Serokatîya bajêrvanîya zaxo

14/05/2026

هەوا سەخبیریێ ژلاێ سەروکاتیا باژێرڤانیا زاخو ڤە.

14/05/2026

دەستپێکرنا #هەوا نووژەنکرنا جاددە و کۆلانان ل سنوورێ باژێرڤانیا زاخۆ...............
​
د چوارچۆڤێ خزمەتگوزارییێن باژێرڤانییێ دا و ب مەرەما ب ساناهیێخستنا هاتنوچۆنا وەلاتییان، ئەندازیار #احمدفاروق، بەرپرسێ هۆبا سەخبێریێ ل #سەرۆکاتیاباژێرڤانیازاخۆ، ڕاگەهاند کو تیمێن وان دەست ب هەوەکا بەرفرەهـ و گشتی یا سەخبێرکرنا جاددەیان ل سەرانسەری باژێری کرییە.
​ئەگەرێن دەستپێکرنا ڤێ هەوێ
​وەکی دهێتە زانین، ل وەرزێ زستانێ و ب ئەگەرێ بارانێن ب هێز، پشکەک ژ جاددە و کۆلانێن باژێری تووشی تێکچوون و چالا ببوون. ئەڤ هەوە بۆ مەرەما
#چارەسەرکرنا وێ تێکچوونا ب ئەگەرێ سەقایێ باراناوی دروست بووی و​کێمکرنا ئاریشەیێن هاتنوچۆنێ و پاراستنا سلامەتیا شۆفێران.

​لدویف گۆتنا ئەندازیار #احمدفاروق، کار ب شێوەیەکێ مەیدانی و ب ڤی ڕەنگی دهێتەکرن
#قیرکرن: نۆژەنکرن و قیرکرنا وان جاددەیێن کو پێتڤی ب چێکرنێ هەین
#ڤەکرناجاددەیان: کارکرن ل سەر ڤەکرنا وان ڕێکێن نوی یان یێن ب سەدەمێن جودا هاتینە گرتن.
​فەرشکرن ب بەرێ شکەستی: بۆ ئەو جاددەیێن کو هێشتا نەهاتینە قیرکرن، ب بەرێ شکەستی دهێنە ڕێکخستن دا کو بۆ هاتنوچۆنێ گونجای بن.
​
​ب ئەنجامدانا ڤێ هەوێ، باژێرڤانیا زاخۆ هەوڵ ددەت #سیمایێ باژێری جوانتر لێ بکەت و خزمەتەکا باشتر پێشکەشی ئاکنجیێن دەڤەرێ بکەت، ب تایبەت ل وان شوونێن کو زێدەترین #زیان ب جاددەیێن وان کەفتییە

11/05/2026

قوناغێت دووماهیکێ ژ پروژێ چێکرنا ئەندرپاس و ئوڤەرپاسا جادا گوندک-خەبات

10/05/2026

ل زاخۆ پروسا دابەشکرنا پارچە زەڤیا دەستپێکر.

10/05/2026

دەستپێکرنا پرۆسەیا دابەشکرنا پارچە زەڤیان ل ئیدارا سەربەخۆیا زاخۆ....

​ب مەرەما خزمەتکرنا چین و توێژێن جودا و ب تایبەت فەرمانبەرێن میری، ب سەرپەرشتیا ڕاستەوخۆ یا گوهدار شێخۆ، سەرپەرشتێ ئیدارا سەربەخۆیا زاخۆ، سەرۆکاتیا باژێرڤانیا زاخۆ دەست ب پێنگاڤێن کرداری یێن دابەشکرنا پارچە زەڤیان کر.

10/05/2026

10/05/2026

ئـــــــاگەهداری.

07/05/2026

هەوێن باژێرڤانیا زاخۆ بۆ پاقژکرنا #گۆرستانان ژ گژوگیایێ پاشماوا.

​د چارچۆڤێ کار و چالاکییێن بەردەوام یێن سەروکاتیا باژێرڤانیا زاخۆ بۆ خزمەتکرنا باژێری و پاراستنا ژینگەهێ، ڕێڤەبەریا باغچان هەڵمەتەکا بەرفرەهـ بۆ #پاقژکرنا گۆرستانان ل زاخۆ راگەهاند.

