Eigna- og framkvæmdadeild Dalvíkurbyggðar

07/05/2026

Athygli göngugarpa og annarra vegfarenda er vakin á því að grafist hefur undan veginum mitt á milli suðurenda Böggvisbrautar og Böggvisstaða, á svokölluðum Böggvisstaðahring.
Ræsisrör undir veginum hefur líklega lagst saman og því safnast vatn ofan við veginn sem hefur svo grafið undan honum.
Í fyrramálið verður gamla ræsisrörið grafið upp og nýtt sett niður í staðinn. Göngu- og hjólaleiðin verður því lokuð frá 8:00 og þangað til verki er lokið. Fram að því eru allir hvattir til að fara varlega þarna um.

28/03/2026

❄️❄️ Snjómokstur ❄️❄️
Mikið hefur bætt í snjóinn síðasta sólarhring og víða þungfært. Von er á meiri úrkomu á morgun og aðfararnótt mánudags.
❄️ Á Dalvík er verið að moka fyrsta forgang og eftir það verður farið í að opna götur í öðrum forgangi. Þriðji forgangur bíður fram yfir næsta úrkomuskot. Verið er að blása helstu göngustíga og gönguleiðir.
❄️ Á Árskógssandi og Hauganesi verður stungið í gegn í dag en beðið með hreinmokstur fram á mánudagsmorgun.
❄️ Unnið er að því að opna vegina fram í Svarfaðar- og Skíðadal.

13/03/2026

Við erum stolt af þessum fallega bekk 💜

Dalvík hefur eignast fjólubláan bekk 💜

Fyrir nokkrum vikum kviknaði sú hugmynd á Dalvík að setja upp fjólubláan bekk. Kristín Heiða Halldórsdóttir, Alzheimertengill á staðnum, tók málið að sér og starfsmenn áhaldahússins brugðust fljótt við.

Bekkurinn er nú kominn upp við Kirkjuveg, skammt frá hjúkrunarheimilinu. Þar liggur einnig fjölfarinn göngustígur svo bekkurinn er vel sýnilegur. Frá honum blasir við fallegt útsýni, bæði niður að sjó og upp til fjalla, auk þess sem þaðan sést til leikskólans og hjúkrunarheimilisins.

Fjólubláum bekkjum er ætlað að vekja athygli á heilabilun og stuðla að aukinni fræðslu og opnari umræðu um málefnið í samfélaginu.

12/03/2026

Þessi kerruljósabúnaður fannst við gatnamótin fram í Svarfaðardal að vestan.
Það er hægt að vitja hans hjá okkur í Áhaldahúsinu.

09/03/2026

Hér hjá okkur í Áhaldahúsinu er þessi læða sem vill gjarnan komast heim til sín. Hún gerði sig heimakomna í húsi við Skíðabraut og var komið til okkar. Hún er hvorki með örmerkingu eða ól en er greinilega ljúfur heimilisköttur 🐈
Það má vitja hennar hjá okkur niður á Sandskeiði 🙂

18/02/2026

✨️ Öskudagur í Áhaldahúsinu ✨️