https://www.facebook.com/111035318140163/

Lawan Shno, اشنویه, Oshnaviyeh (2026)

18/04/2022

هونەرمەندی دەنگخۆش، ژەنیار و ئاوازدانەری کورد مامۆستا قادر سیاحی خەڵکی شاری "مەهاباد" دڵە گەورەکەی لە لێدان کەوت.
شەوی ڕابردوو ڕێکەوتی ٢٨ی خاکەلێوە، مامۆستا قادر سیاحی، هونەرمەندی دەنگبێژ، ژەنیار و ئاوازدانەری کوردی خەڵکی مەهاباد دوای تەمەنێک خزمەت بە کلتوری کوردی، بە داخێکی گرانەوە لە تەمەنی ٧٩ساڵیدا بە هۆکاری جەڵتەی دڵ لە شاری "خۆی" سەر بە پارێزگای ورمێ، دڵە گەورەکەی لە لێدان کەوت و چووە ڕیزی نەمرانەوە.

ڕووحی بەرزە فڕی شاد و یادی هەرمان

06/04/2022

مامۆستای زانکۆ و دۆستی حیزبی دێموکرات "پ.ی.د هۆشمەند عەلی" لە هەژماری تایبەتی خۆی دا ڕایگەیاند کە چاپی یەکەمی کتێبی "دیداری قاسملوو لە گێڕانەوەی زارەکیدا" لە تیراژی 500 بەرگ دا ڕۆژی پێنجشەممە ڕێکەوتی ١٨ی خاکەلێوە، لە ئێوارە کۆڕێک لە "سەنتەری ڕێخراوی ڕۆشنبیری کۆیە" لە شاری کۆیە دەناسێنرێ و بڵاودەکرێتەوە.

ناوەڕۆکی ئەم کتێبە پێک دێت لە:
دەروازە: بیۆگرافیای كەسێتی لە مێژووی زارەكیدا
یەكەم: دیداری سەڵاحەددین موهتەدی
دووەم: دیداری عەبدوڵا حەسەنزادە
سێیەم: دیداری حوسێن مەدەنی
چوارەم: دیداری كاوە بەهرامی
پێنجەم: دیداری جەلیل گادانی
شەشەم: دیداری دكتۆر جەوهەر شاوەیس
حەوتەم: دیداری مستەفا هیجری
هەشتەم: دیداری دكتۆر عیزەدین مستەفا ڕەسوڵ
نۆیەم: دیداری حەسەن شەڕەفی
دەیەم: وەڵامی پرسیارەكانی هێلین قاسملوو لەڕێگەی فاكس
یانزەم: وەڵامی ئیمێڵی (كریس كۆچێرا)
ئیندێكس

