Villingadalur - skólabókasafnið í Grundarfirði

Villingadalur - skólabókasafnið í Grundarfirði Bókasafn Grunnskóla Grundarfjarðar er opið fyrir útlán alla skóladaga. Einnig fer fram á bókasafninu kennsla nemendahópa og safnfræðsla.

Svakalega lestrarkeppin hefst í dag og stendur til 6. október. Grunnskólinn okkar er skráður til leiks og snýst keppnin ...
15/09/2026

Svakalega lestrarkeppin hefst í dag og stendur til 6. október. Grunnskólinn okkar er skráður til leiks og snýst keppnin um að lesa sem mest. Allur lestur á keppnistímabilinu er skráður.

Við hvetjum alla foreldra, ömmur og afa, frændur og frænkur til að taka þátt og styðja við krakkana með lestri, lesið með börnunum heima, lesið fyrir þau og lesum sjálf okkur til gamans, því við erum jú fyrirmyndir barnanna.

Grundfirðingar eru keppnisfólk og nú förum við alla leið í þessari keppni! 📚

Jólabókaflóð barnanna í Grundarfirði er fyrirhugað í þriðja sinn í lok nóvember og verður auglýst þegar nær dregur. Þett...
08/09/2026

Jólabókaflóð barnanna í Grundarfirði er fyrirhugað í þriðja sinn í lok nóvember og verður auglýst þegar nær dregur.
Þetta verkefni og dugnaður grundfirsku krakkanna við að lesa og fjalla um bækur hefur vakið athygli og fáum við þann heiður að kynna verkefnið á læsisráðstefnunni „Læsi til náms og yndis" á Akureyri n.k. laugardag. Miðstöð skólaþróunar við Háskólann á Akureyri (MSHA) og Miðstöð menntunar og skólaþjónustu (MMS) standa að þessari ráðstefnu og er hún opin öllum eða eins og stendur á heimasíðu HA, „Ráðstefnan er vettvangur fyrir kennara, skólastjórnendur, fræðafólk og aðra sem hafa áhuga á læsi og mikilvægi þess í námi og starfi skóla".
Enn er hægt skrá sig og vonandi verða þau sem mæta og vilja fræðast um Jólabókaflóð barnanna í Grundarfirði tilbúin í smá jólaskap næsta laugardag 🎄

Þá er skólastarfið farið af stað og skólabókasafnið iðar af kátum krökkum. Á morgun, þriðjudag, færist grunnskólafjörið...
07/09/2026

Þá er skólastarfið farið af stað og skólabókasafnið iðar af kátum krökkum. Á morgun, þriðjudag, færist grunnskólafjörið út fyrir skólann og eru allir hvattir til að mæta og taka þátt í hápunkti skólaársins en það er að sjálfsögðu LITAHLAUPIÐ!!! 🥳🥳🥳

Nánari upplýsingar má finna á heimasíðu eða facebooksíðu grunnskólans og hér er hlekkur á viðburðinn

https://fb.me/e/8oWZXE9yc

Þurfum við ekki öll smá lit í lífið?

Á sumardaginn fyrsta héldum við uppskeruhátíð skólabókasafnsins og þar gátu krakkarnir keypt bækur fyrir bókapeninga sem...
24/06/2026

Á sumardaginn fyrsta héldum við uppskeruhátíð skólabókasafnsins og þar gátu krakkarnir keypt bækur fyrir bókapeninga sem þau höfðu unnið sér inn með bókalestri. Einn ungur lesandi, sem mætti á þennan viðburð, keypti sér fyrstu bókina um Bold-fjölskylduna fyrir bókadollarana sína en leist nú ekki nema í meðallagi á þessa bók, svona við fyrstu sýn. Bold-fjölskyldan er fyndin og fjörug og eftir lesturinn vildi hinn ungi lesandi fá fleiri ævintýri af þessu skrýtna „fólki" svo mamman óskaði eftir hinum fimm bókunum til kaups. Ég skellti í tölvupóst og Benni í Pennanum var ekki lengi að bregðast við, hér eru þær komnar og fara heim á tröppur þessa unga lesanda. Svona geta bókaviðburðir leitt af sér meiri og óvæntan bókalestur, svona fyrirspurnir gleðja mig óendanlega mikið

Á degi barnsins, 31.maí s.l., fékk leshópurinn Köttur úti í mýri veglegan styrk úr Barnamenningarsjóði eða heila miljón ...
08/06/2026

Á degi barnsins, 31.maí s.l., fékk leshópurinn Köttur úti í mýri veglegan styrk úr Barnamenningarsjóði eða heila miljón króna! Styrkurinn er ætlaður til að standa straum af Jólabókaflóði barnanna sem verður haldið í þriðja sinn þann 25. nóvember (já það er sko aldeilis komin dagsetning krakkar) í samkomuhúsinu okkar hér í Grundarfirði. Þær Elsa Björnsdóttir og Helga Hafsteinsdóttir fóru fyrir hönd leshópsins og veittu þessum styrk viðtöku og það var sérlega gaman að sjá Elsu í svona fallegum jólarauðum kjól við þetta tilefni.

Það er líka gaman að segja frá því að í lok janúar s.l. fékk leshópurinn einnig styrk frá Uppbyggingarsjóði Vesturlands , alls 200 þúsund, ætlað í sama verkefni.