​ئەندازیار #ئوسامەحسێن، ژ ڕێڤەبەریا باغچان یا #سەروکاتیاباژێرڤانیازاخۆ، ڕاگەهاند کو ئەڤە بۆ ماوەیێ هەیڤەکێ یە هەڵمەتەکا چڕ و پڕ بۆ پاقژکرنا گۆرستانا زاخۆ ژ گل و گیا و پاشماوەیان دەستپێکریە.
​ئارمانجێن سەرەکی یێن ڤێ هەڵمەتێ #ڕێخۆشکرن بۆ وان کەسێن کو سەرەدانا گۆرێن مریێن خۆ دکەن دا ب بێ ئاریشە هاتن و چوونێ بکەن ونەهێلانا مەترسیا ئاگرکەفتنێ، ب تایبەت ل وەرزیێ #پیشبەینێ (گژوگیایێ هشک) کو دبیتە ئەگەرێ زیانێن مەزن.
​
​ئەندازیار ئوسامە ئاماژە ب وێ چەندێ ژی کر کو ئەڤ کارە دێ بەردەوام بیت نە تنێ بو گۆرستانا زاخۆ بەلێ پشتی ب دوماهیک هاتنا کارێن پاقژکرنێ ل گۆرستانا زاخۆ، دێ ب شێوەیەکێ دەستبەجێ دەست ب پاقژکرنا گۆرستانا #تلکەبەرێ ژی هێتە کرن."

05/05/2026

بەرهەڤیێن دابەشکرنا پارچە زەڤیان ل زاخۆ دۆماهی هاتن..

​د چوارچۆڤێ کار و بزاڤێن ئیدارا سەربەخۆیا زاخۆ دا بۆ خزمەتکرنا فەرمانبەرێن دەڤەرێ، ب سەرپەرشتیا بەرێز مشیر محەمەد بشیر، قایمقامێ قەزا زاخۆ، و ب ئامادەبوونا بەرێز یونس محەمەد، سەروکێ باژێرڤانیا زاخۆ، کۆمبوونەکا گرنگ دەربارەی کارێن لێژنا دابەشکرنا پارچە زەڤیان هاتە ئەنجامدان.
​د ڤێ کۆمبوونێ دا، ب هوویری باس ل دوماهیک بەرهەڤی و رێکارێن یاسایی و تەکنیکی هاتە کرن بۆ دابەشکرنا پارچە زەڤیان ل سەر فەرمانبەرێن شایستە ل سنوورێ ئیدارا سەربەخۆیا زاخۆ. ئارمانجا سەرەکی یا ڤێ پێنگاڤێ، دابینکرنا مافێن فەرمانبەران و باشترکرنا بارێ وان یێ ژیانێ یە..

​جەخت ل سەر وێ یەکێ هاتە کرن کو پرۆسە ب شەفافیەت و ل دویف رێنمایێن حکومەتا هەرێما کوردستانێ برێڤە بچیت.
​ هاتیە دیارکرن کو کارێن لێژنێ د قوناغێن دوماهیێ دانە دا کو د روژا ئێک شەمبێ دا ئەڤ پرۆسەیە بچیتە د قووناغا جێبەجێکرنێ دا.
​ل دوماهیێ جەخت ل سەر وێ یەکێ کر کو خزمەتکرنا فەرمانبەران ئەرکەکێ نیشتمانی یە و ئیدارا زاخۆ هەمی شیانێن خۆ بکار دئینیت دا کو ئەڤ پرۆسەیە ب سەرکەفتیانە ب دوماهی بهێت.

30/04/2026

پەیاما پیرۆزباهیێ ..

​ب هەلکەفتا ئێکی گۆلانێ، ڕۆژا جیهانیا کرێکاران، گەرمترین پیرۆزباهیێن خۆ ئاراستەی تەڤایا کرێکارێن جیهانێ ب گشتی و کرێکارێن هەرێما كوردستانێ و ئیدارا سەربەخۆیا زاخــۆ ب تایبەتی دکەین.
​کرێکار ئەو چینا ماندینە کو ب هێز و بازوویێن خۆ، سیمایێ ئاڤەدانیا باژێرێ مە جوانتر دکەن و بێی ماندیبوونا وان چ پرۆژە و ئاڤەدانیەک ب ئەنجام ناگەهن. ئەڤڕۆ ڕۆژا ڕێزگرتنێیە ل وێ ماندیبوون و دڵسۆزیا هین د پێخەمەت خزمەتکرنا ڤی وڵاتی دا نیشان ددەن.
​دووبارە ئەڤ ڕۆژە ل هەمی کرێکارێن خۆشتڤی پیرۆز بیت، هەر ساڵ ب خێر و خۆشی و سەرکەفتی بن.

​یونس محمد احمد
سەرۆکێ باژێڕڤانیا زاخۆ
١ێ گولانێ ٢٠٢٦