Embassy of the Republic of Tajikistan in Tehran

27/05/2026

‎ДАР ДУШАНБЕ ҶАЛАСАИ НАВБАТИИ КОМИССИЯИ БАЙНИҲУКУМАТИИ ТОҶИКИСТОНУ ЭРОН ДОИР ГАРДИД
‎
‎🇹🇯🇮🇷26-уми майи соли 2026 дар шаҳри Душанбе ҷаласаи 18-уми Комиссияи муштарак оид ба ҳамкориҳои тиҷоратӣ, иқтисодӣ, илмӣ, техникӣ ва фарҳангии Ҷумҳурии Тоҷикистон ва Ҷумҳурии Исломии Эрон таҳти раёсати ҳамраисони комиссия – вазири энергетика ва захираҳои оби Ҷумҳурии Тоҷикистон Далер Ҷумъа ва вазири неруи Ҷумҳурии Исломии Эрон Аббос Алиободӣ баргузор гардид.
‎
‎Дар кори ҷаласа масъалаҳои муҳими вобаста ба рушди ҳамкориҳои дуҷониба дар бахшҳои иқтисоду тиҷорат, энергетика, захираҳои об, саноат, нақлиёт, сармоягузорӣ, илм ва технология, инчунин дигар самтҳои мавриди таваҷҷуҳи тарафҳо мавриди баррасии ҳамаҷониба қарор гирифтанд.
‎
‎Вазири энергетика ва захираҳои оби Ҷумҳурии Тоҷикистон зимни суханронӣ ҳайати Ҷумҳурии Исломии Эронро ба Тоҷикистон хайрамақдам гуфта, таъкид намуд, ки бо шарофати сиёсати хирадмандона ва иродаи қавии роҳбарони олии ду давлат муносибатҳои дӯстона ва бародаронаи Тоҷикистону Эрон имрӯз ба сатҳи сифатан нави рушд расидаанд.
‎
‎Зикр гардид, ки Ҷумҳурии Исломии Эрон яке аз шарикони муҳими иқтисодию тиҷоратии Тоҷикистон ба шумор рафта, ҳамкориҳои мутақобилан судманд байни ду кишвар дар солҳои охир тамоюли рӯ ба рушд доранд. Аз ҷумла, дар се моҳи аввали соли 2026 гардиши савдои хориҷӣ байни ду кишвар 119,6 миллион доллари ИМА-ро ташкил намуда, нисбат ба ҳамин давраи соли гузашта 8,9 миллион доллар ё 8 фоиз афзоиш ёфтааст.
‎
‎Таъкид карда шуд, ки натиҷаҳои ҷаласаи навбатии комиссия барои боз ҳам таҳким бахшидани ҳамкориҳои судманд, фароҳам овардани заминаи мусоид ҷиҳати татбиқи тарҳҳои нави муштарак ва муайян намудани самтҳои нави ҳамкорӣ миёни ду кишвари дӯсту ҳамзабон мусоидат хоҳад кард.
‎
‎Дар фароварди ҷаласа ҳамраисони комиссия Протоколи ҷаласаи 18-уми Комиссияи муштарак оид ба ҳамкориҳои иқтисодӣ, тиҷоратӣ ва илмӣ-техникӣ байни Ҷумҳурии Тоҷикистон ва Ҷумҳурии Исломии Эронро ба имзо расониданд.
‎

26/05/2026

Суҳбати телефонӣ бо Раиси Ҷумҳурии Исломии Эрон Масъуди Пизишкиён
26.05.2026

Имрӯз суҳбати телефонии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон бо Раиси Ҷумҳурии Исломии Эрон муҳтарам Масъуди Пизишкиён доир гардид.

Дар оғози суҳбат Сарвари давлати мо ва муҳтарам Масъуди Пизишкиён ба муносибати Иди мубораки Қурбон мубодилаи табрикот анҷом доданд.

Пешвои миллат ба муҳтарам Раиси Ҷумҳурии Исломии Эрон таманниёти сиҳатмандӣ ва комёбиҳо хоста, ба тамоми мардуми дӯсту бародари Эрон сулҳу оромӣ ва пешрафту шукуфоии бардавом орзу намуданд.

Ҷонибҳо, ҳамчунин, ҳолати кунунӣ ва дурнамои муносибатҳои дӯстӣ ва ҳамкориҳои гуногунпаҳлӯи Тоҷикистону Эронро баррасӣ карданд. Президенти Тоҷикистон ҷараёни мусбати имрӯзаи густариши робитаҳои ду кишвар ва аҳаммияти муколамаи пайвастаи сатҳи олиро бахусус таъкид карданд.

