Sjúkrahúsið á Akureyri

04/09/2026

Vísindadagur Sjúkrahússins á Akureyri og Heilbrigðisvísindasofnunar HA & SAk verður haldin fimmtudagin 24. september. Guðjón Hauksson forstjóri SAk setur daginn og Hilda Jana Gísladóttir samskiptastjóri SAk sér um fundarstjórnun. Dagskráin er stútfull af áhugaverðum erindum og fer fram í Kjarna 3. hæð á SAk en einnig verður hægt að horfa á dagskránna á teams. Nánari upplýsingar birtast undir viðurðinum: Vísindadagur SAk og HHSA

04/09/2026

Á treyjudeginum erum við öll saman í liði. Fyrir börn með krabbamein 💙

03/09/2026

Fimm starfsmenn Akureyrarklíníkurinnar tóku nýverið þátt í alþjóðlegu ISLC-PAIS ráðstefnunni í Amsterdam, þar sem saman komu sérfræðingar, vísindafólk og heilbrigðisstarfsfólk víðs vegar að úr heiminum til að miðla nýjustu þekkingu á ME, Long COVID og öðrum langvinnum veikindum í kjölfar sýkinga.

Á ráðstefnuna fóru Friðbjörn Sigurðsson læknir, Unnsteinn Ingi Júlíusson læknir, Kristín Brynja Árnadóttir iðjuþjálfi, Ingibjörg Ingólfsdóttir hjúkrunarfræðingur og Þórdís Gísladóttir deildarstjóri.

Á ráðstefnunni var fjallað um nýjustu rannsóknir og þróun á sviði ME, Long COVID og skyldra veikinda, meðal annars hvað varðar greiningu, meðferð og þjónustu við einstaklinga sem glíma við langvinn einkenni. Þátttakan veitti starfsfólki Akureyrarklíníkurinnar dýrmætt tækifæri til að kynna sér nýjustu þekkingu og rannsóknir, miðla reynslu og efla tengsl við sérfræðinga og samstarfsaðila víðs vegar að úr heiminum.

Akureyrarklíníkin hefur á undanförnum árum byggt upp sérhæfða þekkingu og þjónustu fyrir einstaklinga með ME og langvarandi einkenni Covid. Þverfaglegt teymi starfar við klíníkina og er lögð áhersla á heildstæða þjónustu, ráðgjöf og eftirfylgd.

Þátttaka starfsfólks Akureyrarklíníkurinnar á alþjóðlegum vettvangi er mikilvægur liður í áframhaldandi þróun þjónustunnar. Með því að fylgjast með nýjustu rannsóknum, miðla reynslu og byggja upp tengsl við sérfræðinga erlendis er hægt að nýta nýja þekkingu í starfi klíníkurinnar og þróa þjónustuna áfram í takt við framfarir á þessu sviði.

Mynd: Kristín Brynja Árnadóttir, Friðbjörn Sigurðsson, Þórdís Gísladóttir, Ingibjörg Ingólfsdóttir, Unnsteinn Ingi Júlíusson, Anna Kristrún Sigmarsdóttir

31/08/2026

Ein nótt segir ekki alltaf alla söguna um kæfisvefn barna

Niðurstöður nýrrar rannsóknar, sem unnin var með þátttöku starfsfólks Sjúkrahússins á Akureyri (SAk), benda til þess að kæfisvefn hjá börnum geti mælst talsvert mismunandi frá einni nóttu til annarrar. Niðurstöðurnar vekja athygli á því að mæling yfir eina nótt gefur ekki alltaf nægilega góða mynd af alvarleika kæfisvefns hjá einstaka barni.

Rannsóknin, sem jafnframt var hluti af meistaraverkefni Ingibjargar Ingólfsdóttur, var birt 19. ágúst sl. í vísindatímaritinu Frontiers in Sleep. Höfundar greinarinnar eru Hannes Petersen, læknir á SAk, Sólveig Magnúsdóttir, læknir MyCardio Denver, Ingibjörg Ingólfsdóttir, hjúkrunarfræðingur á SAk, Laufey Hrólfsdóttir, deildarstjóri mennta- og vísindadeildar SAk, Gróa Björk Jóhannesdóttir, forstöðulæknir barnadeildar SAk, Hugi Hilmisson, tölfræðingur MyCardio Denver, Magnús Birkisson læknir og Erla Hallgrímsdóttir læknir.

