ræða og munu þau leggja til bækurnar sem verða til boða á skólabókasöfnunum. Samstilltar bækur eru þannig að lesendur geta hlustað á upplestur og fylgst með textanum á sama tíma. Þess háttar lestur er fyrir þau sem eiga erfitt með einbeitingu yfirleitt árangursríkari.

Bókasafnasjóði bárust alls 23 umsóknir í ár og var heildarupphæð umsókna rúmar 54 milljónir króna. Alls var úthlutað 19 milljónum til níu verkefna og hlaut Hljóðbókasafnið hæsta styrkinn eða 3.7 milljónir króna.

Um miðan mánuðuðinn komu saman til fundar á Íslandi fimm norrænir kollegar og einn frá Sviss sem veita hljóðbókasöfnum e...
26/05/2026

Um miðan mánuðuðinn komu saman til fundar á Íslandi fimm norrænir kollegar og einn frá Sviss sem veita hljóðbókasöfnum eða hljóðbókadeildum forstöðu. Margt var rætt en miklar breytingar hafa átt sér bæði hvað varðar alla tækni og sjálfstæði safnanna. Í Danmörku, Noregi og Finnlandi er nú talað um aðgengilega bókasafnsþjónustu innan stærri heilda. Í tilviki Noregs og Danmerkur heyrir þjónustan undir Landsbókasöfnin en í Finnlandi hafa þrjú ólík söfn verið sameinuð.

Hljóðbókasafn Íslands á í miklu og góðu samstarfi við Norðulöndin og einn liður í því er virkt samstarf forstöðumanna. Sviss hefur um árabil tekið þátt í samstarfinu og þar og í Svíþjóð eru ekki fyrirhugaðar neinar stjórnsýslulegar breytingar. Hljóðbókasafn Íslands er í nokkurri óvissu en sameining við Landsbókasafn Íslands verður að öllum líkindum tekin fyrir á haustþingi Alþingis.

Við fengum góða gesti í vikunni. Rut Sverrisdóttir er lögblind og hefur verið lánþegi á safninu í 40 ár. Hún hefur verið...
16/04/2026

Við fengum góða gesti í vikunni. Rut Sverrisdóttir er lögblind og hefur verið lánþegi á safninu í 40 ár. Hún hefur verið búsett í Svíþjóð undanfarna áratugi. Rut og Eddie Bergstrand fengu styrk til að koma til Íslands og gera samanburð á hlutskipti blindra og sjónskertra í þessum tveimur löndum og benda á hvað betur mætti fara í þjónustu við þennan hóp.

Karl Ágúst Úlfsson þekkja flestir. Það er leitun að Íslendingi sem glatt hefur þjóð sína oftar og betur en hann. Karl l...
12/02/2026

Karl Ágúst Úlfsson þekkja flestir. Það er leitun að Íslendingi sem glatt hefur þjóð sína oftar og betur en hann. Karl lauk rétt í þessu innlestri á sinni nýjustu afurð, minningabókinni Fífl sem ég var. Í kynningartexta um hana segir: Hver þekkir ekki föndurkennarann, leigubílstjórann, Silla, Geir (og Grana) og margar fleiri hetjur úr Spaugstofunni? Og ekki má gleyma Eyjólfi í Ytri-Hnjáskeljum, Danna í Líf-myndunum og fleiri slíkum.

Leikandi allra þessara kunningja okkar, Karl Ágúst Úlfsson, rifjar hér upp sköpunarsöguna sem vissulega hefur ekki verið án átaka. Þá fléttast inn barátta hans sjálfs við illkynja sjúkdóm, sem hefur gengið vonum framar.

Karl Ágúst er ennþá ferskur og bókin segir lesandanum að hann muni áfram gleðja okkur með því að sýna þjóðinni í spéspegilinn.

Hljóðbókasafn Íslands sendir lánþegum sínum og velunnurum bestu óskir um gleðileg jól og farsælt komandi ár og minnir á ...
23/12/2025

Hljóðbókasafn Íslands sendir lánþegum sínum og velunnurum bestu óskir um gleðileg jól og farsælt komandi ár og minnir á mikilvægi lesturs fyrir alla.

Address

Digranesvegur 5
Kópavogur
200

Opening Hours

Monday 10:00 - 16:00
Tuesday 10:00 - 16:00
Wednesday 10:00 - 16:00
Thursday 10:00 - 16:00
Friday 10:00 - 14:30

Telephone

+3545454900

Website

Alerts

Be the first to know and let us send you an email when Hljóðbókasafn Íslands posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Hljóðbókasafn Íslands:

Shortcuts

Share

Category