هەر سەبارەت بەم کتێبە و بۆ ڕوونکردنەوەی زیاتر دکتۆر هۆشمەند عەلی لە وتووێژێک دا لەگەڵ پەیجی لاوان شنۆ وتی:
نوسینەوەی بایۆگرافیای سەركردەیەكی سیاسیی وەك عەبدولڕەحمان قاسملوو تەواونابێ، ئەگەر تەنیا پشت بە بەڵگەنامەو دەقە مێژووییە نوسراوەكانەوە ببەستین. بەڵكو لەپاڵ ئەوان، بۆبینینی ڕەهەندە جیاجیاكانی ئەم كەسێتیە، پێویست بەوەدەكات گوێ لەگێڕانەوەی زارەكی ئەوانەش بگرین، كە لەنزیكەوە ناسیویانە.
ئەم پەرتوكە (دیداری قاسملوو لەگێڕانەوەی زارەكی دا)، زادەی هەوڵ و كۆششی نزیك بە حەڤدە ساڵی ڕابردوومانە، لەمەڕ كۆكردنەوەی زانیاری بەشێوەی مەیدانی و ئەنجامدانی دیداری ڕوو بەڕوو، لەگەڵ بەشێك لەوانەی لە نزیكەوە ناسیویانە، یان كاری حیزبی و سیاسیان لەگەڵیدا كردووە.
دیدارەكان سەرجەمیان نۆ دیداری ڕوو بەڕووە، لەگەڵ دوو پەیوەندی ئەلیكتڕۆنی، ئەوانیش وەڵامی پرسیارەكانمان لەلایەن (هێلین قاسملوو) لەڕێگەی فاكس، هەروەها وەڵامی ئیمێڵی (كریس كۆچێرا)، كە سەرجەمیان لە نێوان مانگی ئابی 2005و شوباتی 2006دا تۆماركراون. كە بەداخەوە سیان لەوانەی دیدارمان لەگەڵیان هەبووە لەماوەی ڕابردوودا كۆچی دواییان كردوە، ئەوانیش: (كریس كۆچێرا)، (پ.د.عیزەدین مستەفا ڕەسوڵ)، (د.جەوهەر شاوێس) و (جەلیل گادانی)ن، گیانیان ئارام و ڕۆحیان شادبێت، بەڵام خۆش بەختانە ئەوانی دی لە ژیاندا ماون و هیوای تەمەن درێژی و تەندروست باشییان بۆ دەخوازم.
دەقەكانى ئەم كتێبە دەچنە چوارچێوەى مێژووى زارەكيیەوە، مێژووی زارەكیی گێڕدراوە، ئەو بەشەی مێژووە، كە لەناو كۆی نوسراودا جێگەی نەكراوەتەوە. لەنێو یادەوەریی كەسەكاندا ماوەتەوەو چاوەڕێ ی كەسانی پسپۆڕ دەكات بە پرسیارەكانیان و لەچوارچێوەی میتۆدی زانستییەوە، لەنێو ئەم ناوكۆیەدا دابڕێژرێتەوە. بەڵام، لەم كتێبەدا، لە دوو توێی كۆمەڵايەتيەكەى مەعريفەى مێژوويى نا، بەڵكو لەڕوانگە دەستەبژێريیەكەوە. دەستەبژێرێك سەربوردەى خوديیانەى خۆيان لەگەڵ كەسێكى سەنتەرگەرا دەگێڕنەوە، كە عەبدولڕەحمان قاسملووە.
بەمەش وەبير هاتنەوە، وەك چەمكێكى بنەڕەتیى نێو مێژووى زارەكیى، مانايەكى گرنگ وەردەگرێ، هەر تەنيا بريتى نابێ لە بيرلێكردنەوەى ئەم كارەكتەرانە لە ڕابردووى كەسێتيەك، بەڵكو بيركردنەوە دەبێ لەو ڕابردووەى پێيان وايە دەبێ وەبير بهێنرێتەوە. ڕەنگە ئەمە بۆ هێندێك لە پسپۆڕو لێكۆڵيارانى بوارى مێژوو، دووركەوتنەوە بێ لە مەبەستى نوسينەوەى مێژوو: گەڕان بەدواى حەقيقەتى ڕووداوەكان. بۆیە دەشێ وایدابنێت ئەو پرۆسێسى بيرهانينە خوديیانە بكەوێتەوە. بەڵام خۆ دواجار، لە نوسينەوەى ئێستاى مێژوودا، تەنيا حەقيقەت لە خۆيدا گرنگ نییە، بەڵكو ماقوڵيیەت و چۆنيیەتى گێڕانەوەو بەرجەستەبوونى زەين و هزرى گێڕەرەوەش، بەقەد حەقيقەتەكە گرنگى خۆى هەيە. گێڕانەوە زارەكییەكان بەوە لە دەقی نوسراو جودا دەكرێنەوە، كە قوڵاییە دەروونیی و پێكهاتەی ڕۆشنبیرییانەی گێڕەرەوە لە باسی كەسێتی قاسملوودا، ڕەنگی داوەتەوە.

04/04/2022

شەهیدان ئاکام دەریایی و عوسمان ڕەحمانی و چەند هاوڕێیەکی دیکە لە پێشمەرگەکانی حیزبی دێموکرات لە قوڵایی خاکی ڕۆژهەڵات "شاری شنۆ" کە بۆ بەڕێوەبردنی ئەرکی حیزبی هاتبوونەوە باوەشی گەرمی گەل.
ئەم ویدیۆیە لە پووشپەڕی ٩٧ تۆمار کراوە و ئێستا بۆ یەکەم جار لە پەیجی لاوان شنۆوە بڵاو کرانەوە.