Nánar má fræðast um rannsóknina hér:

Niðurstöður nýrrar rannsóknar, sem unnin var með þátttöku starfsfólks Sjúkrahússins á Akureyri (SAk), benda til þess að kæfisvefn hjá börnum geti mælst talsvert mismunandi frá einni nóttu til annarrar. Niðurstöðurnar vekja athygli á því að mæling yfir eina nótt gefur ek...

08/07/2026

Á lungnamóttöku Sjúkrahússins á Akureyri stendur nú yfir metnaðarfullt tilraunaverkefni um fjarvöktun einstaklinga með langvinna lungnasjúkdóma sem hjúkrunarfræðingar sinna. Verkefnið hófst í febrúar og stendur yfir í eitt ár. Markmið þess er að nýta stafrænar heilbrigðislausnir til að efla þjónustu, auka öryggi sjúklinga og styðja við sjálfstæði þeirra í daglegu lífi. 👇

Á lungnamóttöku Sjúkrahússins á Akureyri stendur nú yfir metnaðarfullt tilraunaverkefni um fjarvöktun einstaklinga með langvinna lungnasjúkdóma sem hjúkrunarfræðingar sinna.

08/07/2026

Ásgeir Örn Jónsson, sérfræðingur í bráðalækningum, hefur verið ráðinn forstöðulæknir bráðalækninga á Sjúkrahúsinu á Akureyri.

Ásgeir Örn Jónsson, sérfræðingur í bráðalækningum, hefur verið ráðinn forstöðulæknir bráðalækninga á Sjúkrahúsinu á Akureyri.

Ásgeir lauk læknanámi frá Háskólanum í Debrecen í Ungverjalandi. Hann hefur víðtæka starfsreynslu og hefur starfað á heilsugæslustöðvum á höfuðborgarsvæðinu, á Kirkjubæjarklaustri, Akranesi, Höfn og Akureyri. Auk þess hefur hann starfað á Landspítala og við Skånes universitetssjukhus í Lundi í Svíþjóð.

„Það er mikill heiður að fá tækifæri til að leiða starfsemi bráðalækninga á Sjúkrahúsinu á Akureyri. Ég hlakka til að takast á við þetta spennandi og krefjandi hlutverk og starfa með því öfluga teymi sem sinnir bráðaþjónustunni. Bráðalækningar byggja á góðri samvinnu, fagmennsku og stöðugri þróun, og markmið mitt er að leggja mitt af mörkum til að efla þjónustuna enn frekar, skapa gott starfsumhverfi og tryggja að sjúklingar fái örugga og góða umönnun,“ segir Ásgeir.

Við bjóðum Ásgeir hjartanlega velkominn til starfa á Sjúkrahúsinu á Akureyri og óskum honum velfarnaðar í nýju hlutverki.

03/07/2026

Akureyrarklíníkin í samvinnu við Landspítala er einn af þátttakendum í nýju alþjóðlegu rannsóknaverkefni um ME sjúkdóminn sem hlotið hefur styrk úr rannsóknaráætlun Evrópusambandsins, Horizon Europe. Verkefnið markar mikilvæg tímamót í evrópsku samstarfi um lífvísindarannsóknir á ME og sameinar vísindafólk, heilbrigðisstarfsfólk og fulltrúa sjúklinga frá meira en tuttugu rannsóknastofnunum í Evrópu og Kanada.

Sjá nánar í meðfylgjandi frétt 👇

Akureyrarklíníkin í samvinnu við Landspítala er einn af þátttakendum í nýju alþjóðlegu rannsóknaverkefni um ME sjúkdóminn sem hlotið hefur styrk úr rannsóknaráætlun Evrópusambandsins, Horizon Europe. Verkefnið markar mikilvæg tímamót í evrópsku samstarfi um lífvísindaran...

