Vegagerðin

10/06/2026

Ferjan Baldur er rekin með þeim skilmála að geta gegnt hlutverki varaskips fyrir Herjólf þegar þörf krefur. Þegar Baldur fer tímabundið úr siglingum um Breiðafjörð er gert ráð fyrir að afleysingaskip sinni nauðsynlegri þjónustu við Flatey.

Særún annast siglingar til Flateyjar í júní á meðan Baldur siglir milli lands og Vestmannaeyja. Særún mun flytja farþega, vörur, neysluvatn og annan nauðsynlegan farm til eyjarinnar. Báturinn hefur leyfi til að flytja 115 farþega.

Sjá frétt:

Ríkið styrkir rekstur Breiðafjarðarferjunnar Baldurs yfir vetrartímann til að bæta samgöngur fyrir íbúa og atvinnulíf á Vestfjörðum þegar vetrarfærð er erfið. Yfir sumartímann er reksturinn hins vegar á ábyrgð rekstraraðila og fer fram á markaðslegum forsendum. Flutningsaði...

10/06/2026

🚧Framkvæmdir við Arnarnesveg ganga mjög vel.

🚦Unnið er að uppsetningu umferðarljósa við gatnamót Breiðholtsbrautar og Arnarnesvegar. Áætlað er að opna þennan veghluta fyrir umferð um næstu mánaðamót.

🚶‍♀️🚶🚲Við göngu- og hjólastíg, sem er í framkvæmd austan vegarins, er unnið að uppsetningu ljósastaura og frágang burðarlags undir malbik.

➡️Búið er að þökuleggja hluta svæðisins. Bygging nýrrar göngubrúar til móts við Turnahvarf er langt komin. Við ný undirgöng við Rjúpnaveg er unnið við stoðveggi.

🚗🚌 Á morgun, fimmtudaginn 11. júní, verður umferð á Breiðholtsbraut færð yfir á syðri akrein milli Jaðarsels og Vatnsendahvarfs vegna framkvæmda við ný vegamót Breiðholtsbrautar og Arnarnesvegar. Vinna við færslu umferðarinnar hefst klukkan 6 að morgni og henni lýkur um kl. 9 daginn eftir.

Sjá einnig frétt:
https://www.vegagerdin.is/vegagerdin/starfsemi/frettir/arnarnesvegur-tekur-a-sig-mynd-2

08/06/2026

Í 2. tbl. Framkvæmdafrétta 2026 er fjallað um helstu útboð Vegagerðarinnar á árinu.

Vefútgáfa af Framkvæmdafréttum: https://www.vegagerdin.is/vegagerdin/gagnasafn/framkvaemdafrettir/2026-2/framkvaemdafrettir-2-tbl-nr-739-arg-2026

Vegagerðin býður út fjölmörg verkefni á árinu. Verkin eru af ýmsum stærðargráðum, bæði viðhaldsverkefni og stærri nýframkvæmdaverkefni. Hér að neðan verða talin upp stærstu verkefnin sem boðin verða út á hverju svæði Vegagerðarinnar auk nokkurra verkefna í höfnum lan...

04/06/2026

UPPFÆRT: Í dag, mánudaginn 8. júní, viðrar fyrir málningarvinnu svo það verða umferðartakmarkanir á brúnni yfir Jökulsá á Fjöllum frá og með deginum í dag.

Opið verður fyrir umferð yfir brúna á eftirtöldum tímum: 09:45–10:15, 12:00–13:00, 14:45–15:15, 16:45–17:15 og einnig frá kl. 19:00 að kvöldi til kl. 08:00 að morgni næsta dags.

🚧🌧️Vegna veðurs verður ekki unnið við brúna yfir Jökulsá á Fjöllum í dag, fimmtudaginn 4. júní og fram yfir helgi, eða þangað til það viðrar fyrir málningarvinnu.

🚌🚗 Því verða engar umferðartakmarkanir á brúnni í dag og fram yfir helgi. Upplýsingar eru birtar á www.umferdin.is

04/06/2026

Yfir 300 manns mættu á íbúafund um stöðu Landeyjahafnar sem Vegagerðin hélt í Vestmannaeyjum á þriðjudag.

Á fundinum var farið yfir stöðu hafnarinnar og áskoranir síðasta vetrar og hvernig dýpkun hafnarinnar hefur gengið undanfarin ár í samanburði við nýliðinn vetur.