Ҳамзамон, президентҳо оид ба масъалаҳои алоҳидаи рӯзномаи минтақавӣ ва ҷаҳонӣ, аз ҷумла вазъи ҷорӣ дар минтақаи Халиҷи Форс мубодилаи афкор анҷом доданд.

Дар ин замина Сарвари давлати мо бо ибрози қаноатмандӣ аз раванди музокироти сулҳомез дар ин ҷода ҷиҳати ҳаллу фасли мушкилоти мавҷудаи минтақа танҳо бо роҳҳои сиёсӣ, тавассути муколамаи созанда изҳори умед намуданд.

26/05/2026

26 май Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон вазири неруи Ҷумҳурии Исломии Эрон Аббос Алиободиро ба ҳузур пазируфтанд.Зимни мулоқот масъалаҳои рушди муносибатҳои ду кишвар баррасӣ шуд. Ҷонибҳо ба густариши робитаҳо дар бахшҳои иқтисод, саноат, энергетика, кишоварзӣ, роҳсозӣ ва ҳамлу нақл таваҷҷуҳи хос зоҳир намуданд.

20/05/2026

Мулоқот бо Ҳамоҳангсози миллии Эрон оид ба СҲШ

20 майи соли 2026 мулоқоти Сафири Тоҷикистон Низомиддин Зоҳидӣ бо Ҳамоҳангсози миллии Ҷумҳурии Исломии Эрон оид ба Созмони ҳамкории Шанхай Меҳрдод Киёӣ баргузор шуд.

Дар рафти мулоқот ҷонибҳо масъалаҳои ҷории рӯзномаи Созмони ҳамкории Шанхай ва дурнамои рушди ҳамкорӣ дар доираи Созмонро мавриди баррасӣ қарор дода, атрофи масоили мубрами рӯзномаи байналмилалӣ ва минтақавӣ табодули афкор намуданд.

*************
Meeting with National Coordinator of Iran for SCO Mehrdad Kiaeei

On May 20, 2026 the Ambassador of Tajikistan Nizomiddin Zohidi met with Mehrdad Kiaeei, National Coordinator of the Islamic Republic of Iran for the Shanghai Cooperation Organization. 

During the meeting, the parties discussed current issues on the agenda of the Shanghai Cooperation Organization and prospects for the development of cooperation within the Organization, exchanged views on topical issues on the international and regional agenda.

05/05/2026

Вохӯрии Сафир бо Муовини вазири умури хориҷаи Эрон

4 майи соли 2026 дар шаҳри Теҳрон вохӯрии Сафири Ҷумҳурии Тоҷикистон Низомиддин Зоҳидӣ бо Муовини вазири умури хориҷаи Ҷумҳурии Исломии Эрон Козими Ғарибободӣ баргузор гардид.

Зимни вохӯрӣ ҷонибҳо масъалаҳои муҳими рушди ҳамкориҳои дуҷонибаро мавриди баррасӣ қарор доданд. Ҳамчунин, табодули афкор доир ба густариши робитаҳо дар доираи созмонҳои байналмилалӣ сурат гирифт.

Ҷонибҳо омодагии худро ҷиҳати таҳкими минбаъдаи муносибатҳои дӯстона ва ҳамкории судманд миёни Тоҷикистон ва Эрон таъкид намуданд.

****************
On 4 May 2026, a meeting was held in Tehran between the Ambassador of the Republic of Tajikistan Nizomiddin Zohidi, and the Deputy Minister of Foreign Affairs of the Islamic Republic of Iran, Kazem Gharibabadi.

During the meeting, the parties discussed key issues related to the development of bilateral cooperation. They also exchanged views on expanding engagement within the framework of international organizations.

The parties reaffirmed their readiness to further strengthen friendly relations and mutually beneficial cooperation between Tajikistan and Iran.

08/04/2026

Изҳороти Вазорати корҳои хориҷии Ҷумҳурии Тоҷикистон бобати расидан ба оташбас дар Ховари Миёна

Ҷумҳурии Тоҷикистон созишҳоро вобаста ба оташбас, ки байни Ҷумҳурии Исломии Эрон ва Иёлоти Муттаҳидаи Амрико ба даст омадаанд, бо хушнудӣ истиқбол менамояд.

Умедворем, ки музокираҳои дар рӯзҳои наздик байни тарафҳои низоъ пешбинишуда ба сулҳи дарозмуддат ва ҳамаҷониба дар минтақа оварда мерасонанд.