03/07/2026

Akureyrarklíníkin í samvinnu við Landspítala er einn af þátttakendum í nýju alþjóðlegu rannsóknaverkefni um ME sjúkdóminn sem hlotið hefur styrk úr rannsóknaráætlun Evrópusambandsins, Horizon Europe. Verkefnið markar mikilvæg tímamót í evrópsku samstarfi um lífvísindarannsóknir á ME og sameinar vísindafólk, heilbrigðisstarfsfólk og fulltrúa sjúklinga frá meira en tuttugu rannsóknastofnunum í Evrópu og Kanada.

Sjá nánar í meðfylgjandi frétt

Akureyrarklíníkin í samvinnu við Landspítala er einn af þátttakendum í nýju alþjóðlegu rannsóknaverkefni um ME sjúkdóminn sem hlotið hefur styrk úr rannsóknaráætlun Evrópusambandsins, Horizon Europe. Verkefnið markar mikilvæg tímamót í evrópsku samstarfi um lífvísindaran...

01/07/2026

Dr. Björn Gunnarsson, klínískur gæðastjóri á SAk og sérfræðingur í barnalækningum, barnagjörgæslulækningum og svæfinga- og gjörgæslulækningum er aðalhöfundur nýrrar yfirlitsgreinar sem birtist í júníhefti Læknablaðsins. Meðhöfundar greinarinnar eru Bergþór Steinn Jónsson, sérfræðingur í bráðalækningum og bráðalækningum barna á SAk og dr. Theódór Skúli Sigurðsson sérfræðingur sérfræðingur í barnasvæfinga- og gjörgæslulækningum á LSH.

Lesa nánar hér 👇

Dr. Björn Gunnarsson, klínískur gæðastjóri á SAk og sérfræðingur í barnalækningum, barnagjörgæslulækningum og svæfinga- og gjörgæslulækningum er aðalhöfundur nýrrar yfirlitsgreinar sem birtist í júníhefti Læknablaðsins. Meðhöfundar greinarinnar eru Bergþór Steinn Jóns...

22/06/2026

🧡 Sólveig Hulda, móðir, eiginkona, amma, vinkona og samstarfskona, lést skyndilega 22. febrúar 2026. Aðeins þremur mánuðum síðar fæddist barnabarn hennar og nafna, Sólveig Hulda Egilsdóttir, þann 15. maí 2026 en hún kvaddi eftir aðeins einn dag í þessum heimi 🧡

Til að heiðra minningu þeirra hafa aðstandendur stofnað hlaupahóp og söfnun styrkja til að safna fyrir Hollvinasamtök SAk í Reykjavíkurmaraþoninu. Sólveig Hulda eldri starfaði á Sjúkrahúsinu á Akureyri og bar hag spítalans og fólksins þar fyrir brjósti. Aðstandendur segja: „Hún studdi Hollvinasamtökin af heilum hug og því finnst okkur sérstaklega viðeigandi að láta söfnunina renna til þeirra. Með þessari söfnun viljum við láta eitthvað fallegt leiða af okkur í þessari ólýsanlegu sorg. Við viljum heiðra minningu tveggja dýrmætra Sólveigar sem skildu eftir sig meira ljós, meiri ást og meiri áhrif en orð fá lýst. Takk fyrir að hlaupa með okkur, styrkja málefnið eða minnast þeirra með okkur. Hver stuðningur skiptir máli og hjálpar okkur að halda minningu þeirra á lofti.“

Til þess að sameina hlaupara enn frekar á þessum stóra degi, hvort sem fólk ætlar að hlaupa, standa á hliðarlínunni og hvetja eða einfaldlega sýna stuðning, hafa aðstandendur Sólveigar látið útbúa bol sem hægt er að kaupa frá Craft. Ef þú hefur áhuga á að eignast bol þá getur þú pantað hann á hlekk sem fylgir hér með í ummælum.

Stjórn Hollvina SAk hvetja alla sem tök hafa á til þess að hlaupa í þeirra nafni og taka þátt í söfnuninni „Við í stjórn Hollvina SAk munum ekki láta okkar eftir liggja, við ætlum að vera með stuðningsstöð og hvetja hlaupara til dáða. Á sama tíma viljum við senda okkar kærleika til allra þeirra sem eiga um sárt að binda við þennan ólýsanlega og óskiljanlega missi.“ segir Jóhannes Gunnar Bjarnason, formaður stjórnar Hollvinasamtaka SAk.

Hlaupa fyrir Hollvinasamtök SAk