Roger Q. Navarro

Roger Q. Navarro Contact information, map and directions, contact form, opening hours, services, ratings, photos, videos and announcements from Roger Q. Navarro, Public & Government Service, Santa Barbara, Pangasinan.

13/05/2025

Maraming salamat sa lahat ng sumuporta sa akin sa buong laban. Hindi man tayo pinalad na manalo, lubos pa rin ang aking pasasalamat sa inyong walang sawang suporta at tiwala. Sa bawat mensahe, dasal, at encouragement, ramdam ko kayong lahat.

Congratulations sa lahat ng nanalo! Sobrang saludo ako sa inyo, ipagpatuloy ninyo ang pagiging inspirasyon.

💚

Isang pinagpalang araw ang aming naranasan sa pagbisita sa Gospel of Christ Fellowship, Maticmatic, kasama ang aking mah...
10/05/2025

Isang pinagpalang araw ang aming naranasan sa pagbisita sa Gospel of Christ Fellowship, Maticmatic, kasama ang aking mahal na asawa. Ipinagpapasalamat namin ang pagkakataong maipahayag ang aming pagmamahal sa mga batang masigasig sa kanilang Summer Bible Study sa pamamagitan ng pamamahagi ng mga school supplies. Maraming salamat po sa inyong paanyaya at sa pagtanggap sa amin upang maging daluyan ng pagpapala. Salamat din po sa inyong mga panalangin. Sa Diyos ang lahat ng papuri at kaluwalhatian!

💚

08/05/2025

Bilang Bise Alkalde ng Sta. Barbara, lubos kong sinusuportahan si Mayor Carlito Zaplan sa bawat adhikain at direksyong kanyang tinatahak para sa ating bayan. Ang Seal of Good Local Governance ay hindi lamang tagumpay ng liderato, kundi tagumpay nating lahat na patuloy na pinaglilingkuran ng may puso, dangal, at malasakit.

Kaisa ako ni Mayor Zaplan sa panatang ito, ang panata ng tapat at makataong pamumuno. Buong puso kong isinusulong ang kanyang mga programa at layunin para sa isang mas maunlad, mas makatarungan, at mas makataong Sta. Barbara.

Patuloy kaming maglilingkod nang buong katapatan at dedikasyon, ngayon, bukas, at sa mga susunod na henerasyon.



Lubos po akong nagpapasalamat sa Iglesia Ni Cristo, sa ilalim ng banal na pamamahala ng ating minamahal na Tagapamahalan...
07/05/2025

Lubos po akong nagpapasalamat sa Iglesia Ni Cristo, sa ilalim ng banal na pamamahala ng ating minamahal na Tagapamahalang Pangkalahatan, Kapatid na Eduardo V. Manalo, sa tiwala at suporta na ipinagkakaloob sa akin sa aking pagharap sa isang mahalagang tungkulin muli bilang Pangalawang Alkalde. Isa po itong karangalang hindi ko kailanman malilimutan, at magsisilbing inspirasyon upang lalo pang magsumikap at maglingkod ng tapat at may takot sa Diyos.

Muli mula po sa aming pamilya at mula sa aking puso, maraming salamat po. Ang lahat ng ito ay iniaalay namin sa Diyos na makapangyarihan sa lahat. Nawa'y lalo pang pagpalain ang Pamamahala at ang buong Iglesia.

💚

07/05/2025

Isa sa mga proyektong ginagawa na natin noon pa man ay ang pamimigay ng school supplies para sa ating mga Daycare students at patuloy pa rin natin itong gagawin dahil naniniwala akong ang bawat simpleng tulong ay may kakayahang magbukas ng mas maliwanag na kinabukasan para sa kanila. Ang mga ngiti at kasiyahan ng mga bata ang nagsisilbing inspirasyon upang ipagpatuloy ang ganitong mga gawain. 💚

05/05/2025

Dahil naniniwala ako na charity begins at home, ang tunay na pagbabago ay nagsisimula sa ating komunidad, sa ating sariling tahanan. Kaya naman, ipinagmamalaki namin ang bagong-renovated na Legislative Building, isang patunay ng ating pagkakaisa at pagtutulungan. Hindi ito magiging posible o matagumpay kung wala kayo, mga Kabaleyan. Ang bawat hakbang na ating tinatahak ay dahil sa inyong patuloy na suporta at pagmamahal.

Sa mga taxpayers, ito ang isa sa mga proyekto kung saan ang inyong buwis ay nagiging konkretong tulong sa pagpapabuti ng mga serbisyo para sa lahat. Marami ang nagtataka kung saan napupunta ang kanilang kontribusyon, at ngayon, makikita ninyo na ang inyong pag-aambag ay nagsisilbing pundasyon ng mga proyektong magbibigay ng mas maginhawa at mas maayos na pamamahala.

Sa bawat proyekto, binibigyan natin ng halaga ang inyong mga sakripisyo at nagtutulungan tayo upang masiguro ang isang mas progresibo at mas matatag na kinabukasan. Ang pagbabago ay hindi nangyayari nang mag-isa, ito ay isang proseso ng pagkakaisa. Kaya’t maraming salamat sa inyong walang sawang suporta. Sama-sama natin itaguyod ang ating bayan!

05/05/2025

Throwback sa ating kauna-unahang Women’s Month celebration para sa ating mga mahal na Barangay Health Workers, tunay ngang ang bilis ng panahon! Limang taon na nating ipinagdiriwang ang buwan ng kababaihan, at mula noon hanggang ngayon, hindi kumukupas ang init ng ating pagtitipon at ang halaga ng inyong serbisyo. Kasama ang aking maybahay, patuloy naming ipinaparamdam ang aming taos-pusong pasasalamat sa inyong dedikasyon at malasakit sa komunidad. Sa bawat taon na lumilipas, lalo naming nakikita ang lakas, tapang, at puso ng bawat isa sa inyo. Mabuhay ang kababaihan ng ating barangay, kayo ang tunay na bayani ng kalusugan! 💚

03/05/2025

Throwback sa panahon ng pandemya, yung mga araw na kahit simple lang ang kaya naming ibigay, taos-puso naman ang pagtulong, lalo na sa mga higit na nangangailangan. Ang bilis talaga ng panahon… pero isa lang ang hindi nagbago, ang pasasalamat ko sa Diyos sa pagkakaroon ng asawa na noon pa man hanggang ngayon, ay walang sawang sumusuporta at sumasama sa lahat ng laban sa buhay. 💚

Address

Santa Barbara
Pangasinan
2419

Website

Alerts

Be the first to know and let us send you an email when Roger Q. Navarro posts news and promotions. Your email address will not be used for any other purpose, and you can unsubscribe at any time.

Shortcuts

Share

Category