بەڕێوەبەرایەتی گشتى وەبەرهێنانی سۆران

04/05/2026

بەڕێوەبەری گشتیی وەبەرهێنانی سۆران ڕێزلێنانی پێبەخشرا

ئەمڕۆ دووشەممە، ٢٠٢٦/٥/٤، لە مەراسیمێکدا لە دیوانی دەستەی وەبەرهێنان لە هەولێر، لەلایەن بەڕێز دکتۆر محەمەد شوکری، سەرۆکی دەستەی وەبەرهێنانی هەرێمی کوردستان، خەڵاتی ڕێزلێنان بەخشرا بە بەڕێز دڵڤان عومەر بەڕێوەبەری گشتیی وەبەرهێنانی سۆران.

بەخشینی ئەم خەڵاتە لەپای هەوڵە بەردەوامەکان و کار و چالاکییە بەرچاوەکانی بەڕێزیان دێت لە پەرەپێدانی کەرتی وەبەرهێنان و ئەو خزمەتە ماندوونەناسانەی لە ماوەی ساڵی ڕابردوودا لە سنووری ئیدارەی سەربەخۆی سۆران پێشکەشی کردوون.

ئەم دەستکەوتە ڕەنگدانەوەی پراکتیزەکردنی کارنامەی ڕێزدار جەنابی سەرۆکی حکومەتی هەرێمی کوردستان کاک مەسڕور بارزانی یە و جەختکردنەوەیە لەسەر گرنگیی بەهێزکردنی ژێرخانی ئابووری و ڕەخساندنی دەرفەتی کار لە دەڤەرەکەدا، کە هەمیشە لە پێشینەی کارەکانی بەڕێوەبەرایەتی گشتیی وەبەرهێنانی سۆران بووە.

ڕاگەیاندنی بەڕێوەبەرایەتی گشتی وەبەرهێنانی سۆران

16/04/2026

ڕۆژی ژینگەی کوردستان لە ئیدارەی سەربەخۆی سۆران

ئەمڕۆ پێنج شەممە ١٦ی نیسانی٢٠٢٦

بۆ بەرز ڕاگرتنی ناوی پیرۆزی ئەو دە شەهیدە قارەمانەی کە لە هێرشێکی تیرۆریستیی بە درۆن شەهید کران و گەیشتنە کاروانی شەهیدان، وەک وەفایەک بۆ گیانی فیداکارانەیان، مەراسیمێکی شایستە لە ڕۆژی ژینگەی کوردستاندا بەڕێوەچوو.

مەراسیمەکە بە ئامادەبوونی کەسوکاری سەربەرزی شەهیدان و (دڵڤان عمر) بەڕێوەبەری گشتی وەبەرهێنان و ژمارەیەک لە بەرپرسانی حزبی و حکومی و ئەمنی وەک گوزارشتێک لە هاوخەمی و ئەمەکداری بۆ خوێنی شەهیدان .

لە بەشێکی واتاداری ئەم یادەدا، بۆ هەر شەهیدێک نەمامێک ڕوێنرا تا وەک هێمای ژیانەوە و نەمریی ناویان لە خاکی نیشتماندا ڕەگ داکوتێت، هەروەها وەک پەیامی ئاشتی و ئازادی، کۆتر ئازاد کرا.
ئەم هەنگاوە دوپاتکردنەوەی بەڵێنی وەفادارییە بۆ ڕێبازی پیرۆزی شەهیدان و ڕێزگرتنە لە خۆڕاگریی بنەماڵە و کەسوکاریان.
سەربەرزی بۆ کەسوکاری شەهیدان و نەمری بۆ گیانی پاکی قوربانیانی ڕێگای نیشتمان.

وە هەروەها قەڵغانی ڕێزلێنان بەخشرا بە بەشێک لە ژینگە دۆستانی ئیدارەی سەربەخۆی سۆران .

