Vegagerðin

08/09/2026

Breytingar verða gerðar á skipulagi Vegagerðarinnar með það að markmiði að einfalda skipulag stofnunarinnar og stuðla að auknu aðhaldi í rekstri.

Við breytingarnar fækkar um einn í framkvæmdastjórn Vegagerðarinnar og svæðum stofnunarinnar fækkar úr fimm í fjögur. Höfuðborgarsvæði verður ekki lengur sérstakt svæði og verkefni þess færast til annarra skipulagseininga. Nokkrir stjórnendur taka jafnframt við nýjum hlutverkum.

👉 Nánar um breytingarnar í fréttinni.

Framkvæmdastjórn Vegagerðarinnar verður fámennari í kjölfar breytinga á skipulagi stofnunarinnar. Svæðum Vegagerðarinnar fækkar jafnframt úr fimm í fjögur en breytingarnar eru liður í að einfalda skipulag og stuðla að auknu aðhaldi í rekstri.

07/09/2026

🚧 Þriðjudaginn 8. september, frá kl. 14:00-18:00, verður unnið við malbiksviðgerðir á Hellisheiði í austurátt, þ.e. frá Reykjavík til Hveragerðis.

➡️Hellisheiði verður lokuð á meðan framkvæmdum stendur og hjáleið um Þrengslin.

➡️Hringveginum verður lokað til austurs við Þrengslavegamót og einnig verða lokanir við Hveradali og slaufu af Þrengslavegi.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin.

04/09/2026

Vegagerðin vekur athygli á breytingum á vöruframboði áskriftarkorta og breytingum á fimm af 26 akstursleiðum landsbyggðarvagna sem starfræktar eru í leiðarkerfi landsbyggðarstrætó um land allt.

04/09/2026

🚧 Vinna í Hvalfjarðargöngum 7.–9. september

Unnið verður við þrif og viðhald í Hvalfjarðargöngum að næturlagi dagana 7., 8. og 9. september, frá kl. 23:00 til 06:30.

🚗 Fylgdarakstur verður um göngin á meðan vinnu stendur.

Vegfarendur eru hvattir til að aka varlega og fylgja leiðbeiningum starfsfólks. Við þrif getur myndast mikil hálka í göngunum og því er sérstaklega mikilvægt að aka með gát og taka alls ekki fram úr ökutækjum sem stýra fylgdarakstri.

Götusópar, vatnsbílar og körfubílar verða að störfum í göngunum og eru vegfarendur beðnir um að sýna þeim sérstaka aðgát.

03/09/2026

UPPFÆRT: Búið er að gera við ljósin og opna fyrir umferð.

‼️Lokanir vegna bilunar í umferðarljósum

🚦Umferðarljósin við gatnamót Breiðholtsbrautar og Reykjanesbrautar annars vegar og við gatnamót Nýbýlavegar og Dalvegar hins vegar eru óvirk vegna bilunar sem kom upp í morgun.

🚧 Lokað er fyrir umferð á Breiðholtsbrú til austurs og vesturs. Einnig er lokað frá Reykjanesbraut upp á Breiðholtsbrú í norðurátt að miðbæ og af Breiðholtsbraut í suðurátt til Hafnarfjarðar. Einnig er lokað frá Dalvegi inn á Nýbýlaveg.

➡️ Unnið er að viðgerð en ekki er ljóst hversu langan tíma hún mun taka.

🚗 Ökumenn eru beðnir um að sýna aðgát og tillitssemi við þessar aðstæður.

Reykjavíkurborg

02/09/2026

🚜 Unnið var við veginn í Fossárdal í Berufirði á um 250 m kafla við tjaldsvæðið í sannkölluðu sumarveðri. Vegurinn var fyrst heflaður, síðan var sett jöfnunarlag á hann og loks klæðing.

01/09/2026

🛣️ Klæðingu var skipt út fyrir malbik á tæplega tveggja kílómetra kafla á Öxnadalsheiði í lok ágúst. Framkvæmdin er liður í átaksverkefni Vegagerðarinnar þar sem malbik er lagt á vegkafla sem mikið mæðir á.

31/08/2026

Nýr Hringvegur (1) um Hornafjörð var opnaður fyrir umferð í júní. Gjaldtaka á nýja veginum hefst í september en veggjöld standa undir hluta kostnaðar við framkvæmdina, rekstur og viðhald vegarins.

28/08/2026

➡️ Stefnt er að því að viðhaldsvinna á brúnni yfir Jökulsá á Fjöllum við Grímsstaði á Hringvegi (1) haldi áfram í næstu viku, eða frá og með mánudeginum 31. ágúst. Vegna veðurs var ekki hægt að sinna viðhaldsvinnu í vikunni sem er að líða.

🚧 Meðan á framkvæmdum stendur þarf að takmarka umferð um brúna á virkum dögum frá kl. 8:00 á morgnana til kl. 19:00 á kvöldin.

⏰ Opnað verður fyrir umferð fjórum sinnum á dag, klukkan:

09:45 – 10:15 / 12:00 – 13:00 / 14:45 – 15:15 / 16:45 – 17:15

Opið verður frá því að vinnu lýkur um kvöldmatarleytið og þar til vinna hefst á ný að morgni. Opið verður fyrir umferð um helgar.

27/08/2026

🚌 Ný áskriftarkort fyrir landsbyggðarstrætó, Byggðakort, og nemakort með nýju og sveigjanlegra fyrirkomulagi eru komin í sölu.

Kortin fást á vef Strætó.

https://www.straeto.is/verslun/landsbyggdin

Ný áskriftarkort fyrir landsbyggðarstrætó, Byggðakort, og nemakort með nýju og sveigjanlegra fyrirkomulagi eru komin í sölu. Kortin fást á vef Strætó.