ڕووحی شەهیدانمان شاد و ڕێگایان پڕ ڕێبوار بێت،
سەربەرزی و تەمەنێکی درێژ بۆ هاوڕێیانی تری شۆڕشگێر و ماندوونەناسمان کە بێ وچان و ماندووبوون لە سەنگەری شەرەف و کەرامەت ژیانیان بەسەر دەبەن لە پێناو خزمەت بە گەل و نیشتمانمان.

31/03/2022

هەڵکردنی ئاڵای پیرۆزی کوردستان لەسەر قەڵای ئاوایی سینگان ی سەر بە شنۆ

ئەمڕۆ پێنجشەممە، ڕێکەوتی ١١ی خاکەلێوە

23/03/2022

PDKI Peshmarga

21/03/2022

پەیامێک لە شارەوە بۆ شاخ:
ئێمە خەڵکی شنۆ لەسەر ڕاسپاردە و پێشنیاری لێپرسراوی گشتیی حیزبەکەمان، لە یەکەم ساتەکانی سەری ساڵی نوێی کوردی ٢٧٢٢ و سەری ساڵی نوێی هەتاوی ١٤٠١، بە پۆشین و لە مل کردنی جامانە و هەوری، بە یەکڕیزی و هاوپشتی "ئاگرمان لەسەر پشتی داگیرکەر داگیرساند".

خەڵکی حیزب دۆست و نیشتمانپەروەری شنۆ
١ی خاکەلێوەی ٢٧٢٢

20/03/2022

پرۆسەی وتووێژەکانی یەکگرتنەوەی دوو لایەنی دێموکرات، بە باشی قۆناغەکانی دەبڕێت و هیوادارین کە بگاتە کۆتا ئەنجام، کە ویستی زۆربەی کۆمەڵگای ڕۆژهەڵات و دۆستانی حیزبی دێموکراتە. پێویستە خەڵکی خۆڕاگری ڕۆژهەڵاتی کوردستان، بە یەكڕیزی و هاوپشتی، جارێکی دیکە نەورۆز بکەنە هەوێنی هاوخەباتی و پێکەوەبوون و ئاگری ئەمساڵ لەسەر پشتی داگیرکەر دابگیرسێنن.

#نەورۆز
#ڕاسان
#شنۆ
#اشنویه
#شنۆهەواڵ

20/03/2022

دەرگیری نێوان خەڵک و هێزەکانی گاردی ویژە لە شنۆ
لە چوار ڕای کارگەر دەرگیری لە نێوان خەڵکی شنۆ و هێزەکانی گاردی ویژە ڕووی داوە.
دوای جەژن و خۆشی دەربڕینی خەڵکی شنۆ هێزەکانی گاردی ویژە بە "گازی فرمێسک ڕێژ و گوللـەی مەشقی" هێرشی کردووتە سەر خەڵک و پەلاماری داون و خەڵکیش بە بەرد ڕووبەڕووی هێزە سەرکوتکەرەکان بۆتەوە.
لەو ڕووبەڕوو بوونەوەیە دا چەند کەسێک بریندار بوونە.

تەواو دەکرێ...

20/03/2022

بەڕێوەچوونی جەژنی پیرۆز و پڕشکۆی نەورۆز لە بنکەی حیزبی دێموکرات " جەژنیکان".
لێرەوە پڕ بە دڵ پیرۆزبایی جەژنی نەورۆز ئاراستەی هەموو کوردێکی نیشتمانپەروەری وڵاتم دەکەم و ئاواتەخوازم ساڵی نوێ ساڵی وەدیهاتنی ئامانجە بەرز و ڕەواکانی گەلەکەمان بێت.

#جەژنیکان
#نەورۆز

19/03/2022

جەژنتان پیرۆز بێت
لە شنۆی حەماسەخوڵقێنەوە

#نەورۆز
#نوروز

Lawan Shno

18/04/2022

06/04/2022

04/04/2022

31/03/2022

23/03/2022

21/03/2022

20/03/2022

20/03/2022

20/03/2022

19/03/2022

Address

Website

Alerts

Contact The Organization

Shortcuts

Share

Category