#ژینگە
#کوردستان

19/03/2026

پەیامی پیرۆزبایی بەڕێوەبەری گشتی وەبەرهێنانی سۆران بەبۆنەی جەژنی ڕەمەزانی پیرۆز ,

بەبۆنەی هاتنەوەی جەژنی ڕەمەزانی پیرۆز، گەرمترین و جوانترین پیرۆزبایی ئاراستەی سەرجەم موسڵمانانی جیهان و کوردستان بە گشتی، و هاونیشتمانیانی خۆشەویست لە سنووری ئیدارەی سەربەخۆی سۆران بەتایبەتی دەکەم ,

هیوادارم ئەم جەژنە ببێتە مایەی خێر، خۆشی و تەبایی بۆ گەلەکەمان، و خوای گەورە ڕۆژوو و عیبادەتی هەموو لایەک قبوڵ بکات. ئومێدەوارین ئەم بۆنە پیرۆزە ببێتە هاندەرێکی زیاتر بۆ ئاوەدانی و گەشەسەندنی دەڤەرەکەمان لە گشت بوارەکاندا، بەتایبەتی لە کەرتی وەبەرهێنان کە کۆڵەکەیەکی سەرەکیی بووژانەوەی ئابووری و دابینکردنی هەلی کارە.

دووبارە جەژنتان پیرۆز و هەمیشە لە شادی و ئارامیدابن.

دڵڤان عومەر
بەڕێوەبەری گشتی وەبەرهێنانی سۆران

21/02/2026

#کوردستان
٢١ی شوبات، ڕۆژی جیهانی زمانی دایک پیرۆز بێت

زمان، نیشتمانی یەکەمی هەموو مرۆڤێکە. پاراستنی زمانی کوردی پاراستنی بوون و شکۆی نەتەوەییی ئێمەیە.

لە ڕۆژی جیهانیی زمانی دایکدا، جەخت دەکەینەوە سەر گرنگی بەکارهێنانی زمانی کوردی لە هەموو کایەکانی ژیان و کارگێڕیدا. با هەموومان پێکەوە کار بکەین بۆ ئەوەی زمانەکەمان بکەینە زمانی زانست، ئابووری و وەبەرهێنان.

پیرۆز بێت ئەم ڕۆژە لە هەموو ئەوانەی بە کوردی دەنووسن، دەخوێنن و خزمەت بە ڕەسەنایەتی ئەم خاکە دەکەن.

ڕاگەیاندنی بەڕێوەبەرایەتی گشتی وەبەرهێنانی سۆران

17/02/2026

پەیامی پیرۆزبایی بەڕێوەبەری گشتی وەبەرهێنانی سۆران بەبۆنەی هاتنەوەی مانگی پیرۆزی ڕەمەزان،

بەبۆنەی هاتنەوەی مانگی پیرۆزی ڕەمەزان، گەرمترین پیرۆزبایی ئاراستەی سەرجەم موسڵمانانی جیهان و کوردستان بە گشتی، و خەڵکی خۆشەویستی سنووری ئیدارەی سەربەخۆی سۆران بەتایبەتی دەکەین.

هیوادارین ئەم مانگە ببێتە مایەی خێر و بەرەکەت بۆ گەلەکەمان و سەقامگیری زیاتر بۆ هەرێمی کوردستان. داواکارین لە خوای گەورە ڕۆژوو و عیبادەتی هەموو لایەک قبوڵ بکات و ئەم مانگە ببێتە هاندەرێکی زیاتر بۆ قووڵکردنەوەی گیانی تەبایی و پێکەوەژیان و ئاوەدانی
زیاتری دەڤەرەکەمان .

13/02/2026

یەکێک لە پرۆژەکانی وەبەرهێنان بەناوی شیرەمەنی زوم سێیەمین کاروانی هاوکارییەکانی گەیاندە ڕۆژئاوای کوردستان.

لەسەر ڕاسپاردەی جەنابی سەرۆک بارزانی و لە چوارچێوەی هەڵمەتە مرۆییە بەردەوامەکان بۆ پشتیوانیکردنی خوشک و برایانمان لە ڕۆژئاوای کوردستان، کۆمپانیای زۆم بە هەماهەنگی لەگەڵ دەزگای خێرخوازیی بارزانی، سێیەمین کاروانی کۆمەک و هاوکارییەکانی کە پێکهاتبوو لە ٢,٠٠٠ سەبەتەی بەرهەمی جۆراوجۆر، ڕەوانەی رۆژئاوای کوردستان کرد.

کۆمپانیای زۆم

23/01/2026

23/01/2026

21/01/2026

21/01/2026