Það verður því afskaplega skemmtilegt að hefjast handa eftir sumarfrí og teikna upp með börnunum þennan frábæra viðburð sem er vonandi kominn til að vera.

Við færum þessum sjóðum og stjórnarfólkinu sem stýrir þeim okkar hjartans þakkir.

https://www.stjornarradid.is/efst-a-baugi/frettir/stok-frett/2026/06/01/Barnamenningarsjodur-uthlutar-90-milljonum-til-43-verkefna/

Í tilefni dagsins ákvað ég að trufla unglingana í frímínútunum með þessari spurningu: Vitið þið hver David Attenborough ...
08/05/2026

Í tilefni dagsins ákvað ég að trufla unglingana í frímínútunum með þessari spurningu: Vitið þið hver David Attenborough er?

„Það er þarna náttúrufræðigaurinn"

"Gamli kallinn á BBC"

"Þessi er sem er alltaf í sjónvarpinu"

Besta svarið kom samt í morgun hjá fyrsta bekk:

"Það er kallinn í sjónvarpinu sem fann upp öll skordýrin!"

Og svo sannarlega er hann þetta allt.

Mikið hefði nú verið gaman ef við krakkarnir hefðum getað slegið á þráðinn til hans í morgun, óskað honum til hamingju og sagt honum allt sem við vitum um hann sem er greinilega hellingur.

En við látum þessa rafrænu kveðju duga :)

Til hamingju með 100 ára afmælið elsku David, megir þú passa jörðina og dýrin í mörg ár í viðbót 🥳🥳

Uppskeruhátíð skólabókasafnins var haldin í Sögumiðstöðinni á sumardaginn fyrsta og tókst svona líka afbragðsvel. Þessi...
27/04/2026

Uppskeruhátíð skólabókasafnins var haldin í Sögumiðstöðinni á sumardaginn fyrsta og tókst svona líka afbragðsvel. Þessi uppskeruhátíð var samstarf grunnskólans og leshópsins „Köttur úti í mýri" en leshópurinn sá um veitingar og bóksölu og skólabókasafnið seldi 3D prentaðar fígúrur.

Þema lestrarátaksins á skólabókasafninu var teiknimyndasögur og aðeins var hægt að versla bækurnar og 3D fígúrurnar á uppskeruhátíðinni með bandarískum dollurum sem krakkarnir höfðu unnið sér inn með lestri í teiknimyndasöguátakinu. Herdís bankastjóri skellti svo upp gjaldkeraborði í Sögumiðstöðinni og þar gátu krakkarnir leyst út innistæður til að versla fyrir.

Það var þrusugóð mæting í Sögumiðstöðina þennan dag en alls voru það 35 börn sem tóku þátt í átakinu og kepptust við að lesa sögur um Lukku-Láka, Tinna, Viggó Viðutan, Ástrík og fullt af öðrum allskyns persónum sem sumum voru löngu gleymdar.

Bókaútgefendur voru svo frábærir að styrkja okkur og fengum við bókagjafir frá þeim til að „selja“ í bókabúðinni í Sögumiðstöðinni. Við þökkum öllum sem mættu kærlega fyrir komuna og leshópurinn þakkar eftirfarandi bókaútgáfum sérstaklega fyrir veglegar bókagjafir:

Drápa
Rósakot
Bókabeitan
Ugla útgáfa
Bjartur&Veröld
Edda útgáfa

Á hverju ári gefur barnamenningarfélagið IBBY öllum grunnskólabörnum á Íslandi smásögu í tilefni af degi barnabókarinnar...
08/04/2026

Á hverju ári gefur barnamenningarfélagið IBBY öllum grunnskólabörnum á Íslandi smásögu í tilefni af degi barnabókarinnar sem er í dag, miðvikudaginn 8. apríl. Í ár var það Hjalti Halldórsson rithöfundur sem fékk þann heiður að semja sögu í tilefni dagins en krakkarnir í Grundarfirði þekkja Hjalta vel og hans frábæru sögur, enda var hann gestur á bókaviðburðinum þeirra árið 2024 og mætti þá með bækurnar „Hinn eini sanni jólasveinn" og „Bannað að vekja Grýlu".

Smásagan sem Hjalti samdi fyrir þennan dag barnabókarinnar heitir „Hetja dagsins" og hann flutti hana sjálfur á Rás 1 kl. 9.05 í þætti Sigurlaugar Jónasdóttur „Segðu mér". Söguna verður hægt að finna á vefsíðu IBBY og við hvetjum ykkur til að finna þáttinn í spilara Rúv og hlusta.

Takk fyrir okkur Hjalti, krakkarnir voru sammála um að sagan væri bæði spennandi og ferlega fyndin.

Á meðfylgjandi myndum má sjá nemendur 1. bekkjar og nemendur 7. bekkjar sem hlustuðu á upplestur Hjalta í línulegri dagskrá Rásar 1 í útvarpinu í morgun. Svo skellti ég með einni mynd í lokin sem tekin var á Jólabókaflóði barnanna árið 2024, þar sem Hjalti tók þátt í pallborðsumræðum með ánægðum lesendum bókarinnar „Hinn eini sanni jólasveinn".

Address

Grundarfjörþur
350

Telephone

4308550

Website

Alerts

Be the first to know and let us send you an email when Villingadalur - skólabókasafnið í Grundarfirði posts news and promotions. Your email address will not be used for any other purpose, and you can unsubscribe at any time.

Shortcuts

Share

Category