Боварӣ дорем, ки ин низоъ роҳи ҳалли низомӣ надорад ва идомаи он танҳо вазъи мураккаби Ховари Миёнаро боз ҳам сангинтар мегардонад ва ба ҳамаи кишварҳои минтақа зарари ҷиддӣ хоҳад расонд.

Тоҷикистон бори дигар аз тарафҳои низоъ даъват ба амал меорад, ки аз истифодаи қувваи низомӣ даст кашида, роҳҳои сиёсӣ-дипломатиро дар асоси меъёрҳои бунёдии ҳуқуқи байналмилалӣ ва Низомномаи СММ ба кор гиранд.
*************************
Statement of the Ministry of Foreign Affairs of the Republic of Tajikistan on the Agreement to Cease Fire in the Middle East

The Republic of Tajikistan welcomes the ceasefire agreements reached between the Islamic Republic of Iran and the United States of America.

We do hope that the upcoming negotiations between the conflicting parties in the coming days will lead to a long-term and comprehensive peace in the region.

We do believe that there is no military solution to this conflict and that its continuation will only further aggravate the already complex situation in the Middle East and will cause enormous damage to all countries of the region.

Tajikistan once again calls on the conflicting parties to refrain from the use of military force and pursue political and diplomatic means  based on the fundamental norms of international law and the UN Charter.

31/03/2026

Изҳороти матбуотии Президенти Ҷумҳурии Тоҷикистон, Пешвои миллат Эмомалӣ Раҳмон аз рӯи натиҷаҳои музокироти сатҳи олии Тоҷикистон ва Узбекистон.

بیانیه مطبوعاتی رئیس‌جمهور امامعلی رحمان، پیشوای ملت، بر پایه نتایج مذاکرات سطح عالی میان تاجیکستان و ازبکستان

https://president.tj/event/news/54992

22/03/2026

28/02/2026

Ба таваҷҷӯҳи шаҳрвандони тоҷикистонӣ дар Эрон

Бо сабаби оғози амалиёти низомӣ алайҳи Ҷумҳурии Исломии Эрон ва ташаннуҷи вазъият дар минтақа, Сафорати Ҷумҳурии Тоҷикистон ба шаҳрвандони Ҷумҳурии Тоҷикистон, ки дар қаламрави Эрон қарор доранд, тавсия медиҳад, ки оромиро нигоҳ доранд, ҳушёр ва бодиққат бошанд, пайваста иттилоот ва тавсияҳои расмии Сафорат ва мақомоти Эронро пайгирӣ намоянд, аз будубош дар наздикии иншооти ҳарбӣ ва давлатӣ худдорӣ кунанд, инчунин аз аксбардорӣ ва наворбардорӣ дар тамоми ҳудуди кишвар парҳез намоянд.

Ба шаҳрвандони Ҷумҳурии Тоҷикистон, ки дар Эрон қарор доранд, тавсия дода мешавад, ки кишварро бо истифода аз имконоти дастрас тарк намоянд.

Сафорати Ҷумҳурии Тоҷикистон дар Теҳрон фаъолияти худро дар низоми муқаррарӣ идома дода, омода аст барои мусоидат дар ҳалли масъалаҳои вобаста ба хориҷшавии шаҳрвандон аз Эрон кумак расонад.

Телефонҳои тамос:

1. +98 (021) 22 29 95 84
2. +98 (021) 22 83 46 50
3. +98 936 325 31 47
4. +98 910 451 98 15
5. +98 937 974 35 08
6. +98 930 433 42 34

15/02/2026

Мулоқот бо Мудири кулли идораи амлок ва абнияи Вазорати умури хориҷаи ҶИЭ

14 феврали соли 2026 мулоқоти Сафири Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо Мудири кулли идораи амлок ва абнияи Вазорати умури хориҷаи Эрон Бобокозимӣ баргузор гарид.

Зимни мулоқот аз рушду тавсеаҳои ҳамкориҳои гуногунҷанба миёни Тоҷикистон ва Эрон ибрози қаноатмандӣ карда шуд.

Ҷонибҳо ҳамчунин масъалаи танзими молу мулки дипломатӣ миёни ду кишварро мавриди баррасӣ қарор доданд.

*****************
Meeting with Director General of the Department of Property and Assets of the MFA Iran

On 14 February 2026, Nizomiddin Zohidi, Ambassador of the Republic of Tajikistan to the Islamic Republic of Iran, met with Bobokozimi, Director General of the Department of Property and Assets of the Ministry of Foreign Affairs of Iran.

During the meeting, satisfaction was expressed with the development and expansion of multilateral cooperation between Tajikistan and Iran.

The parties also discussed the issue of regulating diplomatic property between the two countries.