Þá voru kynntar frumniðurstöður rannsókna dönsku straumfræðistofunnar DHI A/S og rætt um mögulegar lausnir til að bæta nýtingu hafnarinnar til framtíðar.

Sjá meðfylgjandi frétt.

Húsfyllir var á íbúafundi um stöðu Landeyjahafnar sem Vegagerðin hélt í Vestmannaeyjum í gær. Á fundinum var farið yfir stöðu hafnarinnar og áskoranir síðasta vetrar, hvernig dýpkun hafnarinnar hefur gengið undanfarin ár í samanburði við nýliðinn vetur. Þá voru kynntar fr...

03/06/2026

Óvenjulegt er að umferð dragist saman þrjá mánuði í röð sem nú hefur gerst.

Umferðin á Hringveginum í maí dróst lítillega saman miðað við sama mánuð fyrir ári. Þótt samdrátturinn nú sé lítill er afar óvenjulegt að umferð minnki þrjá mánuði í röð eins reyndin er nú í ársbyrjun 2026. Hagi umferðin sér einsog í meðalári má búast við um þ...

03/06/2026

🔬Rannsóknarverkefni með þátttöku Vegagerðarinnar hafa á undanförnum mánuðum hlotið styrki úr þremur samkeppnissjóðum.

Verkefnin snúa annars vegar að þróun umhverfisvænni steypu fyrir íslenskar aðstæður og hins vegar að auknum viðbúnaði og áhættustjórnun vegna jarðskjálfta.🌋

Úthlutanirnar endurspegla öflugt rannsóknarstarf og vaxandi samstarf Vegagerðarinnar við háskóla🎓, rannsóknastofnanir og atvinnulíf.

Rannsóknarverkefni með þátttöku Vegagerðarinnar hafa á undanförnum mánuðum hlotið styrki úr þremur samkeppnissjóðum. Verkefnin snúa annars vegar að þróun umhverfisvænni steypu fyrir íslenskar aðstæður og hins vegar að auknum viðbúnaði og áhættustjórnun vegna jarðskjá...

03/06/2026

💚Á annað hundrað manns mætti á kynningarfund um Sæbrautarstokk sem haldinn var í Vogaskóla í gær. Reykjavíkurborg, Vegagerðin og Betri samgöngur stóðu fyrir fundinum.

➡Fundurinn byrjaði á því að Þorsteinn R. Hermannsson, framkvæmdastjóri Betri samgangna, fór yfir helstu atriði Samgöngusáttmálans en hann var jafnframt fundarstjóri.

🖋Að öðru leyti var dagskrá þannig að Kristján Árni Kristjánsson, verkefnisstjóri hjá Vegagerðinni, kynnti verkefnið, Þórhildur Guðmundsdóttir, verkfræðingur hjá Verkís, kynnti helstu niðurstöður umhverfismats og loks kynntu Björn Guðbrandsson, arkitekt hjá Arkís arkitektum og Sigríður Magnúsdóttir, arkitekt hjá Teiknistofunni Tröð, tillögu að nýju deiliskipulagi vegna Sæbrautarstokks, auk breytinga á deiliskipulagi Vogahverfis og Vogabyggðar 2.

🙋Góður tími gafst fyrir spurningar og svör að kynningum loknum auk þess sem fyrirlesarar og fleiri sérfræðingar í skipulagi og samgöngum stöldruðu við og spjölluðu við fundargesti að formlegri dagskrá lokinni. Upptaka af fundinum er aðgengileg á YouTube-rás Reykjavíkurborgar.

👉https://reykjavik.is/frettir/2026/vel-sottur-kynningarfundur-um-saebrautarstokk

02/06/2026

Ferjurnar Baldur og Herjólfur munu báðar sigla til og frá Vestmannaeyjum frá og með mánudeginum 8. júní.

Þetta fyrirkomulag verður við lýði meðan unnið er að viðgerð á einni vél Herjólfs sem bilaði í apríl. Gert er ráð fyrir að viðgerð á vélinni ljúki upp úr miðjum júní.

Ferjurnar Baldur og Herjólfur munu báðar sigla til og frá Vestmannaeyjum frá og með mánudeginum 8. júní. Þetta fyrirkomulag verður við lýði meðan unnið er að viðgerð á einni vél Herjólfs sem bilaði í apríl. Gert er ráð fyrir að viðgerð á vélinni ljúki upp úr miðjum...

31/05/2026

Minnum á kynningarfundinn um Sæbrautarstokk kl. 17 á mánudaginn.